堂記腸粉專門店 (已結業)

昨晚七時半和女友一同到這裡吃粥和腸粉，發覺已經座滿了人，我們只好等一會兒，不到分鐘就有座位了，才剛坐下侍應就說腸粉要等20分鐘，我們心想；我們特意前來吃，20分鐘沒所謂吧，何況可能不用等那麼久呢！我們叫了兩個鴨腎菜干豬骨粥(2 X HK$15)，一個豬潤燒鴨腸(HK$19)和一個牛肉鮮蝦腸(HK$15)等了約十分鐘，先來兩個鴨腎菜干豬骨粥，講真這個粥真是沒什麼特別，好普通，大家不試也罷。再等約十五分鐘才來豬潤燒鴨腸和牛肉鮮蝦腸，先講個豬潤燒鴨腸，一看就覺得好正，個皮好滑又薄，再吃一口，豬潤火喉剛剛好，熟得黎唔會韌，燒鴨亦都很香，配合得很好。而個牛肉鮮蝦腸的牛肉也很嫩滑，鮮蝦又爽，亦都很好吃。我個人比較喜歡豬潤燒鴨腸，喜歡吃香口食物的人可以試試

10月31日, 今個halloween嘅節目相當豐富! 晏晝去完harbour grand食buffet, 之後就去咗elements睇戲, 睇完戲差唔多9點幾10點, 行過黎堂記食個宵夜腸粉就啱啱好~ 真係好好好多人等位~! 先同呀姐拎飛, 之後等叫名… 行行企企等咗成9個字終於可以入坐!::: 鴨腎菜乾豬骨粥 ::: $14因為預咗腸粉即拉需時, 所以先點一個同樣係名物但應該快d有得食嘅菜乾豬骨粥試下! 如圖所見, 所有材料都切得細碎, 粥都被菜乾染得黃黃綠綠~ 味道當然入味~! 粥底唔算太綿滑, 間中會食到豬骨碎, 不過料足味濃, 亦算不俗! 當係等食正餐前嘅開胃小食~::: 豬潤腸 ::: $13起碼要等4個字! 但真係好正! d腸粉真係勁滑~ d 豬潤真係勁嫩~ d豉油鹹中帶甜真係好好味~ 推介推介!!!::: 燒鴨叉燒腸 ::: $18同樣d腸粉都係滑嘟嘟~ 燒鴨做餡真係夠晒特別! 燒鴨加叉燒唔配飯配腸粉原來都好好味~! 不過呢個腸再加埋豉油就略嫌鹹咗少少…好味~! 睇呢間野環境簡陋但仲咁多人排晒隊咁等食就知! 真係名不虛傳! 係全香港暫時食過最好味嘅腸粉!!

久閒上址腸粉出名但一直沒有機會拜會,終於昨晚試了果然不錯!!!昨晚两口子行經佐孰心想不如去試一試這間鋪,7時半左右到了門口己經十多二十人在等侯,鋪頭不是很大十張枱左右,但每個人都耐心等待,大約半個小時有枱了,點一碗#菜干豬骨粥,皮旦瘦肉粥,一碟燒鴨鱼片腸&叉燒豬潤腸#當阿姐複單話腸粉要等二十至三十分鐘吓心想唔係啩要不要咁耐!但係見到廚房老版默默的不停手全做部單,都有點代他幸苦!!!!粥是最先來因為知道腸粉很久才到所以慢慢品嘗,菜干粥很甜足料入面還有一大塊豬骨!正!皮旦瘦也不錯慢慢吃完後主角終於上塲,首先是燒鴨腸十分野味腸粉十分滑鱼片很甜是一個十分不錯的配搭再來叉燒腸豬潤很新鮮果然不錯雖然由等枱到吃完足足用了個多小時,但都是值得的,所以要有耐性等了!!!!!!!!!

十一月上旬‧晴約了食友們去吃越南菜，時候未到，就在這邊吃碟腸粉先。七時多，已坐滿客人，等了一會兒才有位。要了碟燒鴨臘腸腸粉，又等了近十五分鐘才有得吃，真的是旺場店子。腸粉是即叩即拉的，熱度足夠。腸粉皮薄，吃起來爽滑，燒鴨及臘腸的味道配合得好，好吃。埋單17蚊，仍然是很有水準的腸粉，多人是有理由的。

即拉腸粉 正粥 正蒸肉餅飯..勁正味道同屋企煮既味道一樣..d 湯都係...仲要係無味精...

之前跟友人們去tst影相..........我就得啖笑啫,因我都喺用部dc仔嚟玩,唔同友人們嘅level..........nov 21, 09,4人嚟宵夜,叫咗 : 1) 鴨腎菜乾豬骨粥 (hk$14)-味道同上次差唔多,即喺味唔會好濃,比較住家 2) 柴魚花生粥 (hk$14) -友人話味道正常 3) 炸兩 (hk$10)-油炸鬼鬆脆-腸粉皮滑,但明顯較以前厚 4) 燒鴨腸粉 (hk$17)-汲取上次經驗,燒鴨只喺單拖,沒有拼其他材料-今次就真喺食到鴨肉嘅味道,沒有被其他材料搶過了 5) 叉燒臘腸腸粉 (hk$14)-呢度嘅臘腸味很甜蜜,所以好易奪咗叉燒嘅味道,況且2者嘅味道亦相近 6) 叉燒蝦米腸粉 (hk$14)-呢個配搭也不錯,又有各精彩 * 大約1年前嚟過........因為時段唔同,真喺越夜越多人.........腸粉真喺要等>30分鐘..........而且腸粉皮較上次為厚.........上次喺薄到可以透到個餡出嚟~~~

星期六，寒冬前的周末。太座有幾間心水食店，可惜經公仔箱介紹過之後，生意大增，等候時間極長，渡船街嘅「堂記」便是一例。是晚興之所致，就算等一吓都冇傷肝。差不多十一點嚟到，人客依然眾多。找了路邊兩個位子，隨即落了單。等了又等，見師傅於廚房中不斷拉粉皮，不斷切腸粉，有限嘅煮食具，有限嘅人手，算來大概每五分鐘才能造起兩碟腸粉，幸好有鴨腎菜干豬骨粥($14)裹腹。菜干豬骨煲到糜爛，入口鹹中有豬骨嘅鮮甜味。當中有幾粒鴨腎，既經濟又醫肚，好吃！等到十一時四十五分，所點選嘅叉燒腸($13)及豬膶腸($13)終於有得食了。叉燒是帶一點煙燻味，肥瘦適中；豬膶鮮甜，咬落爽脆。即拉腸粉依然是功架十足，皮薄且軟滑，咬落還有嚼勁。其實以此腸粉，配什麼餡料甚至乎齋腸也十分好吃。落嘅單多，造腸粉嘅師傅只得一個，漏單情況偶爾發生。要等四十五分鐘先有得食，值唔值得便見仁見智。不過食貴乎隨心，有閒情。好東西，有些時候是要付上時間的。

事前友人話此店員工態度劣評如嘲。乍聽已非常抗拒，但對此店的白滑腸粉又好奇非常。大約只等了20分鐘便獲安排入座，迅速點了數款腸粉，當中以燒鴨腸及鮮蝦腸評分最高。整個過程中都有特別留意員工的態度，取籌號時負責的亞姐態度的確冷淡(其實派籌又可以有多親切呢?)，傳菜落單的亞姐招呼亦普通，但在我們吃完打算結帳離開時，落單亞姐竟然"溫馨提示"我們可以再點一輪，只需再等十多分鐘，見亞姐如此推介，我們便再下一城多點兩盤(先前已幹掉三盤)，再細聲請亞姐快手一點。亞姐又好像很樂意似的。到真正結帳離開時，負責結帳的亞姐更眼明手快，只看我們一眼便能說出應付金額。忍不住讚亞姐一句"咁勁嘅你?!冇單都知幾錢??"...佢仲笑笑口話唔知就抵打喇。本篇只想為該店亞姐小小平反一下。沒有想像中的差。

其實幫襯咗呢間粥品舖已一段時間, 近日睇蘇good, 發現亞so 推介的係佢的魚片腸粉. 有冇搞錯呀?! 佢至正的燒鴨腸粉, 竟然提都冇提??? 是日又特意到呢頭食腸粉. 人多過平時好多, 又係亞so 害的啦!!! 咁好奇之下, 我都要咗個燒鴨腸粉, 咁燒鴨腸當然也少不得啦! 魚片腸粉先到, 腸粉對辦, 跟之前食的也同樣剔透, 冇因為人多而馬虎了. 一吃之下, 完全明白亞so 做咪推介呢個, 冇諗過魚片腸粉係咁好食架... 平日食魚片粥之類, 通常較厚身, 草泥味也重. 但呢度的, 片得好薄, 加入了酒和其他醃料, 冇草腥味. 仲好香, 好滑,... 完全係冇諗過的味道, 真係值得推介!另一愛將, 燒鴨腸粉, 仍味係用上等的燒鴨切絲, 鴨香肉嫩, 正正正! 繼續推介

呢一間，係我o係香港食惠顧咁多間大中小食店，態度最惡劣o既一間，所以我都忍唔住要打篇食評話俾大 家知。無可否認，腸粉係幾好食，皮薄，餡料都好吸引，燒鴨腸粉好味。但服務、環境都九流，大家有心理準備先好去。我地兩個人約12:15am去食腸粉。好多人排隊，但照排啦，我地應該排第3張檯。1) 排到第二時，有人見檯就坐打尖，但職員係冇理會。2) 等左20分鐘先有位，坐低無人理，叫左個阿姐職員一共5次，佢都係回應「等等啦」。3) 叫極都冇人應，隔離檯睇唔過眼，同我地講話「佢唔會理你架，你去檯面拎牌仔自己填啦」。4) 我地填左個菜乾豬骨粥，一個豬潤腸粉、一個燒鴨腸粉以及一個填完後俾返個阿姐職員，等左10分鐘。阿姐職員行過o黎態度勁惡劣話：「無豬潤。」咁我地話改豬潤腸粉，佢答都唔答就行開，我地又等左5分鐘，阿姐職員又行過o黎，用好似我地填錯左既態度同我地講：「無蝦！」，我地已經有少少嬲，但都禮貌回答：「咁唔緊要，我地淨係要燒鴨腸粉同菜乾豬骨粥。」，阿姐好惡咁行開左。5) 等左30分鐘，我地d野都未到，我地催阿姐，阿姐都係頭都不回咁答我地：「等等啦！」我明白腸粉得一個爐我可以體諒，但碗粥，係「畢」出

今晚同女友特登係佐敦道行過去諗住試佢個腸粉。六點幾起行都預左去到要等...OK! 去到搵左一輪先搵到，見到門口有人等...Ok，有人叫佢開枱佢話十點後先開得，咁我地就索性叫外賣上女友屋企食啦。同亞姐講我叫外賣，佢十問九唔應，塊面黑過鑊撈咁，唔知以為佢係睇場。亞姐好似好忙咁行黎行去，同佢講多次我叫外賣，佢一句話等下啦。等...等條毛呀，你都未幫我落柯打我等咩呀，等你得閒先落柯打定係等第日無咁多人先再叫過呀！真係火都黎埋，擰轉面同女友講我地去食第二間，佢都傻傻地！其他網友話到佢咁出名，又話要預左要等.....咁我只係想落柯打叫外賣姐，得到既只係一肚氣，你就算有幾好食都係假，我明白去得大排檔唔好預期有咩服務，但我只係想叫野都無人理，咁算點。你咁唔至在不如唔好做啦！接左佢早d返去退休吧啦！做乜要咁樣苦待客人呢，大佬我都要俾錢買你d野架！我話過我以後都唔會再去果間野，無論有幾好食都係咁話！永不錄用呀！

曾幾何時﹐老細仲係推梗車仔賣腸粉既時候﹐真係好好食﹐同都覺得幾抵食﹐每日都好勤力咁開檔﹐我就每晚等佢開檔食佢既豬潤腸﹐味道真係一絕﹐宜家都仲好難忘﹐不過宜家已經風景不再﹐面目更全非﹐由推車仔到上鋪﹐應該係一件為老細開心既一件事﹐但係點解又係犯左一D因為好生意就變得水準下跌﹐服務態度變差既錯呢。第一﹐ 我睇諒你因為一個人煮腸粉﹐同得一個爐﹐需要時間去整﹐人多可能應接不暇﹐但係我地坐左係到﹐點解要等咁耐先有人同我地落單﹐仲要叫左好多次﹐都要我地等下﹐不過你地落單既阿姐又唔係少喎﹐不過大部份既淨係企係你前面等你整完D腸粉羅比人。 揮極手都唔應人﹐點解呢? 好多人客食完又唔見佢地執檯﹐又係點解呢﹖第二﹐點解落單既阿姐要同我地講﹐食腸粉要等45分鐘﹐要快就要叫麻粥﹐好啦﹐我地叫麻粥﹐但係又唔見得會快左。其實食物無以前咁好﹐都可以接受﹐但係態度差左就真係接受唔到﹐都係果句啦﹐D野食唔係真係好食到可以去容忍呢D咁既態度。

早前因為不知道堂記只做晚市，所以昨天才特意晚上才去，怎知道被誤導還是她們改變了營業時間，本來以為是7：30PM才開門，原來現在時7：00PM便做生意，而且最厲害是星期三和星期日休息，現在經濟環境下還可以那樣有性格很少吧。 一早就有心理預備要等，只不過沒有預備要等那樣久。當您到達時找那老闆拿號碼紙仔等位，但是要留意經常搞錯，所以爲了自己能夠早些可以有位的話，要留心聽她叫號碼，而且您不要期望她們會很有禮貌地對待您，名人一樣要等，一排的膠凳預備您坐半小時甚至以上。 即使到您填好下單也好，也是要等，因為主角是腸粉，聽說她們堅持要即叫即蒸拉腸粉，所以起碼要等15分鐘才可以。在您吃腸粉之同時，其實是十對八對眼睛正在觀察您進食，一來他們是想您快些結帳等他們有位。 說回那碟遠近馳名之腸粉，我們要了雙拼腸粉，分別是燒鴨拼叉燒和魚片拼牛肉（燒鴨和魚片是膽，其他牛肉，臘腸，叉燒是腳---套用賭馬的術語）。其實等了那樣久，又肚餓的環境下什麽東西也會好味道。老實說，的確剛拉出來的新鮮腸粉很好味，而燒鴨也不是很多地方用來做“涵”。魚片也很新鮮，所以不消三分鐘就吃清光了。 聽到老闆說她們根本沒時間做凈拉腸粉，所以其

黎堂記一向係食燒鴨腸因為佢燒鴨係皮比肉多而且佢既皮係有d厚同有油香又唔燶念念不忘既食物之中佢係其中一份子今次食既鴨又乾又燶仲有雪味....希望佢地會改返以前咁, 否則唔會返黎幫襯

查實呢間舖, 三刀係最近至知叫『堂記』！點解，因為次次邀約朋友家訪，問及食什麼時，必備答案一定有人提及： 哎，想試吓妳屋企樓下間腸粉檔，好出名果間呢！所以，寫食評，是逃不掉的。亦是因為這家，改變了三刀食腸粉之要求。除了齊腸外，已經沒有其它可以引起我趣的腸粉舖矣。雖然已發展完善可以打電話落Booking，始終喜歡半夜睡至醒鬆時，撻著拖鞋等它半個鐘 ，熱騰騰的一條接一條滑入肚內。感覺完美，無懈可擊！