大公館

营业中

休息中

今日帶左我吖媽去飲茶，唔想佢老人家食啲劣質點心，呢間大公館睇落應該ok? 呢區長沙灣荔枝角黎講見價錢都唔平，3粒燒賣嘅價錢都差唔多70，唔會差掛？點知都係劣食多， 失望，最離譜一個乜嘢石斑餃，好多胡椒粉，個魚加蝦嘅腸粉又係麻麻，另一個稍為有特色嘅雞窩叫做好食啲。服務可以搭救嘅，但啲服務先好嘢 ，我去嘅時候一個廳面十枱都冇，樓面好似有3,4 個，冇嘢做就傾計，唔識幫啲客人個壺茶加加熱水。 仲有吖大公館嘅老闆唔知你出幾錢人工，埋單個位吖姐一句多謝都冇，仲衰過去大家樂美心買餐收銀都會講句多謝哂。 總括，食物質素同服務都配唔起個價錢，性價比差

工作咁辛苦不時都要慰勞自己又係到咗食飯嘅時間啦今次我哋二人就去到呢間眾多美食老饕一致讚好位於荔枝角D2 Place ONE最頂層有水準高質粵菜館會所🍽️ 「 大公館 」一走進會所就感覺好舒適優雅古色古香的傳統裝修設計好適合一家人聚餐之外亦有眾多上班一族來小聚一番星級料理由屢獲殊榮的烹飪團隊率領透過當代烹調手法結合傳統粵菜帶來全新形象的菜色難怪每一款菜式都富感驚喜喔❣⊰⊹════════════════⊹⊱💬 ✎ 食後感 ：✨ 《 尊貴套餐 DELUXE SET MENU A 》❤️【 大公館小碟 】鎮店之寶之招牌黑毛豬叉燒經過微微燒燶邊肥瘦適中配上香甜的蜜汁一啖放進口裏肉質好軟腍黑魚子龍井煙燻黄花魚煙燻香氣吸附在魚肉表面而魚肉肉質則很堅實、富有彈性鮮沙薑琥珀豬手豬手好特別看似有層次咸味和香菜味平衡得不錯麻香窩荀窩荀入味爽口、麻香惹味❤️【 湯 】魚汁白玉金勾花膠湯湯很足料味道鮮甜有杞子、豆腐、大大隻蝦乾及花膠當中的花膠煮後口感滑順又爽口❤️【 主菜 】法國𦼦腳菇炒蘇格蘭蟶子皇美味香菇汁及蟶子鮮甜的味道口感豐富又開胃芙蓉豆酥蒸銀雪魚球係我最鍾意嘅芙蓉豆腐面頭有酥脆蒜蓉粒粒配上非常滑溜的魚肉大公館

🙏特別想寫段信息讚下大公館嘅食物同員工服務態度我24/12去大公館食晚飯 首先員工會主動幫我地斟茶換碟同有禮貌 環境都好舒服 唔講都唔知原因都有八年 裝修都仲好新食物方便 我同朋友二個人食唔得多 但員工會耐心介紹比我地有乜啱食我地叫咗 醉鮑魚 龍井雞 雞湯翅 麻香萵筍 煎焗白鱔 同楊枝甘露 每一樣食物都有水準 感覺廚師係認真製作 熱食夠熱夠獲氣 凍盤夠入香味 醉鮑魚酒香配合到鮮味 白鱔夠肥美香口 龍井雞好似慢煮咁滑 調味啱啱好 昇華咗原材料嘅味道 一流👍當日亦到見到隔離枱客人無理嘅要求 當值經理同埋陳總廚嘅回應係專業嘅同時 亦令人不會感覺得有壓力 係令人舒服嘅 我見兩位都無令客人難做 服務係非常出色同令人尊敬🙏🙏最後臨走忍唔住問咗大廚拎卡片 期待下次再光臨 我亦想下次帶我家人 朋友嚟大公館再試新做舊式中菜 希望可以再吃好西🥰

🤗 香港唔少新派茶餐廳起朵 “乜乜冰室”, 十次探店, 九次踩雷, 另一個朵就係 “乜公館” 嘅中菜, 跟據 Openrice, 香港至少有十間 “乜公館”.📖 翻查資料: “公館” 原指 官邸, 政府機關首長的房舍. 又可以係對一般人物住宅的敬稱, 例如 “甘公館”, “藐公館”, “嘟公館” 等等.🥰 今日相約老友 “甘仔”, “約兒”, “格魯特” 江湖飯局, “甘仔” 選址 “大公館”, 聲稱多次試菜都合格. 聽講餐廳開業初期, 真係富豪私人會所, 玩會員制, 收會費.🥢 餐廳位於長沙灣 D2 Place 十樓, 裝修擺設古色古香, 用上銅門, 及龍頭把手, 可惜樓底唔夠高. 通過接待處後, 目測數張圓枱, 靠右就係今晚用餐嘅副廳, 十張八張大圓枱. 直入靠左係打邊爐區域, 又名 “大公別館”, 我兩年前食過, 哈!😱 今日就係因為對 “乜公館” 嘅信心, 衝動地 一步攻頂, 點咗 “尊貴套餐”, $788+10%.🍽️ 大公館小碟招牌黑毛豬叉燒黑魚子龍井煙燻黃花魚鮮沙薑琥珀豬手麻香萵荀🥣 魚汁白玉金勾花膠湯🥰 主菜法國藍腳菇炒蘇格蘭蟶子皇芙蓉豆酥蒸銀鱈魚球大公館秘製稻草肉豆漿杞

全港最高質素的中菜廳食物質素與細心服務位於荔枝角D2既大公館絕對是一間值得一試既中菜廳無論係食物既口味定係服務的態度這裡都展現出令人驚艷既高質我既用餐體驗令我留下左深刻既印象首先係食物的口味佢哋對食物嘅要求非常高為客人呈獻左所有無可挑剔既美食無論係一個經典嘅炒菜定係創新既菜式每一道菜都散發住獨特既風味同精心既製作我特別推薦佢哋嘅招牌菜古法鹽焗雞 提提大家 呢個要早一日預訂如果唔係 即日order係唔會食到除了令人一試難忘嘅食物之外大公館既服務態度都係無可挑剔從我踏入餐廳既果一刻起接待嘅職員已經幫我開門仲會親自帶我入房就展現出極高既專業同細心感覺去咗一間五星級酒店咁而且佢見到我哋有小朋友都會主動提供白飯佢哋殷勤既服務絕對係值得被讚揚無論你係想同屋企人慶祝生日定係朋友聚餐我強烈推薦大家可以試吓大公館絕對會係一次難忘而且愉悅既用餐體驗

呢餐飯由頭盤鮑魚到糖水都令人讚不絕口！鮑魚一上菜，朋友們都嘩嘩聲，因為好打卡able!騰雲駕霧咁上嚟，打卡完一輪後，每人一啖，佢嘅柚子香令鮑魚味道更出，作為前菜非常不錯，可以打開味蕾迎接跟著落嚟嘅菜式！其實佢樣樣都好食，平時好怕咕嚕肉出面層脆漿好厚，呢個係又薄又脆，賣相成粒波咁幾得意！必食！雞係嫩滑醬油令雞入晒味，怕肥唔食皮都唔會覺得啲肉係無味！牛肋條更加食到lam lam👅 勁淋 唔肥 有牛味！呢個籠仔飯好有蒜香味，蒸得唔濕，魚有好勁嘅魚油，每人小碗已經好足夠，多人share食先好叫！甜品叫咗幾樣，其中楊枝甘露係好好食！柚子唔會過多太苦澀太酸，感覺清新，更多嘅係香甜嘅芒果味，呢個係好食嘅楊枝甘露！

人多食飯嘅好處就係可以叫好多餸，滿足哂乜都想試下嘅貪心慾望🤭前排我地一行10人去左荔枝角呢間大公館，連埋甜品叫左11碟野食🤤因為人多嘅關係，所以某啲餸我地加大左份量，所以文中圖片份量不能作準喔！11樣野入面我覺得有4樣野係做得特別出色！首先係鮮菠蘿咕嚕肉 ，呢味餸係街成暐食，但真係做得出色就無幾多間！佢嘅外皮厚薄拿捏得剛剛好，入口完全唔覺得厚，十分脆口！而且肉質非常嫩，唔係咬極都唔爛果款！第二樣係蟹粉帶子燴豆腐，由於我唔係好食得蟹，只係淺嘗左幾啖就收口；蟹粉味十分鮮香濃郁，口感鮮香，要黎送白飯係一流！👍🏻👍🏻第三樣係金蒜瑤柱蒸冰島鰈魚鰭籠仔飯，初初叫嘅時候無為意，上菜時發現原來即係左口魚🤭之前都有講過我係左口魚Fans🤣🤣今次用籠仔蒸，又有另一翻風味！鰈魚非常鮮甜又滑，本身個飯就咁食無咩味，所以佢有附上碟豉油，吊完味之後就十分正喇👍🏻最後係甜品金箔懷舊芝麻卷，佢嘅黑芝麻香味非濃郁，口感煙韌彈牙；之前有食過一啲塊皮又厚又硬，呢度就整得又滑又彈牙！最後想讚下當日嘅侍應妹妹，十分好禮貌，又同客人講得笑，十分欣賞！要提一提，呢度上菜會稍為慢啲，俾人慢慢飲下酒傾下計；如果你想滾水淥腳咁食完餐飯，

媽咪生日 好多野食都要早一日訂 所以試到既係普通菜式叫左個蝶魚鰭飯 超好食 魚油好出 飯少少硬身 好好食 會再返兜 全個飯清晒和牛砂鍋黑松露炒飯 少少淡咪 有d油 一般 唔差 黃金炸魚皮 好脆好多蛋黃 好食 陳皮蠔砵 好鹹 有其他火腿 個主菜都變咗唔係蠔 蛋過熟 少少難食 食咗一半勉強 最後都放棄藜麥炸蝦球 非常好食 個蝦好脆好大嚿佢係用蛋黃沙炸蝦蛋黃味道 好好香脆豆漿腐竹菜心 清清地記得意佢個豆漿底真係食到有啲豆漿味，又好夾 有少少紅棗一般嚟講侍應禮貌都OK嘢食上得都算快 啲茶，冇晒都加得好快 切餅費收咗$150 一個蛋糕正常價錢如果想一家人食高質少少既中菜，呢間性價比都算高 坐得又舒服，不過冷氣就凍咗少少 嚟慶祝屋企人生日都唔失禮 有好多菜式都好值得試，但係真係要早一日訂定

今日母親大人正日生日而佢係荔枝角返工，佢想食中菜～揀左間中菜慶祝🪅嗌咗六樣嘢第一樣係炸魚皮 有蛋黃醬，好好食，蛋黃醬唔會好多，唔會覺得太咸上菜嘅時候暖暖地，正！豆腐腐皮時菜見幾新奇嗌咗嚟試下，腐皮同豆漿好夾，菜芯同豆漿一齊食又唔會話好奇怪呢個唔記得咩名但係超級好食！名膽內爽！上面係藜麥，好香口，熱辣辣食十分juicy! 隻蝦好大隻好新鮮，十分之驚喜😝黑松露牛肉砂煲飯黑松露我麻麻地，我家姐話好香，有啲油，但係牛肉炒飯都算係咁，有干蒜喺面，香味十足又唔記得係咩差名啲魚好好食！入口即溶呀，有配豉油一齊上，魚好滑，個飯幾乾身，撈埋食啱啱好！黃金陳皮砵仔蠔啲蛋好老，唔知食緊乜，淨係食到啲豬肉好咸，陳皮味是有的，完全無蠔味，最期待反而最失望。生日飯嚟講荔枝角嚟講中菜嚟講算係咁～～補充返少少，本身上open rice睇定想食嘅嘢，嚟到話轉咗menu，又好多都要提早訂先有，所以可以訂位前問定有咩要提早訂先有最好~~

朋友提議食中菜，帶咗我嚟大公館，估唔到呢度無論環境、食物都非常精緻，喺D2 Place搭𨋢上去，平時我都冇留意。我哋四個人食，前菜揀咗黑魚子花雕醉南非鮮鮑魚、川味口水竹絲雞，唔只別緻有特色，仲好好食！花雕好香，鮑魚軟稔彈牙，不過最驚喜係竹絲雞呢個配搭，超好食！主菜三色藜麥金沙蝦球、燒汁慢煮原條牛肋骨、脆米蒜香雞、西班牙火腿金芙蓉蒸星斑球、金蒜瑤柱蒸冰島鰈魚鰭籠仔飯、豆漿杞子鮮黑腐竹浸時蔬，每一道菜都唔係一般中菜咁簡單，都係比較特別，除咗食材本身高質，菜式亦係出面好少會見到嘅創意配搭，但又出奇地好食。例如脆米蒜香雞，燒到脆皮嘅雞加咗脆米後，係double嘅香脆！後來我search返先發現原來呢度嘅行政總廚係來自米芝蓮三星級餐廳榮獲多項烹飪賽獎項嘅陳偉庭師傅，唔怪得可以將廣東菜變奏得出神入化，由擺盤至味覺享受都一絲不苟。最後，以清心柚子糕 (推介必食！）同金箔懷舊芝麻卷作結，非常圓滿，不過最開心梗係同朋友們見面，呢度環境好靚，唔嘈，我覺得好適合聚會呀。

中秋將近朋友仔請食飯，選址位於這個長沙灣區，一個我對我來說陌生的地方，當然這個秘密的私房菜也是他為今次而搜尋。。。用膳當日是平日但餐牌上的套餐沒有合適的選擇所以我們分別單點了好幾樣，～先送來是家鄉生拆魚蓉羹HK$118.烹煮得比較細綿，口感上可以話說全冇，胡椒粉味比較強勁，自己就抱着持平態度⭐️⭐️⭐️黒毛豬义燒248.這一款，聽聞是招牌菜式，但當日所吃的感覺比較乾同比較硬，部位上是否真的是梅頭肉？⭐️⭐️砵酒焗美國生蠔 HK$68. 首先價錢我覺得相當吸引，而且份量大，味道今次來得合乎我們全枱人的心意，自己私心推介⭐️⭐️⭐️⭐️椒鹽鴨舌HK$98.烹煮的手法猶豫避風塘，感覺野味，不過價錢一啲都唔手軟⭐️⭐️⭐️打卡部份芹香鮮蝦金魚餃HK$68. 賣相一流，不過吃在口中就覺得內涵比較未為飽滿紮實，芹菜味道幾出，如果餃內的餡料比較飽滿一點應該會更好⭐️⭐️⭐️打卡部份第二位刺蝟脆香叉燒包HK$68.整個賣相我覺得師傅做得很有細緻同埋心思,不過就失敗於內涵之內，叉燒餡料太乾太瘦太柴皮，叉燒包餡亦都比較乾，本來煎香包底理應係好，我們用筷子夾上，包身牢牢的黏貼在碟之上，可想知包身未夠濕潤的狀態⭐️⭐️麻香萵筍Hk$78.這一

食物整體唔錯，座位寬敞，係一間家庭飯聚唔錯既餐館，不過嬰兒都收菜芥令人無法理解服務態度認真麻麻，其中一紮馬尾金髮中年女士，長期表現不耐煩，黑口黑面 (對所有食客，非本枱)。 而整體上菜都很不專業，會將餸菜放轉盤中間，或將匙羹放向轉盤中間，每次上菜後食客要起身移動食物或取匙羹放回就手位置

開學後約到幾位靚媽共進晚膳，這機遇難得，當然不能hea食。朋友提議去「大公館」食中菜，主打精緻菜餚，看餐牌頗有新意，非千篇一律的菜式，值得一試。店內裝潢古色古香，座位濶落，以大圓枱居多，很適合大班人聚會。頭盤有🥢黑魚子花雕醉南非鮮飽魚 和 🥢川味口水竹絲雞。醉鮑魚冰凍結實，花雕酒味香而不澀，表面點綴黑魚子增加鹹鮮味和貴氣。竹絲雞平時燉湯多，口水竹絲雞也是第一次吃；入口花椒香味甚強，再滲出少少辛辣味，雞件切得方正滑口不油膩，很特別。🥢三色藜麥金沙蝦球外層包裹鹹蛋黃炸脆，金黃鹹香，加上三色藜麥點綴，增加口感又有益，蝦膠鮮滑彈牙，酥脆惹味。🥢燒汁慢煮牛肋骨牛肋骨肥瘦適中，慢煮令肉質更稔滑，厚切保留肉汁，肉味濃郁。🥢脆米蒜香雞雞件滑溜，皮脆不油膩，蒜香味突出，脆米營造如米通的卜卜脆口感，口感更好。🥢西班牙火腿金芙蓉蒸星班球賣相精緻，星班球清蒸後滑不溜口，鮮味讓人想多吃一塊；配上蒸蛋和西班牙火腿，中西合璧，配搭出色。🥢金蒜瑤柱蒸冰島鰈魚鰭籠仔飯飯粒吸收了瑤柱和魚塊的鹹鮮味，加上蒜香，每口都非常入味。冰島鰈魚質感比較滑身，入口即溶，魚味清甜，味道不錯。🥢豆漿杞子鮮黑腐竹浸時蔬第一次食黑腐竹，外型特

開心聚一聚！做咗媽媽之後，更加珍惜放低小朋友同朋友食餐飯嘅時光今次去 #大公館 食精緻中菜。可以同朋友傾吓偈，講下媽媽經，一邊慢慢品嚐美食。前菜：-黑魚子花雕醉南非鮮鮑魚-龍井煙燻黃花魚-川味口水竹絲雞上前菜已經好肚餓，竹絲雞賣相好特別，川味惹味真係流口水。南非鮮鮑魚好彈牙、龍井煙燻黃花魚有陣陣茶香。開胃之後再繼續食：-三色藜麥金沙蝦球-燒汁慢煮原條牛肋骨-脆米蒜香雞-西班牙火腿金芙蓉蒸星斑球-金蒜瑤柱蒸冰島鰈魚鰭籠仔飯 -豆漿杞子鮮黑腐竹浸時蔬-清心柚子糕 -金箔懷舊芝麻卷金沙蝦球蛋黃好香濃，配上三色藜麥中和清新；慢煮原條牛肋骨好軟腍入味；脆米蒜香雞外皮香脆內裏Juicy；芙蓉蒸星斑球橙黃色啫喱狀湯汁非常特別，口感鮮甜嫩口；冰島鰈魚鰭籠仔飯，第一次食冰島鰈魚鰭，估唔到口感係咁！最後食返個豆漿杞子鮮黑腐竹浸時蔬清一清味蕾，再食埋兩款甜品，非常滿足大公館環境清雅，食物精緻，好適合一家人或者朋友相聚餐廳：Greater China Club 大公館

難得的me time～約埋幾位靚媽一齊聚一聚！今次飯聚選擇咗大公館，品嚐精緻高質嘅新派粵菜🫖環境舒適寬敞，加上貼心的服務，可以用「冇得彈」嚟形容💕每款菜式都好精緻，好有水準！💥特別推薦川味口水竹絲雞，以冷盤啫喱狀呈現好特別，配埋麻辣醬油，非常滋味！三色藜麥金沙蝦球🍤上菜時已經聞到陣陣鹹蛋黃香味，加上蝦球皮脆彈牙，絕對係令人忘不了的味道！西班牙火腿金芙蓉蒸星斑球賣相特別，嫩滑星斑球🐟配上蒸蛋及西班牙火腿，味道好夾，口感豐富！金箔懷舊芝麻卷係我最鍾意嘅傳統糕點❤️香港已經買少見少，但呢度可以食到皮薄芝麻味濃郁嘅芝麻卷，實屬難得！今次飯聚有美人佳餚非常開心！而且有說不完的話題，期待下次見面啊❣️