大麥牛肉麵 (已結業)

作為一個九龍人，平日時間，自己真係好少會去西環，如果唔係今日有朋友約飲野，可能都無機會食到呢間牛肉麵。大麥牛肉麵位於西環，位置比較接近香港大學既港鐵站，自從港鐵於這區通車後，的確帶旺了不少既人流。餐廳比較細間，感覺像一家人在經營的小店，命名為大麥牛肉麵，未知是否這家人的姓正是「麥」？餐牌都幾簡潔，主打既當然係台式牛肉麵，餐牌圖文並荗，即使係外國流學生，點菜也不會有難度。選好食物後，每可以把自己要點的菜式劃在點餐紙上，點餐紙亦都有中英對照。桂花薄荷酸梅湯 套餐價$10 一杯 (原價 $18)首先來到既係飲品，除了可樂雪瑭檸檬茶可選外，比較特別的一定首選這款酸梅湯。冷熱都係同樣價錢，只要點了麵或飯後，便可以用優惠價 $10 選購。這款酸梅湯係餐廳自家泡製，飲落唔算好甜，亦都因為加入佐薄荷，所以飲落會有冰涼感，夏天飲番杯絕對一流呀！除佐薄荷，餐廳亦都加入佐桂花，而且份量都唔少，令到成杯飲品既味道更複雜，更有層次。滷水拼盤 $38小食我們點了一個滷水拼盤，一碟有3款，包括雞翼，雞槌，和雞蛋，每款2件。滷水做得好入味，而且唔會太咸，無味精，好有家的感覺。燙青菜 $18青菜亦都係健康之選，白灼然後

大麥牛肉麵 | #西營盤家庭小店手製台式牛肉麵🐮大麥牛肉麵 名乎其實用大麥手製麵 店舖食物貴精不貴多 主打牛肉麵同魯肉飯!1⃣古早滷肉便當 🍱滷肉肉質肥瘦適中 有別於其他地方食到的肉燥 大大粒加上冬菇粒 配有半顆蛋同時菜 滷肉與白飯搞拌一起 每啖都有滷水汁的香味 口感豐富 少量冬菇配上滷肉 送飯一流☝🏻2⃣紅燒牛肉麵 (香辣) 主角牛肉麵 湯頭濃濃嘅牛骨香 辣勁十足 唔食得辣嘅朋友食返原味! 牛展軟腍 厚度適中! 配菜嘅蘿蔔吸收晒湯汁 鮮甜滷得入味 正! 手打麵條爽彈 後勁帶點麥味! 3⃣滷水雞鎚 滷水小食 可以揀套餐/ 散叫 就係小店嘅彈性, 雖然色澤睇唔似滷咗好耐 但咬落夠晒味 保持到有肉汁!喜歡濃味嘅我 覺得可以再咸啲! 4⃣桂花薄荷酸梅湯 老闆娘自家製 特別推介, 先飲到酸梅湯嘅酸甜 再到薄荷嘅清涼 後勁淡淡桂花香! 最啱配牛肉麵一齊享用, 解作牛肉嘅膩!

招牌紅燒牛肉麵，可以揀個麵底係蕎麥面定普通麵。今次我揀咗普通麵底，張點餐紙仲好貼心，可以揀要唔要辣、蔥同芫荽。個普通麵好彈牙，值得一讚嘅係個湯底，唔似落咗味精，雖然個湯底冇咩牛肉味，反而飲到白蘿蔔嗰陣清甜，一樣咁惹味！配菜方面，感覺呢間舖都係著重健康飲食，牛展有四塊，厚薄適中，唔會太濃味。飲品方面，個桂花薄荷酸梅湯有驚喜！同平時飲開嘅酸梅湯不一樣，呢杯加咗真桂花同薄荷葉，反而嗰種酸甜味唔會太突出，多左種冰涼感，整體balance好好，清新得黎又好解渴！

喺香港各個地方既美食都可以搵到, 今日去完香港大學搵朋友之後夜晚就喺番大學站B1出口呢度搵到間大麥牛肉麵見到門口話送酸梅湯, 今日咁啱就係星期四, 有著數就緊係入去食下啦😂一坐低仲未叫野食已經即刻送上自家製酸梅湯, 唔會太甜幾好飲👍皮蛋豆腐 - $26豆腐上面有d 肉鬆, 混埋豆腐一齊食更加正, 皮蛋就正正常常不過不失啦紅燒牛肉蕎麥麵 - $58個湯頭好濃郁, 藥膳味好重, 而且唔會有味精👍半隻鹵水蛋都好夠味👍用左五香牛展片都ok, 起碼易咬d, 蕎麥麵多數凍食, 估唔到用黎煮湯麵都唔錯😍

今日放假來到西環呢邊行下散下步，見到有間台式牛肉麵店，就順便入黎食埋晚餐，可以口味清淡少少。店舖入面環境開揚，門口對住街道，設有多張木製長檯，客人頗多，好彩不用等位，一入來就有位坐低。店家每逢星期四仲會跟飯或麵送一杯自家製酸梅湯，有桂花薄荷味，冰凍可口，酸酸甜甜。招牌紅燒牛肉麵，辣，$56, 湯底味道有少少藥膳既味道，入口濃郁，微辣易入口，麵條粗幼適中，彈牙爽滑，溏心蛋鮮嫩香甜，牛肉肉質煙韌有嚼勁，牛肉味香濃。滷水拼盤，$38, 有4隻滷水雞翼同一隻溏心蛋，肉質嫩滑多汁，滷水味道入味濃郁。

今次來到西環搵食，相信搵食版圖可以繼續擴大。台灣美食係香港一直都好受歡迎，而店鋪亦越開越多。而今次嘗試嘅呢一間，外表雖然唔算突出，但感覺非常平民、親民。店面唔算大，裝修簡單，估計最多只可以容納20人以內。店員姐姐好親切，好有耐性地介紹食物，睇得出同附近食客好close，感覺好似係家中一樣。食物選擇唔算太多，不過就勝在貴精不貴多。招牌紅燒牛肉麵有台灣特色嘅麵，通常都係帶點粗，麵條口感彈牙，食落覺得麵質非常煙韌。個湯係牛骨高湯，好濃郁，加左少少辣將味道提升左。而牛肉應該係用左燒嘅方式去處理，保持住肉嘅鮮味，食落有嚼勁口感。牛肉嘅份量亦都好足，仲有半熟蛋。古早滷味雞腿飯本人特別喜歡食雞腿，所以一見到都忍唔住叫咗雞腿飯。雞腿大大隻，滷得非常入味，食落唔會覺得好韌同好鞋，易入口。而飯嘅質感煮得啱啱好，仲有半隻糖心蛋。皮蛋豆腐流心嘅蛋黃，皮蛋浸得好入味，味道好超濃郁，食落帶點爽口，配上清涼香滑嘅百福豆腐，重點係廚師好細心地將豆腐切開一片在，方便進食。加上酸酸甜甜的醬汁，好開胃。滷水拼盤份量都算幾多，最重要嘅當然要視乎滷得够唔够入味，雞翼同雞槌都做到呢一點，不過可能煮得耐左少少，肉質若然再滑少少會更

要去創業中心拎裙，就順便係附近食埋野，行過見到呢間店裝修都幾特別，一開始仲以為係髮型屋，原來係食台灣牛肉面嫁🤭就試吓啦！老闆娘好熱情，介紹杯桂花薄荷酸梅湯，岩岩煲好，有熱有凍，但老闆娘話天氣唔好落雨又有D凍，飲杯熱野會好舒服😚真冇介紹錯，酸甜適中，好清新主菜黎啦！原來呢到既面都係自家制，我超鍾意食蕎麥麵，就叫左紅燒牛肉蕎麥麵試下！仲叫左個小食皮蛋豆腐！繁忙時間小店生意好好，老闆娘話面岩岩買曬，要等5分鐘咁就先食豆腐皮蛋啦，佢汁做得好好味，豆腐嫩滑！面終於出場，牛肉係牛展，燉得好香卤水味，湯底濃牛味，加左少少酸菜，辣椒，好夾，好好味🤤小店地方唔算大，但就食到係用心制造既食物，一定會再黎支持😍

早排去到西環搵吓有啲咩正嘢食，就比我搵到呢一間牛肉麵，入到去店面雖小，但係五臟俱全，就即刻同女朋友各自order一碗大麥牛肉麵同埋紅燒牛肉麵，一上枱嘅時候已經俾佢濃濃嘅香味吸引住，牛肉麵嘅牛肉係選用牛展，湯底10分濃郁，蘿蔔同菜都好入味，面底好彈牙，另外飲嘢個方面亦都order左一杯桂花薄荷酸梅湯，成碗牛肉麵都冇乜油膩嘅感覺，食完亦都有飽肚嘅感覺，推薦大家食嘅時候可以order多一款小食，咁樣嘅配搭都唔錯㗎。

成日經過呢間牛肉麵都冇機會試今日得閒又心情好 食餐好啲既！老闆娘好似台灣人咁熱情一入去就由廚房跑出黎招呼我問我食咩又介紹我飲桂花薄荷酸梅湯 話新鮮煲起好正架我就點左個凍既試下另外點左個牛肉麵、滷水拼盤、皮蛋豆腐呢杯酸梅湯飲落一啲都唔甜，仲有薄荷味，面頭仲有啲桂花令佢有淡淡既清香，感覺健康而且好飲！皮蛋豆腐賣相不錯，食落有水準豆腐新鮮夠凍，配上肉鬆一軟一乾層次馬上出左來，皮蛋都靚，個汁酸酸地非常開胃！滷水拼盤有滷水糖心蛋、滷水雞翼同埋滷水雞鎚滷水入味，糖心蛋好正！主角來了老闆娘話唔好意思要我等耐左因為咁岩啲面賣曬佢地整緊 我話唔緊要食到新鮮整既面仲正啦！佢既面式好有咬口，果然係新鮮全人手製！粗幼適中，厚薄都係，唔會太難咬斷，湯底濃郁，牛肉爽口份量多，配菜有誠意舊蘿蔔係啡色的超級入味，索曬牛肉湯既精華！老闆娘 如果你睇到的話 希望你可以再加多啲選擇想叫多啲小食

收工去完做gym決定食啲健康野，斜路頂有呢間大麥牛肉麵。睇左門口介紹話啲麵係自家製，而且無落味精，好健康，啱曬我。呢度座位唔多，裝修簡單清新。一入到去老闆娘就熱情招待同埋介紹呢度既食物。餐牌第一個係招牌紅燒牛肉蕎麥麵（$58）。台灣店比較少見蕎麥麵，所以決定試試。可以揀辣或者唔辣，我同朋友都揀左唔辣。自家製蕎麥麵，比平時我食開既蕎麥麵粗，成分健康啲，每一啖都好有麥既口感，少啲添加劑，少一份彈性，同食普通麵既口感有啲分別。飲品有包裝可樂雪碧檸檬茶，或者呢度特飲桂花酸梅湯。咁特別我地決定要個酸梅湯（$10）啦。酸梅湯係誠意之作，真係有酸梅係入面，無我想像中咁甜，加上桂花香，非常清爽。另外要左個滷水拼盤（$38）。滷蛋一隻，雞翼同雞搥各兩隻。呢個就差少少，好似有少少乾，同埋滷蛋未夠入味。涼拌青瓜（$26）。青瓜爽甜，加上少少辣椒係上面，幾開胃。份量好大，應該有成條青瓜！呢度食物同氛圍都好有家的感覺。食材都行健康路線，價錢都唔貴，唔錯。

朋友知我中意食牛肉麵，就帶左我黎呢間西環既小店，呢度既麵條都係手打既！黎到發現都幾多人黎食，果然好野傳千里！店面裝修溫馨有格調，先叫左一份滷水雞翼，呢個係老闆推薦我地叫既！滷水雞翼都幾大隻，味道夠濃，唔會得表面，內裡既雞肉都入哂味，非常不錯呢！到我最想試既招牌紅燒牛肉喬麥麵，湯底超級濃郁，飲得出非常足料唔係味精湯，喬麥麵麵質好彈牙又有咬口，自家製的確係唔同d,同埋都會更健康！值得一提係佢地既蘿蔔勁好食，完全吸哂牛肉湯既精華，又煮到好軟，正！見到人地飲酸梅湯，我都忍唔住叫左杯，呢個仲加左桂花同薄荷，飲落更加清爽！酸酸地十分開胃呢！呢度既食物性價比高又抵食，絕對會再黎啊！

台灣的美食在香港的港島區很少見，而且還很正宗，餐廳外表雖然不算突出，但感覺很平民化，可以令人刻骨銘心，進店後，更有台灣味的感覺，十分舒服😌我們叫了招牌紅燒牛肉麵古早滷雞脾飯滷水拼盤涼拌青瓜酸梅湯(店員推介)招牌紅燒牛肉麵，麵用了台灣特色的麵，粗粗的古早麵，很彈牙，還有一種手打的味道。至於牛肉真係用上燒的方式去處理，入面的肉還帶有點紅，保持肉嫩的口感和鮮味，而外面是輕輕燒過的，外脆內軟。湯方面，更不會邊飲水邊覺得口渴，不是味精湯😋還帶有少許牛肉的味道。古早滷雞脾飯，雞髀大大隻，差不多有我手掌🖐那麼大，而且飯的份量卻很多。都只是收平民價$54，便可食到👏🏻不用特登飛去台灣，就可以在香港吃到台灣的原始味道！滷水拼盤分別有雞翼，滷水蛋🥚，雞鎚，雖然全部都是用滷水醃的，但全部都很有滷水的味道在肉內，尤其是滷水蛋，做法有點似糖心蛋，蛋黃是做到流心的效果，咁把滷水的味道融入在內！在只可以看見師傅的心思！涼拌青瓜是脆脆的，青瓜很新鮮，而且醃得很入味，有點辣辣的感覺，便人十分開胃。連汁都可以用來沾飯食👍🏻酸梅湯(店員推介)是店舖內最新的飲品，酸酸甜甜的味道，再加上一些乾花，只整杯飲品都不同了。是店主每天

台灣菜在香港也不算是一個很大的潮流，就是日子過了這麼久，彷彿人們都對台灣菜沒有太大的興趣，也許是因為食物款式不多，或是一向都沒有怎麼吃，所以便一直都不吃了。台灣菜來說，我們最常吃的應該是牛肉麵，自己在灣仔上班，到西環有點近，西環那邊其實也有不少美食，最近在香港大學站附近開了一間牛肉麵店，名字叫「大麥牛肉麵」，還以為它的牛肉全都是用大麥去做的。店舖雖小，應該連20個座位也沒有，裡面的裝潢也很講究，有不同的六角形裝飾，全都跟大麥有關的，果然跟店名「大麥牛肉麵」的主題一樣。食物種類也不多，甚至可以說是少，只有兩款牛肉麵、便當和雞腿飯作主菜，小食倒是比較多，不知是不是「貴精不貴多」呢？酸梅湯就經常喝了，桂花薄荷酸梅湯大家又聽過沒有？酸梅湯上有一粒粒的桂花，賞心悅目，雖然說是酸梅湯，但又不會很酸呀，很是開胃，再加上冰涼的薄荷，有透心涼的感覺，炎炎夏日的天氣喝這杯飲品是最適合的。小食種類雖多，想吃的卻不多，蘿蔔、豆腐等食物也實在難以吸引大家，看見很多人也是點雞翅或是滷水拼盤滷水雞翼的滷水味適中，雞皮能做到滑溜的口感，雞肉則有點粗糙，可以再做得再好一點的。男朋友點了一份招牌紅燒牛肉麵，牛肉是牛展的部

同男朋友經過西環食晚飯，行到來呢間牛肉麵，見到小店嘅門口寫住冇味精作為招牌嘅牛肉麵，就決定入去試一試。菜單上面款式都已牛肉麵滷水食物作為賣點，我同男朋友分別都叫咗兩碗牛肉麵，一碗係蕎麥面，而另一碗就係普通嘅面。湯底濃郁，面底爽彈，加上蘿蔔有一大舊，10分足料。小食我哋就點左滷水雞翼+糖心蛋雞翼相當入味之餘，亦都嫩滑可口。不得不提就係呢個皮蛋豆腐，豆腐已經一早切好咗，秘製醬汁同豆腐嘅味道相當夾！而老闆娘亦都推介我哋飲酸梅湯，味道相當特別亦都好解暑！同男朋友對於今日嘅晚餐十分滿意！絕對係西環嘅不二之選！

品嘗台灣的牛肉麵，當然是要品嘗古早或地道的味道, 這小店裝潢簇新舒適, 小店都很認真, 店家很貼心，會在下單時會先行詢問顧客口味, 有HEART哦今晚就點選了一個招牌紅燒牛肉麵, 有牛肉, 仲有半熟蛋, 牛肉份量十足，湯頭很濃郁, 麵條口感彈牙，屬清燉牛肉類，湯頭有濃郁大骨味，味道甘甜及一點辣度，牛肉軟腍沒帶一絲筋，肉質有嚼勁口感。桂花薄荷酸梅湯, 酸梅湯除了口感酸甜, 加入桂花薄荷, 令香氣增加不少, 第一次飯, 感覺好特別, 好開胃!