奈良上釜 (已結業)

《初嚐日式煲仔飯🍲》 香港叫煲仔飯，韓國叫石頭飯，咁日本叫咩呢？就係釜飯！釜飯係用傳統小鍋，加入米，高湯、醬油、味醂等調味，再鋪上唔同配料烹煮的米飯料理。小妹平日唔係好食飯🍚皆因殿粉質積聚會轉化為糖，最後就變成脂肪。所以就揀咗中午去試！食完仲有大把時間消化，唔怕會肥。驚喜原來用訂座app有半貨優惠，午飯時段全部50%off！而晚飯時間就30%off!慣常落order前會講俾店員聽我對蝦🦐敏感，好彩佢地肯為我準備冇蝦既茶碗蒸🍵同用清湯煮釜飯🍚，非常感動😭我叫咗蟹肉🦀釜飯原價$188，套餐跟茶碗蒸、豆腐、漬物外，仲有一碗味增湯。茶碗蒸有多配料，有蟹肉、冬菇、魚旦🍥同三文魚子，材料新鮮，鮮味十足，相對麻醬豆腐同漬物就好普通。主角出場令人喜出望外，傳統小鍋存熱非常好，等我慢慢嘆完頭盤，佢都仲熱辣辣。打開....嘩！蟹肉🦀🦀🦀份量不少，仲有美美的三文魚子。分咗1/3俾小朋友後，我竟然食咗2/3！😱😱😱小掂士💡剩餘嘅飯焦可以倒入半碗味增湯，咁樣食又係另一種食法。 📍奈良上釜 (銅鑼灣)銅鑼灣登龍街39號地舖

今晚去左奈良上釜食飯，選擇左蟹釜飯，首先提供前菜，個燉蛋非常唔錯，有蝦有蟹，而且份量都唔少，蛋好滑，高質素前菜。前菜之後到主菜，一個飯、一碟魚子同一碗麵豉湯，一開蓋，蟹味巳經衝出來，好香，將d魚子倒入飯，急不及待試一啖，果然冇失望，以為燉蛋蟹肉比例已經好高，原來個飯蟹既比例多到有點兒過份，話蟹配飯食，我認為相反，飯好似係餸咁。蟹肉好新鮮，啖啖肉，食到尾都係蟹同飯比例仍然差唔多，估唔到多成咁，仲咁好味。個湯不過不失，係有d咸，另外喜歡食飯焦既朋友可能要好用力先整到出唻食，痴得好緊，不過整體來說絕對值得一試，價錢亦好合理。

友人約我食飯。話佢用咗app book 左呢間。其實間鋪頭都開咗好耐。之前一直見到有人排隊，自己比較唔鍾意排隊等食飯。所以一向都會唔量避免排隊。諗起食日本。當然滿心期望啦。一入到餐廳。真係嘩左一聲。好熱鬧。唔係想講佢生意好。而係環境真係好細。位置坐得好迫。變咗入到去好多人聲好嘈。我哋已經叫做好彩有定位。可以坐響中間位置。我哋坐低左之後冇幾耐，有對情侶入嚟冇訂枱。就被迫坐響門口個兩個位。個位置真係喺門口前面。我幻想唔到我一路食日本野， 一路會有人開門，一路會有啲熱風吹埋嚟嘅感覺會係點。雖然我哋坐餐廳中間。不過都係左右夾攻。好多人聲。轉頭 waiter 過到嚟，話app 優惠不包括蟹宴餐同和牛餐。算啦我都明嘅。咁所以退而求其次。 我同朋友都捱左鰻魚蟹肉雞肉個餐。前菜有蒸蛋。個蛋幾香呀。好味。有凍豆腐。正常。有 一塊三文魚刺身，甜蝦，一舊帶子。正常質素。飯黎喇。鰻魚還好。正常質素。蟹肉。冇味喎。。。。朋友話好彩冇叫蟹餐。雞肉。可以啦。唔鞋。飯略微少少濕。整體質素真係一般。我個人就應該唔會再翻兜啦。服務還可以啦。其實最舒服嗰一刻。就係開門走個刻。對耳真係即時感到靜番。個人認為食日本野真係唔係夾

想嚟試好耐架喇😍，終於都可以一試喇😁。睇過餐牌，最給引我嘅就係蟹盛喇🦀😍，一於食咗佢🦀😝。先飲杯啤酒降降溫先😁，飯就即叫即煮，感覺好似快過港式嘅煲仔飯添呀🤔。先上松葉蟹天婦羅+蟹腳冷物🦀，天婦羅炸漲幾好，蟹腳就淡味咗啲喇😉。冷物都係咁😉，唔點蟹醋食，就冇味道😌。主角出場😍，好靚嘅蟹盛😍，拎起個蟹蓋，睇見飯上面有好多蟹肉、蟹籽、蟹膏😍。攪勻之後食，每一啖都好香蟹味😋，仲有飯焦添🤦‍♂️，我試咗少少飯焦，好香脆架👌，但我怕黐牙，所以都冇食晒😝。蟹鉗蒸蛋，蟹鉗有蟹味，肉厚😋，蒸蛋夠滑😋。麵豉湯就普通咗啲😉。海膽天婦羅，海膽味唔太甜啫😉。咁豐盛嘅一餐，真係要好有食力嘅💪，先可以食光所有食物呀😅。

今天同朋友慶祝生日，想試試這裡的蟹釜，真的好美味😋，除咗有蟹腳天婦羅和松葉蟹腳外，仲有好滑的蟹鉗茶碗蛋！當然最令人回味的，就是又有蟹肉和蟹膏嘅釜飯，加埋蟹子，好正😋😋😋😋！以這個價錢真的抵食🤩仲有他們會等你食完松葉蟹腳，才送上釜飯，所以d飯一定夠熱，唔怕放凍咗，真的好貼心呢！👍🏻😊

見到有7折優惠，第一次嘗試依間日本餐廳茶碗蒸俾我預期中好味，每匙羹有魚子咸，雞蛋淡淡的，加香菇的香味，不錯！另外叫一個蟹釜飯，好多蟹肉，新鮮的，少少咸，還有飯焦，我喜歡！另一個是蜆肉配搭蟹肉的釜飯，味道比較濃郁，不錯的！

講到奈良的釜飯，我腦海里浮現的系「志津香」，雖然好耐之前食過，但依然印象深刻。而呢間「奈良上釜」，一早聽說過，但一直未有食過，今天經過心血來潮決定試下。當然唔會拿香港的餐廳同日本比，但呢間「奈良上釜」又居然比到我估唔到的驚喜，食物質素絕對高質，非普通hea野。首先要贊的系前菜，主角系茶碗蒸，鮮！蛋滑，入口即溶！而冰豆腐都合格，高質食材。釜飯，熱辣辣，小心鍋邊！開蓋驚喜見到蟹肉份量足，食落系鮮甜飽滿，食材絕冇求其！正！撈蟹籽一同享用，增加了口感的層㳄。可惜蟹籽份量少左了。最後食埋飯焦，火候岩岩好，十分香口。相比蟹·釜，鰻·釜就稍微普通左，但味道都系非常不錯的。鰻魚肥美，好juice,燒汁好夠味。搭配左芋頭，勁綿密！好味！面豉湯也都幾好。天婦羅拚盤，有蠔，蟹，蝦，魚；炸粉不厚，盡顯鮮甜！很好！

一直以來都好鍾意食蟹，特別是全蟹宴，但因為香港食真係好貴，所以特登生日黎食，慶祝一下。我地一行2人，既然一場黎到，各自叫了一個蟹盛釜飯。蟹盛釡飯配松葉蟹腳天婦羅，松葉蟹腳冷物，味噌湯，漬物，生果。首先有三隻松葉蟹腳，望落已經好新鮮，食落超鮮甜，仲預先拆殼，超甜心。再黎三件松葉蟹腳天婦羅，望落炸漿好似有點厚，但食落都好香脆。之後係一個茶碗蒸， 蒸蛋上面有蟹鉗， 蟹子，冬菇，蟹肉和蟹汁完全融入蒸蛋中， 食落滑滑的， 超正!最後，當然是主角釜飯。打開蓋子，內藏一隻松葉蟹蓋，忍唔住要影低佢。松葉蟹蓋下，有超多的蟹子，蟹膏，蟹肉，每一啖都充滿蟹肉的鮮甜味，最值得一讚是整個飯好足料，加上設計令釜飯一路保持熱熱的，吃到底部還有香脆飯焦，值得推介!

🦀🦀🦀🦀蟹迷注意🦀🦀🦀🦀日本正宗釜飯👉🏻蟹盛釜飯👈🏻HK $ 298 / set頭盤有👉🏻松葉蟹腳天婦羅，松葉蟹腳凍食， 松葉蟹燉蛋 👈🏻 主角蟹盛釜飯👉🏻揭開蟹蓋勁多蟹肉，蟹羔同埋蟹籽底部仲有少許飯焦，攪拌後真係啖啖蟹肉鮮味，而且份量都好足一個人食，套餐配味噌湯，漬物。 。。👉🏻另外叫咗個炸海膽都好正👈🏻另外再叫咗個和牛粒套餐我就覺得， 熱食頭幾啖係好食嘅， 不過就好快凍啲牛就開始韌，呢間野2百幾蚊食🦀都算抵下次要再黎食過😋😋😋😋😋

普遍人見到魚生「熱食」都可能會覺得浪費左或者會覺得唔夾，不過試左就知唔係個回事。魚生其實最後先放上去所以並唔會熟晒架！個飯既汁調配得剛剛好，而且有飯焦，岩晒鍾意食飯焦既人。半年後再黎食，都係食返海膽，不過對應返上年食，海膽品種原來唔同左，2款都好好味，不過個人比較喜歡上年個款多一點。根據唔同飯會配唔同既小食，我哩款有醃蘿蔔，麵豉湯。不過大家要耐心等候，個釜飯係即整架，所以平均都要等15-20分鐘先有得食。同事食極上釜，佢都覺得唔錯。

今次原本係打算搵間樓上cafe同姊妹聚下舊點知打吾通電話book檯最後兜兜轉轉黎左呢間呢間餐廳位於地舖 座位空間有限但因為餐廳無位 所以谷住上樓上上到去先知 樓上係他他咪黎但因為包左場 所以我地有兩個女仔著裙都吾介意坐我地叫左三set野一個係天婦羅加橋麥麵一個係海膽飯一個係蟹肉飯呢六碟野係前菜最左係白蘿蔔下面係蒸甜蛋上面係豆腐上面既係橋麥麵加天婦羅天婦羅吾厚粉 又炸得脆口呢個係蟹肉飯D蟹肉都新鮮 咬落有口感呢個係海膽飯D海膽吾重海水味有海膽既甜味重點黎啦 雖然我吾食飯焦 但呢個飯既最底部確實有薄薄既飯焦Overall 性價比中等 始終個個飯都要平均200蚊坐位係舒服既

係銅鑼灣返工咁耐，都密密搵好野食，呢間係每次行過都話要去試，話想試想試，昨晚終於試到鋪唔大，可能我比較晚先入座，唔洗等，就有得坐，叫左個 蟹肉釜飯 ，可惜掛坐拍片唔記得影佢，淨係影左個鰻魚飯咋😂😂😂其實服務幾好，因為有d鋪唔會密密幫你斟茶，呢間會嫁，同埋d杯杯碟碟都好有心思，去到可以留意下係咪個樣好靚靚，個蛋好食我都算係食量大既人，加埋個飯好夠飽，到埋單個時發現無啦啦多左20%off 9:00過後原來有折 😆😆 好幸運

平時經過登龍街，都會見到有間餐廳成日噴啲煙出黎，外面裝修非常之日式，但就好少有機會食到，今次同事約咗食飯，話想試吓呢間日本野，所以就去咗啦。原來斧飯嘅意思就係日式嘅煲仔飯，一坐低見到每個人都有一個鍋，幾特別，幾搞笑，佢晏晝好似只做book枱，全場都full嘅，如果想食記住book枱啦。由於好驚中伏所以今次比較保守，要咗雞肉，其實佢仲有一啲更加吸引，例如蟹啊蜆好啊海鮮之類嘅餸，但係好驚嚟到份量好少 ，乾爭爭，所以就冇揀到。成個set其實都幾正常，似係屋企煮嘅飯，我嘅雞肉都幾嫩，味道亦都唔會偏咸，飯有啲雞汁，但有少少濕，但佢但個飯啲飯焦好味，晏就黎講講都要$100以上，所以都小小貴。

今日甘岩同同事去銅鑼灣, 同事話想食依間好耐,之後見到9點後做緊7折, 所以唔執輸就黎試下.可能太夜,入面只有兩三枱客,所以我地唔洗等就有位坐.環境幾舒服,不過偏細間.我地叫佐最出名既蟹盛釜飯.一開始上佐依個,蟹棒好正,啖啖肉不過蟹腳炸到比較乾身,無咩肉地有樣抵讚係好細心,佢地會等你食完先再上主菜見到個蟹蓋都嚇死人入面蟹籽,蟹膏超正, 撈埋一齊好好味.不過份量都算多, 竟然食唔哂D飯, 太可惜另外個蒸蛋都好滑,不過再多D蟹肉係入面就最好.最後,滿心歡喜食個甜品,點知咬佐少少已經勁甜, 放棄佐

在OpenRice 訂咗星期五晚7:30二人。舖頭唔係好大，好彩已預約，給了一張6人枱。跟住有2位客人一齊夾枱。我同朋友一人叫咗一個set. 我點了雪魚，跟餐有蒸蛋，少量蔬菜同味噌湯，味覺唔錯，主菜蒸飯因爲係即叫即蒸所以要等一等。食完前菜，店員會好細心幫你收拾，又擺放好餐具👍🏻 主菜到，一打開嗰蓋，Wah, 飯加海鮮嘅香味飄曬出嚟，令人溜曬口水🤣。試第一口，👍🏻👍🏻👍🏻，嗰d雪魚又滑又香，真是‘一試難忘’！飯應該加咗海鮮汁烹調，好軟、好香。