大壹燒鵝 (啟田大廈)

营业中

休息中

今日同媽咪去咗類似茶餐廳，但係質素絕對係酒店及質素的食物。真係意想不到。而來到時正正是下午茶。先來各自燒鵝灬雙拼飯更係要試下燒腩仔再配睇落唔特別但飲落檸檬非常新鮮冇苦澀味的檸檬水燒鵝瀨粉再加一杯熱飲奶茶茶走！滿足到一個點覺得自己好幸福可以用這個價錢食到咁高質嘅食物。皮脆肉滑，鮮味十足。而家好難食到有奶粉嘅地方這個奶粉是、而且大大碗其實真係食唔晒。豆豉鯪魚油麥菜另外這個家常餸好似非常簡單的，但是只看材料豆豉鯪魚一啲都唔慳，勁多。我一啲都唔太油膩。而油麥菜仍然質地是爽爽脆口的。胃口大開，再來蠓伃肉碎粥（$58包飲品）這個簡直不得了，因為蠔仔肥嘟嘟，而且大大粒這個湯底是用魚熬製從這個湯，因為是白雪雪的湯底非常之鮮味。等我….. 好快再來！

平時放工晚餐時間都見呢間～大壹燒鵝～ 都排曬隊。 今日放工OT，遲左啲經過，見條隊無咁長，一於幫襯下先。排隊時爭取時間睇下食咩好，見到有個二人餐抵食幾吸引。二人套餐有例湯、飲品、白飯、燒味雙拼同自選小菜兩款，小菜仲有成39款揀👍。叉燒拼香妃雞， 好彩及時嗌到叉燒，因為嗌咗冇幾耐就聽到師傅話冇曬叉燒喇。✌️ 叉燒好鬆軟多汁，香妃雞肉都好嫩滑。菠蘿咕嚕肉， 咕嚕肉份量多，裏面除咗菠蘿仲有粒無花果，令都醬汁好鮮甜，無花果都好食👍。椰菜粉絲櫻花蝦煲，呢個椰菜煲幾驚喜，上枱時 熱辣辣香噴噴，裏面有肉碎、櫻花蝦、瑤柱，食落超惹味，食唔停口。食到好飽，好滿足。

每隔一排就會想黎呢到食燒鵝，今次又帶其他朋友黎試下睇下有咩評價。一如以往，餐廳十分旺場，當日7點去到都要等一陣先可以入座。當日兩個人嗌左一個燒鵝下庄，同埋兩碗燒味瀨粉。叉燒(單拼配瀨粉$53)，叉燒係腩叉，無得指明要肥定瘦，一般都會提應半肥瘦既叉燒，鍾意食瘦叉既朋友可能要留意下。上菜時幾靚仔，有燶邊，叉燒食落重玫瑰露味，調味比較甜，肉質柔軟，肥膏位食落爽口。豉油雞(單拼配瀨粉$53)，油雞當日比左胸同翼位，雞胸入口唔會太嚡，豉油雞都有小小玫瑰露香而且幾入味。蘸雞既蔥油幾香而且唔會死咸，唔錯。燒鵝下庄($158)，燒鵝好似比以往細隻，雖然上菜時溫度微暖，鵝皮保持到香脆，肉質入口腍滑，醃料方面五香粉味比較重，燒鵝醃得入味，最鍾意食鵝背位，夠肥又夠味。除左溫度整體都保持到水準。食完唔夠喉叫多左個芒果布丁($12)，布丁入口香濃順滑，奶味足夠，芒果份量亦十分慷慨，好有驚喜私心推介。整體水準都KEEP到，唯獨當日燒鵝溫度有小小失色，相信係太多客做唔切，總括黎講係滿意既，食物選擇多，水準唔錯而且價錢抵食，餐廳除左燒味仲有小菜提供，值得回頭既一間。

在藍田地鐵站到啟田商場的路上，有林林總總的食肆，但堂食選擇不多，在啟田商場見到對面馬路的大壹燒鵝，看上去環境唔錯，所以去食燒鵝。燒鵝叉燒雙拼飯燒鵝皮香脆而肉嫩，皮同肉中間重有層油脂，十分完美。加上酸酸的燒鵝醬，好好味。 叉燒也非常入味,口感柔軟多汁，肥瘦均勻，也是必試。紅豆冰近半杯的紅豆和紅豆蓉，啖啖都有奶和紅豆味，飲完重可以食紅豆粒咁正宗的紅豆冰真的難搵了可以食到咁美味的燒味和紅豆冰，環境又清潔舒服，真的好難得，難怪平日晚上也坐滿人了

今天路過藍田，從A口出來，經過幾部長的扶手電梯看到了這家做燒味的茶餐廳。.晚市還有二人套餐，包含2個湯，一份燒味（可選叉燒，豉油雞或者香妃雞），以及兩個餸。如果不選燒味，則可以選擇三個餸。.當日，我們選了小炒皇，裏面有魷魚，小魚乾，韭薹，腰果，貝柱，都好清新，又好吃，送飯一流。.另外選了一個椒鹽魷魚，炸的酥酥脆脆，好吃。.一個叉燒拼香妃雞，叉燒果然很好味。香妃雞配有蔥油很夠味，雞腿肉好滑嫩！.奶茶和凍檸，也都很有水準，最後買單只要300蚊

放假同媽咪去好耐冇去嘅藍田匯景商場行街，行完喺附近的「大壹燒鵝」食個午餐提供燒味、海鮮、中式小菜及茶餐廳美食環境乾淨企理，大量卡位坐得舒適==========🔹大壹燒鵝 (例牌) 上庄 $128滿滿油光感，即燒燒鵝上檯時香氣十足，上庄位置啖啖肉燒至外皮香脆富鵝油香，鵝肉緊實，脂肪比例不高蘸適量酸梅醬可中和油膩感推介指數：8.5/10==========🔹薑蔥斑頭腩煲 $98上檯時熱焫焫香噴噴薑蔥份量豐富，鑊氣十足斑頭腩大大件份量多，走過油能鎖住魚汁魚肉外表焦脆，魚肉雪白新鮮，肉質緊實，食到豐富魚香而不過鹹推介指數：9/10==========🔹大壹金牌常餐 $48▶香煎雞扒麵轉咗通粉份量夠多，雞扒煎至微脆而調味不重，肉質不鬆散通粉軟硬度適中；湯底清淡感覺健康▶火腿奄列煎得不過火保留到蛋汁，淡淡的蛋香配合火腿夠滋味▶半邊奶油豬法包香脆帶輕微拉扯感，甜度剛好▶紅豆冰 +$7紅豆份量豐富，煮至軟腍帶不錯的豆香，奶比例適中推介指數：8.5/10🔹熱檸水 $18==========免加一服務費整體用餐體驗滿意，食物質素高，環境舒適；加上店員有禮貌，值得回訪

〰️被關注組推介所以黎試下平日一至四晚市套餐。之前外賣過幾次燒味飯，燒鵝普通，叉燒係好食嘅不過$6x就唔太抵食啦🥴好彩今次晚市二人套餐有驚喜，包兩碗例湯同白飯，絕對夠三至四個人食🤩〰️🌟燒味雙併評分: 4/5叉燒幾腍又夠味，略嫌有啲太肥同冇得單叫叉燒🤭〰️〰️🌟咖哩薯仔牛腩評分: 4.5/5好大一煲，有8-10舊牛腩✨肉質軟腍，咖哩汁重椰奶唔辣，岩哂唔食得辣嘅你〰️🌟豉椒炒鵝腸評分: 5/5呢碟小菜最抵食，食極都仲有。鵝腸唔會太肥，每條都沾滿哂醬汁😋〰️

一件上乘的叉燒，最好就是半肥瘦叉燒，半肥瘦叉燒的肥油，令到叉燒的味道更香和更滑。 另外，叉燒需有微香的蜜汁味，帶有一定的香甜品，件叉燒的週邊一定要燒至微脆，而中間仍是要鬆軟和有肉汁。相片中這一件叉燒，算是一件上乘級數的叉燒。當然，食得依D,就唔好講什麼健康，因為一定無！

一個人去堂食早餐，有三四枱沒有人，每枱有人多數一人坐一枱，待應堅持要搭枱，明白茶餐廳繁忙時間係應該搭枱，但當時並非繁忙有至少三四張吉枱而且之前客人都是一人一枱，完全不理解點解一定要搭枱，而且待應態度惡劣地要求本來是比較喜歡的茶餐廳，經常早餐晚餐都會光顧，經此番體驗，以後都唔想再去了……………………………………………………………………………….......

今晚和朋友來到藍田的「大壹燒鵝」食晚飯，餐廳在啟田道，離地鐵站只是幾分鐘路程，很方便。餐廳有半層閣樓雅座，環境寬敞，座位舒適。一看餐牌，就被$288的二人套餐所吸引，可以任選三小菜，包括燒味雙併，有白飯和例湯。「足料老火湯」：有豬骨、五指毛桃、紅棗煲的老火靚湯。「叉燒拼油雞」：果然是燒味專門店，叉燒肥瘦適中，爽口彈牙，油雞是雞髀，肉質嫩滑，口感非常好。「馳名紅酒會牛尾」：一大鍋，份量不少。牛尾炆得腍軟入味，由於經紅酒炮製，去除羶味，所以特別美味。配菜還有薯仔、鮮茄、紅蘿蔔等，相當豐富。「話梅炆豬手」：一樣是大碟頭，豬手爽滑而不肥膩，配上子薑、話梅，酸酸甜甜，非常惹味。未到七點，餐廳已幾乎滿座，可見非常受歡迎。「大壹燒鵝」的小菜值得一讚。

放工嚟藍田搵朋友攞啲嘢，順便一齊食晚飯。由友人帶路，嚟咗啟田大廈地下呢間「大壹燒鵝」。聽朋友講，餐廳嘅燒味主廚正是澳門一間星級食府出身，而晚飯小菜亦做得有板有眼，絕對不比大酒樓失色。我哋點咗個二人行超值套餐 ($288)，個套餐包 2 位用老火靚湯同白飯，另外仲可以任選三餸，配熱飲+$5，而凍飲就+$7。是日老火湯為合掌瓜豬骨湯，湯水味道非常清甜，用料十足，滋潤解燥。熱奶茶濃郁順滑，茶味香得嚟又唔苦澀；而凍檸茶亦冰涼舒爽，酸度適中，飲落好 refreshing！大壹叉燒皇拼玫瑰豉油雞：叉燒選用肥瘦適中嘅梅頭肉炮製，食落肉質好軟嫩，富肉香和醃製醬料嘅滋味。油雞水準亦不俗，雞肉嫩滑，豉油汁清甜濃稠，用嚟送飯一流！椒鹽鮮魷個脆漿好薄身，火候掌握得恰如其分，外層炸至酥脆，而內裡嘅魷魚肉亦夠晒嫩口，椒鹽味適中又唔韌，絕對係下酒佳選。另外碟菠蘿咕嚕肉亦屬水準之作，唔單止賣相靚仔，而且食落肉味好香濃，外脆內鬆化，吃時還帶點油脂甘香。配料有無花果、蕎頭、菠蘿同三色椒，呢個配搭非常新穎，加上自家調製嘅甜酸醬汁，開胃醒神。

晚上時間，經過藍田大壹燒鵝店，看到人們在店外大排長龍，還有掛在玻璃上富有亮澤感的燒味，便心思思想試試看～店內燈光明亮充足～🥦芥菜鹹肉煲 {＄98 }滾熱的乳白色湯底在煲內呈上，瓦煲能保存食物的溫度，喝下味道香滑美味，芥菜呈青翠的綠色，烹調得多汁幼嫰，鹹肉更帶出鮮味。🍗大壹燒鵝飯｛＄63 ｝雙拼加$5我們轉了瀨粉，加了雙拼叉燒。不得不被這兩款燒味驚艷到，燒味的外皮油份適中呈光澤，飄香四溢。叉燒烤得外脆內軟且香口，濃稠的蜜汁還掛在叉燒外皮上，肉厚肥美，啖啖肉！燒鵝做到皮脆肉嫩，肉質厚實充滿鵝肉的油香，點上酸梅醬更開胃。🍲花菇雞腳燉螺頭 ｛$58｝這盅燉湯令人胃部和暖舒適，湯底材料真材實料，湯名稱內有的材料均有提供在內，個人很喜歡這盅湯～🐟椒鹽九肚魚九肚魚加上新鮮蔥粒及炸蒜，魚炸得香脆嫩滑，外脆內軟，點上醋更顯鮮味，令人一口接一口！

臨近新年，同家人提早食團年飯，好掛住大壹既燒味同小菜。星期一至四晚市既超值套餐真係十分抵食, $288有晒雙拼燒味，2個小菜，仲有靚湯送。 燒味雙拼(叉燒皇+玫瑰豉油雞)叉燒半肥瘦，外身焦脆，肥瘦肉比例剛好，肥既部分入口即溶，加埋蜜汁夠晒惹味豉油雞仲係雞比上，十分抵食，咬落啖啖都係肉，雞肉已吸收了豉油，好入味，連皮食仲滋味。金銀蛋浸時菜我地揀左白菜，份量都足料，皮蛋，蛋白，大量白菜，浸住係湯好入味，唔怕食菜口淡淡。 士多啤梨豬扒呢個配搭十分新鮮，味道係出奇地夾。士多啤梨汁甜酸度剛好，偏甜令人食唔停，呢個汁配飯都好夾。豬扒非常入味，又有口感，而且份量真係好多。 加埋白飯例湯，三餸一湯真係好抵食。

食過堂食及外賣燒味飯，覺得味道都OK，所以今日專登外賣1斤叉燒，百幾蚊1斤叉燒，問佢攞一個薑蓉，個阿姐非常串同我講，叉燒不設付薑蓉，如果要薑蓉要額外收$2蚊1個，唔係嘛！？講真丫，佢D燒味比起同區真係唔係叫做平，買百幾蚊野1個薑蓉都要收錢，第一次遇到咁既食肆，得啦.....都唔多講，列入blacklist，以後唔幫襯！

無意中發現原來藍田都好多特色美食！途經一間大壹燒鵝，原本諗住食燒鵝，點知因為收工太夜，去到已經買完！只好叫小菜食啦！馬介休香煎蓮藕餅$98好大塊，料好足，如果蓮藕再多的口感更加好！薑蔥班頭腩煲$98好香噴噴的薑蔥味，魚份量都好足，忍唔住連薑蔥都食晒。椒鹽九肚魚$98椒鹽香口食材，佢做到炸粉脆而魚保持滑溜，口感剛好，味道適中，再點上個汁增加佢味道，不錯👍🏿雖然食唔到餐廳招牌菜燒鵝之類嘅燒味，但試到餐廳的小炒都可以😌下次再食過燒味✌🏿