塚田農場

营业中

休息中

唔理天氣凍凍定係夏日炎炎，打邊爐就係聚餐好去處～更何況呢間餐廳仲可以睇到維多利亞港嘅美景，一邊打邊爐一邊望住美景，簡直係人生一大享受😌✨美人滋鍋御膳湯底鮮香濃郁，奶白色嘅顏色飲起嚟就知已經經過好耐嘅熬煮先得到嘅精華，涮住和牛同豚肉片，更加鮮味！和牛有住靚嘅大理石紋理，切得厚薄適中，放入滾湯嘅雞湯鍋底幾秒就夠，食落去鮮嫩多汁，肉味十足！豚肉都要重點講下，我最驚就係有豬騷味嘅肉片，但係呢個一點腥味都冇，反而仲帶住甜味，肉香醇厚！滿口嘅肉香味根本就唔難咀嚼，可以話係入口即化！打邊爐點少得配菜：✨美人鍋蔬菜盛盒食膩咗肉片，我哋就開始擺落蔬菜，蔬菜拼盤嘅花樣豐富，各種時蔬睇落就好新鮮😍✨美人卷盛盒三種唔同種類嘅刺身包裹喺米紙，蘸上醬汁入口非常清爽！吞拿魚、海老同三文魚都非常新鮮，再加上牛油菜同青瓜，食起嚟爽脆可口，一點都唔油膩😋✨油漬生蠔生蠔賣相就已經好誘人，超肥美嘅蠔肉，肉質飽滿而且奶油味濃郁，好juicy！✨明太子年糕薄餅好特別嘅披薩，年糕餅皮食起嚟軟軟糯糯嘅，上面仲鋪滿咗芝士沙律仲有明太子，有少少辣但係唔影響我哋對呢個特色料理嘅鍾意🥰🥰

我哋行吓行吓發現咗一間好高級嘅日式fusion餐廳。老師都覺得環境優美，就帶我哋入去試吓好唔好味。我哋睇咗餐牌，發現呢間餐廳啲野食好多樣化，仲有埋火鍋。每一樣菜品都好吸引我。梳乎厘玉子燒：玉子燒帶有濕潤嘅口感，咬落嗰一刻有濃郁嘅蛋香味，好好食！美人卷盛盒：有3種食材嘅壽司🍣仲畀咗三款味道嘅豉油嚟搭配。每一種壽司嘅味道都好特別，非常爽口！和風雞白湯：我哋揀咗和牛同埋鹿兒島天然豚肉嘅組合。和牛油脂分布均勻，而豚肉就特別滑嫩，非常入味！蔬菜盛盒：老師最鍾意食蔬菜。蔬菜嘅種類好多，每一樣都好新鮮，放進湯底煮熟之後，味道更佳。腐皮蔥卷＆豆腐：腐皮入面嘅蔥香味喺口中散開，真係好香！仲有滑滑嘅豆腐，入口即化！我真係非常感謝老師帶我嚟食咁高級，味道又好嘅日式料理！仲同老師傾咗偈，非常開心！

嗰晚同朋友喺尖沙咀行街，之後喺社交媒體搵到呢間日式餐廳。諗都唔諗就決定喺度食晚餐，因為喺度可以一邊食好味嘅日本菜，仲可以一邊欣賞維港嘅夜景，真係好靚。.👁‍🗨 維他命tower沙律.➰ 服務員會幫我哋打開，中間有溫泉蛋，之後服務員會撈勻，每一啖都係新鮮嘅蔬菜，好開胃。 .👁‍🗨 美人涮鍋.👁‍🗨 之後就食和風雞白湯配和牛&鹿兒島天然豚肉。湯底係由日本自家農場直送宮崎走地雞骨熬製而成，經過幾粒鐘嘅熬製，雞骨完全溶化成湯，充滿骨膠原，有美顏作用，味道濃郁鮮甜，好好飲。配埋和牛&鹿兒島天然豚肉，口感好鮮嫩，肉吸收咗湯汁嘅精華變得非常多汁，好食到吮手指。.👁️‍🗨️ 炭燒黑薩摩走地雞.➰ 雞肉分佈平均嘅脂肪，肉汁同鮮味喺咀嚼嗰陣會散佈喺成個口腔入面。.👁️‍🗨️ 田農場 梳乎厘玉子燒.➰ 口感好綿軟，有好多好濃嘅蛋香味，好食。.👁️‍🗨️ 塚田農場 玉子布甸.➰ 食落口感似布甸，好有彈性，入面好滑，好好味。.🔛 整體評分（7.5/10）

周年紀念日我揀去呢度食lunch～因為另一半平時最中意食火鍋 ，呢間日式嘅【塚田農場】有火鍋食，又有維港靚景，岩晒～維多利亞港真係好靚～我哋坐喺balcony打邊爐好chill，仲可以吹海風，氛圍實在係太好啦～我哋點咗份美人滋鍋御膳，搭配雞白湯湯底，可以兩個人食，仲可以揀要配飯定係麵。湯底都有兩種選擇：原味或者壽喜燒。我哋今次揀咗$528嘅和牛同豚肉。店員送上食物時，我地好驚訝，因為食物分量好足，我哋兩個人都食到好飽！雞湯特別濃郁，可以感受到廚師煮咗好耐，每一口都係精華，配飯特別香～嗰兩款肉都好新鮮，涮進湯底之後，味道更加甜，真係加分啦～

男朋友見到一間成日想試, 但次次都試唔成既店做緊openrice優惠, 立心決定要試一次～到店當日好好彩咁俾左個window seat我地睇住靚景食野真係無敵呀首先黎左2杯餐飲, 竟然有ginger ale, 正！叫左2個lunch set, 一個係舖頭既signature炭燒黑薩摩走地雞, 開頭仲諗緊會有幾特別, 食落去真係認同左😂好香炭燒味同真係熱辣辣上, 平時我唔食雞皮今次破例食晒！因為真係唔肥😂d雞點埋佢個sauce多少少咸仲好食天婦羅個炸漿都好薄，唔錯另一個set 就係美人框飯set, 好豐富！睇個樣以為樣樣都細份但原來食完都好飽個飯以為係白飯但原來係有味既飯, 日本米真係加分加埋個餐飲真係剛剛好

夜晚來塚田農場享受咗一頓高級嘅日式fusion料理，美食加美景，體驗相當唔錯😙美人涮鍋+和風雞白湯拼和牛係呢頓飯嘅亮點之一。個鍋上枱之後真係令我哋忍唔住嘩嘩聲😍靚到吖～湯底清淡但唔失味道，雞肉嘅鮮味融入湯中。和牛片入鍋之後迅速變色，肉質柔軟多汁。鹿兒島天然豚肉就帶有淡淡嘅甜味，口感比較結實， 需要多嚼幾下先可以品出其中嘅滋味。 炭燒黑薩摩走地雞外皮微微焦脆，但肉質保持鮮嫩。雞肉本身已經好有味道，炭燒仲增添咗一絲煙燻香氣，咬落去嘅時候可以感受到肉汁喺口中噴湧。叫咗個小食明太子年糕薄餅，外脆內軟，年糕嘅煙韌口感同脆卜卜嘅餅皮真係好夾，薄餅仲有住滿滿嘅明太子鹹香味。呢個係開胃菜 — 日本酒Lover呢款調酒是用清酒，口感順滑，酒精度適中，唔會過於嗆辣，酒本身嘅平衡度做得好好，既保 留咗日本酒嘅特色，又融入了創新元素。佢唔似傳統日本酒咁單一，但又唔會因為太多配料而喧 賓奪主。無論係單獨飲用定係搭配餐點，都相當合適。美人鍋蔬菜盛盒為成頓飯帶嚟咗清爽感，各種新鮮蔬菜擺盤精美，顏色豐富。蔬菜保持咗原有嘅 脆嫩口感，涮過之後依然爽口，同肉類形成咗好好嘅平衡。

之前喺好多地方都有見到呢間叫「塚田農場」嘅日本餐廳，佢哋係走居酒屋風格嘅，而且貌似嚟自日本宮崎，睇佢哋提供嘅菜色，相片睇落都已經好惹味。一個得閒嘅下午，睇冇嘢做，就拉咗老公去尖沙咀分店試下！今日我想坐喺靠窗，一邊睇海景，一邊食日本菜，諗下都好激動。雖然老公冇開口，但係我都感覺到佢好期待，平時佢最鍾意日本嘢。 我哋要求要坐靠窗口嘅位，真係非常享受，因為海景真係好靚。 老公話我係個美人，所以叫咗呢個美人框飯畀我。入面有5種框飯，可以揀2種，我同老公各揀一種。然後主食係揀咗天婦羅。 分量好大，配料好多，牛肉時雨煮框飯嘅牛肉鮮香無比，非常下飯，蟹肉三文魚籽框飯就好鮮，鮮味十足，天婦羅就好脆口。老公嘅五色刺身御膳，顏色好誘人，可以話係色香味俱全，各種刺身都好新鮮，肉質都好滑嫩。 睇住海景，傾住偈，我哋慢慢咁食完，呢一餐我哋都食得好滿足！！

女朋友話好耐冇食日本菜，今日就帶女朋友嚟食朋友介紹呢間日本餐廳。一到嗰邊服務員就好親切招呼我哋，仲安排我哋坐窗位，可以欣賞到維港海景，遠遠望向大海，無邊無際，真係風光旖旎。 我哋食咗兩個Lunch Set，五色刺身御膳同美人壽司御膳，都好有日本道地美食嘅感覺，採用新鮮嘅食材烹調而成，令人食得回味無窮。 五色刺身御膳係由五種唔同嘅新鮮刺身組成嘅刺身盛合，配有漬物小食、味噌湯同米飯嘅套餐。刺身擺盤都好精緻，每種刺身鮮味十足，尤其赤蝦更加美味，肥美嘅肉身，爽脆嘅口感，鮮甜嘅味道恍如喺口中融化，食得津津有味。而美人壽司御膳則係多款唔同嘅壽司盛合，配有小食同蝦天婦羅。特別鍾意鰻魚壽司，鰻魚肉質嫩滑，味道稍微帶一啲甜，而且營養豐富，鍾意食壽司嘅朋友，千祈唔好錯過呢個套餐。 整體嚟講，呢間餐廳食物精緻又好睇，味道好食又食得好飽，風景優美環境舒服，真係好Enjoy。

美食與景致於一體的餐廳不過就有d貴，淨係個鍋已經600幾蚊雞湯鍋底,底料係幾濃郁,係幾好味飲左幾碗個鍋包幾片和牛、鹿島豚肉和黑薩摩雞肉,肉質唔錯既不過份量有d少，以加埋一 成700蚊黎講火鍋有新鮮蔬菜,仲份量好多增添了火鍋的營養價值多到食唔哂無論是室內還是小露台，都能看到維港夜景。晚上用餐時,看到維多利亞港的燈光對於喜歡拍照打卡的朋友來可以去吓不過天氣熱,我就選擇坐在室內就餐。不過價錢都是偏貴，吃了不多就千元了同埋叫服務員拎杯，佢明明去左拎都可以唔記得左，等左好耐，唯有叫第二個服務生拎

豬肉+ 和牛火煱，全部豬肉每片99%只有肥膏 。個煱二人份（絕對唔夠），正價差唔多$700，加多客壽司。明明單點75折，最後居然冇比折。好彩有check 單🙄🙄🙄🙄🙄食物唔掂，服務又差，難怪無人🫣🫣🫣

🥢塚田農場尖沙咀weekday dinner 跟🧒🏻撐枱腳食日本嘢 餐廳主要係食台灣美人鍋 我哋又無意欲食 反而點咗其他a la carte 食物分量好少😅味道平平 個玉子燒入面啲蟹肉水汪汪的 唯一有個落地大玻璃望到維港景色 人均~$220 性價比頗低 ✿ 炭燒走地雞 (小) $178✿ 火炙三文魚壽司卷 $98 ✿ 三文魚牛油果美人卷 $68✿ 疏乎厘玉子燒（蟹肉) $108

塚田農場採用一大片落地玻璃，🍽️可以一邊看著維多利亞港海景，同時一邊享受美食。Menu上各款御膳都精緻，選了以下兩款。🍴美人💃壽司🍣御膳🍱($198)😋有九貫壽司，件件都賣相精緻。再配沙律、麵豉湯、天婦羅、漬物、飲品，份量足夠。🍴三色刺身海鮮🦐飯御膳🍱（$168）🥰三色刺身有吞拿魚、油甘魚及三文魚子，中間放生蛋黃，生蛋黃配刺身令刺身質感更嫩滑。再配漬物、沙律及麵豉湯，非常滿足。

因為有coupon所以岩岩星期六就黎左食。20:00時段無咩人。但由海港城一行入店舖，一句句野係話「哇，好熱喎依到」。不過就有個維港夜景，個心就諗: 算啦，坐一陣可能會好啲，但其實係無，成餐飯都係出汗好。一入坐因為太熱，即刻叫左2杯野飲先。之後朋友黎到，就可以叫野啦~ 叫左個和牛黑毛豬美人鍋、野菜豆腐、烏冬、唐陽炸雞。除左個炸雞，無野係可以30分鐘內黎到。又唔係多人，唔明點解要等咁耐。每一樣野都要叫waiter跟先有😅另外食物質料只能說一般。和牛質素極普通，百佳都買到個隻feel。係我心目中全單只值500蚊。At the end埋單$1100左右。食完出到去大家都係話: 嗯，ok la。完

話說同事有張食滿$200減$100嘅優惠券，而且仲可以最多用五張，午餐都可以用，成件事好似好抵，咁就過嚟試吓啦佢呢度嘅午餐全部都$100起跳朋友叫咗一個壽司套餐，我叫咗一個丼套餐，味道嚟講其實我都幾失望，如果你問我，我覺得佢嘅價錢有七成都擺咗喺環境唔知點解我個丼入邊嘅飯似糯米飯，超級超級濕，而且好黏，我覺得唔好食而且食材唔算特別好，套餐入邊配嘅炸雞係熱辣辣，但係一啲都唔脆，而且好油我有試到朋友嘅壽司，係屬於新派壽司，我唔太識欣賞如果冇呢個優惠券絕對唔會食，折咗叫做有五折都覺得唔抵食，性價比極低因為我哋兩個個套餐加埋唔夠$400，所以另外叫咗一個焙茶雪糕，就係一個普通焙茶雪糕囉試過一次就算佢有再俾優惠券我，但係我都唔會再去

I wanted to try their hot pot Bijin Shabu-Shabu for quite a while. They also have lots of food variety here and everything was splendid.The assorted rice paper rolls allowed us to get a taste of most of their flavors. I personally loved the tuna and yam the mostThe free ranged chicken was grilled perfectly and the egg acted as a sauce though it is not a must.My favorite dish would be their Omelette. It was really fluffy and juicy upon each bite and your concern would be whether the juice would d