多賀野 (新城市廣場一期)

营业中

休息中

之前去過K11 Musea的多賀野吃過一次 覺得幾好味😋中間客廳的位置仲可以隔住玻璃睇師傅拉麵小朋友都覺得好新奇 係咁望住今次一家過來沙田 知道這邊都開左間多賀野就過來試下等左十分鐘度就有位 係裡面卡位 環境好靚很有日本的感覺🍜拉麵我們叫左3份👉🏻多賀野醬油拉麵 x2👉🏻香蔥山椒叉燒拉麵紫菜唔係好脆 叉燒一般 咬唔爛 最後都沒有吃完 湯底可以 香蔥山椒也不會很辣👧🏻一份兒童套餐👉🏻主食揀左迷你溏心蛋叉燒丼 配魚餅 餃子 士多啤梨窩夫 益力多 沙律可能因為係拉麵專門店 飯就唔會好吃得去邊 飯好乾 叉燒偏硬 小朋友都唔想吃 可能嗰時揀拉麵會好啲～小吃兩樣👉🏻自製原味炸雞👉🏻日式煎餃子不過不失 兩間鋪的味道一樣

🍪【#沙田】多賀野 Takano Ramen💥$188堅離地 帝皇級蟹肉沾麵💥.🍪東京拉麵多賀野，連續4年獲東京米芝蓮推介。今次試咗兩款沾麵，埋單人均$200！第一次食咁貴嘅沾麵！😱😱😱✧Takano Ramen is a Michelin-recommended restaurant in Tokyo for 4 consecutive years. Costing almost $200 per head, it is the most luxurious Tsukemen I have ever tried. ~~~🦀極上蟹皇沾麵 Premium Crab Tsukemen $188 （4.5/5）先講湯底，以濃郁松葉蟹膏加啖啖蟹肉絲熬成，加埋蟹黃，每一啖都好實在😍🥺！再配埋細細份蟹膏同蟹肉，等食客按個人喜好加落麵或者湯中，蟹肉好清甜🤤！一開二炸軟殼蟹，比較乾硬冇特別驚喜。溏心蛋世界級，完美半流心狀態加適中甜度，正！麵質彈性高有咬口，掛湯能力不俗。食完仲可以加清湯落沾麵汁飲~ ✧This premium crab tsukemen inches ahead all the oth

拉麵普遍價錢較貴 慳家嘅我就算鐘意都唔太多去食 但間唔中獎勵一下自己辛苦工作都係應該嘅今日要黎沙田做公司例行body check Book左朝早趕頭趕命早餐都食唔切 去到又等左好耐 做完都已經晏就了 即刻衝去搵野食醫肚見呢排都無食拉麵又心郁郁想食 就黎左近近地嘅多賀野拉麵多賀野醬油拉麵加多個日式煎餃子拉麵麵質彈牙 叉燒大大塊 不過唔夠香 溏心蛋生熟程度岩岩好 賣相都相當唔錯餃子份量合理 皮脆 饀料調味唔錯其實食物整體都唔錯 但我就覺得咸左少少

第一次聽到朋友講起「多賀野」呢個名，熟悉但又記唔起。上網一睇，馬上恍然大悟。皆因幾年前遊東京前，上網做資料搜集用於計劃行程，曾經見過其名，係當地屬於一間名氣響嘅拉麵店。而之所以名氣響，全因為佢獲獎無數，其中包括連續四年獲得東京米芝蓮推介，Tabelog全日本拉麵大獎等。驟耳一聽，的確係一條來頭不小嘅過江龍。根據店家官方資料介紹，佢哋嘅賣點係堅持每日新鮮製造麵條，當中更用咗4款日本麵粉去製作麵糰，製作麵條嘅員工亦會根據當日嘅溫度同濕度去調整水份，絕對唔會使用任何添加劑，所以麵條嘅口感唔會過韌之餘，亦有淡淡麥香。今次去嘅沙田店，係繼K11 Musea後，多賀野在港嘅第二間分店。位置於新城市廣場地下，其舊址為「豚王拉麵」。該區域屬於廣場裡面人流極旺嘅位置，所以從剛開業至今，仍然見到好多人排隊。所以今次亦揀平日下午時份到訪，唔需要排隊就可以入到去。店內裝修以木系為主調，空間感大，燈光柔和，布質嘅櫈坐落舒適，全店感覺有和風特色之餘亦帶優雅。店內廚房屬於開放式設計，如坐吧枱位置則可以觀賞師傅烹調過程。本來我哋被安排較入嘅二人座位，但由於我哋點嘅食物較多，所以店員亦非常熱心為我哋換咗一個較大嘅卡位位

多賀野K11 Musea次次經過都起碼排半個鐘以上曾獲4年連續東京米之蓮，經常都大排長龍一直都無機會食到，趁佢剛好無人排隊今次就睇下佢係咪真係咁值得去18:00禁止堂食既關係17:30差唔多截單，無咩人就試下坐低食店內的座位相當寬敞，係我食過最貴既一碗拉麵又真係幾好食，鐘意食辣，辣得回味，個湯底幾乎飲晒咁滯，佢佢湯又真係幾辣，水都飲咗兩杯用鰹魚煲出黎既湯底又香，入口帶點麻香，麵入面仲帶點榨菜，令層次再度提升，酸酸辣辣咁🌶香蔥山椒叉燒拉麵 $138 好味⭐️⭐️⭐️⭐️⭐️😋抵食⭐️⭐️⭐️ 外賣更加做緊50%off 外賣又真係不妨考慮吓堂食加一服務費

一個人原來都可以盡興一個我盡興啲咩吖 係食拉麵吖無錯啦今次為大家介紹既係 -多賀野佢既拉麵主打係新鮮制既佢店內有部機係真係整拉麵 超讚今次點左個極上蟹皇沾麵佢超足料 個湯底有超香濃既蟹味而且仲有啲蟹肉碎係個湯到個蟹炸完外脆內軟而且呢個set有埋蟹肉同蟹膏可以撈埋啲麵食 真係食落啖啖都有蟹香味係口腔入面Location: TST / ShatinPrice (10 is expensive): 6.5/10Environment (10 is chill): 7/10Yummy (10 is delicious): 8/10

雖然在疫情下，但年近歲晚，總是要辦年貨買新衫。講到種類最齊最多商場，沙田火車站可算上一票。晚餐當然吃不了，午飯就選擇好一點，想想整個北區，想找間具水準的拉麵店真是有難度，剛好附近開了間「多賀野」拉麵店。「多賀野」來頭可不少，2014至2018年，連續四年榮獲東京米芝蓮指南推介、Tabelog全日本拉麵大獎、Ramen Walker日本最優秀拉面排行榜前10位，湯底以雞、豚及鰹魚熬製，喝起來有層次感，正。翻開餐牌，拉麵、沾麵及定食都有，麵條是店內即製，質素有保證。自家製吉列和牛芝士丸（$72）炸至外層香脆，內裡芝士半溶，咬開呈拉絲狀態，口感豐腴，送啤酒一流。富山白蝦（$58）炸得脆卜卜又香口，而且好乾身，毫無油膩的感覺，又是佐酒良伴。日式煎餃子（$58）大家有無發覺，有時候叫食物，未必係好出色或名物，但係又好想食，對於自己而言，日式餃子是其一，無疑係煎得啱啱好，但又說不出好在那裡，總之就好想食。三得利啤酒（$52）食得白蝦，當然要配杯啤酒，凍冰冰的感覺真好。兩位囝囝各自點了完熟水蜜桃汽水（$38）及靜崗綠茶可樂（$38），都是屬於比較少見的飲品。香蔥山椒叉燒拉麵（$138）簡單的一碗叉燒

平日夜晚人流唔多, 見價錢唔係太貴,就試下lee間米芝連餐廳。一坐低環境寬敞舒服, 我地間房入面有3枱客人,都唔會覺得嘈。叫左粟國塩味沾麵同芝麻辛辣拉麵。賣相有心思, 有個小窩連蠟蠋熱住個湯底, 慢慢食住個沾麵都唔會凍。沾麵夠煙韌, 濃厚既湯底有香香既芝麻味,沾麵掛上湯,唔咸。叉燒偏肥, 煎香左唔算好油，好滿意lee個麵。另外，食家表示芝麻辛辣拉麵辣得夠哂風味,一路食一路刺激味蕾,配埋日本綠茶,正!

多賀野 (沙田)朋友生日諗住帶佢食間好少少嘅拉麵，內部裝修好精緻，有高級感😍店員都服務都好周到，體驗到賓致如歸嘅感覺～當時差不多食到尾聲嘅時候，我細細聲周對面嘅朋友講咗句有啲咸，跟着比其中一位店員聽到。佢行咗過嚟，好友善咁問我需唔需要加啲清湯🥰👍🏻👍🏻但因為就食完，所以冇加到～🔸香蔥山椒叉燒拉麵 $138<重口味、偏油>湯底好濃嘅山椒味，第一啖已經feel到又麻又辣，好惹味🤤但食多幾啖開始覺得口渴，連平時食開重口味嘅我都頂唔順，要飲返啖水😀叉燒入口即溶同幾入味👍🏻好多蔥😍拉麵渾入小麥，偏幼，掛汁力強~👍🏻👍🏻👍🏻/5🔸粟國鹽味拉麵 $128<濃而不膩>湯底有陣陣嘅鰹魚香，唔會好多油，食到食材原始嘅味道～🤤糖心蛋做到半熟，仲會漏蛋汁出嚟🤩👍🏻👍🏻👍🏻叉燒&拉麵一樣正～👍🏻👍🏻👍🏻👍🏻/5整體而言，CP值唔高，但可以一試👍🏻🔺有加一服務費

⭐️多賀野拉麵（沙田）⭐️新城市廣場一樓原來有咁多餐廳，今日嚟到呢間和風拉麵餐廳，據說係米芝蓮推介，香港最優秀嘅拉麵。個頭就開到好大，今日就嚟試吓係咪咁好食。餐單選擇唔多，而且價錢偏貴。最後叫咗一款招牌多賀野醬油拉麵。足足等咗半個鐘，差啲想取消訂單，拉麵就嚟咗啦。同埋一直都覺得好奇怪，點解日式餐廳係比水，而唔係日式煎茶，之後發現原來佢哋係冇杯，所以就比咗水。但係我覺得禮貌上都要同客人講聲。呢度扣咗好多分。⭐️多賀野醬油拉麵（$128）⭐️期待已久嘅一碗拉麵，價錢同埋等候時間已經令到我好唔耐煩。一嚟到成個面層都係油睇落好唔健康。配料唔算多，有少少筍，糖心蛋一隻，紫菜，蔥花同埋兩塊日式叉燒。講真，麵係幾好食，好有嚼勁，幾爽滑。 湯底清清地，有陣海鮮味，唔會太咸。溏心蛋好好食，但嫌個叉燒太硬，有吞到吞唔落嘅感覺。一碗$128 加一既麵，我覺得太唔值。加上服務態度都唔係咁好，覺得太令人失望，以後都唔會過嚟幫襯。☹️

聖誕節睇完戲一出就見到佢之前都想食不過見佢比較貴就無試 正好聖誕節佢無加價 感覺就好似無咁貴一入去啲同事都好有禮貌又會包裝既濕毛巾感覺都幾好叫左一個豚鴨湯沾麵同辣拉面個經理落單果陣都同我地解釋個沾面湯可以之後加熱同出黎係70度 個辣拉麵就有花生堅果咁。我個人黎講都幾驚訝香港既拉麵店有咁好既服務 雖然佢講既野個牌都寫哂 不過我都好讚賞呢到既服務先黎左個豚鴨湯沾麵，佢個湯非常好飲同感覺用足料 飲完有種飲藥膳湯暖身心既感覺。見佢有個火一直燒住兜湯 食到尾個湯重熱辣辣值得一讚。叉燒燒過表面特別香 糖心蛋都係流心效果 蛋香好出。特別要提就係佢啲荀 係我食過咁多年最好食既荀 食落好似有啲油香味。 雖然讚左咁多，但其實我係唔多推介呢個沾麵，事關佢個湯其實比較稀，唔多令到個麵掛到湯。我個人唔多建議佢改濃個湯，我覺得直接轉佢做拉麵可能正啲至於我食果個辣拉麵，由於我係擔擔面愛好者，所以都幾期待佢個拉麵。我會用喜出望外黎形容。湯底非常濃，而且極之足料，既有京蔥絲，而有洋蔥碎粒同豚肉粒，舊叉燒當然都係燒過好好食。成碗拉麵似超足料擔擔撈拉麵多過似湯麵，對我黎講就覺得正到無與倫比。京蔥絲洋蔥粒加個湯底撈埋一齊…不

第一次食多賀野，雖然感覺稍貴但是食物質素唔錯。我老公是個無蟹不歡的人，所以點了這個「極上蟹皇沾麵」，這個份量很適合男人食而我自己就點了一個醬油拉麵🍜總結而言，這間拉麵店值得返兜

平安夜睇完戲出返新城市，先發現多賀野開張咗，見到間鋪頭都靚靚地，就諗住試一次。員工非常有禮地帶我地入座同點菜，想試吓鹽味同醬油嘅麵，同埋點咗兩份小食。飲品有各種汽水，大概38蚊一支，本來想skip的，不過一場黎到就試吓啦。信州蘋果汽水，幾清新同甜度適中。估唔到鹽味沾麵嘅湯底會有火爐仔熱住個湯，可能因為咁湯嘅香氣散發出黎，非常吸引。湯入面燒過嘅肉好好味，而且個湯唔係其他鋪頭結身嘅沾麵湯，食完負擔都唔大。叉燒肥瘦均勻，隻蛋就更係好食。醬油拉麵嘅配料同上面沾麵配料好類似，湯底應該係魚類嘅湯，幾清新！仲多咗隻蛋。吉列炸蠔嘅肉唔老，而且炸粉唔厚，味道唔錯。加上沙律即刻冇咁膩。呢個係本日最出色嘅吉列和牛芝士丸，入面啲芝士因為熱溶而可以拉絲，非常夾牛肉同炸物。而且和牛肉質好好，就算食到最後食晒啲芝士，味道依然唔失色！唔知係米芝連定呢度地段嘅關係，心裡都係覺得定價偏貴，小食都接近80蚊一份，所以都係耐唔耐返黎回味吓和牛芝士丸好喇。

見到沙田新開左，身為拉麵控就一定要去試下🔹栗國鹽味拉麵 $128個湯有淡淡既鹽味，啲配料都好多，有兩塊叉燒，同一隻蛋。啲麵質好爽口彈牙，麵條比平時食開既粗身啲，睇落以為細細碗，但食落好飽。個蛋好流心，好好味👍🏻👍🏻👍🏻🔸辛辣沾麵 $158有好多店既沾麵汁都係比較杰身啲，但依度既沾麵汁就比較稀，唔知其實正宗既點既呢？ 不過依個汁都好夠味，辣度岩岩好。🔹日式煎餃子 $58皮薄，餡有啲淡，但味道都ok既。🔸日本炸豆腐 $48 依個炸豆腐好好味，夾起身唔易散，豆腐應該唔係用平時超市買到果啲牌子，可能真係日本豆腐。

來自日本東京的多賀野，早前已在尖沙咀開了第一間分店，今次再下一城，在沙田最旺的新城市廣場內開設了第二間店舖；喜嚐新的我，自然已將之記在日程之中。據說它們採用四種不同的日本專業麵粉，每日在店內新鮮製作拉麵，不加任何添加劑，經兩日發酵後麵條仍然勁度十足，難怪可連續4年獲得東京米芝蓮推介及Tabelog全日本拉麵大獎。開放式廚房內的廚師們正忙碌地工作，我們就乖乖哋坐定定等食。 除了著名的醬油拉麵外，香港店更特別加入了創新的芝麻辛辣拉麵，粟國塩味拉麵及豚鴨沾麵等款式。我們選了芝麻辛辣拉麵及粟國塩味拉麵，小吃則揀了富山白蝦；另加一支日本酒惣譽。這裡的酒類選擇分別有啤酒、清酒及果酒，這支惣譽(純米吟醸)口感輕快、清爽帶果香，易入喉；味道討好。富山白蝦～炸至金黃的白蝦香脆可口，雖然size的骰，但蝦味卻很澎湃，其殼含豐富鈣質， 營味兼備；佐以爽脆的椰菜絲及惹味沙律醬，三兩下便將它全掃入肚啦。芝麻辛辣拉麵～湯底辛香惹味，內有肉末、芝麻、海量的大葱絲，芝麻醬很香，吃下來有點似擔擔面的feel，叉燒肥瘦相間，柔嫩富脂香；拉麵煙韌；掛湯能力強，每口也沾上滿滿的湯汁，醒胃惹味。粟國塩味拉麵～以慢火熬煮豚骨、昆