大戶屋

营业中

休息中

這天跟C小姐來康怡這邊覓食，本來想去隔壁茶餐廳的，但午餐不怎麼吸引人就稍移玉步過來這裡了。走了一圈，決定幫襯大戶屋。對於大戶屋我算是小戶，雖說喜歡日式料理，但我很少來，皆因並不覺得食物特別吸引，性價比不高。打開menu不太多選擇，最後選了滑蛋豬扒飯(小)+冷烏冬午市套餐 (6.5/10)和玉子豬扒鍋定食。想也知道午市套餐不會有太大驚喜，而結果如是。小滑蛋豬扒飯還ok，飯粒吃得出是珍珠米，黏度剛剛好。但豬扒就不行了，雖然炸得很貼肉，但感覺不是新鮮炸起，而且肉質乾得可憐，到了近乎「柴」的地步。看到大戶屋說冷烏冬是其招牌之一，且叫來試試，吃一口已經有點想罵人。冷烏冬雖然沒有「起舊」(就是麵條不會粘住彼此)，但所謂的煙韌沒有，直接跳到硬的程度，是放在雪櫃多久之至？C小姐的玉子豬扒鍋定食好像好一點，連熱鍋端出來，蓋子打開還是噗嚕噗嚕滾著的，賣相不錯。蛋也是自己看著辦的感覺，喜歡生的可以把蛋立刻打散變蛋花，或者讓它煮久一點也可以。配著粘性強的珍珠米，味道應該不錯的。一個簡單午餐下來，如果只評我的午市套餐，我會給它一個哭臉，但看在C小姐的定食份上，就OK吧，也許下次有機會來我避開麵食吧，畢竟我在這方

有免費的電影換証票在康怡戲院，於是決定晚餐在太古解決，時間尚早，每間食店都無乜人氣。選了大戶屋，不用等就有位，服務員態度還好，雖然他們都只是自説自話，但至少落單時有少許表情。定食由七十至百幾蚊，都幾多選擇。鯖魚餐~份量都幾大，魚好juicy，不過鹽落得唔平均，有啲鹹有啲又無味，有點失色。蘿蔔蓉好“辣”好水，試左一口就無掂過了。面豉湯好正，濃味又夠熱，仲有唔少配料。仲有一碗涼伴海帶同一啲吃唔出係咩嘅野，個樣有啲似茶葉？海帶鹹鹹地好爽口，個啲茶葉嘅物體就甜嘅，我唔like。白飯係真嘅日本米，好綿好有飯香，仲可以添飯一碗，正。 吉列鷄扒餐~好大塊鷄扒，啱啱炸起好熱好脆口，鷄肉嫩口，加埋梅醬好好味。配菜嘅青瓜蕃茄同椰菜絲有啲乾，似乎係一早預備好。下面嘅飯好大碗，一樣係好綿好味，其實就咁樣已經夠飽。餐本身可以跟凍蕎麥麵或暖蕎麥麵，是晚選了冷的。麵本身軟硬適中，好有蕎麥香，精髓在冷麵豉油中，好純嘅豉油加埋生蔥芥末好好味，簡直想攞黎撈埋飯。 一個人食似乎太大份，食唔哂浪費左。

大戶屋係我地每個月都會去一，兩次o既食店，佢ｏ既吉列朱扒同雞扒都好出名。但係今日我同老公就點左另外兩個套餐。燒雞飯配冷烏冬餐 ($75) -燒雞暖滑配上佢出名靚o既珍珠飯，再加ｄ照燒汁，好味-冷烏冬煙韌彈牙，配自家汁了，都好得燒花魚定食　($95)-足足有半條，份量頗大，燒魚好乾身，但係d肉仲好juicy, 一d都唔乾，魚的表面香脆帶小小鹹味，又係好味。 -配前菜，酸菜，湯同飯，一個女仔食唔晒架。**每個餐仲可以免費添一次飯，雖然加一後拉勻要九十幾蚊一位，咁o既份量同質素，一d都唔算貴呀。

我同屋企人(一行9人) 下晝係餐廳位處的商場行街, 行到6點幾又費事周圍走, 所以就打算係大戶屋食. 大戶屋同隔離間壽司店一向都好多人等位, 但我見6點幾 應該未洗等位住, 就一馬當先去看看有無位先. 我去到大戶屋門口, 見仲未有人等, 就問個 waitress “我地有9位, 請問而家有無位?” 佢話有, 但人齊先入得; 我就話 “我D屋企人都係附近, 可唔可以望下D位先?” 佢隨即就帶我入去.入到去我見有一半都未有人坐, 個waitress 就帶我到最裡面的兩個4人卡位, “因為假期比較多人, 你地8位要分開左” (其實我地有9位先真) 明明有咁多位, 點解要我地分開坐!? 我見另一邊的sofa位空空如也, 就問佢 “將呢邊D台拍埋咪得lor, 點解要分開坐?” 佢就話 “因為假期比較多人, 我地最多只可以將3張檯拍埋比你地” 點解9個人要坐6人檯? 再者, 佢成間餐廳都仲有好多位, 本來仲話要我地分開坐, 令人費解? 我同個waitress 理論左一陣, 佢就話 “不如你地人齊左,我先再唸下點安排啦” 我阿文就出名多氣, 但今次真係無佢咁好氣, 既然

本月內兩度光顧，黎開太古還是想吃這間為了吃冷麵，今次選了單點主菜加單點冷烏冬，向侍應下單後，他問我要分開先上烏冬還是等一起再上(因為冷麵可以早點準備好，肚餓可以先吃到)，好細心呢主菜和烏冬一起上了黑醋雞肉野菜(主菜單品$60): 送上來時是新鮮炸起的，熱熱的！雞肉很嫩有肉味，炸得很脆！其他野菜也同樣上品，有青椒、紅蘿蔔、茄子、薯仔和蓮藕；最驚艷的薄切脆炸的蓮藕，十分香脆，薄薄的藕片裹著一層粘粘的黑醋糖，嚐得出黑醋特有的酸香甜味！ (其實這個主菜，配飯應該會更對味！可以考慮直接選套餐，還可附送麵豉油)冷烏冬(單品$28): 烏冬彈牙，冷麵汁真的是由雪櫃拿出來的，非常夠冷，把生薑末和洋蔥絲混進醬味更加增加味道層次！唯一較差的食品是主菜附的生椰菜絲(沙律...?)，真的只有椰絲，加一小兜(圖右下那兜)不太對味的酸汁，椰絲還有點粗吃起來有生水味，和吉列專門店的生椰菜絲完全不同層次…非常豐富的一餐，連加一也不到一百元！

周六晚上六點多來吃晚餐，因為不再用日本米，所以點了兩款麵炸雞飯配冷烏冬套餐(約$9x): 炸雞一般，也算香口但不夠鬆脆，吃下去炸皮位有點韌；冷烏冬非常非常好吃，十分彈牙，味道很好！可是我很納悶，明明是"套餐"，其他套餐都有附麵豉湯，但這個卻沒有...？是給漏了還真的是沒有???吉列炸豬扒(約$5x): 這個莫名其妙的沒有餐可以跟，只能單點！不管是水準還是沾醬的口味，跟其他吉列專門店都有段差距，但以這個價錢來說，已經算超值了吧！還不差啦！冷蕎麥麵($25): 這個麵也是一級棒！起初吃時會覺得不及烏冬驚艷，因為味道比較淡，可是一直吃下去，會感到愈來愈對味，最後我們都評價，兩款麵不相上下，都非常讚！

晚上於吉之島逛街，用膳於大戶屋，座位挺寬敞舒適。一份吉烈豬扒鍋定食，豬扒炸得唔錯，脆口唔算油膩，肉質腍身。配上半溶蛋漿，更添滑口。麵豉湯蘿蔔味頗重，比一般麵豉湯多一份清甜。另一定食蜆肉籠仔蒸飯，淺嚐了一口，味道略為清淡了少許。兒童餐主食蛋包炒飯，用茄汁調味，伴以少許雞粒，另有鮮蕃茄及薯仔沙律作頭盤，以酸溜清涼感覺吸引小朋友食慾，並附上果汁一杯及玩具一份，約五＋元一客OK喇！

去咗咁多次大戶屋, 今日都係第2次坐房咋... 好興奮呀...熟成豬肉泡菜鍋定食--近期嘅至愛!!! 有豬肉有豆腐有泡菜有溫泉蛋, 豬肉雖然薄但有肉香, 豆腐滑滑的, 沒有豆味, 泡菜泡湯後冇咁辣, 溫泉蛋插穿咗慢慢留D蛋漿入鍋內, 蛋好滑好有蛋味, 仲有我以前最怕嘅蔥, 就係因為呢個鍋而忽然鐘意食... 查實我以前係連泡菜都唔食o架, 都係因為大戶屋先忽然愛上食泡菜... 前菜酸蘿蔔都好好味, 今日仲有我最鐘意嘅豆豆做前菜, 真係太好啦~紅醋雞扒定食--大戶屋嘅燒雞扒幾時都係咁好食!!! 雞皮好薄, 煎得好香口, 雞扒軟熟有肉汁... 紅醋酸酸地好開胃, 仲可以去油膩感... 仲有蘿蔔都煮得好淋好好味~因為有房坐嘅關係, 今日要食慢D, 要慢慢好好咁享受吓~埋單時竟然超過200蚊, 都係咁耐以來第一次... 之前都覺得佢有慢慢咁加D加D, 不過佢地食物質數唔差, 加價在所難免, 我地依然會繼續幫襯... 以前真係好超值, 而家就係物有所值~.

星期一的中午， 約了朋友食晏， 他建議在公司附近的大戶屋， 位於太古站吉之島地下， 午飯時間不用等位。12時45 分來到門外站立幾個人， 但不是在等位， 而是在等人， 因為帶位姐姐表示要齊人才可進內，其實入面是有很多吉位的。終於等齊人入座， 看看餐牌， 午餐全都是雙拼， 即一碗飯加一碟烏冬或蕎麥麵，沒有包飲品，大約＄80加一。我點了滑蛋吉列豬扒飯拼冷烏冬， 豬扒雖然不是高品質， 但亦不太差， 炸漿略嫌太濕，配上滑蛋洋蔥味道很好、冷烏冬很煙韌， 相信是讚岐烏冬， 而且夠凍，不錯！ 份量頗大， 足夠男仕們吃飽， 一般女仕們應該會有剩， 如果胃子小的女仕們可考慮2個人食一個餐。

今晚就試吓新o野先~黑醋香味炸雞定食--幾好味呀D炸雞點咗紅醋!!! 有咁油膩... 加埋D紅蔥頭碎係面, 食落感覺更加清新!!! 豬肉泡菜土鍋飯--以前唔鐘意食泡菜, 而家就覺得撈白飯都幾好味... 豬肉好厚身好大塊, 咬落好軟熟, 真係唔錯~抺茶豆乳--D味道好怪, 完全唔夾!!! 豆乳還豆乳, 抺茶還抺茶!!! 飲到打冷震~價錢好似又貴咗... 以前食開2個定食一般都唔過2百, 今日竟然超過2百, 有D出乎意料之外...

女友話好想行吓康山間吉之島，經過大戶屋無人排隊，我地又無食過，想試下就膽粗粗入坐去，攞起菜單睇睇，咦？食物種類幾多同埋啲價錢又唔係好貴wor.我叫咗個冷麵set配炸豬扒而女友就叫咗吞拿魚刺身飯。對不起無影到個刺身飯。啲吞拿魚刺身好新鮮但係份量就小坐啲。至於個冷麵就一流。我都算係半個冷麵專家，因為我係家中成日煮冷麵，大大話話都整過一百次。他們的冷麵用一個好大嘅木兜裝注，用來唔好被啲麵累埋一注同埋令到啲麵會乾身一啲，係好傳統嘅做法。啲麵嘅麥味好香，煮嘅時間亦啱啱好，唔會太淋。個sauce我就覺得可以唔使敢甜。炸豬扒都炸得唔錯，入面好juicy。哇，食得飽飽都係百餘蚊，不錯不錯！

呢區午餐真係慢一步都冇位，等了二十分鐘先有位Menu冷麵加滑蛋豬排飯, 麵質有口感,豬排軟熟有汁, 好食另一位同事配冷烏冬都不俗日式燒雞得三件份量少，味道好食我就要了滑蛋雞排飯, 雞排同滑蛋都好食，D飯比D汁整淋晒，麻麻地紅豆丸子，丸子冇餡底有雪糕普通好酸香蕉布丁好好食

同朋友去撐枱腳，試試鰂魚涌的大戶屋。一睇餐牌，都係以定食為主。百幾一個SET左右，晚餐黎講都OK~上：香草雞扒定食。飯可以有珍珠米、海藻飯、芝麻飯選。下：滑蛋豬扒焗飯。雞扒也算滑，不錯。雪味不重，香草汁都算吊到味。飯類有得揀，呢個幾特別！滑蛋豬扒，想不到會咁大煱！而蛋也真的很滑呢~~ 如果不想豬扒太濕，可以先夾起佢。

my friend chose this restaurant for us, i wanted to go somewhere, child friendly and where we won't be rushed for foodwe was given a table in a room as you walked in on you right hand sidea baby chair was given no problemorder was taken quicklyas i've been to japan, i was very impressed with the menu choice, very traditional noodles and pork chop sethowever i wasn't having high expectationsfood came out shortly, my friend ordered the fried chicken, i ordered a pork chop rice set, cold soba noodl

這個四至五件雞塊，有滑豆腐，湯的味道清甜，十分美味。今次又到這裏吃，上回吃過一次美味的豬扒，肉厚嫰滑多汁。所以今次也選了滑蛋厚豬扒，但今次有點失望，肉的厚度依然，但變得硬了，或許放在熱窩中，改變了它的質感。前菜。整體而言是可以的，因這兩樣皆可與飯一起吃，還可以添多一碗飯，都很滿足了。大戶屋定時都會轉餐牌，不知道下次有沒驚喜呢？