大壹冰室 (已結業)

*約了女友在荃灣睇戲,係附近搵到間較新既食店,叫冰室看來似餐廳多點*坐下來送上兩杯水同餐具,女友卻發現水杯口有污漬,刀也是 即時要更換..點左兩份SET,同樣要白湯,是晚為粟米忌廉湯,可惡 味道超咸 怪.. 跟來餐包,是蒜蓉多士,多士唔熱既,食一口硬實實,不知放了多時??差劣(大家咬一口放棄)前菜這樣,心裡想主菜會是如何?女友面色又如何..(都要做定功課,陣間去搵間正既甜品店補鑊)我ORDER朱排焗飯,份量大,蕃茄味甜多過酸,吃著都可以,而朱排太淋無咩味道..麻麻女友點選大蝦意粉賣相不錯,意粉算彈牙,味道可以,大蝦是雪蝦但爽口..這裡就加點分凍奶茶OK,是西式沖法,無茶味略淡口,凍檸茶,無檸香得甜味..連加一計$160試一次便算

小弟平時會周圍嘗試美食，就算遇到好食或劣評的食物都好少會上黎打食評，但今次真心要破例上黎打食評，因為係度俾我嘗試到人生食過最難食嘅肉眼扒！！ 話說今日同老婆睇完戲想搵地方坐底食下嘢，經過見到呢間冰室裝潢懷舊有特色，又貼滿雜誌好評，見價錢又適中就入去一試。可能打風嘅關係唔洗點排隊，我地兩人都各點咗個肉眼扒餐(五成熟)$95+$29要多個焗田螺及鹵水雞中翼，田螺同雞中翼味道一般，但$29有兩客我覺得咁嘅價錢咁嘅質素可接受。終於到主角出場，賣相完全唔似肉眼扒，但切落去似有五成熟，有血水出，點知入口一咬落去零口感，零味道，一d肉味都無，即刻吐返出黎，開頭諗住剛好過個位置煎得唔好，咁就再切入d再食，點知結果一樣，我老婆果塊都係一樣，果種難食嘅程度簡直刻骨銘心，之後我地兩個都放棄個餐，快快飲完杯嘢飲就走。帳單Total:$245 總結：大家可以唔洗再嘗試個肉眼扒，其他嘢食我無食過所以無意見，可能Ok，但我唔會再去呢間嘢再試，因為我怕再中伏。可以讚嘅係佢地餐廳環境舒服，服務都Ok，有禮貌，但牛肉食材質素嚴重需要改善！！真心好難食到咁難食嘅肉眼扒！！

說起了冰室，你會想到甚麼呢？可能會想到只是售賣舊有的麵包，如菠蘿包和雞尾包等，冰室的消失，卻換來茶餐廳的景像，食物也變得多樣化。如今潮流興復古懷舊，冰室再度重現眼前。現今的冰室，在硬件上已經顯示出來，就像今天走到荃灣大霸街的大壹冰室，就是其中之一，單從牆上的擺設與裝飾，已經畧知一二，那些飛機和汽車，你可曾見過實物嗎？帆船不在海中航行，卻在牆上掛了起來。然而大壹是否在壹玖陸玖年開業，就不得而知，但是從它的硬件和軟件中卻有著莫大的差異。從前的冰室只吃麵包奶茶和咖啡，在大壹的午飯時間，全部都是西式食品，焗飯，意粉，牛扒和奄列一應俱全，甚至連茶餐廳的早午下午茶都沒有，是否要來個西餐廳裡的冰室，才算得 fusion ?羅宋湯。如無特別的話，紅湯是永遠在下的首選，至少在味精上沒有多落，兼且還有蔬菜可以食吓，雖然餐湯不是那麼的辛辣，但是卻又酸酸甜甜，也不像中湯般，只有湯水沒有煲湯的材料，這也是在下所喜歡的主要原因之一。餐包是牛油麵包，焗得不算太鬆脆，略脆，總好過不脆吧。板石燒德國肉腸龍脷柳配薯菜。石板其實都是鐵板來的，只是外形與平時港式餐廳的鐵板有點分別，呈長方形，上桌時猶如港式餐廳一樣，在食客面前

今日約左朋友黎荃灣買材料整餅，買完臨返朋友屋企之前，我地打算先食個飯。早排聽媽咪講，呢頭有間好似我地之前去過係旺角個間餐廳，既然係附近，所以就過黎試下(最大原因係我地諗唔到食咩好！)。黎到見到真係有啲似，個招牌又係咁樣有餅燈箱，入面啲裝修又係咁上下，連啲枱都好似好似，只係個名唔同左，抄得好足個隻。入到去坐低，望望餐牌，心諗係咪咁明目張膽呢？連餐牌都咁似！我叫左個白汁龍利柳意粉，飲熱咖啡。同朋友傾左陣計，野食就到喇，就咁睇落，賣相唔差，份量都唔細，魚柳有2大條。魚柳好厚身，好好味，唔乾，裡面仲有啲滑，唔錯。麵質都好okay，唔會好似出面個啲咁痴埋1叠，再加埋我一向鐘愛白汁，嘻嘻～好味！但因為太大份既關係，我完全食唔晒，我諗最後我淨係食左一大半就要投降，塞左比我朋友食，哈哈哈哈~ 總括黎講唔錯，下次應該試下一樣既野，睇下係咪真係咁似！

睇完戲行完街，見呢間野咁多tvb介紹應該唔錯就試下啦.叫左個黑松露汁西冷半成熟，一切開就知不妙了，入面是紅但完全冇血冇肉汁，入口完全冇味，件牛淋到應該比梳打水浸足一千年咁...食左兩舊就頂唔住放棄了！連普通茶餐廳都不如。

我今次真係第一次寫食評，呢間野我以後都唔走，一入黎坐底，水都無杯，算啦...之後點野食，服務員全部都係打暑期工咁，hea做,態度超差，無笑容，眼神好一山兇就倒瀉餐湯，碗湯仲要照放上枱，火爆，之後牛扒到，要7成，最後變左well done,硬到無朋友...同班妹妹仔講左，又無反應，我以後都唔食呢間野！！

今次好驚喜~因為今次係荃灣搵野食~繼上次冰室後,另我改觀左個概念~..今次見到冰室再加上門口貼了好幾篇飲食推介,個牌面設計同上次個間皇后冰室一樣好似樣就即刻活躍起黎,吾知佢地有冇關係架呢..[ 嘻嘻~好八掛呢 ] .佢既檯上設計同上次皇后冰室都一樣以磚塊裝飾檯中央~黎度有好多玩具佈置..全部都係.六七十年代玩具,真係好襯托冰室黎個詞語!加上樓底又夠高身, 懷舊得黎又有時尚感,不過D位坐得舒服得黎有少許既擠迫感~嗚嗚嗚~~.今次嗌個法式煎大蝦香辣野菌墨魚麵~佢既蝦岩岩好~吾會煎到熟透痴牙!!個辣真係好香又吾’供’鼻,墨魚汁幾好~又有益!意粉份量都太多,又浪費!嗚!反而升級自選個兩款小食出奇好味!真係跌眼鏡~尤其個瑞士雞翼,個瑞士汁吾太甜,醃得岩岩好D時間!只得3隻有D吾夠喉!另外仲有個即磨薯蓉焗法式田螺,薯蓉不但好滑,牛油味又好出!!!仲擠成CREAM狀,都幾有心思!田螺口感好彈好爽~一碟5粒份量剛剛好,吾會太滯!!

是日晚上女友同友人聚餐，唯有一個人食自己。一個人既時候最適合就係尋幽探秘，試D未食過既餐廳！最後決定搵間排長龍既入去試試！坐低拎起張Menu，圖片張張都咁吸引，由於好肚餓，所以就一共揀左紐西蘭A級香草羊扒同埋黑魚子蟹肉燴闊條麵兩個紐西蘭A級香草羊扒一向鐘意少少蘇味既羊腿扒，今次個羊扒幾令，配簡單香草汁唔會蓋過羊本身既味道，而且嫩口無筋，火候岩岩好！蟹肉闊條麵麵條略嫌少少硬，但蟹肉比想像多同埋有口感，仲有少有既黑魚子，味道夠晒特別整體黎講非常滿意，希望下次黎可以試埋個燒羊架同鴨胸啦。備註：睇得出店內裝潢店主落過好多心機，淨係呢份執著就已經加晒分！

到荃灣工作，lunch 揾間有水準嘅餐廳有D難，見呢間門外排哂隊，望一望入面裝修不俗，咁二人等下啦。約十分鐘有位，俾安排一個靠入二人枱。粗黑椒野菌豬扒意大利粉-賣相不錯，同餐牌差不多，豬扒碎上，味道調得好入味，豬扒份量亦足，配粗黑椒特別野味，意粉不太淋，剛剛好。整碟份量我自己食吾哂白酒蜆肉龍利柳-超大件，我食D，龍利柳頗新鮮，炸得熱辣辣，外脆吾厚，內魚味濃，一D都吾腥，正。

青口意粉的青口會發嗅的, 芝士焗西蘭花是凍的. 瑞士雞翼也是凍的. 穿藍色制服的員工服務態度要再改善下, 總括全部食物要熱的也是凍. 快上餐也要顧及食物是否已經整熱. 沒理理由急凍的青口也會發嗅.

不知由何時開始，香港的店主喜歡把數字或年份融入店名之中，像227、759等，這些數字有時還真像密碼，譲人解不開猜不透。大壹冰室的店名也加了1969，就像戰前唐樓於屋頂上刻有建築年份一樣，令人知道那是該店開設的年份。香港舊式冰室沒落後，興起了像大壹一樣重新包裝過的新式冰室。入門投影著大壹冰室的名號，舊式唐樓的鐵窗花、綠白階磚、舊玩具、舊相架和舊車牌都給人溫暖的親切感，而黑皮梳化、石屎牆和石屎地板則營造了一種冰冷的型格。大部份店員的神情不太友善，感覺有點兇狠，令我想起舊時的銀龍。餐廳例牌可選紅湯底白湯，忌廉湯混了紅蘿蔔蓉，看起來有點橙橙的。湯的質感水水的，部份忌廉沒完全溶解，湯底有些結成一塊塊。餐包是法國麵包，表面看似脆脆的，但咬下去卻很韌，這個感覺令我想起小時候用來餵金魚那種麵包。店內的飲品餐牌首先吸引到我注意，以前嚐過黑牛，卻不知道什麼是紅牛，只知道應該跟red bull能量飲料無關。原來紅牛是指芒果雪糕配利賓納，起初總覺得兩者不搭，不過因為兩者都酸，入口感覺味道意外地合拍。利賓納是用糖漿開滾水沖的，杯的上截是冰的，底層卻很熱，非常獨特的港式沖法。忽然想小時候跟爸媽到醫院探病，帶的不是

大壹冰室 1969 ... 究竟與1969有甚麼關係, 原本是有過她的存在嗎?  還是新瓶舊酒的裝扮?門前貼了不少報紙、雜誌、TVB的介紹, 不過我無留意內容, 因為我只專注在是日午餐 ...午餐款式多, 共有21款, 每款都包餐湯及湯茶, 價錢由$39-$58不等~冰室刻意塑造西餐廳格調, 倚靠在大黑高背厚梳化上, 聽著正播放的歐美pop music, 侍應生及廚師們均是西式打扮, 可惜是完全未能融入其中 ...顧客的噪嚷聲音是不能避免, 可是獨立的四人卡座竟需要與陌生人拼坐, 尤幸我們一早選了獨立的二人卡座~我們選擇了上述午餐, $58加$2凍飲便是$60 ... 最後收錢時收$120剛剛好 (不用加一服務費), 等餐時隨意拍拍 ...硬脆牛油多士率先送上, 紅湯又稀又淡, 酸味只是淺淺盪來, 味道跟茶記無異~白湯同樣是既稀且淡, 淡淡的菇味陪隨著麵粉糰~首先送來是賣相與餐牌相差甚遠的比目魚餐, 說是烤焗卻嚐不出有關味道來, 實情是炸過的比目魚再淋上與忌廉湯相似的白汁及Dill草 ... 魚肉有魚油的美味但是旁邊小骨也有不少, 吃時要留心清楚~其後再來多份烤西冷餐, 太太點了薯菜↓

又是倆伙子見到呢間餐廳唔使排隊，於是走入去試一次， 因為平日夜晚好多人等位的，都係果句心想多人排一定是好野，未必 如果等候時間要花上15 分鐘以上就不必喇。好入坐 坐位壁 檯與檯之間想出入都有點困難，坐得不舒服附近的待應在櫃上抹刀叉，刀叉的撞擊聲十分非常嘈吵。我們叫了一個比目魚扒飯， 一個焗豬扒飯 先來兩個餐湯一個甘筍湯好味夠滑，但飲不出有甘筍味 只有忌廉的味道，紅湯一般茶餐廳合格之作，主菜來到一件比目魚，外面翠入口清香魚肉滑沒有油膩的感覺，想必定時間剛剛好一讚，可惜是清香的魚加清淡的白飯，食食下感覺真係有D 淡， 焗豬扒飯來到濃濃的番茄醬，濕濕的飯定必焗的時間不夠，加上用的珍珠較硬食得有點倦，豬扒街市的雪藏豬扒，相比下大家樂一哥豬扒焗飯 你係得既。。,如果要比這個價錢， 唔理裝修我會選擇翠華或路德圍的西餐廳，短期內唔會再試。

是日放假, 打算返舊公司探班仔女前, 到附近搵食醫肚,早前在雜誌有介紹, 故到來試試.在外等位時, 已見門外貼滿(上報)牆紙,原來都有期望, 點知一食....賴野!無可否認, 店內裝修的確吸引,滿有懷舊特式.但食物質素卻很麻麻....話晒都係一間新食店, 上菜的玻璃碗碟卻 "崩'"晒, 雖然我唔係食碗碟, 但外觀上的確扣左分.之後就點了一個紐西蘭白汁鮮三文魚飯及一個甚麼穀詞肥牛飯 (名長得忘記了).食落第一啖, 淡到尤如無味一樣, 三文魚內又有魚骨...咁大兜飯, 落實難哽, 所以隨即叫侍應給來一樽鹽調味. 侍應遞上鹽後, 我停頓三秒, 之後決定不用...原因係樽鹽好像濕了似的, 一達達黃色...真係見到都唔太開胃...之後又叫另一位侍應遞上芝士粉, 很難在不浪費的情況下食完...這個肥牛雖然好過三文魚焗飯, 但朋友的回應係 "pepper lunch" 好味過佢....

通常叫得冰室已經有個概念就係「平，靚 ，正」，而食物跟一般冰室相差很大，入餐廳後叫左幾款唔同嘅食物，其中一樣就係蛋包飯 ，個蛋包飯出奇地普通，如果係即煮嘅蛋包飯切開應該出煙，送黎一碟唔熱的飯已經算，蛋唔夠滑 ，飯又超級乾，中間Ｄ海鮮幾重冰鮮味下，另外叫左嘅就係鐵板餐，汁難食，其他中普普通通，如果要推薦的話，應該只有小食「薯條」係正常，我覺得多數人以食物味道行及價錢行先，而這間冰室完全無「平，靚 ，正」，我諗只有服務係比其他冰室一點點。