好湯好麵 (名店坊)

营业中

休息中

N年前喺大圍已經好出名既好湯好麵～嗰陣帶阿媽去食，連飲開自己湯對湯幾有要求既阿媽都好收貨佢既湯底！不過可惜大圍真係無乜機會去，之後都無食過，所以都無經歷大家所講既出左名之後hea左既事。​​​​諗menu 諗左勁耐，最尾都係叫佢個銅鑼灣限定～紅蝦湯麵～有蟹肉有紅蝦～​​其實個湯係海龍皇嗰set麵既湯，咁貴（meanwhile 呢個麵$188）係貴喺個紅蝦度，碗麵一到見到會有蝦油，已經收貨！再即刻飲個湯，好重蝦味，個湯好夠熱，個麵又係我好鐘意嗰種軟熟質感（無追求緊個麵好好咬呢件事），又，given that 佢係我嗰日hangover 落到個胃食既第一餐，好有安慰既感覺🥹​​

夜晚去銅鑼灣上堂，未夠六點唔使等位可以直入。 本來想嚟食佛跳牆，點知原來銅鑼灣分店無供應， 咁就叫咗類似嘅棉花雞$98。碗麵嚟到都夠熱，但係陽春面就略嫌槳到一嚿嚿，要改善一下。 湯麵材料唔算多，只有三嚿魚肚，幾嚿細雞肉同加埋一隻半嘅冬菇…如果當正餐食就可能爭少少啦。同埋個湯底都冇我想像中的好，可能我太有期望啦…但都絕對合格嘅。坐低見到要+1服務費，覺得唔應該。 因為店舖座位都好迫，係快食快走feel, 但係見到服務員姐姐服務殷勤，食咗30分鐘入邊都主動幫我加咗三次水，差唔多食完又預備牙籤俾你。 係的確有啲服務喎😂

之前一直都好想試下大圍嘅好湯好麵，聽聞其中一個老闆係前四季酒店法國餐廳嘅Sous Chef😮 但一直都未有機會🙈 宜家難得喺銅鑼灣開左分店，即刻去試下係咪好似啲人講到咁正湯底咁好飲先！涼拌麻油海蜇頭 ($55)：海蜇頭好爽口，味道偏清淡涼拌麻辣茄子 ($40)：茄子夠乾身，麻辣汁份量啱啱好，一齊食完全唔會油膩，微辣嘅味道幾開胃海龍皇湯 ($135)：依款麵係其中一款餐廳嘅推介。湯頭飲得出係落足料煲嘅，好香而且有好濃郁嘅龍蝦鮮味👍🏻 麵底方面，餐廳就用左陽春麵黎配海龍皇湯，麵質偏腍不過好掛湯配料算係幾豐富，有藍蟹肉、海蝦尾、北海道魷魚、日本刺身帶子、廣島螺肉等等，海鮮味道不過不失啦，不過嗰兩隻大蝦嘅味道就似係雪藏嘅海鮮，冇乜鮮味。蠔皇豬豬 ($104)：湯底係豬骨湯底，味道一樣濃郁，麵底係用扁陽春麵，食落會較幼身嘅陽春麵爽口。配料有廣島蠔肉、鳳尾蝦、日本黑豚五花腩片、炒豬肉碎等等。海鮮一樣都係雪藏嘅，冇乜鮮味，都係湯底搭救😂總括黎講湯底係好飲同真材實料，起碼飲哂成確湯之後唔覺得口渴😂 不過以依個定價黎講，如果海鮮配材嘅質素可以改善下會更好~

大圍名店終於開到黎銅鑼灣啦之前想試 但見要排隊咁 又費事等 個人唔係會熱捧店嘅人🙈點知見銅鑼灣fashion walk開咗 去試吓以為都要排隊 點知直入 雖然入面都坐滿 但冇諗咁多人 可能因為未多人知？Menu係枱紙😂有個$188嘅 銅鑼灣店限定 我就冇咁豪最後叫咗個推介中比較平啲嘅試吓▶️ 棉花雞 ($98)其中一個推介款式 主要有雞肉 北菇 魚肚 雪腿絲賣相唔錯 望落去好似碗高級拉麵咁🍜餸唔太多麵就係扁陽春麵 一開始有啲一舊咁 要自己整散佢🐔雞肉用上日本雞肉 食落又真係好嫩滑喎 明顯唔係雪藏雞 不過就帶啲皮北菇 魚肚看似配料 但都係精粹😋兩個都索晒湯汁 咬落超juicy 魚肚好似豆卜咁❤️原理似食關東煮🍢件件都好食又入味又可以品嚐湯底雪腿絲雖然唔多 得幾條 但味道就好出 有金華火腿味 同湯底特別夾味👍🏻🍜扁陽春麵亦有驚喜 見佢咁扁 以為會好冇質感 點知原來係幾煙韌😍仲好掛湯添 同拉麵、上海麵、刀削麵、米線完全唔同 平時較少食所以覺得佢別具特色有趣地見朋友點嘅「海龍皇」係配再幼身啲嘅陽春麵 感覺更加吸湯😲湯底真係冇得輸👏🏻從未試過食麵咁欣賞佢個湯底同埋想飲曬佢 飲落杰杰地 味道真係明顯係

之前大圍店已經知好多人排隊，但住得較遠，所以未去過，見到銅鑼灣開咗，終於可以食到，叫左個海龍皇及潤牛湯麵，一黎到先試啖湯先，飲得出冇味精，超鮮甜，啲配料食得出係新鮮的，尤其個鵝肝同個牛，好特別，再叫手工豆腐及麻醬雞粉皮，因為第一個上菜就食晒，太好味忘記影相，個手工豆腐醬，好食到一人可以叫一份的，整體所有對得起個價錢，下次出開去必定會再食，仲有好多湯都好想試（聽到隔籬枱話個棉花雞及黑口黑色都好好食）下次必定試

15/7/2022(Fri), Dinner🆙️大圍人氣米芝蓮餐廳 #好湯好麵 進駐銅鑼灣❤~咁緊係要過黎試一試佢打響名堂既濃郁湯底lalala😋😋😋7點左右去到～已經好多人排隊🙈🙈🙈～我地等左大約20mins🧭左右就安排入座🪑～今晚order左🍽：涼拌麻辣手工豆腐 $34凍凍地豆腐切成細薄既豆腐片～加上麻辣既麻香味🌶～好醒胃🤩～不過就略嫌份量太少🙈潤牛麵 $148雖然話係潤牛麵🐂🐖～但一塊🐖豬潤都無既～咁所講既潤去晒邊到？答案就係👉用黎熬製左超級濃郁既豬潤高湯～呢個湯真係好濃～好好味😋😋😋🍜麵裏面仲有法式煎鵝肝片🦢、慢煮美國頂級牛小排🐂同扁陽春麵🍜～煎香左既鵝肝片🦢配扁陽春麵一齊食🍜～鵝油油香而不膩😋～加埋煙韌彈牙既陽春麵～非常夾👍👍👍而牛小排肥瘦適中～唔會食落韌👍👍👍棉花雞 $98棉花雞用既係日本地雞肉🐓～雞肉好嫩滑🤤～同好有鮮雞既味道🤩～湯低用高湯熬製～勁香甜濃郁😋😋😋🍜麵裏面仲有魚肚、北菇、雲腿絲同扁陽春麵~材料新鮮值得一讚👍👍👍自家制特飲(雪梨黑豆水) $22清清甜甜～味道唔錯🥤總括:🙈坐位都坐得幾迫下🤨～🙈中途無啦啦冷氣機滴水滴去頭頂🙄🙈餐廳上既酒精類飲品~暫時係無提供既✖🙈

聽講呢間係米之蓮推介大圍店的新分店，見唔係咁多人等就試吓。海龍王湯，湯底似龍蝦湯，麵底係幼麵，食落好好味，不過掛住影相同飲湯，食到中間D麵有D淋咗，下次要食麵先。同伴點了潤牛麵，麵底係粗麵，有佢至愛嘅鵝肝，牛肉係用牛小排，份量好多，差D食唔晒，味道濃郁，後來先睇到原來係豬潤湯。總體來說值回票價，服務亦都好好，地方就迫少少。下次會再來試綿花雞。

Love the texture of the flat noodles and the rich flavour of the soup!! It’s such a big bowl of noodles with unique rich flavour I think it’s worth the money!! Will definitely come back again 😋😋😋😋😋

我都好耐都冇寫食評啦！朋友同我講銅鑼灣開咗間分店叫好湯好麵🍵🍜有米芝蓮推介過，其實之前喺大圍都想試下，不過太遠冇去食，依家咁近梗係嚟試吓！我哋三個人叫了兩款小食、3碗麵及兩款甜品！麻辣涼拌手工豆腐~手工真係好好，夠凍超滑、開胃泡椒豬手～惹味爽脆，我冇食埋辣椒唔算辣膶牛麵～朋友食，話有鵝肝片、牛小排扁陽春面，唔算So，好味，但佢話竟然冇豬潤嘅😂😂之後我咪望吓餐牌寫係高湯豬潤湯🤣海龍王湯～朋友食，都好多料喎，🈶️蟹肉、海蝦尾、魷魚、帶子、蠔肉，陽春面，我試咗一湯羹湯，好似飲龍蝦湯，不過冇龍蝦湯咁濃，ok 喎棉花雞～好食過酒樓啲棉花雞好多，啲雞好嫩滑唔鞋口，魚肚超好食好似食魚翅群咁，又有金華火腿絲，湯又夠滾熱簡直冇得輸飲晒我冇揀錯扁陽春麵）甜品🍮水中花～其實係豆腐花，手工製作，OK 㗎！甜品🍯四川黑糖桂圓冰粉，唔算太甜都OK嘅！最後個人認為扁嘅陽春面好味啲，普通嘅陽春面一般，但都煙靭嘅！雖然前日中午排咗半個鐘左右，但都可以接受嘅！我會再來㗎，因為仲有好多嘢想試，係貴少少而且仲要加一服務費，好彩唔收茶錢咋！但啲湯真係好好飲好吸引

之前在大埔店從來未去過因住港島區，朋友介紹第一次食，價錢我覺得合理，因一食就知真材實料。海龍皇湯好濃龍蝦湯，兩隻蝦一睇就知係海蝦。棉花雞用日本雞，啖湯好燶雞湯好膠（係骨膠原）。叉燒鮑湯好香叉燒味，有隻大鮑魚。在銅鑼灣方便我住港島區。還有好多其他嘢要下次再來再試。難怪開咗一星期已經要排長龍，等咗10分鐘就有位，服務都好好，現在在香港已經好少良心餐廳用心製作，冇介紹錯。大家有興趣都去試吓。我相信你會認同我嘅講法。

吃過總店一次，那次叫了黑口黑面，除了等的時間過長，那次食物質素不錯。先說銅鑼灣分店食物質素，上菜算快。雞絲粉皮（$46）絕對是一大伏，本人吃過最難食的雞絲粉皮，粉皮居然是黏在一起，咬起來像橡膠般，而且很明顯沒有瀝乾水份，完全地稀釋了芝麻醬！青瓜絲也比雞絲多太多了。海龍皇湯（$135）算是皇牌之一，很多人叫。湯底是純天然，雖然不致於像自家煲湯的香濃鮮甜，起碼過後不會讓人口渴。陽春麵有點糊口，不知是否過冷河處理得不佳。配料方便，蝦，帶子和蠔合格。魷魚只是幼幼的兩條鬚和兩小條魷魚身，加起來一塊正常份量也沒有。藍蟹肉是分佈在麵裡湯底的一些蟹肉碎。有少量蔥絲和芽菜作點綴，薑絲也有一些。環境方面，選址fashion walk，價錢跟得上該地段，但店舖格局絕非該帶食店應有讓人坐得舒服，chill的風格。店鋪不大，座位過多，細小逼夾，以膠板隔開四人枱讓2人坐，根本是米線/茶記風格，大家都是快快吃完就走，但竟進取至收取加一。$199 在fashion walk 一帶可以吃到不少lunch set 包湯/沙律，主菜和飲品，而且坐得舒服！題外話，最初是上錯了其他湯麵，其中一位侍應竟不查看是否其他食客點的就說

好湯好麵開到嚟銅鑼灣真係太幸福啦唔洗再搭車入大圍先食到每一款湯麵都好吸引湯頭濃郁香氣撲鼻味精鮮甜 非常好飲有益的老火湯一飲就知用咗好多時間熬製飲到一滴不留麵質彈牙好掛湯比起食日式拉麵更物超所值好湯好麵已經成為我地的飯堂海龍皇棉花雞超好飲！