好川好菜 (已結業)

呢排十分低氣壓想食D辣野發洩下，朋友就提議黎呢間好川好菜，貪佢夠晒就腳，一出地鐵站就見到。🥢酸菜生猛桂花魚（小）$238要數川菜中的代表不得不提酸菜魚，呢度嘅酸菜魚可選擇龍躉或桂花魚，今次就揀咗比較傳統嘅桂花魚，桂花魚肉質嫩滑，湯頭酸辣度調教得剛好，非常開胃，而吸收左湯汁嘅薯粉更加係精華所在。🥢麻辣海蜇手撕雞$108海蜇爽口彈牙，手撕雞肉質細嫩，味道麻重於辣，吃得十分過癮。🥢招牌好川涼麵$58幼麵伴上芝麻、蔥花、炸蒜、蝦乾、口水汁，麻中帶香，非常惹味。🥢擔擔面$48擔擔面則比較普通，可能之前幾道菜味道都比較突出，呢個食起上嚟味道淡左少少。後記：不得不讚呢度嘅服務，親切有禮之餘亦會經常主動斟茶加水，裝潢亦十足中國風，有如置身於古代。

去完澳門返嚟之後就順便喺尖沙咀食完野先返屋企 喺樓下睇完張Menu之後就決定試吓食中菜啦 間餐廳係用iPad點餐嘅勁方便 仲要有埋相 新川式魚香茄子因為我真係好鍾意食魚香茄子所以基本上餐單有魚香茄子嘅話我都會試 原本以為四川菜嘅魚香茄子一定會好辣啦 點知食落之後先發現其實佢偏甜麻婆豆腐呢碟麻婆豆腐比想像中辣少少 同魚香茄子比佢個辣度起碼高兩級 入面仲有啲花椒粒同埋肉說 份量比想像中大好多川香燒桂花魚條桂花魚好有驚喜 肉質嫩滑 桂花魚嘅魚皮炸到脆脆地 但係入面啲肉都唔會鞋仲要加上佢秘製嘅醬汁真係好入味

行完街之後朋友仔話想食辣野 誤打誤撞之下就上咗嚟呢一間好似開咗冇幾耐嘅私房菜 呢間餐廳嘅裝修好古色古香巴蜀香辣蟹呢個蟹真係一定要試吓 我哋叫咗細份都好大隻仲要好多肉 香辣得來仲炒得好入味 店員仲會好細心咁俾埋手套同蟹鉗你用新川式魚香茄子本身以為呢度嘅嘢食可以揀辣度點知原來冇得揀不過大家都唔使驚以為好辣 因為佢只係有少少辣 唔似出邊啲茶餐廳咁咸 甜甜地好開胃麻婆豆腐麻婆豆腐可以話係川菜中嘅表表者 唔知點解呢碟麻婆豆腐居然啲豆腐唔會爛 好想知道佢係點煮嘅 用嚟送飯可以食兩碗 花椒味好香 啲豆腐好滑

每個人身邊都有一個無辣不歡嘅朋友😏😏今日我呢個朋友就帶咗我去尖沙咀嘅呢間好川好菜食四川菜😍😍😍雖然我唔係好食得辣但係都好鍾意四川嗰種麻辣又香又麻真係好正😆😆餐廳用平板電腦嚟落單仲可以見到每款菜嘅圖片 見到都流曬口水呀🤤🤤餐廳入面嘅裝修都係傳統中國風我同朋友都好鍾意食海鮮所以今次嗌咗三款都係海鮮🤓🤓茶芥 $15@🦀巴蜀香辣蟹 (小) $368雖然嗌咗細蟹 但係比我想像中大隻用咗好多蔥同埋🌶辣椒去炒炒得好香口夠曬惹味😋😋😋蟹肉都好新鮮結實食落啖啖肉👍🏻🐟川香燒生猛桂花魚 $328呢個桂花魚上枱嗰陣真係有啲嚇親好大條🆙🆙平時都好鍾意食桂花魚貪佢冇乜骨😂呢個桂花魚都好新鮮同埋肉質好嫩滑😍🦐椒鹽瀨尿蝦 $228椒鹽瀨尿蝦都好大碟一上枱已經聞到好香嘅椒鹽味😍😍每隻都大大個 煮得好香口好有大排檔風味😎😎10% Service Charge💰

一排冇食川菜， 辣隱又起， 都顧唔到呢段時間 天時暑熱， 路過尖沙咀， 就決定進入這間川菜館試一試川菜。店舖位於尖沙咀鬧市中心， 距離地鐵站路程約莫五分鐘。舖內環境非常舒適， 周圍佈置都以紅色為主調， 加上古色古香的雕塑裝飾， 令到整個環境氣氛都非常中國風。👍點菜的餐單 是以電子形式進行， 整個餐單都存在於平板電腦內， 非常先進。毛血旺是我的最愛， 辛辣有勁， 麻辣汁徹底滲透進每一件毛血旺裏面， 啖啖麻辣， 超級滋味， 用來拌飯更是一流。

本人非常喜歡川菜，除了喜歡食辣，川菜也能展現不同特色的辣。今日黎到呢間川菜又試一試先。裝修：整個佈局也非常有中國風味，未吃已經覺得自己係內地，有時除了吃食物也是吃環境，如果西式裝修吃川菜會覺得格格不入。.食物（10款）-酸菜沙巴龍躉🐟（$328） 🔺第一次以龍躉作酸菜魚，此魚雖非鱸魚的滑但也有鱸魚沒有的口感，魚肉較實淺，感覺啖啖肉，而且酸菜味重，微辣仲有不少冬粉在底部。-雞絲粉皮🐔（$68）🔺唯一沒有辣味的菜餚，粉皮及雞粉也很滑，如果麻醬再濃再香會更惹味。-蒜泥白肉🐷（$88）🔺最令人響往的一道菜，蒜味十分重（本人十分愛吃蒜），肉很薄而且一咬便斷開，包起青瓜絲更令人口感清爽不會太油膩。-招牌好川涼麵🍝（$58）🔺麵質彈牙，醬汁有如XO醬但川式的XO醬，除了川式辣還有蝦乾的味道。-涼拌酸辣土豆絲（$68）🔺土豆絲十分爽脆，辣度適中，但略欠薯味-雜菌紅燒豆腐🍲（$108）🔺用了布包豆腐，口感上較實淨，而且不易煮爛，但廣東人較喜歡滑豆腐，口感有文化差異-生煎韭菜餃湯麵🍜🥟（$48）🔺原以為普通得很，但湯麵也是辣的，韭菜餃煎得很香很好吃。-麻辣海蜇手撕雞🐥（$108）🔺海蜇非常爽脆，但手撕雞份

今日去完遊行，身水身汗，決定去尖沙咀求其搵間嘢食食完就算。求其入咗尖沙咀地鐵站A出口一出嘅好川好菜。呢間餐廳裝修比較有中國嘅風格主要用紅色，餐廳入邊都有唔少嘅公仔繪畫。一開始就會有三個小菜俾我哋先，分別係貢菜雞腳同花生。雞翼都幾好食忍唔住食咗三夠。我叫咗個夫妻肺片，呢個夫妻肺片都唔錯上邊有啲蒜蓉配埋啲辣油幾正之後叫咗兩個湯一個係雞骨草湯一個係牛大力湯，我就比較鍾意牛大力湯啊清清地。雞骨草湯稍微偏鹹。另外都叫咗個辣子肥腸，呢個炒肥腸都幾好不過建議大家叫小辣肥腸炒得夠乾身，唔會有臭味。另外都叫咗期待好耐嘅酸菜桂花魚$328，份量都幾大，係成條魚嘅，不過稍嫌有少少腥味。之前都嚟過食一次佢哋嘅桂花魚果次嘅桂花魚真心好食一陣我諗今次都係突然失凖。最後見到白飯$12五穀飯$18索性叫咗五穀飯估唔到個五穀飯幾好食，口感好豐富入邊仲有啲薏米我幾鍾意。

朋友推介我黎呢間尖咀新開的好川好菜。呢度有得食我至愛的酸菜魚，仲要非一般的酸菜魚。餐廳有兩層，當日被安排坐在2/F 的位置。中國風的裝潢與新派川菜結合。餐廳用平板電腦展示餐牌及自助下單。環保又方便。花雕醉乳鴿$98醉乳鴿有半隻， 酒香甘甜，唯乳鴿份量偏小。雞絲粉皮 $68雞絲切成粗條，份量都幾多。麻醬好香濃，味道帶甜。招牌涼麵 $58當晚最有驚喜就呢碟涼麵，雖則攤放一段時間，但依然涼麵條條分明唔會痴住晒。加入蔥花、蝦米同川式調味。麵條纖幼，入口爽滑彈牙，正！酸菜沙巴龍躉 $328 除左做成酸菜龍躉片外，仍保留原條有頭有尾龍躉本人夠霸氣。龍躉魚皮煙韌Q彈，肉厚彈牙。魚骨較粗唔驚甘易嗑親。調味屬重口味派系，偏辣一點。干鍋魚春魚鰾 $138魚春同魚卜兩種截然不同的口感結合，令層次更豐富。魚春經高溫炸過更香口，魚卜爽滑彈牙，調味唔算好辣，滋味係窮。

同家人聚餐當然要揀返一間裝修靚嘢食又正嘅餐廳，今次嚟到尖沙咀嘅好川好菜，地理位置都好方便，一出地鐵站其實1分鐘都會到到，而且裝修可以講係古色古香，店家用左深咖啡色同紅色作為餐廳嘅主調，而且侍應們都着上紅色嘅制服食物方面首先都叫咗個粉皮，味到都幾出色，前菜來講都可以叫做係必食。主菜方面叫咗一個水煮牛肉，牛肉嘅肉片好高質，絕對唔係一啲平價嘅肥牛，有種入口即溶嘅感覺，配上紅薯粉，真係超級好食。之後我哋叫咗一個熏鴨，呢個菜真係好好食，鴨皮被保留着一啲脆脆地嘅感覺，而且皮下脂肪唔多，忍唔住食多幾啖去配飯。仲有就係辣椒炒鯇魚條，真係辣得好過癮，而且份量十足。最後就係一定要試吓佢個川式魚香茄子，真係相當有驚喜，而且個味道係絕對出面食唔到，除咗保留本身魚香茄子嘅鹹香，仲加咗川式味道，辣味同鹹味配合出一個特別嘅味道，一定要試吓。

招牌好川涼麵🍜$58果然係招牌菜，麻同辣配撘得啱啱好😛而且辣得好過癮，份量亦唔算少😎絕對可以一試👍雞絲粉皮🐔$68以前響國內做野，基本上每日都會食🤤喱個雞絲粉皮，我覺得好好食😘首先個芝麻醬真係好香好濃😛雞絲都幾多，食落好正🐔而且味道甜中帶些少鹹😏雞骨草金羅漢果燉圓蹄湯🍲$58燉湯好清好甜👍完全不加味精，真材實料😁生煎韭菜餃🥟$68韭菜餃煎得好靚😏餡料豐富，而且都幾大隻😛川式杞子風味冰粉😛$38炎炎夏日，食落確實好涼快😘唔算好甜，淡淡清香👍味道有D似桂花糕😁口感就似啫喱😏PS: 埋單有8折😎餐廳仲用平板電腦落Order，非常方便👍

川菜在香港人的反應很兩極，有些人很喜歡，有些人很討厭，因為辣東西的刺激，真不是人人能受得住手撕雞（＄１０８）海蜇煙韌有勁，雞絲的比例不多，辣度不算高，屬入門級別，當前菜正好。啤酒鴨（＄１９８）湯底好吃，加了啤酒後麥香很出，帶一絲絲微辣，只是鴨肉有點鞋就是水煮豬腩肉（＄１６８）樣子很辣，吃起來不算很辣，除了訪爐用的薄腩，還有大量椰菜，薯粉，跟竘蒻，很快就會吃飽，這道菜性價比算較高。擔擔麵（＄４８）帶花生湯跟肉碎的軟稔麵底，辣度很低，實在不夠過癮

好川好菜 地址: 尖沙咀堪富利士道11號堪富利士大廈2-3樓 電話: 23333334 假日約朋友仔出街食lunch 吹下水，食四川辣菜互相傷害一下，再睇下邊個辣到與廁所抱著過下半身地方好大，唔迫，仲富中國古風架裝修Lunch 有小炒，都幾抵食$68 包飯，湯同$15 以下飲品，幾個人還是決定散點 $88 清湯西蘭花，一碟菜是keto lchf每餐飲食必需。$108 麻辣海蝥手撕雞，個麻辣油才是精銳同重點呀，手撕雞又唔洗去骨，海蝥爽口多水份哦水煮極品黑豚肉，其實水煮都係辣，會比較遮住食材原味，食得到點豬味，好刺激。碟碟都幾大碟架，真係幾手個人分都得

#好川好菜裝飾古典，具濃度的中國文化氣色。侍應們都穿起棗紅色中國風上衣，而且他們友善和勤快，會不斷觀察食客，在適當的時候替你加水添茶🍵。這兒用極上烏龍茶，味濃淳厚令我不斷續杯。茶🍵位$15一位，但極抵比。送了三款前菜；花生🥜酒糟雞腳和辣椒青筍。點了： #麻辣海蜇手撕雞 $108用作開胃茶，香辣配上海蜇的爽口和實淨的手撕雞，會越吃越想吃。#毛血旺 $168毛血旺—是我們吃過最多配料和最豐盛。新鮮魷魚水、魷魚🦑、豬紅、午餐肉、毛肚、紅薯粉、豬腸頭、豬大腸、蒟蒻、黃喉和芽菜。大大一盤，夠我們大快朵頤。辣味剛好，標準辣度已經足夠而且香味十足，有很正宗的感覺。這個價錢是超值的。#宮保蝦球 🍤 $138是宮保雞丁的蝦版本，足足11隻大蝦兒。只是微辣，不能吃辣的人都可以嘗。我喜歡一口塞一隻，把口都塞滿滿的，滿足這把饞嘴😋。蝦🦐爽口，配菜炒得剛剛好，花生用醬汁炒過但依然脆口滿花生🥜香。很開心能夠搵到正宗的四川菜🤤

嗰日同朋友突然想食辣野就決定咗去食川菜一入到去鋪頭佢哋嘅裝修非常有特色模仿中國古代小店嘅裝修設計而且仲有好多古代掛飾非常特別我地點左一個水煮魚鰾，麻辣炒蟹，蒸倉魚同埋酸辣湯水煮魚鰾份量非常充足裏面仲有紅薯粉可以自行選擇辣度照顧到未必能夠食得好辣嘅朋友炒蟹嘅配料非常充足足足有一整隻螃蟹肉質亦都相當結實而且蟹鉗足足有半隻手掌咁大蒸倉魚肉質非常嫩滑配合酸菜口感非常酸辣湯材料亦都十分足夠酸辣都非常適中非常適合鍾意食麻辣川菜嘅你

#好川好菜川茶熱潮停不了中2食辣既都會中2食川茶呢間餐廳既菜式有唔同煮法好似泡椒、乾鍋、水煮、酒煮系列等等除左雞肉、鴨肉，仲提供唔同海鮮選擇例如龍躉、大蜆、海蝦、鮑魚等等今次小編淨係試左個田雞乾鍋同啤酒鴨整體上入味但唔算太辣菜式加左大量調味香料，芫茜、薑、辣椒，所以好香而由於個爐會點火，一路燒一路食所以田雞肉質好嫩滑，亦唔會乾身小編落左成瓶啤酒落鴨度鴨肉既啤酒味唔算重但湯底既啤酒味就好濃郁鍋度既菜、瓜、雲瓜都有好濃酒味不過，個火燒左十幾分鐘熄左，唔夠持久不過，值得一提係前菜既花生、鳳爪同露薈食得出浸左好耐，好入味鳳爪係用泡椒整法，好辣好過癮餐廳環境闊落，連餐具都好乾淨，食得好舒服評分： 7 / 10