堂記腸粉專門店 (已結業)

去開佐敦食飯, 見天氣凍凍地, 一於去試下出名的堂記腸粉; 對這區唔熟, 所以專誠坐的士去。到達後剛好有位, 粥品先來, 但粥底一般, 唔夠火喉, 料少又唔夠味, 只加了好多麻油掩飾! 等了差不多30分鐘腸粉才到; 燒鴨腸粉同蝦腸均好好味, 燒鴨有油香, 蝦仁又大又爽, 粉皮夠滑又夠薄, 雖然吃不出米香, 但不似坊間的只懂加澄麪來提高賣相, 令粉皮看似皮薄透明, 其實口感只得煙韌如嚼膠。不過說實在, 這裡服務欠奉, 環境地踎, 最大問題是等得太久, 所以未必會再去!

是日同友人親臨渡船角哩個從未接觸過既國度. (唔係特登黎真係無可能會黎哩度.黎都當然係試下堂記腸粉. 夜媽媽食腸粉哩d 早餐野真係特別開心.7時多去到, 等左5-10分鐘, 3張台左右. 都唔算耐. 但等碟腸粉就真係要半粒鐘啦叫左燒鴨魚片腸同豬膶蝦腸燒鴨魚片腸, 第一次食燒鴨腸, 冇人地所講既燒鴨片好脆咁勁…同埋燒鴨切得好碎. 反而魚片好滑! 腸粉皮都好滑!豬膶蝦腸, 豬膶好爽口呀, 蝦就少d, 但都夠爽口! 但都係鍾意渣華道o個間入面有d 薑味, 好味d. 但腸粉都係哩度拉得好d.服務方面我覺得比想像中好. 我估唔到係兩個妹妹仔黎serve. 而時下年青人有佢地咁既態度都算唔錯.炸兩都好似唔錯, 下次可以一試! 睇下有冇中環忠記咁正!

fish congeefish is very thin and very fresh and no bones...have some seasame oil taste too~congee is hot and 綿, they added lots of 芫茜 and 荵 in the congee as well~~, if can add some ginger will be better!炸兩the outer layer of cheung fun is very smooth! however the 油炸鬼 inside is not very cripsy but abit soft......, they add too much soya sause as well, too salty....i needa wait for 20 mins coz only one ppl pull cheung fun......

duck cheung funthe cheung fun layer is very smooth, it's 手拉cheung fun!!! the duck meat is very tasty but not too fatty...portion of duck meat is large...soya sause is sweet enough, it's perfect!pig's liver and prawn son cheung funpig's liver is just 熟and very fun, very smooth!! prawn son is not small and soft enough~dried vegetable pork congeejust like home made congee, not much MSG, but too much bone, not much pork.....the congee is 綿and rice is all broken

上星期有晚同FD食飯~去左佐敦附近, 咁個FD就提議去食腸粉, 夜麻麻食腸粉???佢話我試左就會中意, 好啦, 就聽佢講~個FD 話依到D腸粉係即叫即拉架.坐底左就叫野食啦~首先叫個粥先啦~就叫左個鴨腎菜干豬骨粥, 個粥好夠火喉. 因為我食佢既時侯佢既菜干都煲到LUM晒~又落足料, 有舊豬骨添~~正~都係14$ 唔錯~之後就叫佢既招牌菜腸粉啦~首先就叫左個燒鴨腸粉, 好好食, 因為我中意食燒鴨~味道比X燒腸更加好~腸粉皮好滑嘟嘟~鴨肉都幾多架~都係20$...都唔晒~抵食~

當日落緊毛毛雨，去到唔駛等位。菜乾豬骨粥3分鐘就到，豬膶燒鴨腸粉等咗10分鐘左右。菜乾豬骨粥 ($15)其實個粥底就麻麻，但係有好多菜乾，菜乾味好夠，好似飲緊菜乾豬骨湯，好味。D豬骨真係好骨，唔帶肉。豬膶燒鴨腸粉 ($19)腸粉都好軟滑，最驚喜係豬膶同燒鴨好夾味，豬膶好滑，燒鴨好香，好好味呀。

上星期四, 師傅好記得呢一日, 皆因呢日絕對係大日子, 何解? 原因係師傅約左好友食家"乜都放入窿"宵夜, 但師傅點都冇諗到好友食家"乜都放入窿"竟然會揀呢間食店, 皆因呢位地獄黑仔王前後黎左三次, 三次師傅都與"窿"同行, 但三次都敗興而回; 第一次例假, 第二次賣晒, 第三次就無啦啦休息, 好友食家"乜都放入窿"已經話到明唔會再黎, 但最後還是和師傅一樣四顧堂記, 其實黎呢度最主要原因係就師傅, 既然咁有恆心, 當然有得食啦!去到食店剛好凌晨十二時正, 店內人生人海, 兩大食家黎到都仲要等位, 真係令師傅同好友食家"乜都放入窿"有少少不耐煩, 不過食好野等一陣亦不為過! 等嘅過程, 好友食家"乜都放入窿"就問下個姐姐可唔可以落定單先, 結果當然係唔得啦, 唯有等到有枱先算啦; 好唔容易先有張枱, 一坐底就聽到個姐姐話 “粥賣晒”, 聽到咁個心都灰左唔少, 於是商量一陣就決定柯打豬潤腸, 燒鴨腸同埋魚片蝦米腸; 轉個頭個姐姐又話魚片賣晒, 於是就決定要個叉燒腊腸腸!落完單後, 師傅繼續同好友食家"乜都放入窿"吹下水, 玩下ipod咁, 點解? 由落單到有得食至少要等半粒鐘, 如果唔

等位時間：0分鐘, 因為丈夫自己開枱搬凳, 而阿姐都無話唔ok(但我就好驚俾人鬧), 一坐下阿姐就話只叫腸粉要等30分鐘(半個鐘) 那麽早d入單早d排, 我地拿拿林叫了豬潤腸及牛肉腸 飲品要自己過對面士多買,$5罐裝$6樽裝。 等待其間不斷有很多人等位, 後來叫腸粉要等40分鐘。......等‧待‧中......終於先嚟豬潤腸丈夫話豬潤腸好講功力, 因為要粉漿適中不厚不薄而能承托豬潤重量, 拉出來要沒有爛粉皮, 再講兩者同樣剛剛好蒸熟, 沒有過火。豬潤相當大粒。因為有牛脂粒, 所以就算薄薄一層都食到濃濃牛肉味, 但真係太薄呢是次消費：$28

已幫襯幾年了。先講食物，粥就一般，但腸粉真係好好好食。皮薄料靚，入口滑到會sir入喉嚨 (我誇張左)，我一個胃口不大的平常小女子都可以食碟半至兩碟。雖然食左幾年，但坦白講，真係隔好耐先去一次，仲要鼓起勇氣先得。首先，果度位置本來就唔算就腳，每次要揸車或打的去。仲要睇下好唔好彩佢有冇開，我就有兩次遇上東主放大假。三、要等等等等等；我上次去，等左35分鐘位，坐低再等腸粉等左40分鐘。雖然阿姐已經事先講明，而我又係心甘情願坐低等ge，但大熱天時都真係幾辛苦！題外話: 上回等緊位之際，有一男一女揸住架車來，為左舒服於是開住冷氣坐在車上等位，衰在佢架東停正一衆坐路邊摺櫈等緊位D人旁邊，佢地兩個就舒服，其他人就未食腸粉先食佢架車D廢氣，正一自私精！

8點到，等咗十分鐘左右，不算耐。第一次來，個妹妹仔向老媽子講咩最快25分鐘，估計腸粉要25分鐘OK，有食評話叫埋粥會快D，妹妹仔無講，亦都無見人只要腸粉。菜干豬骨粥其實不錯。魚片與豬潤味道都好好。慢就真係慢D。因爲大部分客人，粥食完D腸粉都未到。其實主要外買搞到時間慢。服務當然木口木面（上得開飯喇的好食名店一般無咩服務），可能小妹妹不喜歡這樣類型的工作。男士最好一次叫定兩碟腸粉。

呢親呢度都要等半粒鐘以上，其實唔知係咪羊群心理？所以勁多人揸車都來買？我記得細細個睇住個老細由木頭車做起，做到有鋪位仔，繼而開到幾個鋪位但唔明點解個老細唔教人做，自己做係好，水準都叫ｋｅｅｐ到，但真係好好好慢囉如果想快ｄｄ，記得ｏｒｄｅｒ埋其他野食，比如粥個ｄ，你幫襯多ｄ，自然快手ｄｄ，ｈａ食左個牛肉腸腸粉同以往一樣　皮薄皮滑真係又平又抵又好食如果佢唔係咁入又要等鬼成咁耐，我都會成日來食既

等位0分鐘... 等三碟腸粉30分鐘!!!阿姐話如果淨叫腸粉(唔叫粥)要等多五分鐘, 我地初初聽唔明所以無理, 卒之等左好多個五分鐘.燒鴨腸都幾新鮮, 我指個idea, 唔多地方有.但 o的粉一o的都唔滑. 大家如果食過大埔陳漢記,都唔洗食第二間.

每次去都唔會失望, 只不過夏天去食就相當相當熱, 環境係街邊位, 都有幾把風扇既, 但係宜家咁熱, 都冇乜幫助，食到大汗叠細汗 叫左鴨腎菜干豬骨粥、豬潤燒鴨腸、叉燒魚片腸、鮮蝦臘腸腸。 腸粉皮永遠都係又薄又滑, 豬潤燒鴨亦係最佳配搭, 燒鴨香, 豬潤厚又新鮮。除左 ’平、靚、正’ 都諗唔到其他字黎形容

一直有聽聞渡船街這邊有檔腸粉好好味，不過由於唔就腳，未有試過。今日機緣巧合來這邊，佢地又有開喎，梗係要試吓喇！堂記個街邊檔冇分別，坐係路邊等位，大概等咗20分鐘，坐低店員遞上點心紙，聲明腸粉要等20至30分鐘。好肚餓，所以先叫碗菜乾豬骨粥，另外兩碟腸粉。菜乾陳腎豬骨粥呢啲舊式粥0徙時間，已經唔係度度有得食，陳腎切得薄薄，易咬，菜乾粥夠味連胡椒粉都唔使落，每碗有兩舊豬骨，多肉!食完碗粥止一止肚餓，慢慢在炎夏嘅晚上等待傳奇腸粉出現... 等到頸長出汗，果咗半個鐘到終於有喇！燒鴨腸腸粉皮超薄，超滑，食落絕對唔會一pat pat，燒鴨腸係碎上的，不過好夠味，唔鞋，有啲連皮所以好香口！豬潤拼蝦腸豬潤厚身，份量多，甘香！蝦仁大隻，同埋出奇地爽口！真係好好味，真係值得等的，不過腸粉份量好細，一、兩碟跟本唔夠飽！唔怪得其他客一人一碗粥再加四碟腸粉喇！由於等好耐，所以今次冇encore，下次會一次過叫多啲！

10點幾左右去到，lucky有個位，遲下都見到有人等緊。鴨腎菜幹粥味道唔錯，不過如果熱氣既朋友去食可能會覺得味道有D偏重了。腸粉比想像中size細碟（因為廣州既大份好多）但系味道卻一食難忘，入口易化，90分以上，醬油味道帶點甜，唔錯。服務OK，俾張單自己填，咁就唔會落錯order喇。