大麥牛肉麵 (已結業)

去西環見到有間小店用牛肉麵作招徠，鍾意台灣菜嘅我自自然然行入去！店舖不大，只有幾張枱，環境整潔，老闆娘仲好親切咁招待同介紹餐牌！踫啱今日有Blue Monday promotion，全單有折！正！餐牌好簡單，揀好直接填點餐紙，本身都無諗住叫飲品，但老闆娘話桂花薄荷酸梅湯好消暑解渴，由於我麻麻地酸梅湯，就推說怕酸，點知老闆娘好人到話幫我加多d冰會冇咁酸，見佢咁有心，我同朋友都叫咗杯。果然真係唔酸，仲有陣桂花味，勁好飲！舖名叫得”牛肉麵”，梗係要叫碗試試。同朋友一人一碗招牌紅燒牛肉蕎麥麵，朋友食唔辣，我就要小辣。老闆娘仲話d麵係佢哋自己整，真係好有heart！每碗都有4大塊牛肉，牛肉煮得好淋，好入味！湯底唔算好濃，小小辣其實都唔係太辣，下次可以試正常辣！除咗牛肉麵，我哋仲叫咗兩個小食，包括滷水拼盤同皮蛋豆腐，滷水拼盤有雞翼、雞槌同蛋，每樣2件，2個人share剛好！皮蛋豆腐用上百福豆腐，夠晒香滑！今晚嘅晚餐真係好滿足，以後再去西環又多揀餐廳選擇喇！

今晚收工同同事經過呢間食牛肉麵嘅鋪頭， 其實都經過好多次，所以今次入去試試啦， 我地2個人叫咗2碗麵、2個小食及2罐氣水， 一碗是招牌紅燒牛肉麵，另一碗是招牌紅燒牛肉喬麥麵， 2碗麵的分別是在於個麵底，湯底入囗味濃，並不是味精的哪種， 因為食完唔口渴，老闆娘話湯底用各種材料煲72小時，無味精，零添加， 我覺得非常好飲，值得一讚。紅燒牛肉很軟淋，有牛肉味，也是非常好吃，水準很出色。 麵質也是超彈牙，口感非常好，原來是自家製的，很有勁度， 又不含防腐劑，又不含鹼水成份，是誠意之作。 另外我地點咗鹵水雞翼及皮蛋豆腐，雞翼鹵得很軟淋，肉質一點也不硬。 皮蛋很好吃，配合埋佢地自家製嘅酸汁，的確很開胃呀!

After finishing my appointment near HKU MTR, it was already dinner time thus I decided to have a quick dinner before heading home. When i walked past My Noodles, the picture looked attractive and have a sudden craving for Taiwanese beef noodles. It was located at Queen's Road West, couple of minutes walk from HKU MTR.They served beef noodles, rice, snacks and drinks etc. Mint plum drink - This drink was highly recommended by the staff as it was healthy and has alot of benefits as well. It was sw

西環真小店 美食  大麥牛肉麵 自家招牌紅燒牛肉蕎麥麵 濃香湯底牛味鮮香辣 麵條彈牙有嚼勁 今年主打本地餐廳西環新小店大約3月開幕,小店形式,16座位,幾乎天天滿座,已經深得當地吃客支持沒有宣傳,外區人幾乎不知有這名號的存在小店老闆一手一腳自家秘製湯底與麵條目測食客都係大學生,家庭客為主湯底濃而不油膩,隱隱中散發牛骨香與藥材味,色深帶辣辣度不是令人即時麻痺好口喝,一會辣味就會自然散去,應該沒有下味精,抵讚今次點了一碗招牌紅燒牛肉蕎麥麵 要辣,配料全要,食一碗標準出品 $58另外一客滷味雞腿飯 $54 另加滷水拚盤,皮蛋豆腐蕎麥麵熱食係日本都食過,與一般涼拌食法有不同,麵身會比較軟,食得出麵身既香味麵身夠粗,掛到湯,滷牛肉份量都不少,有5-6片,薄身切,好入味桂花薄荷酸梅湯解辣一流滷水拚盤有每款有2件,滷蛋幾入味滷水味道相對比較輕身,無一般既咁濃咸 皮蛋豆腐 配上醬汁拌吃,開胃小吃之選小店老闆娘有禮貌又親切,加油!#西環美食#牛肉麵#香港小店

今日黎到西環呢度，突然好掛住台灣嘅牛肉麵，就搵到呢間舖頭一試！環境清幽，係喺港島難得清醒嘅一個小角落，裝修以白色牆紙為主，行文青風，重點係舖面都好乾淨坐得舒服。晚餐menu將牛肉麵同牛肉喬麥麵放到最上，相信係對自己舖頭嘅牛肉麵好有信心先會將佢當主角放喺menu當眼位置，就一於試下佢！除左主食當然仲有數樣台灣小食，我同朋友一人一碗牛肉麵，一辣一唔辣，咁樣就清楚試到湯底味道同師傅嘅功架！原味湯底清甜，辣味湯底惹味，大家都不妨根據返自己口味揀🤣麵身有韌度，好好咬😂而且掛到湯，牛肉方面店主都大方用左4片黎配上，入味之餘又稔，有4片都唔夠食呀！小食方面揀左雞翼同紅燒蘿蔔，雞翼入味，食到廚師用過酒醃味，而且肉同骨好易分離，食得好方便！蘿蔔好入味，而且完全冇根，完全係台灣食到嘅質素！下次如果再喺港島想食台灣野，呢間都會列入我考慮範圍之中！

今日去香港大學站附近覓食， 發現左呢間叫大麥既牛肉麵小店。 舖頭唔算大，大概只有十幾二十個座位， 但勝在簡單樸實。紅燒牛肉麵方面，除左一般見到既牛肉麵條之外， 仲有蕎麥麵可供選擇，亦都可以揀辣定唔辣。 我同朋友夾埋叫曬兩碗試試。 牛肉煮得好林身好香，而且麵條既軟硬適中， 吸埋湯汁食一流。而蕎麥麵比較爽身，都不失為一個好選擇。小食方面，我地揀左滷水拼盤（雞翅、雞槌、雞蛋） 同埋皮蛋豆腐。 呢度既滷水先係精華所在，能將普通食材瞬間昇華。 仲未食落口之前，就已經聞到陣陣滷水香，令人食慾大增。 再將滷味放入口中，你慢慢就會感受到呢度既滷水將普通食材提鮮既魔力。至於豆腐皮蛋，除左有豆腐同皮蛋，亦鋪有一層香口既肉鬆同醬油拌碟。 食落去鮮，香，滑，值得一試。飲品方面，我地叫左杯桂花薄荷酸梅湯。 桂花既陣陣幽香以及冰涼既薄荷，同酸酸甜甜既酸梅湯融而為一， 大熱天時飲一杯，簡直消暑解渴涼透心啊

最近走訪西環，發現各特色小店已經被無良的發展商趕盡殺絕，零落殆盡，好不容易才給我們找到這間位於小山坡上的小店；我們本來只是路過，但卻被店內的老闆娘笑容滿臉的走出來打招呼和作簡單介紹所吸引，這正正就是香港缺乏而大家又十分嚮往之小店情懷！店名以大麥掛帥，裝修也配合了大麥作為主題，實在是一絲不苟！坐下來後老闆娘繼續發揮她的好客之道，介紹了兩杯桂花薄荷酸梅湯給我們醒醒胃，解解渴，還特意應友人要求調低梅酸度，貼心又窩心！然後要點下主菜：招牌紅燒牛肉蕎麥麵，這種中日合璧的製法很少見，亦出奇地相互裨益！可愛的鹵水蛋和軟綿綿的小蘿蔔也很入味，只可惜得一件而已！之後再叫了兩個小碟，包括鹵水拼盤和皮蛋豆腐，前者的特製汁調校得很特別和很美味，後者的鹵水汁更令到雞肉更嫩滑，最後我們都吃到飽飽抱著肚子離開呢！

湯底正！牛肉淋！幫學生補完習 一個人唔知食咩好見華明中心對上少少開左間牛肉麵 trytry吧☺️大致上舖頭有牛肉麵、小食、滷肉飯 款式唔算多當日嗌左至尊紅燒牛肉蕎麥麵套餐 $68包括兩隻滷水雞翼 同飲品✨呢個價錢都算幾抵食 未試過牛肉麵食蕎麥麵 所以也專登嗌了飲品原本包紙包檸檬茶 我加左$8轉桂花薄荷酸梅湯✨ 桂花薄荷酸梅湯加左薄荷嘅酸梅湯好好飲呀 有aftertaste 👍🏻✨ 鹵水雞翼味道甜甜地 入唒味 可以食多幾隻呀✨ 紅燒牛肉蕎麥麵嗌左香辣 原來以為係加辣油 見碗麵無咩油以為無料到 點知我錯了😂都真係幾辣架🙈 煮嘅時候已經落左辣架啦！湯底真係幾清 牛味又重 正呀🤤牛肉係牛展位 煮得好淋嘅平時食開嘅麵轉左做蕎麥麵 又有意想不到嘅效果 都幾襯架👍🏻蘿蔔炆得好淋而且索晒湯 仲有一隻糖心蛋分量真係幾多！🍽 大麥牛肉麵 🔎 西環皇后大道西419L-419Q號地下3號舖

雖然小店嘅野食選擇唔多,但毎款都相當吸引呢。今日去食晚餐,滷味雞脾飯已經賣哂,睇佢餐牌嘅相真係食指大動,唯有下次早啲黎食啦。另外,餐牌嘅相都顯示左小食嘅份量,明買明賣,唔會話上菜後先覺得太多或者太少。小食叫左紅燒蘿蔔同皮蛋豆腐。蘿蔔煮得好上色,入味,好淋,無渣。皮蛋豆腐個重點係個汁到,係有微微嘅醋味,勁開胃,本身我唔係好接受到醋嘅好重酸味,但依個係好淡淡的醋酸汁,對我來講幾有驚喜,覺得個汁有得沾冷麵食嘅話都會唔錯呢。主食有滷肉便當，飲食均衡,仲有蛋同青菜呢。滷肉唔會太肥,切得比較大粒,有啲咬口,仲有啲菇粒,幾香菇味,撈飯食真係唔錯,啲滷肉汁嘅份量都岩岩好,唔會太多令個飯太濕,又唔會太少汁最後齋食飯咁。仲有叫左紅燒牛肉麵。麵條厚身,幾有咬口,湯頭有啲莞茜同蔥香,都唔會太咸,就咁飲都幾好飲舒服,牛肉比較薄切,咬幾啖就有啲牛肉味。飲品點左桂花薄荷酸梅湯。聞到同飲到桂花香味,薄荷味都幾清新,酸梅湯個味就無平時個啲咁酸,飲到底仲見到有洛神花呢。食完野,出到門口睇一睇,原來星期一佢promotion勁平,最高有6折,下次真係叫多啲人一齊去食,食得多啲野又多啲折。

招牌紅燒牛肉麵～湯底經過長時間煲製出來，十分香濃，感覺沒有落味精，成碗湯底飲哂，加入中藥材香味，份外有風味。每片紅燒牛肉筋肉分明，蕎麥麵麵條是自家新鮮製造的，這個紅燒牛肉麵（蕎麥）是必食推介！料足價錢唔會貴另外有台灣特色之一—古早滷肉便當🍱，超多滷肉，重點係用唔肥肉黎做，女士食都唔怕肥，而且真係好高質，尤其是隻滷水糖心蛋，超高水準秘制滷製的雞翼+雞䭔，滷水夠入味、😍有菜有麵有湯有牛肉有雞翼，今晚真係大滿足。飲料🥤：桂花薄荷酸梅湯（冰），酸甜味好開胃又可解膩！私心推薦大家去香港大學站步行約兩分鐘就到，去試試呢間小店做出超水準，去了就會有一個意想不到的surprise🤩🤩🤩

今日同朋友專登嚟香港大學附近覓食，喺B1出口一出去，行上山就見到一間小店，叫做大麥牛肉麵，一於就試吓啦❤️❤️❤️❤️❤️👍🏼👍🏼👍🏼👍🏼門面都好多相，好吸引❤️❤️❤️👍🏼👍🏼👍🏼我哋叫咗好多嘢食，又試咗佢個蕎麥面，又試咗佢最普通果隻面，兩隻都好煙煙銀銀❤️👍🏼特別一讚佢個湯底，好濃郁！我同我個朋友都試吓辣味湯底，俾我哋想像中辣，不過係好食嘅👍🏼👍🏼👍🏼👍🏼❤️❤️最驚喜係佢個杯桂花酸梅湯，好好飲！服務亦都好周到，本身我叫熱嘅酸梅湯，但太辣，店員對即刻加冰俾我，依間小店值得一試👍🏼

今天路經西環，行下行下見到有間小店，就入咗去試下。一入去老闆娘帶我地坐低，然後好有心咁逐樣介紹有咩招牌菜。老闆娘話飯同麵都正！今日想食下麵，所以就同朋友分別叫咗一個招牌紅燒牛肉麵，同埋招牌紅燒牛肉蕎麥麵。另外仲叫咗兩份小食，一個係豆腐皮蛋，另外一個係滷水拼盤。之後老闆娘話一定要試埋個酸梅湯，我問佢可唔可以要暖既，佢都話可以呀。落完order, 啲野食好快就上到。首先係上咗個酸梅湯先。酸酸甜甜，好開胃呀！然後就陸續上咗豆腐，拼盤同埋兩個麵。等咗都只係十分鐘唔夠。啲野食好足份量，味道都唔錯。食食下，可能附近近港大，有外國人入嚟食，老闆娘都可以用英文對答到。整體嚟講可以一試！

常常話西環多隱世小店，其實真係冇講錯。今次發掘到呢間有心機麵店，主菜款式貴精不貴多。緊係試返個招牌牛肉麵睇下咩料子。湯底雖然未算好濃，但係試得出佢真係慢慢煮，有種牛肉嘅清甜同鮮味；Friend子不斷話啲麵好有麵味，讚口不絕，雖然我唔明咩“麵味”，唔知係咪就係大麥味？！但麵有咬口，唔係淋哂嘅麵粉，真係似自家製質素，我聽到隔離枱都話啲麵好食！至於滷肉飯就係店員推薦，一試係幾出色~ 滷肉碎連汁重菇味，相信係燴個陣落足心機；整體比較重味，配飯一流。小食揀咗蘿蔔，係用牛肉湯炆架！好淋好入味兼無渣，高質小食！另外貪心嘅我就揀小食拼盤，一次過滿足哂三個願望，有流心蛋、雞翼同雞槌，呢個滷水味恰到好處。酸梅湯飲品令我好驚喜！加咗落神花同埋山渣，帶出味道獨特酸甜味，亦冇溝水溝淡哂，以前對酸梅湯冇好感，飲過呢杯之後先發現原來酸梅湯可以好好飲！呢杯真係值得試。最後要強調，估計呢間出品無味精，因為食完唔口渴架！

～ 西環小店牛肉麵 ～ 第一眼覺得店舖好溫馨，而且喺咁靜嘅西環平日夜晚8.00幾小店幾乎坐滿一半人令到我覺得好吸引就走左入去試吓～鋪頭位置唔算多，全場10幾20個位左右。一入到去店員好熱情推介有咩好食，其實Menu都唔算多，得幾個選擇，小店主打牛肉麵，而且特別嘅地方係啲面用大麥同蕎麥做的，仲要係小店自家製的，唔係出面返貨！😍果然牛肉麵一到，完全冇令我失望（個賣相一流 😂 啱晒我呢啲相機食先嘅人 ），食落至發現50幾蚊可以食到咁高質嘅牛肉麵 👍🏼！我可以講湯底一定冇味精，食晒成碗面飲半碗湯都完全唔覺得咸！🤤 我同我朋友一人叫咗一個招牌面。朋友食招牌紅燒牛肉麵 唔辣 （面係用大麥做的）我叫咗招牌紅燒牛肉蕎麥面 辣的。相比之下我哋都覺得大麥做嘅比較好食，比較有口感彈牙而蕎麥面比較Q軟。不過兩隻面都覺得好健康，對於成日減肥掛喺口邊嘅我，食完都完全覺得冇罪惡感 🤣。最正我覺得係個牛肉！平時我冇話特別鍾意食牛，就算打邊爐都小食，但呢度嗰牛肉我竟然食晒！！可想而知真係好好食 🤪。就連配菜都唔馬虎，蘿蔔煮得好淋上曬色 ～ 今日有杯特飲 ～ 店員推介洛神花紅棗唔知咩茶 😂 感覺健康過飲汽水都係貴多兩蚊，

今晚同朋友去咗依間隱世嘅小店食牛肉麵。間小店門口好有外國田園風光嘅裝修感覺。有啲假嘅小麥草同門口貼咗間店嘅招牌菜。小店入面都以純白色為主調，裝修佈置都好有田園嘅感覺，有個小黑板，仲畫咗隻牛同啲麥草。而廚房附近，有塊黑色嘅當布，有少少想營造日式嘅感覺。點咗一個招牌紅燒牛肉蕎麥麵$58。一個滷肉便當$53。皮蛋豆腐$26。滷水拼盤（雞翼丶雞槌丶雞蛋）$38。同一個酸梅湯$10。首先個桂花薄荷酸梅湯都幾酸下，不過酸梅湯面頭都幾多桂花，而且薄荷味都幾濃烈。.皮蛋豆腐皮蛋汁超濃郁，而且皮蛋浸得好入味，有少少爽口，豆腐都好滑。滷水拼盤份量都好多，不過滷水汁唔夠入味。雞翼同雞槌都尚算多肉。滷肉便當個滷肉便當份量好夠，滷肉汁煮得好入味，滷肉煮得都幾淋，而且肥肉唔多，切得都幾細粒。招牌紅燒牛肉蕎麥麵蕎麥麵煮得好Q彈，紅燒牛肉都好大塊，而且啲牛肉花紋都幾靚，唔肥肉，幾容易嚼。塊蘿蔔都炆煮得幾淋。味道算不錯，計錢合理。