大澳德發 (已結業)

話說上次食完外賣之後，講咗一定會試返次堂食，說時遲那時快，就到時間就立即幫襯多次。上次外賣佢哋有個別菜式唔建議，怕太影響質素，今次終於可以試。首先啲煎炸嘢即場享用，啲口感立即返晒嚟，新鮮熱辣；其次今次可以食到冰鎮咕嚕肉。同區有另一高質黃店茶記都以呢味餸而馳名，其冰鎮咕嚕肉外脆內軟。對比下大澳德發有另一種感覺，外層雖然無咁脆，但爽口感覺得嚟炸粉較薄身，肉咬落係爆汁嘅感覺，配合返個我覺得調味甜感較重嘅咕嚕汁，味道開胃口感juicy。另外幾欣賞係佢嘅大澳鹹香雞，食落似鹽焗雞，但係應該用蒸滑雞嘅方式，食落會無咁乾身；另外個卜卜蜆啲蜆肉都幾大粒，份量多，個汁就蒜辣味香濃。因為今次散叫，本身價錢可能會貴啲，但因為上次消費後會有coupon 送返，面額都幾大，用返又抵食咗好多。當然優惠詳情就要自己了解（利申非廣告）。

大澳德發 - 唔係喺大澳其實係炮台山有人請食生日飯，搵一間黃得來又好味嘅中餐，就搵到佢大澳德發！果然名不虛傳!!!晚市幫襯食夠$100或以上仲會送現金券，價錢抵之餘、員工水準、食物、服務都好，值得一食再食👍🏻我哋兩個女仔唔要得太多，只係叫咗幾個餸再加湯，已經好飽😎三弄脆皮鹹豬手 - 即叫即整、切好埋上臺，脆卜卜，大大份，就算過咗一陣都仲係好脆，估唔到係食中餐都可以食到有德國味嘅鹹豬手！配埋佢個蜜糖芥辣汁👍🏻👍🏻正！冰鎮咕嚕肉 - 如果係啲大小小嘅餐廳呢一個餸都可能已經好貴，但係而家只係平民嘅價錢就食到！ 酸甜味道岩岩好，外脆內軟，因為有冰鎮住所以要趁早食，如果唔係就變水浸架啦！梅茶蒸菜心 - 第一次甘食😳 友人話甘樣食會食到菜心既原味，又真係幾特別，梅菜加左落去又唔係好咸咋，可以試下另外可以加錢要個靚仔及例湯 - 一碗湯大到兩個人飲 ☺️好抵當然加支啤酒啤一啤佢就更爽😎大家都大大力支持有水準又有心去經營既餐廳💪🏻

【大澳德發】位於炮台山，在地鐵站出口的對面，位置便利。早、午、茶市時段與一般茶餐廳大同小異。晚上則主打大澳漁村風味小菜，不再供應湯粉麵、三文治等輕食。晚市時份來到，點了"西蘭花爆炒帶子龍躉球"，加$20配上白飯及老火湯。小炒鑊氣十足，帶子切半，大大粒呈金黄色，吃下嫩滑鮮美。龍蠆無骨肉厚，新鮮彈牙，西蘭花翠綠爽口。大澳招牌"船家小炒皇"材料豐富，包括蝦仁、魷魚、蝦乾、菜甫、韭菜、腰果。炒得香口不油膩，蝦仁魷魚鮮美中帶咸香，韭菜嫰口無渣，腰果香脆，非常下飯。自家製"檸檬薏米水"屬輕怡之選，酸度甜度不高，喝下冰爽解膩，如果薏米可以煮得軟淋一點，則更美味。結帳時，得到$100現金券，原來晚市惠顧每滿$100，可獲$50現金券回贈，可於一個月內晚上六時後使用。如此超值，看來又有再光顧的理由了。

雖然食評已經一有空餘時間就開始還債，但係有陣時小妹會幫告急的小店先出食評，希望可以幫得幾多就幾多啦！德發就變咗較後先出啦，因為此良心茶認都算係區中數一數二，同區有花心的小妹最愛嘅閏家，同路人都可以去幫襯下。雖然都已經沒有了前些食評中的文宣，但電視播放是同路人最愛的VIU TV，已經非常足夠了，可以食餐安落茶飯，唔會TBB 假新聞台一直狂loop , 睇到冇晒胃口。因為工作接住落嘅關係，比較趕忙下食個快餐之中嘅頹餐，豬扒蛋出前一丁，豬扒肉質唔似膠水凍扒，有淡淡的香茅味，出前一丁有出前一丁味，蛋有蛋味，一個人的快餐除左碌下電話☎️外，真係唔知講咩好哈哈，整個心都在想工作上的事情，沒有好好享受當下，可能同是大部份香港人的弊病，要趁WFH時間好好反思。另外檸茶既茶膽係非常欣賞，之前嘅食評都話佢嘅晚飯小菜都好出色，希望下次有機會可以再嚟幫襯。

💛 大澳德發 💛(上）..............................👦🏻👧🏻見幫襯嘅黃店大部分都係九龍新界就決定遠征港島區 繼續試新黃店🥰餐廳出名食大澳嘢 有好多蝦醬蝦乾鹹魚有朋友對蝦敏感 所以就無叫蝦醬嘅嘢 當打冷下一次去就有叫到蝦醬鹹魚嘅嘢 可以留意下個po🤩因為太長 仲有一個卜卜蜆去咗下個po🥰.🔅想知黃店原因請Pm💛..............................🍽三弄脆皮鹹豬手 $158（👏🏻6.5/10）.平時油渣係唔食豬手架 因為覺得好乾好鹹呢隻豬手一啲都唔乾 啲肉好腍 調味亦都啱啱好個皮第一下食落好脆 但咬咬下又痴住隻牙😩我地好鍾意佢個醬 有啲似金拱門嘅蜜糖芥末醬點埋個醬食酸酸甜甜咁好開胃🤤.🍽椒鹽鮮魷 $88（👏🏻7/10).個皮上枱又薄又脆 不過食食下會腍咗😣我幾鍾意佢呢隻炸皮有個泡泡圍住咁鮮魷食得出真係好新鮮 好彈牙 條條都好大嚿惹味程度都唔錯 不過我覺得可以再重口味啲如果多翻啲炸蒜同椒鹽就好啦🤤.🍽欖菜肉鬆四季豆 $68 (👏🏻8/10）.啲豆好嫩喎 好少喺街食到咁鮮嫩嘅四季豆😈呢道菜就偏重口味 四季豆煸到啲收哂水咁食落超正 價錢又唔算

成日喺炮台山覓食，今日試下呢間黃店。餐廳黎講，唔理黃藍，最緊要味道同態度。叫咗個鮮茄金菇南瓜通粉，配餐肉、鮮奶炒蛋、丹麥酥多士、茶走。落單嗰陣都好地地，到個餐一上台，咦，餐肉呢？侍應俾錯咗腸仔。叫個女侍應黎，話：唔好意思呀，我轉餐肉架。點知個侍應話：無餐肉架！吓？咁妳頭先落單嗰陣又唔講？懷疑佢落錯單，於是喺佢行開嗰陣，叫另外一個男侍應黎，問：我轉餐肉架，可唔可以幫我換返？男侍應：無得轉餐肉架！吓。然後聽到隔離台叫餐肉，又有喎！你哋啲侍應落錯單，唔道歉都算啦，換返咪無事囖。死都唔認錯，仲要一個呃我話無餐肉，一個呃我話無得轉餐肉......講大話都夾吓口供先啦......講真，食物味道 OK架，只不過個奶茶杯嘅外觀得人驚少少，同埋服務態度差少少囖。

今日要去揾朋友，一落車就落大雨，唯有去最近呢間茶記食飯～呢間餐廳裝修都好靚同新淨，衛生有做足，抵讚！今日星期一，有啲特價餐，但我同朋友都冇揀到，因為其他餐都好特別好吸引咁！我叫左個蕃茄濃湯稻庭烏冬配椒鹽雞中翼（＄５２）呢個餐有配一個蒜茸包同一杯熱飲，我就加＄３轉左紅豆冰～個蒜茸包真係超正！好香同脆卜卜，新鮮！蕃茄湯烏冬一上菜就聞到超香既蕃茄味啦！仲有好多粒蕃茄粒，超足料架！而烏冬就夠晒彈牙同煙ｕｎ～最正都係個椒鹽雞中翼，炸到金黃香脆，炸粉又唔會好厚，雞肉熟晒得黎又唔會「鞋」，調味都啱啱好！朋友叫既是日午餐既咖哩牛腩飯（＄５５）咖哩超大碗，個碗底全部都係牛腩黎！啲肉多到佢男仔都食唔晒！咖哩有少少辣，食得好過癮，唔食得辣既朋友都食到～飯粒係粒粒分明唔會太唸／太硬，牛腩同薯仔都燜得夠唸，正！

有人話要判別一間茶餐廳嘅好與壞，就要試吓佢個乾炒牛河夠唔夠好食，夠唔夠鑊氣今日黎到炮台山食lunch，又重臨大澳德發，決定試下佢個牛河成個午餐都只係需要$49，好抵而黎到之後就更加經驗，成個乾炒牛河好有鑊氣，但又唔會炒燶咗（之前係第二間食試過好燶），d配料又足，芽菜同蔥等等，其實令到成個牛河更有口感同更加香，十分出色👍🏻👍🏻，喜出望外❗️❗️❗️整體來講係好好食既牛河，鍾意食既朋友千祈唔好錯過

今天陽光明媚，最適合到室外走走🌞我沿著鰂魚涌海濱長廊散步，一直走到炮台山這裡來～時間是下午兩點多，就來個下午茶吧☕️沒想到下午茶時段的堂食顧客還蠻多，整家店基本上是坐滿的。看完餐牌，我一開始想要點蠔仔泡飯🦪，可惜當天沒有蠔仔，那我就改了個普普通通的紫菜墨魚丸湯河。原來這碗河粉可不算太普通～紫菜很爽脆，墨魚丸彈牙帶油香👍🏻

今日開工前要食早餐，黎到呢間區內出名既大澳德發，平時排曬長龍，可能今日因為時間尚早，所以直入😍😍今次叫左港式早餐，$35，先有碟腸+炒蛋+丹麥多士，丹麥多士好鬆軟，淡淡香味，正炒蛋夠香夠滑，好食😋至於主食就叫左沙嗲牛肉公仔麵，貪佢夠飽肚，沙嗲味濃，肉唔會太un，好食👍🏻👍🏻👍🏻👍🏻👍🏻整體黎講不過不失，不過其實佢最出名係d小菜，下次有機會要黎試下佢既晚餐先得😂😂期待！

都係果句：明既唔使解釋，唔明既亦唔聽得入解釋。早餐訓晏左，食唔到，落嚟食午餐，佢整個最平嘅午餐我，問佢有冇啲貴夾唔飽，竟然同我講話冇。跟住指左個咖哩豬扒飯，老實正常可以「切落可以」咖哩正常。跟住行去時代食下午茶！5DN1S

行完山經過砲台山見到呢間大澳德發當然要試試啦，由於疫情關係，人不多，好快安排座位，而家出街食飯成日都好似包場咁，希望疫情盡快過去，大家回到正常生活。我地叫左個大澳特色蝦乾蝦醬肉眼根籠仔荷葉蒸飯$128， 好大籠兼份量足夠，好多肉，蝦乾，三個人都夠食，我地兩個人慢慢食，好彩最終都食哂唔駛嘥嘢。另外叫左個小炒王，有水準之餘，驚喜係份量好大，又有鮮蝦比較特別，蒜心好多，食極都有，唔孤寒，好難得，仲要收$78蚊，抵。最好係送兩碗例湯，但一啲都唔例水，完全係真材實料老火湯，令人意外。由於疫情關係，食滿100蚊送50，200蚊送100，仲要一張過，唔迫你分幾次食，一個月之內再食，食110蚊只需俾10蚊，值得支持小店。

打工仔食lunch，最重要是快、靚、正，加上價錢合理就Perfect，好味更加係Bonus。之前來過一次吃午餐，沒有什麼印象，但今次點了蕃茄濃湯讚岐烏冬配椒鹽雞中翼實在有驚喜！烏冬實在是太滑太出色了，我和同事都一邊食一邊讚烏冬很滑，湯底也不錯，有真正的蕃茄蓉，午餐還有跟蒜蓉包，讚！加$3轉了熱檸檬薏米水，用了黑白奶杯上，別有一番風味。另一同事則點了葱油雞扒煎蛋紅腸撈公仔麵，非常惹味及地道的茶餐廳菜色。

原來炮台山有很多不同的黃色茶餐廳,除了有時代冰室(著名KOL蕭若元開的)、龍門冰室(最支持香港人的茶餐廳,之前吃過一次),還有這一間大澳德發茶餐廳。室內環境很大,有不少座位,文宣是有的,不算特別多,但老闆就一定是黃人,因為有聽對他對香港新聞的睇法。是日午餐選擇了咖哩吉列豬扒飯,凍央配一個普通例湯。飲品和湯是正常的水準,不必多提。吉列豬扒沒想到這樣龐大,又脆卜卜,好好味!咖哩就略縑不夠濃,味道是夠的,但更濃的話可以撈飯。55元,在香港吃到一塊咁大的吉列豬扒,很不錯啦!

疫症之下，人心遑遑。大家都減少出行社交。這是我近十天以來唯一一次外出食飯，尤其難得。外出工作後，閒錢多了，日本菜、印度菜、泰國菜，都可以任意選擇。但最後還是港式的撚手小菜，最令我有歸屬感。這是屬於香港人的味道。不少良心高質食店，在現時嚴峻的環境之下無奈結業。大澳德發在逆市下推出現金券回贈，（印象中是）埋單200元送一張100元現金券，埋單100元送一張50元現金券，須於一個月內使用。我跟友人便是因有現金券，所以再一次光顧。當然價錢以外，味道也十分重要。曾光顧大澳德發5次以上的我，可以拍拍心口跟大家說：不論是食物還是員工絕對是水準以上。我與好友二人共點了三碟小菜，兩肉一菜，分享同一碗飯和湯。湯是我至愛的蕃茄薯仔湯，十分足料，和友人對分，大家也有湯料可吃。第一碟小菜是西蘭花爆炒帶子龍躉球，148元。帶子、龍躉十分鮮味，肉質彈牙，西蘭花清新爽口有蒜香。第二碟小菜是冰鎮咕嚕肉。這是我們第二次再叫的小菜，可見令人回味﹗咕嚕肉酸酸甜甜，外脆內軟。值得一提的是，員工見我們遲遲未起筷，特地過來提醒要先把冰塊撥走，十分貼心。第三碟小菜是大澳鹹香雞，半隻108元，也是我們屢次再叫的小菜。食雞最怕「鞋口」，