壹火鍋

营业中

休息中

朋友話好耐無食過火鍋放題，然後佢就帶左我黎呢度。餐廳係全層，幾大。湯底有三個可以選擇。第一可選雞煲，然後再加清湯打邊爐。第二可揀鴛鴦湯底，第三就係單一中式湯底，而最後我吔就揀左單一湯底打邊爐。火鍋配料擺放企理，有蓋蓋住，飲品任飲，同樣在外面自取。椰子雞湯底：湯好足料，清甜。有椰子、雪耳、紅棗同杞子等配料。新鮮雞分開上，雞好滑好嫩。就算打邊爐打到最後，雞都係咁滑。牛肉：有五款牛，分別係安格斯牛小排、手切封門柳、和牛肉眼嚴選、牛肩胛同埋極上牛板腱。牛味濃，其中手切封門柳比較厚，有質感。食完之後我哋再encore，牛肉送上同樣都係咁靚。海鮮船：海鮮非常生猛，鮑魚同海蝦識郁架，另外仲有珊瑚蚌、生蠔、北寄貝、大蜆、龍躉同帶子。生蠔同鮑魚勁大隻，熟左都唔會縮。所有海鮮洗得好乾淨，鮮甜，正！是日精選海鮮：有大蜆同海蝦，就算唔係海鮮船嘅海鮮，都唔會馬虎。全部都大大隻，食落都係鮮甜架！刺身：款式真係有好多，切得夠大塊，用冰鎮，好新鮮，慢慢食都得。其他火鍋配料：有d火鍋配料要用qr code落單，我哋叫左手打魚同滑蝦滑。兩款都係新鮮手打，味道重，好彈牙。生菜同皇帝菜洗得乾淨，淥完翠綠爽口。甜品：雪糕有海鹽

本地餐飲業正處於艱難時期，身為本地人要支持一下餐廳環境舒適整潔，店員服務態度友好周到裝修較一般放題店有心思，設有卡坐及小包廂火鍋配料自助區、雪糕區、飲品區全部任食、無需額外升級中日鴛鴦鍋四川麻辣湯、骨膠豚骨湯、泰式冬陰公湯、沖繩昆布湯等免費配搭追加鮑魚海鮮船每位$50即享新鮮生蠔、鮑魚、龍躉魚片、帆立貝、大蜆、海蝦等另加$每位50可無限追加刺身料理，有三文魚、油甘魚、甜蝦、八爪魚、馬都會、榮螺片等食回本每位加$50可無限追加牛食家和牛，油花分布平均

😋性價比高嘅雞煲海鮮火鍋放題好耐冇同朋友出街食飯 緊係要食餐好 有2.5小時任飲任食有雞煲 任點刺身 好新鮮嘅海鮮船 有生蠔🦪帶子 蝦 海蜆 蟶子 鮮鮑魚大大隻火鍋湯底叫咗個鴛鴦鍋 沙嗲非常惹味自助吧火鍋配料 醬料多種類 其中sfr和牛肉眼和安格斯牛小排 雪花均勻 牛肉味濃 肉質軟腍 牛肉性價比非常高有多款飲品 仲有幾款雪糕食完大滿足😍每人加$50已經可以食到非常高質素嘅多款刺身再加50又可以食到極品嘅頂級和牛平均消費300多元可以食到有質素嘅海鮮雞煲刺身放題，實在非常難得！地址 旺角西洋菜南街1N號兆萬中心16樓

旺角火鍋放題選擇，非常之多，今次朋友揀咗位於兆萬中心既壹火鍋。這裏主打火鍋雞煲刺身放題。我哋點左一個微辣既雞煲，雞係生炒既，上枱後炒多十分鐘到就食得，bb辣小朋友都食到。無限量任點刺身刺身，三文魚肥美，蝦，帶子都好鮮甜！馬刀貝爽口鮮味！食完豐富嘅雞煲加刺身其實都係前菜，沙嗲拼豬骨湯，湯底濃郁，滿滿港式味道！海鮮拼盤，海蝦，大蜆好新鮮，龍躉片好重膠質，活鮑魚同貴妃旁好大隻，呢個拼盤真係落重本！安格斯牛小排，肉紋靚，淥幾秒就食得，又係重本之一！SRF和牛肉眼，和牛味十足！炸魚皮新鮮爽脆，雲吞水餃亦係用上新鮮手包既！重本蝦滑，墨汁墨魚滑好彈牙！讚岐烏冬，好彈牙喺佐旺角金地段人頭消費都係三百多，能夠吃到高質素的火鍋，刺身，海鮮實在非常難得👍

天氣咁凍，又係烚吓烚吓嘅時候，朋友帶路嚟到呢間壹火鍋🍲。一坐低，就送上勁大海鮮船和牛肉拼盤，見到都心心眼😍海鮮船好高質，有龍躉魚片、珊瑚蚌、貴妃蚌、生蠔、鮑魚、海蝦、蜆和帶子，有幾款海鮮重可以任食添，款款都好肥美，尤其海蝦，送上枱仲郁緊，好新鮮，烚5分鐘就食得，爽口彈牙，我哋都encore左幾轉！牛肉拼盤方面，個人特別鍾意封門柳，肉質無筋夠淰，有牛味又有咬口👍Menu都幾多款選擇，有刺身任食，火鍋料、牛柏葉、魷魚、手打丸、蟹柳、午餐肉等，我不能盡錄，飲品同埋甜品係自助區嗰度有得攞，真係夠晒滿足！

天氣乍暖還寒，令人零舍想打邊爐暖下個身。一坐低，店員就依人數份量送上海鮮拼盤和牛肉拼盤，擺盤仲好精緻添！大海蝦、帶子、珊瑚蚌、鮑魚、龍躉、花甲，用冰盤上，能keep住個新鮮度👍鮑魚入口質感紮實，大海蝦彈牙，唔錯！鍾意食🥩牛肉嘅，仲有多款部位可以選擇，個人最喜愛手切封門柳，冇咩筋，質感軟嫩，肉味最為突出。而澳洲和牛肉片就比較滑溜，入口有油花。而等候嘅moment ，喺自助區都有各款丸類、菜、飲品和雪糕添！

壹火鍋地址: 旺角西洋菜南街1N號兆萬中心16樓電話:=====================兆萬可算是放題任食集中地，有時都會過去，門口接一下傳單望望有乜野食。中午整完頭攪了大半日，之後join 埋朋友去食野。想食雞煲邊爐，擇了呢間cp 值幾高雞煲或邊爐，叫了芝士麻辣雞煲，勁多拉絲芝士，辣辣地麻麻地極惹味！呢度每項加$50仲可以upgrade 任食刺身，任食牛同海鮮。而本身基本$209 已包了一盤，好抵食。海鮮都有豐富選項，海鮮船有蝦，蟶子，魚、蜆、扇貝、鮑魚牛肉有張細紙寫明是邊個部位，食過想encore 都唔會攪錯點了另一款啦！至於大部份架邊爐配料，好似菜呀丸類，就放曬係出門自己夾。另外仲有雪糕櫃同飲品櫃，不過雪糕杯牌子就一般，唔好浪費quota，雪條是韓國就正好多。

今日收工同事又帶我去食好西！同事知我鍾意食海鮮又鍾意食牛，話今次帶我去食個放題火鍋包我滿意！首先位置非常方便喺旺角兆萬中心！上到去門口位雖然好細，但係入面非常多座位亦非常舒適！首先全部都係由同事負責點食物，先嚟過麻辣雞煲！店員會有個鬧鐘計時，時間夠先可以食雞！雞件大細適中，味道都好入味雞肉都好嫩滑！當我哋食到咁上下雞，個海鮮盤已經送上海鮮非常新鮮，隻蝦同個鮑魚都係識郁嘅！隻蝦亦都會掙扎😂，另外生蠔唔會大縮水！鮑魚入口非常彈牙！掙扎嘅蝦唔使講一定係新鮮彈牙🤣再嚟送上指定牛肉！因為牛肉任食係要另加錢嘅，但係質素係值得嘅！當我食緊火鍋之際，店員又為我們送上我哋點嘅刺身！首先刺身比我預期中大件，亦都非常新鮮！同其他放題可以比較！因為太多食物，火鍋配料亦都好多選擇，我哋就點咗雲吞，水餃，魚皮餃，手打墨魚滑，同埋蝦滑！我都推薦！另外出面自助配料區亦都好大好多醬料選擇！醬料區對面就係自助食物區都有啲丸類，其他唔同食物可以自己攞！自助飲品甜品區雖然只有兩個雪櫃，但係飲品種類都有10幾種，另外雪糕都係只有兩個櫃，但係選擇都唔少！最後總結！加埋個刺身任食其實最後甜品我都唔到太多！但係如果大胃王係一個好選擇

今日同朋友約左黎好耐冇黎既兆萬，食呢間打邊爐，佢係按時段定價，我地夜晚6:30-9 就係$209 一位，跟住加$50可以任食和牛，$50 可以任食刺身，$50可以有鮑魚海鮮船，我地實在太肚餓所以都加哂😆😆首先揀湯底，可以揀雞煲，雙拼中日式既鴛鴦鍋，或者特色火鍋，我地揀左豚骨+沙嗲湯底。一開始就會黎左鮑魚海鮮船，呢個勁推薦一定要加，d 海鮮勁新鮮，蝦同鮑魚都一路郁緊的😍😍好抵食，又好鮮甜好食。跟住就會黎個牛肉拼盤，有哂和牛肉眼，安格斯牛小排，封門柳，牛肩胛，牛板腱等等，就係可以任食既種類，試完就可以跟住想食咩加單😋😋另外刺身我地都叫左一大盤，每樣少少，質素都唔錯☺️☺️其他食物可以QR code 落單，或者出去出面拎丸果類野，方便唔洗點等，出面仲有大大個醬料區，飲品區，同埋雪糕櫃，都係自助任取好方便📍 壹火鍋 (旺角)旺角西洋菜南街1N號兆萬中心16樓 #香港美食 #香港必食 #hkfoodie #hkfood #hkfoodblogger #hkfoodlover #hkfoodpic #hkig #hkfoodie #hkfoodies #food #foodie #foodstagra

之前久聞兆萬勇者塔大名，已經做好中伏嘅準備，點知比預期中好好多。放題牛肉本身質素唔錯，頭盤有唔同種類嘅牛，服務員會主動經過附近，同埋上菜速度都幾快。海鮮都幾新鮮，蝦係活嘅，硯冇沙。甜品仲要任食。最最最重要嘅係兩個人埋單都係四百蚊凸啲，食左咁多唔同間嘅打邊爐放題，呢間算係佼佼者。不過，環境比較窄，有人經過需要側身經過。另外，可能黎嗰陣比較少人，冷氣開得大會有小小凍。呢間嘅質素同俾嘅價錢成正比。性價比頗高。

今晚放工約左朋友去旺角食飯，去左位於兆萬中心的壹火鍋。🐥雞煲火鍋火題|🍢任食火鍋配料🥩送極上和牛拼盤｜🐟無限追加新鮮刺身｜🥄DIY醬料區｜🍹多款飲品選擇｜🍦雪糕⋄🛶加💲50鮑魚海鮮船（海鮮市場直送）🤎鮮鮑魚、🦪生蠔、🐚扇貝、🦐虎蝦、海蜆、💛蟶子、🧡珊瑚蚌⋄⋄====—====—====—====—餐廳環境舒適，服務態度也非常友好和周到，賓至如歸的感覺🥰⋄🍲招牌菜的雞煲田雞火鍋，讓人口水直流的美味😍 雞煲田雞煲炒得非常香，調味得直，香辣可口，肉質鮮嫩。加湯後成為火鍋底料，香辣濃郁，配搭多款火鍋配料超正🤤極上和牛拼盤種類繁多，新鮮美味，高品質👍🏻⋄加$50的海鮮拼盤絕對不能錯過，入面有齊多款新鮮海鮮，肥美肉厚，新鮮又好吃，絕對值回票價😜⋄DIY醬料區可以根據自己的口味調配出獨特的醬料，增添火鍋的風味😍⋄🧃多款飲品供選擇，還有雪糕供應，為飯後帶來一絲清涼和甜蜜💕⋄1700-1800 💲189｜1800-1830💲199｜1830-2100💲209｜2100-2200💲199｜2200-2300💲189｜2300後💲179｜小童💲148*入座計2.5小時，星期五六公眾假期前夕每位加$10，加一

難得星期一放假，適蓬有個寒風襲港，最啱打邊爐烚下烚下~~🤓 旺角火鍋放題真係好多選擇，由於唔想食D已經食過嘅餐廳，所以挑選之後，BOOK左呢間位於兆萬嘅壹火鍋。我地食最早時段$189/位，可以食2.5小時。餐廳玩法係客人可以揀1雞煲之後加清湯、2免費鴛鴦中式普通湯底、3一款特式湯底、4加$50百里香牛骨鍋/麻辣牛骨鍋(呢個連埋精選靚牛任食)；除左火鍋外，仲可以加$50任食刺身，又可以加$50食一次性海鮮拼盤，豐儉由人。而我同男朋友都唔餓，所以乜都無加，湯底就揀左沙嗲拼冬陰功。沙嗲湯底少少甜、有花生香，但整體偏淡；冬陰功偏酸，但越食越辣。餐廳提供嘅醬料除左一D常見款外，仲有XO醬、桂林辣醬、皇后同皇帝醬😮入座後職員送上精選和牛拼盤，如果覺得啱食，客人可以加$50/位任點，不過我地覺得無呢個需要，所以無加。呢個和牛拼盤最好味係極上牛板腱，肉質柔軟，有牛香!!😋手切封門柳肉質較實，帶點牛內臟味；至於我自己最期待嘅SRF同安格斯牛小排表現就令人失望😥，前者肉質唔夠嫩滑，後者切到一條條、碎濕濕。部分火鍋配料可以自取，部分就要用QR落單。我個人推介甚少見嘅豬肝，煮完依然帶點爽🤤；洗得乾淨嘅長爽脆鵝

一直都知道旺角兆萬中心有超多食肆，例如燒肉放題等等，今晚想同朋友去打邊爐，未試過呢間壹火鍋，喺門口見到入邊都好多人食。首先可以喺雞煲同火鍋湯底二選其一，雞煲有六款口味可以揀，而火鍋湯底仲多達14款，當中有八款係可以雙拼做鴛鴦鍋，而我同朋友就揀咗〈雪蓮果海底椰湯底〉，湯底入邊有大量豬骨、海底椰、雪耳等等，夠晒滋補。抵食嘅位係可以每人加$50升級鮑魚海鮮船，有八款唔同種類嘅時令海鮮，例如鮮鮑魚、生蠔、虎蝦，海蜆蟶子、珊瑚蚌，每一款都好新鮮，鮑魚同蝦係仲識郁㗎 ！此外，仲可以每人分別加$50升級任食刺身同任食靚牛肉，刺身種類繁多，而且款款都好新鮮，同其他放題簡直冇得比；而牛肉方面我個人鍾意食封門柳，口感有層次，油脂比較少。出邊自助吧有好多唔同款式嘅火鍋配料，主要係丸類同麵食，仲有各款醬料、飲品同甜品。其餘火鍋配料就可以用QR code落單，款式實在太多，今次試唔晒唔同嘅食物，決定下次會再覆桌！

前兩日又走左去食雞煲🤣！今次食芝士麻辣雞，揀左小辣。芝士可以中和雞煲既麻辣味，我唔太食得辣都岩食！雞件口感嫩滑濃郁入味，份量都幾多食到咁上下就可以叫店員加湯底打邊爐啦。出面有自助區，亦有部份食物要QR Code落單。醬料十分齊全，有辣油丶蒜粒丶蔥、麻醬等。🍡食物區：菜類有西洋菜、生菜、雜菇等，好新鮮。 另外，仲有午餐肉、蟹籽丸、墨魚滑、響鈴等。🍹飲品區：大雪櫃入面有烏龍茶、忌廉溝鮮奶等汽水，有部份飲品放係室溫， 好貼心。🍦甜品區：有雪糕杯，係香港製造既牌子，奶味幾濃，好味。海鮮船(包括鮑魚、🦐蝦、珊瑚蚌、蟶子、帶子、蠔、蜆、魚片) $100〰️鮑魚口感爽口彈牙。〰️蝦好生猛，上抬時仲紮紮跳，味道鮮甜。〰️蠔夠肥美。〰️蜆食落冇沙，亦好鮮甜。樣樣都好新鮮高質，超級豐富！🐮牛食家 每位$50〰️手切封門柳油花比較少，但係牛肉味十分香濃且肉質軟腍！〰️嚴選牛肩肉質比較緊實，香甜彈嫩。〰️極上牛板腱肉油花分佈均勻，肉質柔軟。〰️安格斯牛小排油脂分布均勻，含量豐富且肉質柔軟甘甜。〰️SRF和牛肉眼油花均勻，唔會過份油膩，牛味濃香。

凍冰冰，最正就係可以同朋友一齊打邊爐，今日相約朋友去左位於旺角兆萬中心16樓的「壹火鍋」烚下烚下。$199 150分鐘任飲任食，可以選擇雞煲或火鍋，另外亦可以每位加$50無張追加刺身、再加$50無限追加和牛、再加$50追加鮑魚海鮮船，性價比高。火鍋湯底鴛鴦鍋有14款湯底可以選擇，我地點了骨膠豚骨鍋&沙嗲湯底，以到既鴛鴦鍋唔駛另外加錢，沙嗲湯底味道好濃郁，打邊爐一流。鮑魚海鮮船份量十足，有海蝦、北寄貝、花甲、蠔、帶子、蚌、龍躉片，送到上黎仲識郁，北寄貝、蠔、鮑魚大大隻，海鮮好新鮮鮮甜美味，每人只加$50，真係好抵食。無限追加和牛餐廳頭一轉會先送上一盤牛肉，食完仲可以無限追加，入面有SRF和牛肉眼、安格斯牛小排、極上牛板腱、嚴選牛肩胛、手切封門柳，每款牛肉都有特色，其中SRF和牛肉眼和安格斯牛小排，雪花均勻，牛味濃郁，肉質軟腍，牛肉相當高水準。刺身有多款刺身選擇，刺身質素都唔錯。除了點餐紙可以落單，自助吧有多款醬料，火鍋配料可以選擇，擺得乾淨企理。肉品區有凍飲、熱飲、室溫飲品，非常貼心，岩晒唔飲凍野既朋友。最後食埋雪糕，雪條，真係飽到上心口，非常之滿足。