奈良上釜 (已結業)

一家三口趁有假期到久違了的海洋公園盡興了一天。夜幕低垂，是時候退場之餘，亦是時間出去祭五臟廟了....太太建議去銅鑼灣走一轉。我即時就想起在登龍街的這一所釜飯專門店....是平日的晚上，都已接近八時了，但店內人流卻仍是絡繹不絕。此店之人氣，的確一如眾食友所言甚厲害....來得這裡，主要當然為了那熱騰騰香噴噴的釜飯。每人先各點了一個，之後再來小菜，也應夠飽了吧....每人點釜飯，飯來之前都會先端上好幾款前菜小食。看見其擺陣色彩繽紛，食慾很容易便被帶動....六款之中，我最愛的便是軟熟至入口即溶的牛舌粒，其次甜得有如在吃蜜糖的日本甜薯也很好；茶碗蒸足料超足，除了有慣常的魚蛋片、冬菇以及銀杏粒之外還下了ikura、蟹肉及松露碎，食落無論咬口以至味道當然亦與眾不同；醬蘿蔔醃得酸度剛剛好亦十分爽脆....額外點的炸物小食池魚仔，炸物異常乾身爽口一點都不油膩，咬至中段舌頭更感到有一咲甘苦味，是魚內臟帶來的獨有之味，食起來沒半點腥氣，出色....釜飯是落order後由師傅即場煲煑，自然是要花時候等待一下。不過也等不用多久，釜飯就輪番登場了....用木蓋蓋著熱辣辣的米飯，香氣自然極盛。一打開蓋，香噴噴

試過真。奈良 釜飯之後，就對這種日式煲仔飯產生了興趣聽聞這家的釜飯都有不少人推薦，所以就決定去試試我叫了一個蟹盛，而男朋友則叫了一個海膽釜飯。煲仔飯最重要的是飯，其次才是材料。而這次的蟹釜飯我認為較為濕潤，因此帶來的飯焦亦較為軟身，不多焦香，但蟹肉是香甜的，而蟹膏也是鮮的。海膽釜飯的飯比我的飯更濕更黏，導致飯焦完全痴實在底，吃不到。而海膽水準也一般，不腥但未到很甜美的水平，有點沙在內。但不得不讚是他們的前盤，漬物十分爽脆。而我最喜歡的是豆腐美味。除某套餐外，所有釜飯都有6款小菜。至於服務方面，一級棒待應十分有笑容，也會主動添茶。而且也會和客人介紹漬物的名字和食法。是少數我願意給加一服務費的餐廳。沒嘗試過釜飯的人我十分推薦來這裏嘗嘗日本的煲仔飯，也許有不錯的体會。

聖誕節梗係搵啲好野獎勵下自己同屋企人,搵咗匿間餐廳諗住食個蟹宴,但竟然搵到其他仲好食過蟹。一心諗住試蟹,梗係叫個蟹盛啦,包蟹飯,茶碗蒸,天婦羅同松葉蟹。蟹飯好大碗,一個人食飽,松葉蟹腳好味,天婦羅ok啦,茶碗蒸我就覺得唔夠味,雖然佢係多料既。另外一個和牛飯,包八小碟同茶碗蒸,個飯又係勁大,而且勁多和牛,所以三個人食兩個餐都好飽。再叫多個蕃薯天婦羅,好味。佢仲有蕎麥麵同其他小食,但無試lu。一心嚟匿度試蟹,但我覺得個和牛飯仲好食過個蟹飯。

好耐之前食第一次已經覺得好好味~ 今次見到用eatigo app有半價，馬上再book枱食多次~🌧是日天氣寒冷加上微雨，當然要比自己食暖番個人，加上見有半價，我地毫不客氣咁叫咗一人一客釜飯，再加咗個小食~ 每客釜飯都會跟一份前菜，而且前菜仲由以前嘅三味變成六味！其中最推介嘅就係佢地嘅茶碗蒸！不但高湯夠香，蛋夠滑，入面仲好足料，加埋啲菇菌香味，一流呀！食完前菜冇耐，釜飯就陸續登場了！每個釜飯set仲會跟一個麵豉湯添～🦀蟹釜飯 $198打開見到滿滿拆好嘅蟹肉加上一大堆三文魚子喺中間就已覺得佢好食~ 果然一入口，啲飯已索晒啲高湯同海鮮嘅香味，加上啖啖蟹肉，令人忍唔住將所有飯餸連同每一絲嘅蟹肉都食得一乾二淨！🐟西京銀雪釜飯 $188銀雪魚雖然仲有少量骨，但啲魚肉夠軟滑，完全唔腥令唔係太好魚嘅我都一口接一口咁食～🐮月見和牛釜飯 $198一開蓋牛肉又係勁多勁滿！牛肉夠軟嫩，牛味亦充足，加上高湯飯嘅加持更加提鮮！每個飯食到底都會有少少飯焦，令成個飯更有層次同口感～小食方面我地叫咗$158嘅🧡雲丹天婦羅，即係有紫菜包住嘅海膽天婦羅~薄薄嘅炸衣同紫菜包住入口即溶嘅海膽，作為海膽迷真係覺得不得了！總括而言

友人搜得中午12點主餐牌半價優惠, 便選了鰻魚雞肉蟹肉釜飯，蟹肉釜飯和蟹腳天婦羅。鰻魚香軟味美無骨，蟹肉份量可以，附隨的六小碟味道賣相典備，蒸蛋尤其出色，埋單每人160可接受。

閒日夜晚9點幾，唔洗等位。menu整得好靚，都幾心大心細唔知食咩好。本來兩個人都想嗌奈良七盛個釜，但諗住試多d新野，所以就嗌左一個釜同一個海鮮天婦羅盛合配抹茶冷麵，同瑩光魷魚沖漬。個釜既前菜真係勁fancy！特別要提個茶碗蒸真係超好食！！黑松露夠香、蛋夠滑、仲有魚子、蟹肉、菇，成件事好完美！當然個釜都好正，冬天最正就係刮飯焦至於海鮮天婦羅俾分好掙扎，因為個天婦羅好好食，感覺亦都唔油。但個抹茶soba真係有d失望，麵身有d乾唔夠彈。小食方面，瑩光魷魚個爆開感，唔係人人都岩😂友人好喜歡，我就一般，但整體值得下次再幫襯既。

約咗朋友過幾日食生日飯打開個OpenRice睇左好耐都唔知食乜好揀揀下見到呢間幾特別見到個個嘅評語又唔錯喎，咁所以就同班朋友決定試吓囉好彩朋友一早就book左枱，因為去到都見到都要排下隊。當然因為book左枱，所以我哋一行四人一去到就可以入坐打開個Menu都幾多嘢揀，睇完一輪我哋當然有叫到之前見到嘅蟹飯啦set嘅前菜🤗前菜好好味嘅蒸蛋墨魚咀咀海鮮天婦羅配蕎麥麵天婦羅蟹棒主角到非常之料嘅蟹飯同埋鰻魚蟹肉飯

今日又黎食日式熱辣辣煲仔飯，天氣凍，又諗起釜飯，即刻book定枱。上兩次食過鮭魚釜飯 ，回味無窮。今次叫左極上釜飯（$248）同鰻魚釜飯（$168）。釜飯都送六味小食，包括茶碗蒸，漬物。今次有甜蕃薯🍠，炸豆腐，蘿蔔，呑拿魚。茶碗蒸，是我的最愛，配有少少三文魚籽和truffle，很鮮味。所以釜飯都係即叫即煮。在品嘗完小食後，釜飯就剛剛可以上枱了~鰻魚釜飯相對之前兩次食鮭魚釜飯，比較沒有那麼濃味。喜歡清淡的朋友，可以試下呢款，剛巧旁邊兩枱的女士都叫了鰻魚釜飯。另外，極上釜飯有三款材料，包括蟹肉、鰻魚、雞肉，另外還附上少量魚籽。釜飯的都有一碗半至兩碗飯，分量都唔少，最適合宜家呢d天氣去食啦。

Great array of Japanese food to choose from. Limited if you have allergies to shellfish. Rice and meat is quite and so are the starters. My family said they enjoy their seafood dishes such as the crab and prawn dishes.

沖著蟹肉釜飯而來的🦀，並沒有令我失望。前菜的蟹腳已經剪殼，用蟹鈎輕鬆就能挑出蟹肉，免得吃得滿手狼狽~天婦羅用的炸粉夠薄脆。整個釜飯是滿滿的蟹肉，吃到底也是蟹肉。飯焦較多，喜歡香口的人會很滿足，整體CP值不錯。服務員反應快速、上菜及加水都很及時，有隨時留意顧客的需要。唯一美中不足是座位比較狹窄，稱不上坐得舒適。

見某app book位有半價，一於拉埋朋友一齊試，大家都超級滿意啊☺️💕每款釜飯都包六款前菜，除咗蕃薯甜得濟之外，每款都好味！尤其是茶碗蒸，好足料，又夠滑，加埋好香嘅黑松露油，好味啊😋釜飯方面，最驚喜嘅係樣子好普通嘅和牛釜飯，牛肉軟腍入味，好正！鰻魚同三文魚飯都唔錯😇不過如果想傾計坐耐啲就未必啱食啦，因為店內座位唔多又有少少迫，我哋食完傾咗陣就走，外面已經有人排隊嚕！不過人均只係百一，真係好抵，會再嚟啊😍最後要放多張前菜相，擺得好靚💕💕

寒冷的冬天最適合吃暖暖的米飯！地方小小的溫馨的店舖，店員十分友善，店裏充滿了米飯和蟹肉的香甜！蟹肉配上梅子酒，別具風味。蟹肉香甜，蟹膏鮮美螢光魷魚🦑有點特別，重口味的朋友應該會喜歡。非常安心的吃了兩個小時，酒足飯飽再去逛街

週一是跑步好日， 根據過往經驗， 跑完再搵食、 大部分都趕尾場收工。 趕收工的時間在一些搵食應用程式都搵到些折扣優惠。 這間上釜就是其中一間～ 年前曾與朋友食過一次、 覺得幾好食。 再近一點時間已經同老公路過這店就向老公介紹，想同佢食一次。 男士通常都愛大口大口飯食。 上釜是食飯既就最好不過。 今次專登預 跑完步來食。 入場職員幾好，縱然食9點半。 但都無板起翻收工面。 我地一人叫一個釜定食。加天掃羅。 我叫蟹肉釜， 老公叫鰻魚釜（無影相）。 首先我覺得個前菜及湯好吃之餘，賣相幾靚。 其次主菜蟹釜都好食， 蟹肉夠量、蓋滿飯面。唯一挑骨頭之處： 今次無飯焦。 我記得第一次來食時，最驚喜是飯熱肉甜之類，後勁的飯焦非常香脆。 今次我地無食到既。 有點可惜。

成日睇人地啲相已經想試好耐唔知係咪啲相太吸引今次食有少少失望 但係整體係唔錯嘅只係我期望太高 唔代表佢唔好食嘅我同朋友叫左鰻魚釜飯同海膽釜飯另外再叫左雜菜天婦羅盛合兩個釜飯都有茶碗蒸 前菜 漬物同麵豉湯個茶碗蒸好好食蛋好滑 料好足 有三文魚籽 蟹肉 蝦 仲有黑松露黑松露味好香至於兩個釜飯 一打開個蓋超級香但係令我有少少失望嘅原因係鰻魚嘅醬汁唔夠味 海膽唔夠新鮮但所有味道係好夾好味嘅仲可以食到飯焦添

每次食日本野都有好多揀 有壽司 放題 shabushabu 爐端燒 有幾可會諗都去食釜飯呢 早幾日朋友放工突然間約食飯喎 咁突然諗唔到食乜嘢 就諗起登龍街有好多嘅餐廳咁就求其去左一間嚟食入到黎發現原來係食釜飯 老實講我就真係無食過 都好似幾新鮮咁 即管試吓好唔好食落完單之後 店員就俾咗啲前菜我哋食 前菜有茶碗蒸 凍豆腐 同埋d漬物 哇個茶碗蒸勁好食佢啲蛋應該係用高湯煮過 所以勁香同個汁同個多好夾 朋友同我都大讚 而個豆腐都好有豆香主菜黎喇我點嗰個係銀鱈魚釜飯 而我朋友果兩個都係蟹肉釜飯 先講講我個銀鱈魚先啦 佢個銀鱈魚好有油香 撈埋落個飯度 絕對可以食多碗飯！ 而佢個飯唔係淨係白飯咁簡單！ 佢係用高湯煮嘅飯 所以好香 連埋個魚一齊食個味都好夾！食到落底仲有得食飯焦添！而我兩個朋友食嘅蟹肉釜飯上面嘅蟹肉超多 仲好有鮮味 無得頂我哋食完都只不過係七點 好彩我哋早啲嚟咋出邊已經排晒長龍嚕 所以下次一定要訂位！唯一要彈嘅係個份量都比較少 我哋食完個飯仲食咗個甜品先肯走