天勝

营业中

休息中

今日去左銅鑼灣食飯，中午去左一間日本餐廳！環境好大好舒服，午餐選擇都好多。夏日炎炎想食冰凍食物，魚生是我首選！我叫左一個什錦魚生飯。坐低就有沙律、前菜和蒸蛋。沙律菜有滿滿芝麻醬，入口清甜清爽！前菜有我喜歡的蘿蔔絲和豆乾絲，入口香甜味道清清的，蒸蛋非常滑溜！魚生飯有微微醋香，飯粒有咬口，非常驚喜！壽司飯微微酸香我好喜歡！魚生選擇好多好豐富，海膽香甜，中拖羅入口油香豐富，也有蟹肉、大蝦、玉子等等，份量都多！

銅鑼灣選擇眾多，為什麼我要來到天勝呢﹖天勝位於亨利中心2樓(地鐵F出口，走幾分鐘就到了)，算是靜中帶旺的地方，樓下就是勁敵勝X殿，偏偏我唔會去人多的勝X殿，覺得就算要食炸豬都要走新路線，所以上左2樓光顧天勝了。再者，午膳非常重要，是充電，補回活力的調劑，見到利落乾淨、日式木系裝修的餐廳風格，剛好是我喜歡的類型，已經蠻有好感。來到門口，我說1個人，工作人員眼大大的望著我，怎麼她好像聽不懂﹖原來她是日本人！對不起，我錯了~~~一個人的午餐，靜靜在角落，棒著手中一杯溫熱的茶，看著前方的日本老師傅切魚生，動作利落，沒有多餘的行動，果然專注工作的男人最有型；有時，間中傳來三五知己的竊竊私語，聽到食客間日文對話，彷彿已飄到日本，自成一角在旅遊。咖哩吉列黑豚定食$150前菜、沙律、蒸蛋、木魚涼拌菜混集了蕃茄仔、青瓜的沙律菜，本身食材清甜，再配上芝麻醬，沒有很膩的感覺，很健康；蒸蛋滑嫩，有雞肉、冬茹及香葉，火侯控制極好，每吃一口，味蕾都受衝擊，怪不得我見其他食客都叫了厚蛋燒，是不是蛋料理也是推薦之一﹖木魚青菜清新，很不錯！*有冇留意呢對木筷子? 兩邊都是尖頭可用，還有，個人很著重廁所的衛生，呢個廁所雖

今日經過銅鑼灣有d時間想舒舒服服歎返個日式午餐，到處尋找邊間可以慢慢享受一番，最終就入左呢間尋食店內係日式設計格局，而2位廚師正宗日本人，內裏都有唔少日本人食客坐低後就睇吓有乜美食選擇先，除左有多款定食選，還有其他食物可以散叫，我最終選左個刺身定食剌身定食，套餐裏面包含左：前菜、沙律、蒸蛋、白飯、味噌湯、咸菜和甜品，侍應首先送上前菜、沙律和蒸蛋等你差不多品嘗完就送上刺身、白飯、味噌湯和咸菜等你食完晒再送上甜品前菜（醃蘿白絲）入口爽味道唔太甜沙律，蔬菜好新鮮，加左個醋食更加開胃蒸蛋，蛋入囗好滑，雞肉好嫩刺身（深海池魚、水八爪魚、赤身吞拿魚、䲞魚、甜蝦）深海池魚、赤身吞拿魚和䲞魚入口鮮甜彈牙，水八爪魚入囗煙煙韌韌，甜蝦囗感黏而甘甜味噌湯，味道適中，唔太鹹甜品（哈蜜瓜）切成一粒粒，可一啖一粒，鮮甜多汁呢度都有好多飲品選擇，果汁、清酒、燒酒、果酒還有即日日本報紙，另在港既日本人有回到家鄉感覺講真呢間既刺身俾我有在日本食到既級數

位於銅鑼灣商廈之內的一家居酒屋，踏出升降機之時，已隱約聽到日本語對話是日推介會寫在雙面黑板上，一面是日本語，另一面是中文，方便日本人也方便本地人 (眼見店中好多日本人光顧，坐在我兩邊的食客也是日本人呢 !)(前)桃の梅酒$55 ，(後)巨峰サワー$60桃の梅酒 就係依隻銀賞受賞既梅酒雜菜沙律 $60芝麻醬沙律正是我喜愛，沙律新鮮清新味淋河豚乾$75微微焦香，伴酒必選 !日本生蠔（岩手県）$90見到出菜處一大個盤盛放著幾隻巨型生蠔，攪到我流晒口水，即刻問staff仲有冇，蠔殼如手掌般大，好新鮮 !!!!池魚薄切$280我唔客氣啦 !放一片魚在碟上，加上幼青蔥和蘿蔔茸，再醮上酸汁同吃，鮮味十足又清新 !油甘魚魚餃$300以前在其他居酒屋食過吞拿魚魚鮫、三文魚魚鮫，今次試油甘魚魚鮫；魚鮫好好肉，無吞拿魚/三文魚魚魰咁多油脂，雖然肉質相對無咁滑溜，但相對無咁「溜」，好厚肉，兩件魚鮫唔使食飯麵其實都幾飽肚㗎 !握壽司(6貫) $350分別是大卜口 、鱲魚、深海池魚、 蟹棒、 帆立貝、 海膽  ! 單睇價錢只得6件其實都覺得幾貴，但全都好新鮮好靚，而當中既大卜口 、鱲魚、深海池魚、 海膽絕對係上乘

一直很想去這家餐廳吃飯，可是今天身體不適，本應早點回家休息，但不想掃興，只好勉強赴約。這家是日本人主理的日本餐廳，如果吃魚生壽司的話，預算大約$800+，小女子身體不適，不適宜吃生冷食物，所以刺身壽司可免則免了。餐廳裝潢樸實，是一般日式餐廳的格局，以深棕色為主調，設有吧台和雙人座位，環境清淨。點餐不久，以開始上菜，以日本餐廳來說，速度快得驚人。⭐️厚燒玉子$40玉子軟軟嫩嫩的，吃起來甜甜的，不過不失。⭐️黑椒燒牛脷$80燒牛脷水準不錯，牛脷口感紮實爽脆，油脂飽滿，蘸特製的醬料吃很不錯。⭐️香蔥吞拿魚腩卷壽司$98吞拿魚腩很嫩滑，不過是是吃壽司多過品嚐魚生鮮味，如果是吞拿魚腩刺身，肯定更好吃的。⭐️雜錦天婦羅$148有炸蕃薯、 蓮藕 、冬菇、海蝦和南瓜等，炸得尚算乾身，外脆內軟。⭐️咖哩烏冬$88想不到平平無奇的咖哩烏冬深得我心！烏冬順口滑溜，口感彈牙，伴著咖哩香氣令我一口一口地吃。最經驗是咖喱，質地濃稠，入口香滑，咖哩味道很突出，即使沒有其他配料，也吃得滿足呢！▪️今次因為生病，無法享受魚生，反而一碗普通的咖哩烏冬帶給我驚喜，所以說，貴不一定是最好。

位於銅鑼灣鬧市的一棟商業大廈裡，餐廳位置較為隱蔽，席間卻見到不少光顧的食客都是日本人，師傅跟部份的員工都是日本人，感覺恍如置身於日本。雖然價錢較一般日本餐廳昂貴，但質素高，難怪受到日本本土人的青睞。來到高檔次的日本餐廳，怎能夠錯過一嚐刺身呢？上選刺身（六種）：刺身新鮮，肉質厚實豐腴，八爪魚質感爽滑，蝦帶鮮甜，山葵是新鮮磨製的，所以能吃出山葵籽及感受其攻鼻感。刺身壽司飯：刺身有幾款，厚切。不過壽司飯醋落得有點重手，比平時吃慣的壽司飯酸。淮山伴山葵：山葵味濃，淮山味道清新特別，口感非常爽口。厚燒玉子：本以為是熱食，怎知原來是冷的，厚厚的甜蛋，不過不失，若然是熱食會更好吃。灸燒辛子明太子：本身明太子醃製過，所以建議伴飯吃，不然會很鹹。灸燒過的明太子外皮脆口，配上旁邊的青瓜片。魔鬼魚魚翅乾：魚乾薄片烤得香口乾乾，不過略鹹。

放假天就是要去享受，接過男朋友放工之後就走到銅鑼灣樓上的一家日本菜餐廳食午餐～這間日本餐廳明顯是走比較高格調的風格，整潔的環境配上柔和的燈光，座位之間都十分闊落！午餐的選擇也十分多樣，午餐價位都是平均在HK$100以上，食物質素十分高夏天熱辣辣梗係點個刺身定食啦！刺身定食 HK$180定食包括了沙律、前菜及蒸蛋，在上菜前都先上枱享用～沙律伴上的微酸的芝麻醬，好開胃！前菜即菜類的，咸度適中！而蒸蛋好香滑，內有冬菇及雞肉，蛋味香濃，不錯！刺身定食上枱了，精緻的刺身，包了一碗白飯、漬物及味噌湯～刺身都十分新鮮，擺放得十分精緻，吞拿魚都好厚切，口感十足，比較淋身新鮮～而甜蝦Size都幾大隻，味道好鮮甜爽口～而漬物也不錯，唔會太過重口味～味噌湯也不錯，很清甜的，不過飲到底有一點咸，整體都是美味的！最後，就也一片哈蜜瓜作為甜品，當這的季節好鮮甜爽口，為一餐完美的日本菜午餐畫上句號！

天勝~店舖由每一個細節到烹調師傅都跟足日本原創模式。上選刺身~ 包括:立魚, 深海池魚, 带子, 甜蝦及呑拿魚。立魚&深海池魚~倆者肉貨弹牙, 味道鮮, 帯少少清淡, 口感爽。呑拿魚~厚切, 鮮甜味濃, 富有魚油香, 感受到入口即溶感。帶子~ 厚肉帶子, 爽滑, 有層次感。甜蝦~ 肉質細緻, 味道鮮甜, 蝦肉厚實, 彈牙無比。清酒焗大蜆~ 大蜆(即香港人叫花甲), SIZE顆大, 用清酒焗, 非常入味, 而大蜆肉質肥厚, 清甜冇比, 直得推介!天勝原汁原味日本餐廳, 每晚客似雲来, 記得要早D booking!

同朋友週末行街食飯 炎炎夏日 當然係食清涼啲既日本菜啦 今次就揀左天勝一試望個menu其實都唔平 一個lunch set都近200不過係銅鑼灣呢啲地方 想食好少少 就差唔多係咁因為唔想食咁多澱粉質 所以同朋友都揀左刺身定食前菜好快上枱 沙律菜正正常常 茶碗蒸好有濃郁蛋味好好食但刺身始終先係主角 刺身有4-5種 每一種放落口都係鮮甜味十足 特別係蝦同帶子(無認錯既話xD) 口感同鮮甜度都明顯地同爭鮮 元氣等係可以做到唔沾醬油or芥末都好食食完個刺身 當堂覺得呢個價係值得既!!!不得不提既係服務生既態度好好 唔會長期棟係到住 執碗沖茶點單既時候又會迅速出現

之前都有喺附近食嘢 講起日本嘢 同一棟大家一定會食過炸豬 但係望上啲 都有好正既日本嘢食㗎今日又係因為朋友推介 去左試食呢間二樓既日本嘢 細細間 每張檯都有木板間隔 私隱度好充足 於是同朋友傾計傾得好開心 首先黎到就上左三個跟lunch set既 小菜 個沙律正正路路 加左芝麻醬所以幾好食 菠菜正路 碗蒸蛋好滑呀 唔知道係咪加水加高湯先可以蒸到咁滑～ 碎吞拿魚飯 份量好大 唔單止係飯好多 而且吞拿魚碎都好多 啲壽司米好好食 搞到好欲罷不能 唔想浪費一粒米 吞拿魚碎好多好滿 吞拿魚打到好碎 同之前食既比較 比較好入口 唔會咁快濟 因為好多魚脂都打碎埋 感覺可能無咁漏 不過相對地 口感就無咁豐富啦 落左啲紫菜 有補返少少口感 唔錯唔錯最後食飽飽 waitress姐姐就自動幫我地收拾好 送左哈密瓜俾我地食 正路啦 飯後水果是最好的～～～～

自從畢左業之後就少左好多機會見班莊員🤢今日難得可以約到幾個女仔一齊食飯，梗係想同佢地靜靜地坐係度一邊食野一邊傾計🙈😛鐘意食日本料理既我地就揀左天勝🤤雖然天勝位於銅鑼灣鬧市，離地鐵站亦只係幾步既距離，但俾我地既感覺更加似一間日式隱世小店 — 靜靜的，裝修以木為主🌱Book左位既我地獲安排小包廂，十分適合三兩知己談心❤️午市定食大多都係HKD100-200，有齊沙律，前菜，蒸蛋，主菜，飯，味噌湯，生果😛 十分飽肚，感覺超值😝我叫左刺身定食（HKD180）🍣刺身✅ 有五款新鮮刺身，由師父發板，不用醬油已經十分甜👅 一嘗已經知道同平時連鎖壽司店有很大分別🙈 最喜歡吞拿魚和蝦😈 厚厚的吞拿魚更令人覺得特別鮮甜肥美😂 一碗白飯就無聲無色地吃完了😳沙律✅前菜✅蒸蛋✅

今晚同女朋友去食好嘢，就梗係港女最愛嘅日本菜喇。仲以為位於銅鑼灣嘅天勝係超級貴，但原來價錢又 ok 喎。厚燒玉子 ($40)即叫即燒嘅玉子上枱時熱辣辣，好厚身夠晒口感。甜蛋都幾甜，蛋味濃郁，嚟到一定要嗌。牛肉豆腐鍋 ($98)呢個鍋都好豐富，有牛肉、豆腐、大葱、冬菇、金菇同蔬菜。啲牛肉真心好入味，一啲都唔韌。可惜無飯餸好似差咁啲咁。蟹肉滑蛋湯飯 ($130)唯有嗌個飯嘅頂下肚。呢個賣相就無咁吸引喇，但我就好鐘意食泡飯嘅，濕濕地好易入口。有蟹肉、滑蛋、菇撈湯飯，好味又飽肚。

今晩去了銅鑼灣的天勝，入面大多也是日本人，喝喝酒吃吃小食，連師傅也是日本人。好像很正宗似的，真令人期待。六件握壽司 ($350) 有拖羅、立魚、深海池魚、帆立貝、蟹肉和海膽。非常之新鮮，肉質彈牙。其中我最愛的是拖羅，魚肉細膩，有入口即溶感。滑蛋黑豚肉煮 ($168) 賣相非常吸引，半流質的滑蛋晶瑩剔透。豬扒炸得鬆脆，肉質豐厚。還有蔬菜在底，如能拌飯吃就好了。三文魚親子飯 ($98) 有鮮甜的三文魚和大大粒的魚籽脆卜卜，而且帶鹹香，原來飯的份量也不少，想飽肚的可點這個。

又係銅鑼灣搵食既時候，同朋友行街，黎到呢間正宗日本料理餐廳，午餐即選擇都算幾多下。我仲見到隔離個日本人食好豐富既咖哩飯，吸引度十足！佢唔同午餐配既前菜都唔同，我就揀左什錦魚生飯，勝在乜都有！前菜係麻醬沙律同蒸蛋。蒸蛋賣相滑就唔再講，但料都驚喜，有北海道蟹柳肉，果種鮮甜味真係抵擋不住❤️主角黎啦！每件刺身都好有光澤，有八種，仲要每一件都大大件，啖啖肉，真係唔可以睇少佢既份量，女仔可以要求少飯。其實食曬啲配料都已經好滿足。但係佢哋既壽司飯比出面既偏酸，所以令人越食越開胃。本身鐘意食偏酸既朋友就岩曬👍🏼

早排因爲公司的事，心情唔多好。放工後男朋友就帶住我呢個吃貨去左銅鑼灣食好西。係餐廳坐低後，職員就拎左熱的濕毛巾比我們抺手，服務非常貼心呀。本身想叫雞肉芝士春卷，不過咁岩賣晒，所以我見菜式名咁得意，我就叫左一份海盜芝士了。上菜時好驚訝，因為我無諗過個樣係咁西式(笑)。佢其實係呑拿魚腸配Cream Cheese。Cream Cheese同魚腸的配撘，口感Creamy味道偏鹹，配埋梳打餅食又幾夾，男朋友好鍾意。今餐飯我最期待就係呢份本日推介的呑拿魚腩刺身！餐廳提供大及中的份量。我幫男朋友慳荷包，要份中的就可以了。呑拿魚腩唔會平時壽司店咁有雪味，而且鮮味一流！大家見到刺身的紋路幾靚，食落口好香，但唔會太膩。果然一分錢一分貨！另外一提，餐廳為了方便及衛生問題，特意提供雙頭的的木筷子，讓大家安心食生及熟的食物。係熱食方面，我們叫左一份牛肉豆腐鍋。當個鍋上菜時仲小滾緊，係剛剛煮好。雖然叫做小鍋，不過份量都唔係少。味道方面，豆腐好香而且又好嫩滑，牛肉都不錯。我真係好少食魚，不過我卻好鍾意到日本餐廳食西京燒銀雪魚！用麵豉醬燒的銀雪魚，擁有銀雪魚的嫩滑，加上麵豉醬的微甜香味，真係好好食！另外，我見到餐廳有