好德來小籠包店 (已結業)

今日早收工,等埋人一齊去食飯搵左間專食小籠包既小店去試下 2個人可以試多1-2款野食菜式如下 小籠包一客, 鎮江排骨 四喜烤夫 小碗酸辣湯 甜品高力豆沙 一客四件 比一般既大少少,個皮薄,咬穿湯汁非常多,鮮肉餡汁多肉甜酸辣湯 豆腐絲 木耳絲 仲有筍絲 口感豐富脆脆爽爽個湯酸中帶微辣開胃四喜烤夫  麵根加木耳 木耳好大隻脆爽 烤夫好似棉花咁吸汁柔韌有彈性鎮江排骨用醋調味酸酸甜甜排骨好入味 最後係高力豆沙 咬開係豆沙餡,個餅身好鬆 軟棉棉 甜味好自然消費$300評分7/10好德來小籠包店佐敦德興街18號地下

以前openrice3日就批核到食評，而家成個禮拜都未批？仲有，有人話負評會批得慢d，好評就不斷ok，係咪做馬都唔知。入正題，與友人相約於佐敦食晚飯，佢係一位小籠包控，連pro pic都係小籠包！咁佢就介紹我黎呢間啦。店內格局同普通茶樓無異，夜晚時分大約6pm，唔算多人，3成滿左右。小籠包後來叫左兩籠，好食多汁，不過不失。雞絲粉皮好食，唯粉皮薄左d，份量細。酸辣湯好飲，唔太辣，非常開胃－食到好濟既時候抖下，飲下湯，又可以再食。三色百頁卷個人麻麻，但係健康之選。醉雞好食。侍應們年紀頗大，但非常勤力有禮，好主動幫我地斟水傾計。

約咗人喺佐敦但又未夠鐘 咁想坐下見到一間寫住小籠包專門店即刻吸引到我眼睛... 因為從小我都好喜歡食小籠包 真係品嚐過好多地方嘅 小籠包.... 最正嗰次就梗係喺上海喇.. 講返正題入到去點一個小籠包48蚊 正常價錢ok啦 如果蟹粉小籠包呢就32蚊一個 經濟麻麻地我就唔嘗試住啦 每次最少要點兩個嘅 佢嘅小籠包都好快上到枱我諗大概十分鐘之內 相信應該有啲係熱定咗 蟹粉有機會 係即時蒸熟嘅但我未試過好啦講返正題呢度嘅小籠包 外觀呢真係麻麻地 因為上枱嘅時候呢穿咗 可能咁啱呢一個啦， 咁但係食落去又好正喎 味道稍為係重啲嘅 裏面嘅餡呢亦都比較肥 所以鐘意重口味肥膩少少就適合啲 但係佢一個 味道同質感我會畀到七分， 喺香港嚟講呢 係好高水平 食食下先睇都有最低消費一個人70蚊 呢一樣嘢就差少少 我夾硬就飲多支豆漿囉 咁但係店員係非常有禮貌 而且提醒我 豆漿需要當天飲用因為沒有防腐劑 即係新鮮嘢嚟㗎喎 總括嚟講下次都會再嚟 試下個蟹粉

🍽🍴🍽🍴🍽🦀🦀🦀🦀🦀🍴🍽🍴🍽🍴🍽-以前去過上海已經鍾意咗食小籠包同埋蟹黃麵，咁啱嚟到食蟹嘅季節，諗住搵搵香港有冇呢啲上海嘢食。幾經辛苦終於都喺IG搵到呢間係有得食蟹黃麵，所以就即刻起行嚟試一試🤣🤣-🥢招牌小籠包（四隻）🆙-外皮厚薄適中，入面嘅湯汁同埋肉汁夠哂多，咬開少少吸咗啲湯汁之後再食落口都仲有唔少湯汁係嚿肉到走出黎。上枱嘅時候仲係新鮮熱辣，食嘅時候真係要小心淥親🤓-🥢蟹粉拌麵 🆙-記得嗰陣喺上海食都要$70-$80一碗，仲要唔係好多蟹粉鋪喺面。本身諗住香港食要$268都想打消個念頭，不過叫完之後一啲都無後悔，蟹粉份量超有誠意！拆殼拆得好乾淨，肉眼已經見到有唔少蟹肉同埋蟹膏。啲蟹粉個份量係撈勻成個面都仲有剩，蟹味夠哂濃郁，非常邪惡🤤唯一缺點真係太多蟹粉唔夠麵撈！-🌟評價 𝗥𝗮𝘁𝗶𝗻𝗴𝘀🌟食物 𝗙𝗼𝗼𝗱 9/10環境 𝗘𝗻𝘃𝗶𝗿𝗼𝗻𝗺𝗲𝗻𝘁 6/10服務 𝗦𝗲𝗿𝘃𝗶𝗰𝗲 7/10性價比 𝗩𝗮𝗹𝘂𝗲 𝗳𝗼𝗿 𝗠𝗼𝗻𝗲𝘆 8/10整體 𝗢𝘃𝗲𝗿𝗮𝗹𝗹 7.5/10-🍽🍴🍽🍴🍽🦀🦀🦀🦀🦀🍴🍽🍴🍽🍴🍽

岩岩staycation完諗住醫下肚 入左呢間好德來小籠包店 叫左個小籠包 上海粗炒 同回鍋肉飯 個小籠包 皮偏厚 $12一隻 CP值唔抵 上海粗炒 不過不失 至於個回鍋肉 就係我第一次openrice打comment既來源 個傳茶嬸嬸一上碟回鍋肉 已經聞燶味 食左舊菜 好大陣燶味 再試埋肉 仲燶 即刻同個傳菜呀嬸反映 點解佢入完廚房出黎同我同講 個師傅話係呢隻味 隻醬係咁既味 你地應該唔岩食 excuse me? 想問你隻醬咩牌子成陣燶味？你認左佢講句唔好意眾 我都無咁嬲 跟住呀嬸就dump個menu比我地叫我地自己選第二樣 之後個傳茶呀嬸就同坐收銀 我諗係老闆娘講 個客話唔仲意個醬要取消單 嘩 我地聽到 真係立即blacklist呢間 食完一肚氣 之後賣單同個老闆娘講 其實個碟野係燶味 勁大陣燶味 根本唔係個汁問題 希望你跟進下 真係 之前食都唔係咁 一入去d叔叔仲勁好態度 本身都覺得無選錯餐廳 點知成個感觀比個傳菜呀嬸同碟回鍋肉飯KO左 一定 一定無下次！！！

去開附近做嘢，突然想食個上海粗炒，响openrice 見到呢間嘢，望入去又見到唔少人幫襯，於是試吓啦！店面裝修好似老字號，連班伙記都好有經驗咁，心諗無死錯人啦！點知上海粗炒得大碟，假日冇普通size, 我本身細食，驚食唔晒嘥嘢，唯有叫排骨麵，心諗無死掛。塊排骨係大嘅，但啲炸粉同肥膏搞到口感好差，好似唔知食緊啲咩？膠同啫喱之間嘅嘢。味淡而且好味精！最犀利嘅係卅十幾度要杯水竟然要$2😓真係諗唔到再幫襯嘅理由。定係我唔識叫嘢？如果你試過不防推介下😔

招牌小籠包皮唔算太薄，但唔會太厚，厚度適中，勁多湯汁，唔知係咪即叫即蒸，超級熱辣辣，辣親個嘴。必食鍋貼鍋貼個皮比較厚，都幾大隻嘅，超級多肉，亦都係勁多汁，煎得啱啱好，個底係脆皮。上海炒年糕調味得啱啱好，好有鑊氣，入面有冬菇，娃娃菜，好少量嘅肉絲，但係佢偏細分。豆漿你都見到應該係買返嚟嘅支裝豆漿，唔會太甜都有豆味嘅。整體嚟講佢偏貴，但係食物質素都幾好嘅， 服務就一般啦，同埋佢就算叫水或者茶都要畀兩蚊位。不過係值得一試既！

Came here Friday night maybe around 8:30. Was not full or anything so you shouldn’t have a super hard time getting seats or whatever. Keep in mind that it is cash onlyAnyway, got a couple things, including some fried bread (炸銀絲卷), rice cakes, soup dumplings and hot sour soup with noodles. Everything was just fine, nothing stand out. They have soy milk here but it’s not homemade or anything, just comes in a bottle.Overall, I think I’d only come back if I was already in the neighborhood. Nothing r

招牌小籠包 ($44/4隻） 小籠包皮薄餡靚，肉汁勁多肉餡都好足料，最重要係熱辣辣，湯汁好鮮甜😍排骨湯麵 ($68) 炸豬扒好厚，炸到金黃色，炸粉亦好薄，肉汁好豐富！睇落去份量唔算太多，但食食下發現食極都食唔完因為每嚿炸豬扒都好厚🤪湯麵嘅麵條硬度啱啱好，唔會太淋或太硬👌花彫醉雞 (例$80）花彫酒味好濃，好入味，雞肉好滑，重有佢夠凍！可惜例牌原來得一小碗，份量好少，早知加多$28叫半隻😕上海炒年糕 ($85) 醬油味好濃，年糕大大塊好入味，配料有冬菇同娃娃菜，但$85呢個份量就偏貴酸辣湯 ($40/每位）呢碗湯簡直震懾我味蕾，係非常濃烈又正宗嘅酸辣湯！佢又重酸又重辣，湯又杰，材料好足，有木耳、荀、蛋絲、肉絲、蝦、菇😋中意飲酸辣湯嘅朋友一定要試試佢～必食鍋貼 ($42/3隻） 鍋貼大大隻，煎得金黃色又脆卜卜，鍋貼入面肉汁豐富，肉餡好大嚿～一開始掛住食唔記得成碟影相😂😂總評分：8.5/10

🇭🇰好德來小籠包店·呢間我食過好幾次架啦 我覺得佢D野食相當唔錯 但係之前影D相好醜樣就無post到😂😂難得今次終於影得靚啲就決定post翻佢🤭·招牌小籠包$44 l 糖醋排骨$38呢兩個我次次黎都會嗌 佢個小籠包入面真係超多湯 一啖啜入口真係好正🤤佢個糖醋排骨都好好味 D肉炆到淋曬 而且佢個醬調得好好 不過佢就全部都細細舊咁🤣🤣·回鍋豬肉$118 l 芫茜皮蛋豆腐魚頭湯$128佢個回鍋豬肉都唔錯 超級送飯 不過佢D豬腩肉真係比較肥 大半都係肥膏 雖然佢地將D肥膏炸到脆身 唔會太肥膩 但係我都係會中意瘦翻少少🙊😂😂之後佢個芫茜皮蛋湯飲落好舒服既 不過就無咩魚味咁 我地上次食既雲吞雞好味D🤭·#rbyeat#rby中菜#rby佐敦·📍佐敦德興街18號地下

陪朋友體檢完都已經天黑，平時下午都遇岩中場休息，今次終於食到喇。話說我哋仲有下一場晚餐，所以只係輕食試試。 一入去職員都有返咁上下年紀，雖然我哋年紀差距好大，卻很親切🥰熱辣辣小籠包熱係好重要，唔熱湯汁會凝固，個頂端塊皮好硬，肉都會軟屬啲。呢度嘅小籠包熱，整體超正 因為太熱，我哋都攤咗陣先食。 皮望落有啲啲厚，食落又OK, 包住滿滿唔肥肉汁，餡料足。必食鍋貼有幾必食？ 一擺上枱，我忍唔住講，我仲以為鍋貼係脆卜卜。 當咬一啖，就要打自己咀巴喇。 佢真係脆㗎， 同樣地眼睇皮好厚，食落都厚。但真係脆口，又吹佢唔脹🤣 鍋貼入面有肉汁係加分位。 仲有size係好大隻。因為睇到餐牌有寫最低消費，我哋想食雲吞，但食完8隻肯定唔洗食下餐，唯有叫多碗麵。 咩道理？食麵就唔飽？ haha因為麵平啲啲吖嘛。雲吞皮好滑呀！麵條亦好出色，條條粗幼一樣。

最近發現好難可以搵到好食上海菜，早排係ig見到呢間上海小菜館就即管試下。一入到去就有一種舊式上海菜館既感覺，菜單都好多好耐冇食既上海小菜。2個人叫左薰魚、獅子頭、蘿蔔絲餅，咁當然唔少得既就係蟹粉小籠包同招牌小籠包啦。不過真係得小籠包好食，蟹粉小籠包係香港黎講我會俾7/10分，蟹粉都叫幾濃郁，肉都幾鮮味，而小籠包都算唔錯，皮唔可以話最薄但都算係唔錯，餡料味道都叫做幾好。只不過其他小菜真係唔掂，首先個薰魚太乾，個味好奇怪，亦冇魚味。而獅子頭個肉好’梅’、超淋，好重薑味，但冇乜肉鮮味，而且個汁都好怪，可以話只係一個啡色嘅汁，冇乜味道。最後個蘿蔔絲餅算係好少少，餡料味道唔錯，不過個外皮就厚咗啲，有少少浪費左個餡。如果要試既話可以試個小籠包，但係其他就不了。

評論見到呢間好德來嘅小籠包好食但由於今日係中午時間見到佢有lunch Menu咁就叫左佢哋嘅上海粗炒（一人分）$60佢$60係唔包餐飲所以價錢比較中上唔算超抵食相信佢哋係即叫即炒嘅所以都唔係話非常快餐咁好快就嚟到感覺同我平時食嘅上海粗炒有啲唔同因為佢個麵條嘅條形係好搞笑好長好扁顏色就好夠啦分量充足不過食落感覺唔夠入味可能係麵條嘅形狀難炒到入味要加辣椒醬食另外叫咗熱豆漿$14一支係非常非常之熱辣辣味道亦唔算太甜豆漿OK

❀ 好德來小籠包店 #佐敦 ❀❗️巨量蟹粉拌麵 高質上海小菜❗️——————————————————位於佐敦一條巷仔，毫不起眼，如果唔係之前喺IG見到有人介紹佢哋嘅蟹粉拌麵都唔會知。我婆婆係上海人，所以自細經常食上海菜🤣真心覺得呢間質素幾高，仲有多種特色上海小菜揀👍🏻唯一缺點係定價有少少高，餐廳內有英文日文翻譯，應該有做遊客生意。.餐廳都係一啲平民中餐廳咁，不過算幾大，坐得幾闊落。店員仲超有禮貌😚罕有喺呢啲平民中餐廳有咁好嘅服務。但留意晚市最低消費每人$70，而且只係收現金。.✷𝑀𝑒𝓃𝓊✷☞ 蟹粉小籠包 (兩隻起) $32/1皮厚薄適中，唔會一夾就爛，有少少存在感。內裏包着大量湯汁，都幾鮮甜😋！包住蟹粉嘅肉更加香！如果覺得貴可以嗌返佢哋個招牌小籠包，$44就有四隻。味道: 4.3/5 性價比: 3.6/5.☞ 蟹粉拌麵$278超級多蟹粉，而且仲要略帶少少鑊氣，配埋上海幼面一齊食，非常邪惡，但真係好好味，最後舔到一滴汁都冇😚。呢個價錢可以食到咁多蟹粉真係唔錯。味道: 4.3/5 性價比: 4/5.☞ 鹹香牛脷 $93有成約十大塊嘅牛脷，口感唔係好腍，一開始覺得有少少韌，但越食越好味。慢慢

呢間好德來小籠包店位於佐敦既小暗巷，一向鐘情於小籠包既我地就黎試試呢間上海野。當日平日晚上七點鐘黎到就即刻入座唔洗等。環境方面坐得舒服，夠闊落。老闆同店員都好有禮貌同隨時留意客人既需要。(注意:只收現金)價錢中上，每人低消$70，用餐時間為90分鐘。另外有一份小菜單，主要係一啲廚師推介既點心/菜式。招牌小籠包$44/4隻外皮厚薄適中，唔會一夾就好易爛，一入口就充滿好鮮既湯汁，肉餡肉汁都好鮮甜！大推！想提升鮮味的話就可以點少許醋，可惜薑絲少左啲。獅子頭$48夠惹味！送飯一流！豬肉煮得好林好入味，肉質好綿滑又唔會散哂，成個肉丸吸收哂啲汁既精華。糖醋排骨(例)$70肥瘦得宜，甜而不膩，上面曬左啲芝麻增加左呢道菜既香味。可惜肉質唔夠嫩，醋味再多少少會更加好。最後，我都幾推介大家試下呢間上海野！係傳統係地道既！味道&服務都對得住個價錢。下次有機會會想試下蟹粉小籠包&炸豬排~