奇蹟拉麵 ミラクル

营业中

休息中

星期五夜晚放工後經過奇蹟拉麵，當時未需要排隊，見到入邊仲有位就入去試吓。本身仲考慮緊試清湯醬油拉麵定係濃湯拉麵。然後喺OpenRice見到其他人的食評都係話清湯醬油拉麵比較出色就決定試吓！而老公就決定是濃湯拉麵。果然清湯醬油拉麵嘅湯底真係清澈得黎夠味道，飲落去唔會覺得重口味，仲好舒服。對比之下反而老公嗰碗濃湯拉麵的湯底，我就覺得冇咁好食，因為太厚比較杰身。 面底份量就唔算好多，女仔就應該啱啱好，但男人就可能會唔夠飽。總括嚟講唔使排隊既話可以一試。

《清湯醬油拉麵🍜》清湯系嘅拉麵不嬲响香港都比較唔受歡迎。不過我個人認為，往往清湯系更能食得出個廚嘅功力，一於試試！香味 (3.5/5) - 主要係鰹魚汁，同醬油嘅香，都幾例牌野。湯 (3/5) - 色澤清澈，鹹甜香齊，唔會太鹹太甜，剛好，我覺得都過得去。麵條 (5/5) - 非常的好！中細麵，直身，非常咁爽口，有咬勁，成碗麵最有記憶點就係個麵本身。配料 (4/5) - 豬叉燒方面，用豬肩肉，有兩塊，夠嫩滑，肉味夠，幾好食。溏心蛋我認為非常好，味道剛剛好，襯個清湯好夾，生熟度完美，蛋香極出，非常好食。佢係成碗麵第二個記憶點。荀方面，少少荀臭味，不過我唔抗拒，我幾鍾意嘅。食左一半後，加埋黑胡椒，同昆布醋，味道有一定提升。《自家製餃子🥟》餃子就一般，中規中矩。最後乜都清晒。整體 - 小小推薦 👍👍。以佢嘅性價比，我認為唔係驚豔，不過路過食一碗都會有一定程度嘅滿足，餃子則可加可不加。

旺角一向是拉麵愛好者的天堂，這次與朋友相約試試「奇蹟拉麵」，以人均 $100-120 的價格來說，無論是味道還是份量，性價比都達到了合格以上 👍🏻🌟「奇蹟拉麵」最讓人印象深刻的，是它的厚切叉燒。一般日式拉麵的叉燒多是薄薄幾片，雖然味道不錯，但總會讓人意猶未盡。然而，這裡的厚切叉燒完全打破了這種遺憾。叉燒的厚度令人驚喜，肥而不膩，每一口都充滿了滿足感。至於海老拉麵的表現值得一讚。湯底濃郁且帶有蝦的鮮甜，麵條的口感彈牙，能很好地吸附湯汁，與湯底形成完美搭配。🤭🤭除了拉麵本身，炸雞也是一個亮點。外皮金黃酥脆、雞肉沒有半點乾柴的感覺，是拉麵的絕佳配搭 ✨如果你在旺角想找一碗性價比高又能滿足味蕾的拉麵，「奇蹟拉麵」絕對值得一試！👍🏻❤️

香港又多一間高質拉麵選擇啦呢間一開始開嗰陣成日都要排隊，但係最近排隊情況少見左，變相又多咗機會即興起上來會諗起呢間，咁啱呢日冇人排就即刻試吓先原味濃拉麵湯底非常濃郁，拉麵係比較硬身而有彈性，然後塊叉燒絕對係有驚喜，熟度啱啱好，肉質嫩滑而又唔肥烏賊拉麵朋友就叫左呢碗，其實個湯底都唔錯，但係食完之後就會成口黑萌萌，因為咁我下次都係會選擇食返白湯🤣唯一覺得需要改善嘅真係職員態度，返工返得好Hea，全程就聽住兩位職員講是非🤦🏻‍♀️

呢間拉麵店向屯門嘅時候已經好出名，不過一直都未有機會試到，於是今日經過旺角見冇人排隊就入左去試試。餐牌上嘅選擇唔多，都係得5款，因為見其他食評都話濃湯底會好咸，所以今次就先試清湯醬油拉麵<$79> 麵身係偏幼同煙靭，叉燒好薄身同嫰滑，同埋應該係用慢煮方法所以塊肉會比較粉紅色，溏心蛋冇乜味但好流心但入面個蛋黃係凍嘅，不過個湯底就好岩我口味，唔會好咸而且飲完都唔會覺得口渴，飲多兩啖都冇負擔，價錢嚟講性價比係可以嘅，如果唔使排隊的話，都值得一試。

一直在拉麵關注組裡聽到大家討論，口碑似乎不錯，終於有機會在熱潮過後第一次試試它！咁啱又見唔使排隊就去試下🍜🍜✨鴨肉醬油拉麵 🍜這款每日限量的鴨肉拉麵看起來好特別！湯底顏色清澈，喝起來不會太濃，味道剛剛好。煙燻的鴨胸非常香，肉質軟嫩，吃起來還不錯。✨原味濃拉麵 🍜這款湯底非常濃厚，喝起來很有飽足感。拉麵有韌性，配上一隻溏心蛋、叉燒和筍，雖然沒有什麼驚喜，但這款麵的性價比還是挺高的。👍🏻👍🏻

自從原本位於屯門的奇蹟拉麵在旺角重開後人潮不斷，今日終於在平日的中午直入一試。餐廳面積不大，只有大約十多個位，冷氣不足，如客滿都應該食得不太舒服。第一次來想試一試她們的原味濃拉麵($86)。拉麵上菜時已經聞到很香的豬骨味，湯的質地帶點稠度，味道如聞上去的濃郁，卻出奇地不鹹，幼身帶有質感的拉麵剛好掛上湯汁，讓客人每一啖都能夠飲到她們招牌的湯底，頗有驚喜。叉燒的表現也令人驚訝，脂肪與瘦肉的比例均勻，肉質軟嫰，吃得到慢煮的感覺另加$15可升級午市套餐，包含一罐汽水和一客小食，可選三件自家製餃子或者兩件炸雞。餃子味道正常，是一般吃到的日式餃子，反而炸雞很有驚喜：炸漿又脆又薄，裡面的雞肉熱辣辣夠軟熟，加入檸檬汁還能增添一點清新的感覺，推薦一試！奇蹟拉麵的食物味道頗有驚喜，唯獨環境比較狹窄坐得不太舒服，食客要有心理準備食完就離座，但是值得一試的拉麵店

首先, 拉麵跟餃子都很好味但餃子的記憶點比較突出, 所以會先評拉麵《清湯醬油拉麵》我認為整碗拉麵，湯是最出色的，湯是順口的，味道不會刺激，但絕對不會令人覺得太淡，看似是太很油的湯，但喝下去完全沒有油膩感不過亦有值得加強的地方，不知道是否之前有食評提過麵質太淋身，今次我的麵就口感太硬，會影響掛湯程度和口感，叉燒太薄，雖然都美味，但本人偏向有燒過的叉燒，這款不是我的最愛，但這不是店家問題。當天我的半熟蛋太熟，應該有85%熟，希望下次可以食到半熟蛋。 《 自家製餃子》沒有期望的餃子反而令我喜出望外，首先即叫即造，放在你枱前的時候，就熱辣辣咬一口之後，他不只是有肉味，每一啖除了肉味還有香香的（韭）菜味，不肯定菜種外皮薄但夾起亦不會破，內裡有少少肉汁這個值得推介

今日咁啱經過旺角見到呢一間奇蹟拉麵，因為肚餓而又唔使排隊，所以就入咗去食坐低無奈大概係6-7點傍晚時分就已經開始出面有幾多人排隊。因為佢是日限定有一款鴨胸拉麵，所以就買咗碗你試吓，湯底非常之好比較清，鴨胸肉出色完全唔韌，便底亦都非常之好食， overall冇記錯嘅話都係大概$100一碗，店員服務態度非常之好和有禮貌。小息方面還叫了一款餃子，質素就比較普通，如果不是特別喜歡的話就可以不叫了，總括而言，這間可以encore

今日去左曾經係「拉麵關注組」捧上神枱既「奇蹟拉麵」，旺角店開左都差唔多一年了，宜家唔洗點排隊就入得原味濃拉麵湯底用上大量既豬骨、雞骨、海鮮等材料熬製而成，濃味得黎唔會話過咸同膩，配以兩塊薄叉燒、味付半熟蛋 & 荀，麵條粗幼適中，味道不錯拉麵店有4款唔同湯底提供，另外仲有期間限定拉麵，款式都算唔少，因為本身都無期望下黎食，所以我都覺得味道唔錯，但又未去到話一試難忘，價錢合理，唔洗排隊路過我都會再光顧☺️！

旺角呢間｢奇蹟拉麵 ﾐﾗｸﾙ｣雖然唔係新開,但係每次經過都見到有人排隊,今次終於忍唔住同朋友夜晚嚟挑戰佢哋嘅｢濃厚辣味拉麵｣同｢日式炸雞｣!🍜 濃厚辣味拉麵雖然唔係佢哋嘅招牌菜式,但係呢個｢濃厚辣味拉麵｣真係好惹味!湯底香濃惹味,辣度都幾高,食完真係會爆汗嗰隻🥵,但係又唔會太過鹹,好適合鍾意食辣嘅朋友!麵條方面,掛湯能力高,每一啖都充滿辣油香味🌶️!叉燒都算唔錯,不過就冇拉麵咁出色｡🍗 日式炸雞｢日式炸雞｣就真係冇令我失望,炸得外脆內嫩,雞肉好juicy,而且冇乜雪味,加埋檸檬汁一齊食,更加清新解膩!🌟 總結整體嚟講,｢奇蹟拉麵 ﾐﾗｸﾙ｣嘅食物都算唔錯,不過環境就比較迫夾,而且服務都只係不過不失｡但係勝在夠美味,下次係旺角想食拉麵嘅時候都可以考慮吓!

男友自稱拉麵愛好者，成日都鍾意試唔同垃麵🍜雖然每次被問到邊間好食，佢都答唔出，最多話有次我帶佢食過一間幾好食（座銀個名都up唔到🤡）前排weekend經過曾經喺屯門大排出龍嘅奇蹟拉麵。奇蹟地冇人排隊，入面都冇咩人但食完結果係：平平無奇～🤎menu共有5款拉麵，我地分別揀咗一個濃湯一個清湯。一致認為清湯拉麵比濃湯出色🤣清湯湯頭清澈不油膩，夏天飲多兩啖都冇負擔感🌞濃湯質底非常濃厚稠身，未去到漿口但食到中途會覺少鹹同膩，只適合重口味人士🤣男友譚仔係食清湯路線，所以唔好濃湯拉麵屬幼身，口感偏腍身而且唔太掛湯，並唔係我地杯茶叉燒薄切尚可，冇太大記憶點反而味付半熟蛋唔錯，流心得恰到好處，有蛋香🥚拉麵份量偏少，細食女仔會岩岩好，男士會唔夠，要加底😬另外叫咗餃子，🥟煎到金黃香脆，都唔錯，但未去到驚艷。唔太明咁多foodie吹捧嘅原因，同區的話呢個價錢會有更好選擇🤔唔使排隊都可以一戰但要排隊就不了，因為會失望😣結論係男友繼續答唔到人邊間拉麵好食🤣🤣🤣

屯門名物，曾經卷入湯包扮自家熬製湯底風波，22年11月因為租約及人手不足結業，23年7月旺角重開。喺旺角行到六點都唔太肚餓，但怕夜啲多人食飯，決定帶老婆食拉麵。唔洗排隊真係有啲意外，店員話墨魚湯底賣晒，但就冇推介特製限定，好彩我望到啫！點解我咁講？因為限定係我最愛嘅鴨拉麵，仲要係豉油湯底，1秒已經做好選擇，老婆就叫原味濃拉麵。鴨肉好嫩但偏咸，蛋生熟做得好好但就冇乜味，麵的軟硬度都好啱我，整體都有85分。老婆豬骨湯好好味，唔會話好杰但味道十足，雖然冇問佢評價，但見佢好快成碗食晒，大概都估到碗嘢唔差。是日消費：鴨肉醬油拉麵$108 原味濃湯拉麵$86共 $194

入餐廳坐咗一陣野食就到枱，食埋總共坐咗15分鐘左右，可想而知份量有幾少。最衰嘅係出面有人啱啱黎排隊，我啱啱好食完個麵，連野飲都未飲完，然後指住我張枱同出面嘅人講，「呢張枱就黎走」。搞到出面嘅人一直望入黎，極大壓力，食飽想坐係度休息一陣都唔得。唔比人坐嘅，唔該寫到名，唔好用呢種方式趕人走

我是拉麵愛好者～個人認為「湯底」和「麵底」同樣是關鍵哦😌第一次認識「奇蹟拉麵」是在YouTube上的飲食頻道介紹說是平日還要排隊的呢今日late lunch剛好經過不用排隊，就請朋友和我一起來試試我點了烏賊濃味拉麵，$93/碗麵底：OK 湯底：一開始入口味道是蠻濃的，重口味如我是會喜歡的啊，但多喝兩三口的湯，即越見口渴～哎，要喝水那種程度，偏咸哦。這讓我有點保留，吃拉麵我一定會喝湯的，這湯底可能有下味精。叉燒偏瘦，心目中達標準的叉燒需要帶點脂肪。朋友吃原味的則覺得有點油整體而言是正常水準吧～同區拉麵店有表現更出色的說是奇蹟，有點過譽了是比普通好一點點的拉麵店～排隊是不會再吃