塚田農場

营业中

休息中

今日自己一個嚟到塚田農場試吓朋友成日推介既餐廳，揀選左刺身Set。雖然今次黎到window seat已經坐滿哂，但係都可以望到海景，食完之後都可以出去balcony影相，望下維港風景，吹吓風，環境好寫意。set 有三色同五色既刺身可以揀，難得嚟到當然係要叫5色試吓啦。一上菜見到貌相不錯，呢個set會有刺身、飯、湯同小食，以餐廳地段同食物質素黎講價錢算ok。刺身五色有三文魚、大赤蝦、油甘魚、帶子同赤身，三文魚片紋理同顏色都好靚，入口即溶。帶子加左少少檸檬汁，清爽開胃。大赤蝦有兩隻，肉質幾彈牙，就連蝦頭都無腥味。赤身同油甘魚都係厚切嘅，簡單點豉油同青芥末都食到其鮮味，唔使額外既調味。沙律同小食都好味，一d都吾馬虎，味增湯飲完都唔會過鹹同口渴。整體全部食材都新鮮，果然朋友無介紹錯👍上菜都算快，侍應態度有禮貌。

今日同男朋友一齊食呢間日本餐，餐廳環境真係好靚，光線充足，最緊要座位寬敞舒服，面對一望無際嘅維港景色，食咩都好味！我哋就點咗美人滋鍋御膳，有啲似火鍋，但係好特別嘅係嗰啲肉肉都係掛住喺盤上，擺拍超靚！鮮甜嘅湯頭真係令我哋一口接一口，非常入味好飲，飲得出湯頭已經熬咗好耐，嗰啲精華都已經熬咗出嚟，飲落去成個身體暖笠笠。男朋友唔係經常飲湯嘅都將湯飲得一滴不剩！肉肉亦好嫩滑，和牛紋理超靚，油脂分布均勻，睇起嚟就知係高品質嘅牛肉！將牛肉放入湯底度涮個幾秒就可以食，口感鮮嫩多汁！豚肉十分新鮮，最鍾意就係一點腥味都冇嘅豬肉，肉質亦都好嫩滑可口，唔會膩！呢個日式火鍋仲可以配白飯 / 拉麵 / 烏冬，我哋鍾意食飯嘅就點咗白飯配住一齊食，濃郁嘅雞湯味道配住白飯就已經好好味！我同男朋友都食得心滿意足！正啊～

嗰晚收工之後，老公帶我到尖沙咀嗰邊，話要食日本餐，諗起我哋兩個真係好耐冇食日本餐喇。佢話呢間餐廳係同事介紹嘅，個個食完都讚不絕口，所以就帶我嚟呢度一齊試吓。首先餐廳入面嘅環境真係一流，一眼望去仲有靚海景，食嘢都特別有胃口。我哋點咗美人涮鍋，湯底揀咗和風雞白湯配和牛&鹿兒島天然豚肉。雞白湯經過長時間嘅烹調令雞骨溶化到湯入面，每一啖都係營養精華，唔使調味料，味道都非常香濃。配埋和牛一齊食更加係人間美味。和牛吸咗雞白湯嘅味道，肉質細嫩，脂肪分佈均勻，口感豐富，食到停唔到口。鹿兒島天然豚肉喺烹調過程中，香味四溢，令肉嘅口感更加軟腍迷人，肉質肥瘦適中，口感柔軟，咬落去仲有啲嚼勁。我哋仲點咗明太子年糕薄餅，味道帶有微微嘅辣度，明太子鹹香味十足，香脆可口。之後仲食咗日本產油漬生蠔，生蠔肥美，味道鮮甜，非常好吃。最後仲食咗腐皮蔥卷同豆腐，豆腐好嫩滑，腐皮蔥卷食完念念不忘。

我好兄弟-阿強，強哥非常鍾意食日本菜，今次我哋約咗周末下午出嚟聚會吹水，搵到咗呢間唔錯 嘅居酒屋，唔止可以睇海景，地方仲好大，環境好舒服，可以喺度傾偈一段時間。睇菜單，呢度有火鍋食，有酒飲，仲有各式各樣嘅日本菜，選擇都幾多，唔會怕搵唔到啱心水嘅。 阿強哥好快就落order，一下子就搵到鍾意嘅。因為係下午午餐時間，所以佢哋有lunch set，我哋坐咗靠窗有海景嘅位，然後點咗佢哋好有特色 嘅兩個set lunch。和牛燒肉飯御膳同五色刺身御膳，入面除咗主菜，佢哋仲有畀咗啲小菜同配菜。和牛燒肉飯御膳嘅和牛燒得好香，睇阿強食住非常誘人，然後蓮藕片炸得好脆，阿強咬住藕片聲 音非常酥脆，仲非常下飯，睇阿強一口接一口，冇停過。然後我叫嘅五色刺身御膳，從賣相顏色上睇就非常惹味，有各種唔同嘅海鮮刺身包括三文魚，赤 身，油甘魚，帶子同赤蝦，口味上非常豐富，每樣海鮮都真係好鮮，都微微帶一啲海鮮獨有嘅甜 味。每一口都好似帶我去咗日本咁。好多謝阿強哥同我嚟吹水食飯，呢度真係好放鬆。

「美人滋鍋御膳」湯底係用咗雞骨熬製8個鐘而成，充滿咗天然骨膠原精華，成個湯底都已經熬成奶白色，滋味濃而唔膩！🤤 和牛同埋鹿兒島豚肉每一片嘅紋理都好靚😭 好肥美好高品質👍🏻 唔需要涮太耐，只需幾秒就已經可以食，呢個時候嘅肉汁已經被鎖住，食起嚟鮮嫩又多汁🤤🔥「和牛壽司盛和」擺盤超有心思！多種和牛壽司一齊擺上嚟超誘人🤤 最鍾意就係海膽和牛同魚子醬和牛壽司，牛肉好香好嫩配住海膽一齊食成個口感好軟糯！和牛嘅油脂包裹住米飯嘅香甜，蘸上一點醬油更加完美😍「日本產油漬生蠔」生蠔件件都好大隻，蠔肉更加肥美無比🤩 食落去超鮮，仲帶住淡淡嘅海水味，好抵食👍🏻「明太子年糕薄餅」明太子有濃郁嘅鹹香味，薄餅食落去仲有香濃芝士味，仲帶有微微嘅辣味口感，好好味🥰「美人卷盛盒」見到大大隻蝦就知道好足料，食落去好清爽👍🏻 乜嘢醬料都唔蘸入口都仲有蝦子鮮甜嘅味道！唔止蝦，仲有三文魚同吞拿魚，件件都好新鮮，口感層次非常豐富！

之前有一次家庭聚會，啱啱病咗無法參加，家人同親戚都去咗呢間居酒屋一齊打邊爐，而且仲係日式嘅，有好多日本菜高級料理。家人返嚟話俾我聽真係好正，真係可惜當時病咗依家病好咗，即刻去食，我就二話不說book咗兩位晚餐嗰度環境好好，裝潢係日式和風，我好鍾意，而且仲有海景睇，打邊爐嘅氣氛更加好呢度海景真係無得頂，好靚，打邊爐都特別享受主角有【美人涮鍋】，然後湯底係和風雞白湯，聽店員講雞白湯係用雞骨長時間熬制嘅，然後有好濃郁嘅雞湯香味，涮肉簡直一流，和牛肉同豬肉品質都好高級，絕對係良品【和牛壽司盛合】非常有特色，和牛包成壽司，上面仲有其他配料做點綴，俾我哋體驗到唔同嘅口味，我自己特別鍾意配海膽，鮮嫩嘅香氣好襯佢哋嘅壽司飯同和牛嘅口感，食咗仲一直想再食【美人卷盛盒】有三種唔同嘅醬汁作為搭配，然後仲有三種唔同嘅口味，吞拿魚、海老同三文魚，各自都有自己獨特嘅風味，最鍾意係三文魚配醬油仲有各式各樣嘅小菜拼盤【日本酒lover】，有多樣非常下酒小菜，然後烹飪方法非常獨特且有特色，味道好豐富食咗咁多肉，再嚟一盤【維他命塔沙律】解一解膩，然後仲非常清爽可口，蔬菜都好新鮮，菜嘅種類仲好多，各種營養都食得到二人世界撐

尖沙咀呢間日本菜一早就喺我嘅list入面，一直都冇機會食，今日終於搵到機會嚟到呢度試吓！本來想食佢哋出名嘅美人滋鍋，但係見到佢哋嘅Lunch menu又幾吸引我~最後都係揀咗「和牛燒肉飯御膳」✨✨成個套餐都好豐富，有麵豉湯、沙律、小菜、漬物，仲有重頭戲和牛燒肉飯😍 分量唔算太大，啱啱好一個女仔可以食完嘅分量，唔會浪費食材和牛表面已經輕輕燒過，散發住濃郁嘅牛肉香味！食一口落去仲有淡淡嘅炙燒味道，搭配一顆生蛋黃全部撈勻一齊食，醬燒醬汁配住鮮嫩嘅牛肉，簡直太好味。膩咗就食一口沙律，新鮮嘅蔬菜仲有炸得脆脆嘅蓮藕，清爽又解膩~ 漬物就係日式烤紅薯，味道香甜可口，而且仲外脆內嫩，呢道可以當作我嘅飯後甜點😍 麵豉湯都好好飲，超鮮美嘅味道，令我忍唔住一口一口，飲落去成個身體暖笠笠

老媽最近脾氣暴躁，應該係我太耐冇陪佢食飯，喺度嬲我，我就諗住帶佢去有得睇靚景又可以食到一流食物嘅日式餐廳。為咗畀佢驚喜，我就話要帶佢嚟尖沙咀睇夜景。然後再行入去餐廳，請佢食餐好嘅。今晚嘅夜景粉紅粉紅嘅，真係好靚！我仲幫老媽影咗幾張相，畀佢放上社交平台開心下😁服務員見我哋咁開心，仲幫我哋影咗幾張相，順便介紹咗幾道菜品畀我哋。每一道嘅味道真係一流！和牛包住海膽，味道十分獨特，而且擺盤好靚，仲放咗啲花嚟做裝飾，成體睇落好靚😍美人卷有吞拿魚、海老蝦、三文魚嘅組合。每一個仲放咗牛油菜，口感特別豐富。老媽都食得讚唔絕口👍美人涮鍋搭配秘制特色日本和風風味雞白湯]呢個湯係我飲過最鮮甜嘅，而且涮上和牛同豚肉之後，湯底變得更加濃郁，簡直係人間美味！美人鍋蔬菜盛盒]呢盤菜食完真係會變大美人🤭滿滿嘅蔬菜，仲好多樣，食完肯定好健康！

我哋坐喺餐廳嘅露台上，一邊嘆美食，一邊欣賞維港嘅景色。室外座位令我哋可以親身感受到海風嘅輕拂，而室內嘅客人就透過落地玻璃欣賞住一樣咁壯觀嘅景色。美人涮鍋和風雞白湯端上枱嗰陣，濃郁嘅香氣撲鼻而嚟。湯底呈現出誘人嘅乳白色，睇落已經好有食慾。淺嚐一口，湯底很濃郁，每一啖都感受到雞肉嘅精華。和牛片放入湯度，幾秒鐘就變成淺粉色，夾起嚟嗰陣仲帶住啲湯汁。入口先係軟滑，稍微嚼幾下就感受到肉汁喺嘴入面擴散，香而不膩。鹿兒島豚肉需要多滾一陣，肉質比較結實，有啲咬口。豚肉本身帶有淡淡嘅香甜，配埋湯底好開胃。日本產海膽和牛卷睇落幾精緻吓。海膽顏色鮮黃，聞落有陣濃郁嘅海鮮味。和牛薄薄地，捲住海膽。食嗰陣，先嚐到和牛嘅油香，口感軟綿綿嘅。跟住海膽嘅味道就出嚟，鹹中帶甜，有啲黏牙，但唔會太腥。兩種味道搭配得幾唔錯，海膽嘅濃郁同牛肉嘅香氣互相襯托。維他命tower沙律嘅造型好吸睛。當侍應幫我哋拌勻後，各種新鮮蔬菜嘅爽脆口感同溫泉蛋嘅滑嫩完美結合。蔬菜保持住原本嘅爽脆，而溫泉蛋就為成個菜式增添咗一絲濃郁。菇菌拼盤種類豐富，每款菇菌都保持住獨特嘅口感同味道。有啲鮮嫩多汁，有啲就帶有淡淡嘅木質香氣。整體嚟講，菇菌嘅鮮味同

帶暗戀對象嚟尖沙咀逛街shopping，買咗好多嘢，喺呢次出嚟見面之前，我就做足咗功課。我上網查咗下尖沙咀有咩好有氣氛嘅餐廳食飯，結果搵到咗呢間「塚田農場」食日本菜嘅居酒屋。-佢哋呢度有好多高檔日式料理，環境優美，靠窗仲有海景，帶暗戀對象嚟呢度食飯肯定好有氣氛，也為自己撐面子。-最終我哋係揀咗靠窗嘅位，當日嘅風景仲算唔錯，雖然有啲烏雲，但係都好有氣氛。-同美人食午餐，梗係要點美人壽司御膳畀佢，入面嘅壽司多樣，壽司包括帶子、魚籽、牛肉、三文魚、魚腐、蟹籽、蟹肉同鰻魚，仲有配菜沙律，每一個壽司都係精心製作，分量也剛好，唔會過飽。食材非常新鮮，仲食得到各種肉嘅鮮嫩。暗戀對象食得津津有味，感覺上仲營養豐富。-我自己就叫咗和牛燒肉飯御膳，和牛肉燒得非常剛好，唔會太老，仲食得到和牛獨有嘅油脂，每一口飯配住和牛肉都非常鮮香可口，仲有生蛋黃提味，口味更加豐富。-一邊食，一邊欣賞海景，好享受，我哋兩個都食得非常飽，也非常滿足，我哋之間嘅感情有更進一步嘅發展。-非常推薦大家嚟呢度試下佢哋嘅日本菜。

嗰日經過海港城海運大廈，見到一間餐廳大排長龍，抱住好奇嘅心行過去睇，原來係一間日式餐廳。我睇咗吓餐牌，覺得幾有興趣，就決定喺度食午餐。因為我一個人食飯，服務員好快就帶我入座，仲安排我喺露台食飯，令我可以一邊食午餐，一邊欣賞無敵海景，真係好享受。我叫咗美人滋鍋御膳，湯底係和風雞白湯，肉類我揀咗和牛同鹿児島天然豚肉。火鍋一攞嚟，我就聞到香香嘅和風雞白湯，睇住都流晒口水。雞白湯經過細心熬製，雞骨頭嘅精華充分咁融入湯水入面，味道好濃郁，濃醇得嚟又唔油唔膩啱啱好。放咗和牛同鹿児島天然豚肉落鍋，湯嘅味道變得更加豐富。和牛嘅肉質細嫩，煮熟咗之後咬落去肉汁豐富，好食到不得了，仲吸收埋湯汁嘅精華。鹿児島天然豚肉煮熟咗之後肉纖維幼細、鬆軟，入口軟腍帶彈性，含豐富肉汁，肉味香甜唔膩，仲完全冇肉臊味。食肉嘅時候仲可以配白飯，真係一餐豐富嘅午餐。

週末同老公到有靚景嘅日本餐廳塚田農場食晚餐。望住晚霞，食住好味嘅晚餐，放鬆吓心情，係非常正嘅體驗。-日本酒lover有雞胸肉, 芝士，蠔，明太子同枝豆, 每款小食都各有特色，尤其係蠔鮮甜可口，食落去非常開胃。-美人涮鍋 和風雞白湯（和牛&鹿兒島天然豚肉）香味四溢嘅和風雞白湯鍋，四周擺滿咗和牛同豚肉。乳白色嘅雞白湯用大火熬煮，令雞骨入面嘅精華釋出、乳化湯頭，形成香味濃厚嘅雞湯。和牛加熱後，白色嘅脂肪部分會順住周圍嘅瘦肉向入面融化滲透，有着非常柔軟嘅口感，令人回味無窮。瘦肉部分嘅美味同脂肪部分嘅香味巧妙融合，好好食。豚肉肉質緊緻多汁、口感柔軟有彈性、滋味甘甜鮮美、脂肪清爽唔黏膩，配埋雞白湯非常美味。-明太子年糕薄餅香濃芝士味嘅年糕底，配埋明太子嘅鹹味，仲帶有少少辣味，味道非常豐富。-日本產海膽和牛卷新鮮海膽同和牛完美搭配。可以食到鮮嫩多汁嘅和牛至於仲可以食到美味嘅海膽，真係一道神奇嘅菜色。-塚田農場 梳乎厘玉子燒蛋味香濃，外層有微微焦香而入面保持滑嫩，令人食得難以忘懷。

舅父同舅母難得從中國過嚟玩，就諗住帶佢哋去食啲平時比較少食到嘅日式料理。親戚之前有介紹過我一間食物唔錯嘅日式餐廳，叫。啱啱好就喺附近，就諗住帶佢哋去試吓。因為我哋都係第一次去食，就問咗服務員顧客常叫嘅菜品。服務員就介紹咗幾道比較多人點嘅菜畀我哋。玉子燒好大一份，內餡滿滿，一口食落去簡直太爽啦！玉子燒亦都特別滑嫩，入口即化！明太子年糕薄餅有少少辣，配上咸香嘅明太子，特別開胃！仲放咗我最愛嘅芝士喺年糕底，味道更加豐富，太愛啦💕！美人卷盛合係舅母最中意嘅一道菜，因為壽司嘅內餡好足，配上牛油菜簡直係完美嘅組合！舅母食到讚唔絕口！美人涮鍋嘅味道特別好，每一口都係濃郁嘅雞湯味，特別開胃，飲到停唔落。仲加入咗和牛同豚肉嘅味道，更加正！舅父同舅母都食得好滿意，仲話下次可以帶埋啲細路過嚟一齊試！

終於有時間約朋友星期六出嚟放鬆吓～chill吓～最近真係好大壓力又唔開心，所以朋友幫我約咗間超靚海景嘅日式餐廳俾我relax🤟🏻🤟🏻去到嗰陣啱啱好天氣好好，侍應就提議我哋可以揀balcony view嘅座位，朋友話平時都好難book到㗎😍一打開餐牌見到美人套餐❤️個名已經吸引咗我～仲可以揀兩款唔同味嘅飯同一個主食，所以揀咗牛肉時雨煮同三文魚籽，主食梗係我最愛嘅天婦羅啦。1個前菜，1碗熱湯，2碗飯，1個主食仲有啲小食淨係賣$198抵到爛！而且擺盤同餐牌上面嘅真係一樣，其他跟住嚟嘅小菜份量都比我預期中多，好滿足🤤首先係三文魚籽嗰碗飯，好惹味！魚籽一啖一粒‘卜卜’咁喺口入面爆，再加埋蟹肉一齊食，唔知唔覺就食晒。跟住嘅牛肉飯同魚籽嗰碗口感就唔同晒，牛肉煮得唔會太鞋，肉質都好實淨，配埋炸得好香脆嘅天婦羅，煩惱都已經唔記得晒～朋友就叫咗和牛燒肉飯嘅lunch set🥢一樣跟埋沙律、雞湯、小菜。牛肉煮咗6成熟，啲肉片仲俾得好足，一點都唔孤寒。牛肉口感好有咬口，又唔會煮到乾爭爭，撈埋蛋黃一齊食又食出咗另一種味道。蓮藕都炸得好脆口，又唔會太乾太鞋，撈埋飯一齊食，超級好食。仲有嗰碟睇落好普通嘅小菜-烤番薯，

上次老闆話尖沙咀嘅【塚田農場】裝修好高檔，食物好食仲有靚景睇。食多啲仲可以變大美人。我 聽咗當然唔可以錯過，就問同事要唔要一齊去睇吓，同事就答應今晚晚餐一齊去。我哋放工去嘅時候，人好多。但係好幸運我哋啱啱好坐到可以睇夜景嘅位，就特別放鬆，食物食得 更香!我哋點咗日本產油漬生蠔，特別大隻，份量好足，仲好鮮美，咬落去特別有彈性，食到我同同事好 滿足!美人卷盛盒有唔同口味嘅壽司，仲配埋醬料，味道更加絕!每一款壽司各有特色，食到令人停唔 低!美人涮鍋係呢間餐廳嘅招牌。湯底由雞骨熬到融化嘅特色雞湯，湯底非常鮮美!配上和牛同鹿兒 島天然豚肉更加好飲好食!美人鍋蔬菜盛盒有好多唔同顏色嘅蔬菜，睇落就好有食欲。而且每樣蔬菜再涮入湯底之後，仲帶 有雞白湯嘅味道，蔬菜更加正!同事同我都食得好飽，老闆介紹嘅果然係好嘢!