客家好棧 (已結業)

媽咪最愛跟師奶到這兒飲茶，貪它免茶免芥免加一夠晒平。今日她帶我來大刷一餐，由於不想與他人搭枱，所以稍等十五分鐘。萬分肚餓，一下子點了六個點心。金錢肚陳村粉：超讚！牛肚大大件很爽口，而且黑椒味濃郁，夠醒胃。陳村粉很是滑溜，兩者配合起來實在是恰到好處。鮮蝦脆雲吞：好味！雲吞皮薄身脆口，沒有過份的油膩感。鮮蝦細細隻不算突出。酸甜醬是整道菜不能或缺的重要元素，但略嫌份量過少。潮洲蒸粉粿：不錯！饀料包括花生、粉葛、香茜等，味道調教得宜。外皮夠晶瑩透薄，如能煙韌一點更佳。脆皮焗叉燒包：一般！外皮脆脆甜甜，討人歡喜。包底算是鬆軟，不會過濕。敗筆是叉燒餡，其本上只見醬不見肉，有點欺客。生煎包：唔掂！包皮超級厚，而且煎得太油。餡料似有還無，這與齋包有何分別？十分屈機。時菜牛肉球：正路！除了Size縮水外，味道很好。星期六下午茶價錢較貴，小點$12、中點$15、大點$18、特點$21。但兩人埋單$75，抵食矣！

這個晚上六位吃晚飯，吃了以下七道菜：晚飯孖寶，是兩個煲仔菜，蘿蔔牛腩煲和粉絲什菜煲，份量很夠，但特色不足，前者是碎腩，後者比較好，有五種以上不同的素菜，黑木耳和蝦乾。客家黃酒煮雞，黃酒薑湯裡有很多中藥材，沙參杞子紅棗等，雞件肉嫩，味道不錯。柚子一字排，酸甜醬汁有柚子皮，好像由韓國柚子茶煮成，肉排骨多過肉，簡單馬虎的一道菜。咸菜豬肚鍋，與熱火爐一起上枱，想不到如此大鍋，豬肚夠軟，配料有白果和腐竹，腐竹很厚有點硬，胡椒湯很辣，受不了辣的不要喝湯。客家風味魚，是最遲來的一道菜，秀珍菇炒魚塊，有少許辣味，夠大碟，可惜早已經吃飽了。臘味糯米飯，看上去不錯，糯米飯混雜了很多臘肉和蝦米，味道很好。飯後感，各道小菜口味太多樣化，不只是甜酸苦辣，舌頭有點受不了。

稻香集團又推出一蚊雞，之前有兩年曾經食過，依稀記得感覺良好。今晚約爸媽外出吃飯，就趁優惠即將完結之前，來個最後衝刺。早幾日聽同事說這隻雞一出，所有稻香都變得萬人空巷。由於不想等得太久，放工後便立即衝上酒樓，結果6:15已經抵達。或許是太早的關係，又或是食客都吃膩了？完全不用等便能入座，而且還有大量空桌。環顧四周，幾乎每枱都有隻一蚊雞，有個中年婦人甚至獨自鯨吞兩隻。嘩嘩嘩！能夠吃得晒嗎？雖然平也不可浪費嘛。另一圍兩父子亦每人齋叫一雞，他們還叫侍應端來沙薑，醮來慢慢嘆，勁！雖然我們有三人，但卻沒能耐只吃雞，於是除了霸王雞外，還點了梅菜扣肉、菠蘿咕嚕肉、還有白飯。梅菜扣肉($62)先上枱，梅菜份量非常多，把主角也淹沒了。扣肉的肥瘦比例是1:2，合我心意。可惜肉質未夠腍化，肥膏則不太油膩，正！梅菜對我來說偏甜，連同澎湃的豉油，拌白飯($10)來吃一流。接著便到菠蘿咕嚕肉($58)，端來時看見鮮艷的顏色，已令口水直流。咕嚕肉比坊間的細粒，外層還是脆身的，中間肉粒頗肥，但吃時很香口。菠蘿及其他配菜足，醬汁調教得甜酸得宜，很開胃。等等等......萬眾期待的霸王雞($1)終於來了！單看份量，不得不認

幫襯幾年一蚊雞優惠, 前年和上年都是去稻香享受優惠. 今年由於客家好棧一蚊雞優惠是霸王雞而非貴妃雞, 盡管一試吧!一家十二人, 七時入席, 叫了第一隻雞, 落單時侍應叮囑每次一碟食完, 才可叫第二隻, 每次不能叫多過一碟.ok, 無奈地接受, 公司有公司規例, 就算更改了, 總算俾落單, 有得食便算啦, 心想. (因為以前叫開兩三碟兩三碟, 是一件很高興的事麻, 況且人多, 兩三碟一次過上, 必定食得晒.)殊不知, 等了又等, 等了又等, 足足等成半過小時, 才上第一隻雞. 當然, 一上臺, 清了! 規例清了一碟才可叫麻, 便再落單, 叫多一隻.由於還有一個人未到, 本身想叫另外的小菜, 我們便想, 人齊才落單.終於足足再等多半小時多, 第二隻一蛟雞還未到, 便找侍應理論. 經過一論爭拗, 不用數分鐘便牠才被端到出來, 真是極之怒氣.時間耐到都人齊了, 入紙落單叫小菜, 再加第三隻雞啦, 如是者, 由入坐7時至最後order時間9時, 十個八個小菜, 半小時上齊, 總共前後合共四隻一蚊爛鬼霸王雞兩小時端上.稻香集團如若以一蚊雞招徠顧客, 何必作出如此小家不大方的去控制優惠食品呢? 正常

好耐無去過去飲早荼原來under tao香集團既唔怪得甘抵.大, 中, 小點都係 半價抵到暈叫左7個特價點心埋單都係$44 , 兩個人,仲要+ 左1 , 俾埋茶芥無搭table~~

朋友話想吃中菜，我之前曾經惠顧午餐，水準不錯，又抵食，一行七人今次吃晚餐。食物：-鹽焗雞：用瓦煲上的，保持熱度，雞略為咸，雞肉尚算滑桂花炒粉絲：太過乾身，明顯煮得過火雞絲粉皮：芥辣略為太多，只吃了少少已經不能接受，因為芥辣味太重，相比下麻醬味不夠糯米飯：夠乾身，不油，配料都幾多，每一匙都有配料。我試過去一些食肆，只有少少配料，最尾幾碗是糯米飯走配料小籠包：普通，無特別客家豆腐：普通，無特別咕嚕肉：肉切得較一般食肆為細粒，炸得略為過火，太乾身，個汁調教得幾好，甜酸度適中魚湯浸菜：很大碟，味道普通，無特別白飯：我無食，不知道服務：-最初只提供了個套餐餐牌給我們，輪流幾位店員不停咁逼我們叫套餐。（唔叫套餐是不是犯法！）後來我們問店員提供一本大的menu（之前惠顧時曾經見過），竟然但我無。我話我們知道你們有一本大的menu，店員便話本menu update緊，今天無，又叫我們叫套餐。（就算無大本的menu都應該有其他餐牌。）最後個店員指住張主要是寫套餐的餐單，叫我們可以散叫。（攪了最少十五分鐘才有可以散叫的菜單，是不是有問題。）叫店員埋單，等了最少十分鐘都沒有人把帳單拿來，再問店員，店員話要自

預計到呢間店會ok旺,所以都醒目訂左位,5人行訂了8點,去到爆棚~訂左都要等陣,好彩只係等5分鐘. 入到去人山人海,場面誇張非常,而且好多大台都係一家大細,心諗今次冇選錯地方...裝修格調睇落似中式但有點新一代格局feel天氣咁凍最好就係食煲,見到推介既孖寶煲(羊腩+菜),叫左個,令外都叫多幾隻小餸,想配白飯,但一碗又貴,反而見到個燸米飯ok平同大碟就叫了個加埋6樣野5個人食,份量剛剛好 是日菜式如下:濃湯3品: 3品放連湯入煲,所謂3寶係豆腐泡,百葉結,芋絲跟豆腐,平價野有少少貴,但味道就非常好,湯濃加上材料入晒味,暖身用!菠蘿咕嚕肉: 雖然細碟左d 但酸甜味適中幾開胃,可惜菠蘿得幾片~.~!東江鹽焗雞: 呢個全晚冇咁好食既一樣,雞細其一,太鹹其二,鞋口其三, 雖然係用冰鮮雞,但其實下一點功夫都可以好好食!梅菜扣肉: 扣肉一層肥一層瘦,非常入味,一堆梅菜圍面,梅菜應該用甜個隻,所以好好味,用來送飯一流!羊腩煲: 食落口冇個陣"蘇"味所以易入口好多,個煲湯都好濃,雖然羊腩外都會搭上其他野,但羊腩都唔太少整個煲份量都足!糯米飯: 面上放了花生蔥花好美觀,而入面就混入臘腸蝦味 更加惹味,飯

今日得媽媽同家姐and我一齊食飯, 約左係銅鑼灣食, 當預祝聖誕先啦^^蝦干粉絲煲椰菜蝦干炒粉絲, 簡簡單單的既一個小菜比到我地無限既驚喜! 蝦干係無幾隻, 但佢個粉絲真係炒得夠晒乾身, 好好味!呢個係一上枱無耐就食晒, 媽咪仲要不停讚好食!!真係唔錯!!椒鹽鮮尤一般酒樓既質素啦, 唔算好~~唔算差咁啦~柚子雞怪雞菜…食左兩舊無食啦, 柚子同雞唔夾, 加上佢個柚子汁做得唔好, 唔酸又唔甜…好似無味咁…一個粟米白飯三個人食, 咁就一餐囉~~

今曰下午茶不去嘆咖啡,和媽媽去飲茶啊地點係銅鑼灣區的客家好棧!價錢真係超抵食呀兩個人共消費了港幣54元正,還以為計少錢呢今日order咗以下點心1)上素腐皮卷皮薄脆口,素餡豐富(2)煎釀三寶魚肉豐厚,新鮮熱辣(3)金錢肚陳村粉牛肚黑椒味濃,陳村粉很滑(4)迷你雲吞雞雖然只得兩粒雲吞,但都幾好味呢

人在銅鑼灣選了利舞台這間客家好棧落腳晚餐,星期五晚全場爆滿, 好彩三個人祗需等一陣就有檯入座 先叫一渣雞骨草煲粉葛, 和朋友最初以為是湯, 還在想為什麼這店咁特別要用茶壺盛湯用杯渴湯? 一口渴下是甜的...才醒覺是涼茶, 粉葛煲涼茶還是第一次渴, 不太甜易人口, 也渴到粉葛味道, $15 一渣又清肝火又去骨火, 好過飲廿四味 先來 2 碟前菜 雞絲粉皮- 粉皮夠薄滑但有點散, 麻醬夠香又調教得不濃杰, 兩三下就吃光 雲耳拌青瓜：有陳醋和麻油香, 青瓜爽口而雲耳軟得來又不算太腍, 好食 主菜 鹽焗雞 - 夠咸味, 不過冰鮮雞始終沒甚雞味, 雞也過熟所以胸肉好o鞋. 蝦干粉絲煲 - 簡簡單單的椰菜蝦干炒粉絲, 需蝦干沒發現幾隻, 但粉絲炒得夠乾身, 好味 黃金蝦 - $68 一大碟抵食, 咸旦蝦外表炸得乾身, 一口咬下蝦身還帶肉汁, 真係做到外脆內軟又人口不油膩, 讚 埋單 $256 沒加一茶芥, 在銅鑼灣這黃金地段絕對超值, 還要一讚這店的侍應, 眼明手快好笑容

八月壽星特別多，今晚正正要為三個八月之星慶祝生日，地點本來選了時代廣場的金滿庭，但晚上六時半後晚市不設訂座，朋友雖已預早去排隊，但近人齊時亦未見起色，最後致電利舞台的客家好棧仍然有位，便立即轉場。 小店位於廣場二十一樓，位置頗大，裝潢為一般新派酒樓格局，座位寬敞舒適。我們有幸被安排在落地玻璃窗旁，景觀不錯。 這裡主打各式客家菜，但也有其他中式家常小炒，其中更設套餐及特惠推介供客人選擇。由於我們人多，所以可以盡情點自己想吃的菜式。 麻香雲耳拌青瓜：麻醬香味濃郁，青瓜爽脆但不夠入味，反而滲滿麻醬的雲耳軟而不腍，口感更好。如果可以添些香辣味更是一流。 爽脆千層峰：把鹵水豬耳擠壓，然後切成片狀，心思之作。這裡的千層峰做到爽脆卻不鬆散，帶著陣陣鹵水香，以浙醋蘸吃味道更佳。 上海小籠包：與小弟昨日吃的鼎泰豐相比，這裡的小籠包較大，但外皮頗厚，雖然味道還算不錯，但始終稍遜一籌。 麻香雞絲粉皮：粉皮夠滑，麻醬香濃又不會過份稠，未算是吃過最好的，但也值得推介。 冬茸瑤柱海皇羮：海皇羮黏稠適中，味道較為清淡，但用上不少鮮蝦粒及蟹肉，鮮味十足卻不腥，不加胡椒粉也沒問題。 芝士牛油海中蝦伊麵：八隻海中

好耐無去lunch, 原本去第二度飲茶架但朋友話呢度平喎~咁就嚟咗lu一班人叫咗10個點心左右, 每人45元啦但係食物方面同質素,只係一般,無驚喜最好味既既東西只有沙薑雞腳同南乳雞翼及炸魚球其餘只係一般咋大家千祈唔好食腸粉,好厚粉皮囉~蝦又少喎係銅鑼灣來說係平,但又不算好平囉~

今年嫲嫲90歲大壽, 大人們決定去呢間吃晚飯, 點解選擇呢間? 因為方便行下工展會or 四圍行下...是晚開了2圍, 食圍菜, $2680 十二位用, 另外加了2樣, 因為我地出席了共...28人..唔夠吃呢~ 紫菜焗大蝦皇- 蝦夠大隻多肉, 配以炸脆了既紫菜, 指天椒粒+紅椒粒, 味道辣辣地, 好吃. 黃金知心丸- 炸蝦丸餡包芝士, 剛上呢樣餸時我行開了, 當我返到位想吃時, 表表們話小心爆餡, 但我咬一口...無爆餡喎, 可能凍了, 但表表們話, 有D有爆, 有D無爆餡唷~ 講返味道一般...彈牙既. 翡翠百合花枝鳳片- 味道普通, 唯一係好, 有好多本魚至愛既西芹. 玉環帶子百花浦- 帶子新鮮..但細粒咗D, 加了蝦膠都彈牙, 瓜夠軟淋, 可以 高湯竹笙雞絲翅 & 碧綠金錢鮑螺片- 味道同其他酒樓一樣, 味道無咩特別 清蒸雙老虎斑- 嘻, 一上枱, 表表們覺得好奇怪, 因為2條魚細過隻碟好多, 好大差距, 魚無蒸過火, 肉算滑溜, 但蔥花少了D..我地唔夠分唷~ 酥皮焗原味雞- 嘩~ 呢樣要講, 先講酥皮, 味道複雜, 鹹鹹甜甜咁, 帶藥材味, 又唔係唔好食, 但好難形容既味

平日2支公食飯，有錢就食日式料理、鋸下扒，冇錢就車仔麵、西式焗飯...都好少諗中菜，始終中菜係適合大夥人多d...之前有個朋友好耐冇見，想坐得舒服點，又唔想食日本菜，所以就去利舞台搵下有咩好食。見到客家好棧有2人套餐，所以就即管試一試啦。3餸1翅1白飯，非常足料，冇咩好挑剔。朋友嫌梅菜扣肉的肉不夠肥，不過我覺得肥瘦相間就更加符合健康，而且就算係guilty pleasure, 都冇咁guilty嘛~ 餸菜選擇都算多，可以去多幾次可惜係飽到食完行緊街先諗起未食糖水!!!

星期四, 晚上7點;在交通癱瘓的銅鑼灣; 和媽及豬豬女友上了利舞台 食晚飯.揀左好耐 , 最後決定上嚟客家好棧;這裡其中一個好處就係有無敵夜景!!!可惜, 俾人坐晒, 只好坐離個窗遠d 的位置.睇完menu, 最後都冇全叫佢推介的菜色; 叫了富貴螺片豆腐, 扣肉及 芹香爽藕.只有扣肉係推介的~當然係扣肉先上; 聞一聞, 梅菜幾香;但不算肥; 不夠一半係肥膏; 雖健康d 但不夠肥... 可能我成日都係食泉xx 喇....d豉油少許甜; o岩好, 加上d梅菜, 送飯一流...真係諗返起都流口水...富貴螺片豆腐d螺片好似係菇味的texture, 唔知點解.豆腐不錯, 但勁多獻汁.芹香爽藕, 呢兩個菜好爽好夾, 但略為太多油了!!!甜品叫了茶菓, 一籠有6個, 3個咸, 3個甜的;咸的係蝦米及豬肉; 甜的有花生等;個人比較愛咸的.服務很好.下次都係食推介好d....ok 喇!~~