家傳滬曉

营业中

休息中

這間「家傳滬曉」上海菜館位於九龍美孚曼克頓山私人屋苑旁，在美孚區算是質素中上，店內環境舒適，食物質素也不錯，服務殷勤，所以每晚都座無虛席，生意很好。店家主打新派上海菜，經常創作多款新派菜色。店內裝修以啡色和紅色為主調，紅色及白色吊燈使餐廳突顯家的氣氛，配上懷舊的餐具，別具格調。其中用了不少中式鏤空屏風作為裝飾及間隔，裝潢帶有中國色彩。中間大廳多是四至六人的方桌和卡座，靠牆的位置則是數張大圓檯。地方比想像中要大得多，不過枱與枱之間的距離較窄，感覺有點迫挾。 看看餐牌，基本上常見的上海菜款色都齊全，例如燻魚、烤麩、雲吞雞、樟茶鴨等等，亦有不少素食菜色，而當中麵及飯類選擇也不少，至於點心類如小籠包、紅油炒手、蔥油餅及窩貼等都不缺。 價格方面算得上大眾化，大多菜色都只是數十元起，像一般點心都只是五十元左右，麵食也只是五十多元有交易。店家還有非常經濟的午市客飯套餐，共有二十一款，而價錢均一為HK$55，除主菜配白飯外更附送老火湯和前菜一小碟呢！ 店內裝修以啡色和紅色為主調，紅色及白色吊燈使餐廳突顯家的氣氛 用了不少中式鏤空屏風作為裝飾及間隔，裝潢帶有中國色彩

今日中午約左朋友再次到家傳滬曉食中午飯，上次試過上海粗炒，小龍包唔錯。今次我哋試食客飯。糖醋魚塊 - 魚塊酸酸甜甜，送飯好好味。四川回鍋肉 - 回鍋肉食落唔夠味，略淡口些。以午餐價錢，這些食物算唔错。

這間上海菜位於美孚曼克頓山附近，店內環境幾舒適，食物質素都okay~價錢唔算太貴香醋青瓜海蜇頭，海蜇頭好爽，食落去酸酸美味既感覺，加埋青瓜，令到個人好開胃，必食之選雞絲粉皮-有好多麻醬，混合粉皮，味道可以醉鴨舌-有好濃既花雕酒味，相反鴨舌就唔係太入味農家小炒肉，味道唔錯，帶少少辣，都醒胃高力豆沙，另上糖霜，比較粉d，豆沙鍋餅好食d饅頭回鍋肉-幾特別，都幾好食另外，小籠包好食，皮唔太厚，咬入小籠包入面好多汁，食物ok,但侍應服務就一般

今晚因要開OT,所以同成班同事到美孚吃晚飯，經過見到有間上海菜店舖，就入去試下，店舖環境很舒適，而菜式亦很多選擇。環境舒適及寧靜雞絲粉皮-個汁較濃及多，所以D粉皮好入味香醋青瓜海蜇頭非常讚，海哲頭超爽小籠包夠多汁上海炒年糕夠入味饅頭回鍋肉比較差，只有兩片肉片豆莎窩餠亦好好味，唔係太甜唯一要改善就係如果可以增加新收銀方式就最好，因佢做緊揸打信用咭優惠，但我們只有手機版，所以未能使用，如果可以用到手機付款就好啦。

家傳瀘滬曉在美孚開店差不多十年了，一直都覺得佢系我心目中位于美孚的最喜愛餐廳榜首。外墻玻璃大大幅廣告宣傳夠晒吸引，里面裝修系溫馨中菜館的格局。紅色吊燈使餐廳突顯家的氣氛。一般我地會要一壺四寶茶。中午lunch set仲十分抵食。我地一行四人，點左四個套餐，一個宮保雞丁，一個薰蹄，食得開心又滿足。如果一間餐廳連中午set lunch都整得好味，咁其他菜式都不會差去邊。我覺得家傳既午餐做得很好。每個套餐都跟湯同炸菜。糖醋魚塊套餐，有菠蘿粒的開胃，魚肉多，炸粉少，好味道。粟米斑塊套餐，無論系味道，定食材質素，還是份量，都贏隔離太興，哈哈！椒鹽排骨：香酥可口，食肉獸最愛。枝竹火腩套餐：枝竹好入味，送飯一流。薰蹄：上海特色菜式，肉凍的口感，幾好味。饅頭宮保雞丁：昵道菜相當出名，面包盅可以當飯食，我最愛炆得爛爛的花生，好惹味。

早二日約左朋友係美孚食午飯，不期然想起去曼克頓山商場家傳滬曉食上海菜。上海粗炒 - 麵質好靚，配埋醬油，這碟粗炒真係好好味。再加埋鍋貼，春卷及上湯水餃。各樣食物水準都好。鍋貼食落不油膩，春卷皮好趣，水餃ok。

自從收到信用卡通知食滿$500即減$200之後，已經係第2間餐廳，今日4個人，諗住一定會好易就500蚊之餘亦會過, 但估唔到，呢到價錢真係好親民，睇下我地叫左咩就會明1. 肴肉唔似出面鋪頭成舊透明啫喱狀，佢底陣有啲似卤水味啫喱，味道冇咁單一2. 醉乳鴿唔太特別，下次會叫返醉雞3. 黑醋魚 (半條) 原先我地叫全條，但服務員聽到就同我地講，全條係6-8人份，所以建議我地叫半條，果然份量好夠，黑醋唔會太酸，加埋炸魚一齊食，唔油膩，不過嫌條魚比較腥4. 饅頭宮保雞丁呢個真係必食，個飽好脆，入面啲宮保雞丁唔太辣，加埋食好掂5. 紅油抄手個麻辣醬好正，唔會太油6. 炸饅頭呢樣係我地叫左以上唔樣野，服務員話我地仲爭6蚊，所以先叫佢，但佢都好脆，點煉奶食一流甜品 : 高力豆沙因為甜品唔計落$500，但唔緊要，因為呢樣都係必食既野，熱辣辣上枱，再點糖霜放落口，明知咁樣一定肥一磅都唔理最後我地計埋茶錢都唔洗$500，4個人飽到不得了

味道普通，碗碟唔乾淨，我平時都唔會洗碗碟，今次忍唔住要洗，無服務，成個場舉哂手都無人應，睇到扮睇唔到，食快餐就可以，安落茶飯就唔好提啦。食銀絲卷得個兩滴練奶，底下張牛油紙一拉出泥成個卷散哂，張紙重要痴住個邊。口水雞完全無味，鞋過鞋底。香片茶好似沖緊第十幾次咁，淡如水。上海粗炒一定係意大利人煮，超級Al dente，不過味道都格嘅...全餐飯最似樣已經係個拍青瓜，不過都係超重味精。不過真係要比個讚傳菜果個綠衫姐姐，雖然年紀大左小小，超好態度，同其他個啲經理同樓面唔同，個個黑口黑面，由頭到尾一句多謝都無。唉...

星期日到了家傳滬曉食午飯, 等了五分鐘便有枱。我們兩個大人加一個小嬰孩(要坐在嬰兒車的), 職員最初給我們一張四人枱(兩張二人枱拼起來的), 所以幫我移開了一張椅子。過了十秒, 他回來跟我說擔心傳菜時會整到嬰孩, 於是便為我們移走了其中一張二人枱。我們點菜過後, 有另一女職員走過, 又禮貌地問我們想不想轉去後面另一張枱, 因為她覺得那邊比較安全, 他們關心的舉動令我們十分渦心。我們點了兩客中式午餐, 包括雜菌時疏及鹽酥蒜香骨, 跟白飯及老火蘿蔔瘦肉湯。雜菌時疏味道清淡, 鹽酥蒜香骨可以更濃味, 最出色的反而是老火蘿蔔瘦肉湯, 味道很甜, 很有阿媽屋企靚湯的味道, 即家的味道, 所以我想其較淡的調味可能亦是家的味道的烹調方式。

平時夜晚就食得多，今日發現竟然有下午茶，當然要試一試水準。下午茶都要計茶錢的，但比起晚餐經濟得多。今日點了一個鴨絲炒米粉，南京牛肉麵，配小籠包。不得不讚此間的小籠包，皮薄超多汁鴨絲炒米粉夠乾身好味，不會覺得太油膩。南京牛肉湯底濃味，牛肉夠諗。全部都好味，下次一定會再來食

住左呢頭咁耐都未試過呢間家傳滬曉, 撞正屋企人生日終於有機會食到, 總括黎講, 環境幾舒服, 員工態度都好好, 令人食得好開心, 而最重要食物味道算幾好, 可以再encore!今次一行多人, 試左好多款唔同既野...酸辣湯:抽獎送既, 都幾好味, 酸辣適中。酒糟豬手:酒味都算幾重, 豬手好入味, 豬皮夠爽脆, 而且以小菜頭盤黎講份量都幾多。生煎包:我自己就無食, 不過賣相好好, 家人話包底好脆, 入面都好juicy。紅酒抄手:辣油唔算多, 都係普通。醃篤鮮:近期認識既上海湯品名作, 湯頭非常鮮甜, 一窩都分到10碗左右, 幾抵飲, 而且有菜有上肉有百頁, 十分高質既湯品飛天通菜:普通, 都幾多鮮魷。黑醋魚:平時食糖醋魚就食得多, 今次試下黑醋魚又估唔到幾好食, 首先條魚炸得香脆, 唔會太硬, 魚肉又保持軟滑,黑醋酸味味, 非常好味!!蔥油雞:呢個普通, 性價比低, 下次唔洗試XD北京填鴨:重頭戲北京填鴨, 前後都等左成40分鐘先上枱, 只可以逐隻叫, 會有2籠白色果D皮, 仲有D青瓜/蔥/牛油果絲, 減低油膩感, 不過反而呢個有D失望, 因為鴨肉無乜油份, 食落唔太香, 有D乾既感覺。

本來嚟開都冇咩嘢, 但係依依碟所謂炒露筍山藥藕片, 真係令我把火。 相中係啱啱攞嚟既, 冇食過, ~$7x, 比啲咁既嘢嚟, 得少少, 個款好似比人偷食左咁。 問個侍應, 話係咁架。 嬲都我要開openrice account. 不知所謂!!!

沒來一陣子, 難有食物味道進步了雞絲粉皮, 現成的汁醬怎會出錯, 當然粉皮都不差, 雞絲都不少, 不錯的開胃小吃淆肉, 都是大家讚的小吃, 配上醋都是另一款令人開胃的前菜陳醋排骨, 炸得好, 即使有了汁但依然十分脆口, 整體很配雞崧叉子燒餅, 十分多的份量, 叉子都不夠需要再來一客, 尤其叉子超香脆, 不錯的選擇陳醋松子魚, 再來一個出色的醋味食品, 當然因在座每位都喜呷醋, 所以是晚特別點多了有醋的食物, 魚不腥, 炸得恰到好處, 酸甜是一絕排骨炒麵, 竟然是不細的份量, 而排骨亦超多, 啖啖肉很少骨, 實在難得, 味道香, 夠穫氣豆沙窩餅是各人最愛, 超新鮮炸好, 又脆又熱, 內裡的豆沙餡很豐富地已擠出來

今晚和羊媽媽撐枱腳，去了家傳滬曉。餐牌圖文並茂，各款食物看起來都幾吸引。先來一個涼菜，雞絲粉皮。雞絲偏少，但這不是重點；重點是那醬汁！味道偏淡，稀溜溜的，而且醬汁份量太少，不夠撈全部粉皮小籠包就不錯，包皮厚薄適中，不會太薄致一夾就破，而小籠包的湯汁亦鮮味濃郁黃金蝦是羊媽媽很喜歡的食物，如果不是我阻止她的話，我相信她可以一個人把整碟黃金蝦消化掉。這蝦的確煮得不錯，蝦肉爽囗彈牙，而咸蛋黃的外層則充滿咸香，吃罷真是齒頰留香最後來的是蔥油排骨拌麵，排骨炸得略乾，但蔥油味道濃郁，而且麵條有咬口，是一個好吃的主食。最後吃得太飽，未有叫飯後甜品，算是有一點小遺憾。

最近公司搬左office去美孚，又要重新尋覓好味又抵食既午餐喇！已經去到下午茶時間先食lunch，不過自己更多選擇，價錢都抵d，今次同同事就試下呢間上海野，環境幾清靜，而且餐廳好闊落，坐得好舒服。下午茶餐都係40幾蚊一set，我同同事就叫左兩個麵share食排骨擔擔麵 $40 麵既份量都幾多，擔擔麵味道都唔錯，而且煮得啱啱好，排骨幾鬆軟，炸得啱啱好，唔會好「鞋」紅燒牛肉闊麵 $40味道都幾好，麵質彈牙，牛肉份量夠多，我地share食都食唔晒。附近員工有9折，加埋茶位費最後埋單$90 茶位費偏貴，間中食一次半次都ok既