太陽蕃茄拉麵 (已結業)

這是第二次幫襯，第一次的拉麵麻麻地，過淋同過油。但見Sunday lunch time周圍都多人，加上定食POSTER吸引,門口的STAFF又落力推銷，就比多次機會啦。可惜....三文魚煮得乾硬之餘，咸到不得了。咸到食完要洗腎咁滯。為免做大嘥鬼，夾硬食咗細嗰塊，但實在咸到吃不下....結帳後有同主管反映，她只是說了一句:吓?好咸?對唔住呀.我諗唔會有第三次機會囉。

大年初1緊係要去拜年啦, 不過拜年人數太多, 每年我都會去打個底先走左去新都城行下, 見到有間食拉麵既, 見d野好似都ok咁, 就入左去試下間餐廳既感覺有少少似味千咁, 不過d員工就....茶餐廳咁....見到個menu都諗左好耐揀咩好, 樣樣都好似好吸引咁....結果我就揀左個芝士拉麵 (有雞肉的), 初初黎到都覺得好香芝士味, 頭兩啖都仲叫ok既....食食下覺得陣味愈黎愈難食....勁似d嘔吐物既味咁....完全唔掂! 男朋友就揀左個辛味泡菜豚骨拉麵, 我就食左少少, 唔覺有辛味/ 泡菜味....另外都叫左個小食, 日式煎餃子, 你唔好睇佢好似煎得好靚咁, 另外果面係冇煎過咁濟....好似蒸出黎咁, 入面d肉好散, 食落去好冇口感....講真....咁樣就食左$204, 其實幾唔抵食....重點係唔好食丫麻....

又一出名拉麵來到香港變得面目全非⋯號稱全日本拉麵榜排第七既拉麵，竟然如此。餃子一碟六隻，唔熱得來裏面仲有怪味，食兩隻已經係極限。講到拉麵，我相信日本總店絕對唔會用超巿幾蚊雞即食拉麵做麵底，但來到香港竟然慳水到咁，個即食麵底上枱已經黏作一團。先試咗個燒雞拉麵，個湯本來幾清甜尚可入口，但卻被呢啲即食拉麵攪到不倫不類，清湯變成嚴重得令人倒胃的鹼水湯，鹼水味完全蓋過清湯味，是全店最敗北之作。蕃茄拉麵則好少少，主要是醶水味好像被蕃茄湯蓋過，道理有如星爺响食神裏面形容既咖哩魚蛋豬大腸一樣，可是入到口還是嚐到那一陣濃烈既鹼水味。縱然其他小吃如雞軟骨、芝麻雞翼、黑醋雞翼等尚算ok，但誰會打算去到只吃配角既小吃而不吃主打既拉麵同餃子？標榜全日本拉麵排行榜第七位主打蕃茄拉麵，但卻是全店最失敗之作，難怪縱然開在人流過盛既將軍澳仍然不用等位之，且仲有一半枱冇人坐。

香港各處的商場都有很大的改變，變得越來越豪華，就算是專做街坊生意的商場也不能「幸免」，位於將軍澳的新都城中心便是一例了。伴隨着變得豪華的裝修便是變得豪華的商舖，以前的街坊食街已完全改頭換面，變成很多有特色食肆的集中地。位於商場不同角落的食肆也是如此，沒有特色的，或價錢太低的都不見了。這次幫襯的餐廳算是變天後新進場中較平宜的一間。太陽給人溫暖的感覺，而英文的organic 就是有機的，由餐廳的名字看來給自己親切之感。室內裝修也儘力保持有機的主題。木磚牆及仿樹木的長枱都是切合主題的裝飾。食物方面，今次並沒有選上蕃茄拉麵，反而選了日式叉燒半生熟蛋飯。味道不錯，叉燒甜甜的，很易入口。而半生熟蛋也很有蛋味。不過有一點是較為失色的，就是飯。那飯太軟了，水份太多，影响了入口的感覺之餘也令飯味淡了。可惜。

太陽のトマト麺每次經過都留意這間以蕃茄做主打的日本麵店，但每次經過都不見人潮，總有點擔憂。今天在門口打量一番，見食物的模型都吸引。終於鼓起勇氣進入這間麵店。店內食客不多，位置可以自由選擇。枱之間距離足夠，加上客人不多，反而覺得自在。店內佈置簡單，但感覺清新舒服，最特別是店的中央放了一棵樹。Menu比較簡單，只有一頁過膠的Menu。有７款蕃茄麵，$68~72 ，配料是芝士／茄子／滑蛋／野菜或海鮮蜆肉。。。。都無肉？？ 要加雞肉及豬肉要加$18，都不太便宜。除７款的主打蕃茄麵外，另有豬骨湯及雞湯底的麵及飯類，可以給一些不愛蕃茄的朋友（好似我老公）選擇。但是細看牆上對食物的介紹，看出麵店對材料的嚴格挑選，反而對食物充滿期待。何解店方沒有把這些吸引食客的資料用中文介紹給食客？就讓小妹把這些資料轉為中文 為了減少梘水味，幼麵用蛋白及豆乳做成。麵條幼細而且爽滑，另外添加了對肝藏,心藏,大腦,血管有益的卵磷脂（lecithin）及減少大豆異黃酮素(isoflavone) 內的膽固醇用上3個意大利來的有機蕃茄。每個蕃茄約有12mg的茄紅素。茄紅素有抗氧化功效及預防生活習慣相關病的功效食麵後留下的湯

這是新都城內新開的拉麵店所以於午飯時段來一試高下!老公點了招牌太陽蕃茄拉麵我則點了豚骨拉麵單看賣相..不算討好=.="老公說他的拉麵味道OK我的豚骨拉麵..湯頭比平時吃的拉麵清淡得多麵的軟硬度適中半熟蛋也不夠香濃~~絕不能與豚王一類的拉麵店比較!!味道不算難吃但整體真的很像健康食品般清淡Orz

雖說家住將軍澳，但卻又很少在本區來覓食，其實又真的很難在這邊找到一間吸引我的店，倒不如自己回家煮更安樂。有天在新都城鳩嗚一下，看到這間拉麵店的名字確實眼熟，好像是日本的過江龍，一查果真如此，就這樣因利成便入去試了。這店主打的是蕃茄湯底，除了味Ｘ拉麵外很少有拉麵店推出蕃茄湯底。另外也有大路的豬骨湯底，不過既然主打的是蕃茄湯底，就不要左顧右盼了。蕃加湯底有一個是推介一個是定番，分別是有芝士粉和沒有芝士粉的分別，但如果只是因為芝士粉而多付十元的話，我還是買一支芝士粉倒進去好了。拉麵來的時候確實是紅噹噹，不過倒是讓人覺得有住家湯麵的感覺－－的確像是我會弄的東西嘛，再加上不修邊幅的賣相…不管如何先喝一口湯，真的很濃的蕃茄味，那感覺像是茄膏煮成的羅宋湯的味道，不能稱上很好吃，但你又很難指出不好處，要說的話因為湯底要顧及素食者的需要，所以無法加入牛肉熬製，少了點味道。拉麵還有雞肉和青菜等等，給我的感覺就好像是隔夜的餸菜加在拉麵裡一起煮，你試過這麼做就知道真的會變成這碗麵的樣子。味道嘛…就是一般的水煮菜和白灼雞肉般，沒甚麼特別可言。另外這裡的麵屬幼身麵但不是博多風，根據資料所寫是加入了豆乳去做的麵，雖

這家由日本而來既太陽蕃茄拉麵於去年10月左右開業，位置在新都城二期較偏既位置(戲院樓上嗰層)，剛開始看其賣相，好有fusion既感覺... 以為是以做西式意粉既方法來煮拉麵，對fusion冇好感既夫妻我倆冇諗過嚟試。是晚原意吃Shabu Shabu，但有感旅行回來後遲遲未調整飲食份量﹐食梗中藥既老公又正戒牛，所以便提議老公不如嚟試下啦！嚟到食店門口，店內除店員外了無一人，我們駐足店外先翻閱餐牌，店員好熱情有禮介紹並邀請我們入內，橫豎諗唔到其他(冇咁heavy既)選擇，我們便入去了！食店地方不算很大，大概坐40多人左右，裝潢以簡約木系為主，顯得地方寬敞，座位與座位之間距離尚可。翻開餐牌，可選擇既食物唔多，各式蕃茄湯底拉麵為招牌，另有雞骨湯及豚骨湯既拉麵三兩款，飯類如鰻魚飯﹑野菌飯又係三兩款，小吃款式大路，選擇也不多，如煎餃子﹑唐揚炸雞塊﹑芝士年糕﹑日本南瓜薯餅等，較特別既有柚子燒比目魚，甜品方面，我只記得有抹茶布丁及抹茶大福，未點餐前我是想兩樣都吃的，店員話可以之後才加，所以我地先落主食，老公知我想影招牌芝士拉麵($75)既相，所以揀了這個(其實佢較愛普通豬骨湯的)，而我因為唔食蕃茄，又

今日去食晏,一家人兩大兩細, 見到間新野, 就去試下, 間間食市都要等, 呢間就無乜人又即可入座, 心唸可能新野無人知, 比個機會大家啦, 叫個煎餃子, 炭燒鰻魚飯, 雞肉白湯拉麵和三文魚籽飯, 食物上枱奇快, 當佢地手快腳快吧.炭燒鰻魚飯的飯是一嚿嚿,不是日式珍珠米, 鰻魚厚但韌,好清淡.雞肉白湯拉麵d麵就似天使麵,完全不是日式拉麵, 雞肉比想像多但無乜味.三文魚籽飯就真係火都黎埋,話明三文魚籽,但一粒三文魚籽都無,變晒蟹籽,問服務員,佢夠膽話三文魚籽同沙律醬混埋一齊,上面的是蟹籽,這個就同menu一樣的三文魚籽飯…我都試過搜索有無一粒三文魚籽,可惜搵唔到.我都未見過三文魚籽會混醬混到無人見到真身既食法,我真係見識少.唯一正常d就係煎餃子.一句講晒,價錢雖未一流,但食材一定下九流同呃人.大家唔信就試吓啦.

平時食得豬骨味拉麵多，偶然都想試試其它口味既拉麵。今次見雜誌介绍蕃茄拉麵系用意大利有機蕃茄煮成湯蓉，賣相差左少少，好似煮好後求其倒入湯碗，不過味道算系濃郁茄味，似蔬菜羅宋湯，飲多幾啖會覺得有點咸；麵條幼身似有波浪纹既天使意粉，如果再煙韌點會好d。整體上黎講算系唔錯另一選擇。

前晚到新都城飲宴，離開席尚早便在商場四圍逛逛，發現這間新食店，最初被其名稱吸引"太陽番茄麵"，細看之下原來其拉麵是用豆乳做，每碗湯底都含3個意大利有機番茄，見到"有機"二字我又怎會放過，決定第二天再來試試。第二晚星期日約7點來到，都要排隊等等，店員服務都很好，出來拿餐牌比你等住睇，仲叫係坐住等，等了約10分鐘便有位。媽子點了一碗太陽蜆肉拉麵$78, 而我就點了一碗招牌太陽芝士拉麵$75，呢碗芝士拉麵店內宣傳品說明在日本全國8萬間拉麵店中脫穎而出得第7位，我就即管試下有幾得!滿心期待呢碗芝士拉麵，點知我完全食可到，其芝士實在太羶，我本身很喜歡吃芝士，除了羊奶芝士我食吾到之外，呢碗的芝士係第二種我食吾到既芝士，只能說不是什麼靚芝士吧，超失望。唯有要求店員換過另一碗滑蛋拉麵。媽子叫的太陽蜆肉拉麵，沒有芝士味的影響，湯底番茄咪算濃郁，但就沒有蜆的鮮味，相信不是用新鮮蜆跟湯一起煮，所以湯底連頂點海鮮味也沒有。基本上蜆肉好似搭枱咁，有冇都吾覺。至於拉麵的質地反而不錯，吃不出豆乳味，但算彈牙，吾錯。最後上來的是退換的太陽滑蛋拉麵，滑蛋已融於湯內，吾好期望夾到雞蛋食，番茄湯底跟蜆肉拉麵一樣味道，沒大驚

新都城近年來持繼進行裝修工程，商場面貌革新了不少，商店亦順勢去舊迎新，遺留下來的舊店也逐一消失了，不斷開創大集團商店，的而且確比以前的新都城更加華麗新穎，感覺煥然一新，不過代價就是消費者的錢包將會流水式減磅。值得高興的是同時開創了很多新食肆餐廳，位於新都城二期1樓在戲院那邊方向，前身是味千拉麵和板X壽司一帶的位置，等待一段許久的日子終於以全新面貌示人，"星派"咖啡仍然在裝修中(這店我期待已久， 因為不太喜愛飲P店啲咖啡)，鄰店還有板X壽司和太陽蕃茄拉麵。"太陽"在門外觀看，覺得裡面的潢裝很清新舒服又光蠻，以蕃茄和健康為題材果然很吸引人，站在門口的侍應生很熱心介紹餐牌裡的食物，午餐set看來也不錯，而且是新店不坊一試。店內潢裝主要用木材和木紋為主題，白色和淡啡的木質顏色為主色調，整個環境很清新自然，就好像進入了一間豎立在綠草園裡的屋子一樣，四周圍裝設了許多的射燈使室內光環境更明亮。天皇蟹柳柚子汁野菜沙律$42蟹柳肉鮮甜，肉質煙韌有彈性，沙律清新爽甜，配上酸酸甜甜的柚子汁，涼快好吃。柚子蜂蜜(熱)套餐+$8的柚子蜂蜜的確很貴......秋季天氣乾燥，最適合飲返杯清潤喉嚨的飲料。太陽蕃茄拉麵

每個星期我慣常抽空伴老爺食個晏，今日選址在老人家附近之寳琳站店子新淨度可想或者是一頭半月之事，簡淨而明亮空間感在視野上很是舒服平日之下午又是商場角位處，人客不太多更感覺上餐廳少有的寧靜香港拉麵市場其實早已飽和，要突圍而出、湯底非要扭盡六丑太陽蕃茄拉麵也來分一羹，那就要待時間看看真功夫午餐時段套餐選擇性不多，即是話推你可進一步單叫餐牌上其它食物的意慾兩飯兩麵下，最終跟老人家、踢走肥嘟嘟豚骨拉麵，選上同一款雞肉白湯拉麵$48.(不知因何蕃茄底始終在腦海都是給我杰糊糊的印象，所以沒有叫上)上枱之雞肉白湯拉麵，論賣相其實也不俗、多多大葱絲，加上數片雞肉身旁還夾雜着幾根切碎小唐菜，厨師令其耀眼、還擺放半片西柚作裝飾雞肉份量不算多，只有四片左右、但就勝於夠滑麵質入口幼而富彈性，湯底味濃、本應實屬好事，但同樣味咸就扣去多少分數．．附加上$10.換來煎餃子一碟，肉質偏稔、推算肥肉多於瘦肉，沾在日本醬油吃、中中平平套餐只包沒水類飲品，固此每人再附加上$8.喚來柚子茶柚子茶味道?酸酸甜甜模様、大多家庭亦有認識

是日放假同個妹來到新都城2期食個Lunch ，發現商場的角位開了一間新的餐廳「太陽蕃茄拉麵」，我們上前看一看個餐牌時，店員都好熱誠地介紹他們店中的招牌蕃茄拉麵，lunch set 看來都不錯，我們也決定入了店內食個午餐。店內看來與一般傳統的拉麵不同是較有歐陸的裝潢，有靠梳化位置的枱櫈、高腳枱櫈任客人選擇。拉麵主打是是番茄湯底，有點似食意大利粉的感覺，有點創新的拉麵風格。坐下來時店員會奉上凍或者熱的綠茶，喝著味道較清淡。lunch set 一共五款款主菜可以選擇，包括有招牌太陽蕃茄拉麵、日式叉燒配半熟蛋飯、炭燒鰻魚飯、元祖豚骨拉麵及雞肉白湯拉麵。extra 想追加小食可以加$10有日式煎餃子3隻。價錢由$42至$58，以上包括汽水(可樂、zero可樂或雪碧)，如果加$8可有柚子蜂蜜(熱/凍)。 從來不愛好汽水的我們，我們唯有另加$8點了杯熱柚子蜂蜜，柚子加上蜂蜜味道相當清甜，在這個乾燥的秋天，也可以清潤一下。 先點了的天皇蟹柳柚子汁野菜沙律、炸日本南瓜薯餅、日式煎餃子都已經好快送上，天皇蟹柳柚子汁野菜沙律的蟹肉都好豐富肉厚，味道鮮甜，肉質結實，沙律好新鮮，沙律主要都是蘿蔔絲、粟米粒

星期六放假,開開心心下午一家大細去了剛剛開的拉麵店,兩點左右去到新都城商場行街街,行到累找野食,點知周圍間間食店都要等位,經過太陽番茄拉麵居然仲有大把位,咪去睇下有咩食,原來有新湯底的蕃茄麵,門口仲有位女人說蕃茄係日本來.....但我在menu見到就寫意大利睇真d價錢拍得住一蘭,一風堂......仲要加一,唔怪得仲有位啦,我們有細路唔想等位,所以就去試下....我們叫了芝士拉麵,黑蒜豚肉拉麵,蜆肉拉麵....每碗都成80多元menu內又無set又無加錢飲野,汽水都成16元一罐...好貴拉麵到了先講芝士拉麵,個湯係蕃茄湯,有d淡,好像用罐頭蕃汁做,湯夠熱,內裏有d小唐菜同雞肉,湯面有d芝士粉,味道一般,又細碗又貴蜆肉拉麵.....唔洗講同芝士拉麵個湯一樣分別係雞肉,芝土換了6'7隻蜆,評價唔洗講最後的黑蒜豚肉拉麵,係正常少少的拉麵有叉燒,旦,芽菜........但個湯就涑的........點攪總結:三個字....無下次