富臨皇宮

营业中

休息中

同d男性嘅朋友出街食飯唔知點解佢哋特別鍾意嗌湯，唔知係因為屋企冇啖湯水飲呀，定係咁鍾意飲湯，要餐餐飲。雖然我唔係好鍾意出去外邊飲湯，覺得出面嘅湯好多味精。但係嚟到酒樓我就放心咁樣飲，雖然明知道會有少少味精，但係起碼佢係經過好多時間去燉一個湯出嚟，而唔係好似茶餐廳咁同一個湯，係咁加料飲足幾日。菜乾白肺燉湯，入邊除咗有菜乾之外仲會有白肺，有雞腳，瘦肉，好明顯所有材料已經非常之淋，啖湯都夠味。蒸帶子，本身係想食元貝，但係因為冇貨，咁唯有就整個帶子黎食下。但係佢啲帶子都整得唔錯，個蒜蓉整得好香，火候亦都剛剛好。出到嚟食飯點少得要蒸條魚嚟食呢，條魚個份量雖然唔係話好大條，但係四個人食就啱啱好，整出嚟嘅肉質都好滑。仲蒸左幾隻南非鮑魚食，豪一豪拒。爽口，鮮甜。 而且價錢仲唔貴，比起係街市買仲平添。其實有老婆唔代表一定有湯飲，我見到拒甘可憐都忍唔住想煲d湯過拒飲，哈哈。

上年要戒口，冇得食蟹，今年終於可以放口大膽食返蟹喇~~~原來富臨最近推出了一個極品黃油蟹餐於是約左幾個嗜蟹之人，去左其中一人屋企附近的富臨特登揀平日夜晚去，冇咁逼人這個極品黃油蟹餐(4人份) 真的齊全除左有頂級黃油蟹以外，還有響螺湯、乳豬、龍躉腩、蝦球蚌片、花膠，還有生煎包呢~~真的十分豐富，叫一個餐，就甚麼也不用煩惱清蒸頂級黃油蟹套餐包了兩隻黃油蟹，每人可享用半隻說實在，我喜歡食蟹，但不太喜歡在外食蟹，因為實在怕麻煩而且我食蟹喜歡把牠食得乾乾淨淨，連蟹爪的肉也不放過，所以食得好慢試過自己食一隻黃油蟹，食完其中一邊，另一邊已放涼了，錯過了品嚐的最佳時機，所以半隻蟹對於我來說是剛剛好蟹身已切開兩邊上菜，豐盈的蟹膏從外觀已可觀察得到蟹脚關節位也見黃油蹤跡其實以前細個未太識欣賞黃油蟹，食蟹只鍾意食蟹肉，而家則開始懂得細味 蟹膏的甘與香蟹膏呈半流質狀，把旁邊的蟹肉都渲染成美麗的金黃色啜一啜半溶的蟹膏及黃油，層層甘香濃郁充斥着口腔不枉我每年都會期待這一刻脆皮乳豬（半隻）今次因為掛住拆蟹，所以乳豬變左攤凍左少少才享用雖然凍左，但依然皮脆入口肥美，不過因為攤凍左才食，會略感脂膩唉…蟹與乳豬兩款都要趁

星期六日除咗放假之外，其實同屋企人食飯聯誼下係一種好正常嘅活動。屋企啲老人家就特別鍾意食海鮮，尤其是龍蝦，所以帶佢哋去酒樓食呢就一定唔會有錯嘅。嚟到酒樓食嘅龍蝦唔知點解比自己係街市買仲會平好多，而且佢煮埋出嚟俾你食，真係非常之慳工夫。最緊要係好味好多。波士頓龍蝦雖然一隻嘅份量唔算多，但係總算有肉，而且口感不錯，同埋佢嘅主角其實係佢嘅芝士麵每一次都唔夠食架。其實我平時都唔係好鍾意食乳鴿，但係嚟到酒樓上一輩嘅人就好鍾意點乳鴿。咁唯有捨命陪君子啦，熱辣辣整出嚟嘅乳鴿外面嘅皮仲有少少脆，入邊嘅肉味都幾濃。鮑魚來講如果係有得選擇之下，我一定食南非鮑魚，因為佢嘅肉質有咬口，有彈性好多，而且比較大隻味道都比較鮮。仲叫左條龍躉魚，四個人其實食魚唔使食到咁大條，啱啱好一條一斤左右嘅肉係最嫩，而且嚟到街食佢嘅火候真係啱啱好。

富臨皇宮相信大家都很熟識，但近來多了街坊談論，原來它們又推出了多款超值套餐及配搭，聽起來都十分吸引，令我媽即時提出要來吃晚飯。清蒸沙巴龍躉斑 （2斤）- 平時單點1斤都需要$168，現在推廣價（星期一至五）$188就有2斤的清蒸沙巴龍躉斑+海皇冬瓜盎 ，而星期六日就$228，十分之超值！淮杞燉響螺雞湯 $128/單點 - 雞湯不算油，用上半大隻雞及多種材料煲成，例如有淮山、杞子、響螺和瘦肉，營養豐富十分滋陰。湯底香濃，最重響螺味，無加味精，每口都嚐得到每種材料的味道，份量又多，同樣是超值之選。紅燒乳鴿(2隻) $38/隻 - 乳鴿燒得平均光滑，皮帶脆很香口，肉質算嫩仍帶肉汁，蘸些淮鹽更提味。果皮蒸南非鮑魚四(4隻) - 鮑魚大隻鮮甜，平均都夠腍，只有少許位置需要些嚼勁，輕輕蘸些醬油已經夠惹味。波士頓龍蝦(上湯烏冬/芝士） （星期一至五售$288/星期六日售$308）- 我選擇配上上湯烏冬。波士頓龍蝦新鮮肉多，肉質啖啖彈牙鮮甜，絕不是雪藏貨。至於麵底方面，其實還是覺得伊麵比較適合，因為湯烏太軟腍，口感不太討好，令整體減分。金銀蒜蒸日本元貝(4隻) - 粉絲舖底十分入味，而元貝已開邊方便食

✿╮❤╭✿ ✿雜感女生 好味日記✿ ˚*•✰。富臨皇宮．「很黃很味力」。✰•*˚ ✿✿舌尖上的柴灣✿✿ ❤餓底飯聚．食勻全世界❤ ❤吾係POL - Peggy On Line．Proof Of Life❤ ❤ 不知不覺，又到了黃油蟹最黃最味力的時節 和大少奶去了富臨品嚐最愛的水產：極品黃油蟹餐 看看餐單就知豐富： 脆皮乳豬 (半隻) 清蒸頂級黃油蟹 (約 6 両，每位半隻) 原盅燉響螺湯 XO 醬爆蝦球蚌片 古法蒸龍躉腩 蠔皇花膠扒翡翠 生煎菜肉包 脆皮乳豬 果然是非常脆皮，乳豬有肉香 乳豬皮更是脆卜卜，是最令香港人鍾情的味道 原盅燉響螺湯 響螺鮮甜，有豬展、雞腳、雞肉、 湯料足，所以味道鮮甜 淮山入口夠粉，好吃 清蒸頂級黃油蟹 黃油晶亮香噴噴，入口盡是蟹膏 蟹肉鮮甜，是上品，2人SHARE一隻 XO 醬爆蝦球蚌片 非常有WAK氣，味道香濃 惹味又好食，蝦球蚌片很彈牙 古法蒸龍躉腩 龍躉腩真心肉厚，好滑 特別是配上紅棗、雞肉、蔥花 很香甜，也很有風味 蠔皇花膠扒翡翠 翡翠就是生菜，雖然花膠薄身，不算太厚 但因此就更入味，蠔汁炆得夠時間 生菜因為索汁又清嫩，非

每到九月十月，就是食蟹的好季節。本身嗜蟹，最好無需出動五指山。不過，要嚐原隻蟹，就要自己動手了。　 話說，今天豆丁之婆帶豆丁到柴灣探朋友，於是大家就順道在附近晚餐。由於這是平日晚上，客人不多，相對不會太擠迫。還有最重的，就是職員可以提供較好的服務。加上這集團經常有晚市特惠小菜，又平又抵食。但發現有新推出的黃油蟹四人餐，看到黃油蟹就有點心動。套餐除了黃油蟹，還有豆丁喜歡的脆皮乳豬和龍躉頭腩，一家四口，就點這個套餐。   清蒸頂級黃油蟹　　　　　２隻清蒸黃油蟹，每人有半件。蟹肚是圓的，都是蟹乸。不過豆丁不食蟹，自己就可獨佔一隻的黃油蟹了。先掀開蟹蓋及蟹掩，剔除菊花狀的蟹肺，就要馬上吮中間的蟹膏。　　把甘香的蟹膏吮乾吮淨，要就來拆蟹肉。　蟹鉗＆蟹身的肉，都帶著黃油呢！這就是黃油蟹的特別之處。經過炎炎夏日，熱辣辣的天氣令蟹油全身遊走，滲在蟹肉之間。以尖長的蟹爪來拆蟹身的肉，真是十分方便。　用蟹蓋來盛著絲絲蟹肉，啖啖肉，而且還十分有儀態呢！    脆皮乳豬　　　因為拆蟹肉要花點時間，所以脆皮乳豬呈上時，也無暇理會。不過其他菜餚也相繼呈上，枱面都排得滿滿，没有空位，職員幫忙轉為小碟。但完成黃油蟹時

雖然明知街坊茶樓不會很貴，但也覺得簡直是平得過份！一盅咸魚肉餅飯竟然平過一個麵包（早茶價$6.8!!)，而且味道是不差的，星期一至六的早茶時間至到11:30，店員很細心，見我們入座時已11:15，就叫我們快些落單以免錯過早茶特惠價的優惠。茶芥也只是$6一位，難怪見到很多公公婆婆成為熟客！ 我們還點了粥品、蘿蔔糕等食物，全部都屬中上水準，價錢超合理，埋單計算，約三十元一個人，可以公然慢慢嘆而又不怕阻住人做生意，絕對是超值的一餐，抵食指數爆棚！

同家人一齊在柴灣富臨食父親節飯, 食了960蚊左右, 但完全係受氣!1)分別叫了兩位職員落單取消陳皮鮑魚, 都跟我說單已改, 但埋單時, 陳皮鮑魚都係出現在單上, 無改到2) 點了一客鮑魚鵝掌比父親, 職員給了一碟鮑魚西蘭花, 話鵝掌係分開上, 叫了兩位職員跟進, 到埋單都未有隻鵝掌. 足足用了我45分鐘3)由於隻鵝掌扣唔到錢, 所以職員話送上燕窩雙皮奶兩客, 等了15分鐘都未有. 終於等到啦, 用蒸籠送上, 點知一放入口雙皮奶係微溫!!!希望富臨正視食物同服務問題!!!

上星期五慶祝mother's day所以我地就去左個個都識既富臨皇宮到食晚餐我地一行4人都叫左幾多野食啊而且我地仲叫左好多平時都唔捨得食既菜 希望藉此多謝媽咪喔!我地叫到成台都係野 食晒先記得影相..但當上到呢個鮑魚既時候 個菜實在太土豪終於記得影相了果皮蒸鮑魚 HKD108而且呢個鮑魚亦都係我全晚最深刻既一道菜我幾欣賞呢道菜既賣相同擺位 - 簡而精上菜既時候已經聞到好濃郁既果皮味鮑魚上仲加上了少許蔥花食落去 鮑魚因為蒸並不是炒所以鮑魚既鮮味亦然存在 仲有陣陣既果皮味口感仲有少許彈牙 真係不錯雖然無影到咩相 但係全餐都幾滿意上菜亦都好快啊!

因為去柴灣探親戚，所以係呢邊食埋晚飯先走。聽人講富臨啲野唔平，但黎到又唔覺話好貴，同平時食開既差不多。都有啲特價菜式。門口廣告:呢個極品燒鵝皇抵呀！但要睇你幾多人，份量有所不同宵夜仲抵，不過等唔到甘晏。小菜外，仲可以選擇火鍋，價錢唔貴喎，最多只需128。不過今晚食小菜，唔知食物有咩簡，下次可以試下！首先，我地叫左個波士頓龍蝦孖寶，有一碟龍蝦伊麵同一碟叉燒。龍龍伊麵可以選擇上湯或芝士焗，而唔岩叉燒仲可以揀乳鴿或者拼盤。選擇了芝士焗，芝士唔多，但汁夠，龍蝦肉多，易脫殼。肉質爽彈，伊麵長身入味。唔錯！都幾啖啖肉架！叉燒皇叉燒好味！平時酒樓食開既叉燒例牌得幾件，但呢個比我想像中大碟，長過一只手掌！叉燒燒到焦焦地，好香。肉好入味，有少少肥肉，好林，正！不過唔好點太多汁呀，會咸d。肥瘦配合得剛好！極品燒鵝皇特價，只需20蚊炸！超抵！睇相都見到，燒鵝皮好脆，好香口！肉質實淨得黎又入味，唔會梅晒。份量唔少，兩個人食卓卓有餘。果皮蒸鮑魚面積比匙更既表面大啲，鮑魚好爽口，汁唔會太咸，加上蔥同果皮去蒸有其香味，食落更好味。諗起都肚餓好想食呀！同埋要讚一讚呢度啲傳菜姐姐，收野快，亦有不時換碟，入黎時有介紹菜色

上星期到了柴灣探親聚聚舊，他們說最近開了富臨酒樓，親朋戚友聚會晚餐，酒樓必定係首選。餐牌上有不同的優惠菜單選擇。紅燒乳鴿叫了兩隻紅燒乳鴿，味道不錯，外皮脆，肉質不會燒得太乾。極品燒鵝皇(半隻)份量滿多的一份，醬汁味道剛剛好，皮脆肉嫰，芝士波士頓龍蝦伊麵龍蝦的份量不錯，肉質也滿厚身，芝士不會太黏口，與伊麵的口感不錯，但芝士汁多一點會更佳。雲耳炒勝瓜吃了那麼多邪惡的食物，吃一點清淡的蔬菜，減低罪惡感，勝瓜與雲耳很爽口，不會太鹹。

一年一度母親節又快到，今年也是提前慶祝不用等到正日的時候人擠人而且提前吃的好處，就是有很多特價小菜可選重點是幾乎每區都有一間這晚還約了小表弟，非常熱鬧波士頓龍蝦孖寶(上湯/芝士伊麵底)配紅燒乳鴿兩隻 $248芝士波士頓龍蝦份量蠻多的，龍蝦也來得鮮味彈牙喜歡它們的芝士汁很香濃，吃起來不會太膩紅燒乳鴿，皮脆肉嫩很香口極品燒鵝皇待應姐姐極力推薦我們點剛好5人，$40半隻明碼實價燒鵝肉嫩多汁，這個價錢實在有驚喜雲耳炒勝瓜簡單的材料，感覺健康也來減減油膩感勝瓜來得爽甜，不錯若要價錢經濟、絕對可以一試

今日同呀媽兩個撐枱腳，特登揀左佢中意去既富臨皇宮食中菜！因為平日，所以人唔算太多，唔洗等位。因為得兩個人食，所以叫既送都唔多。極品燒鵝皇估唔到分到個脾甘好彩😁上枱時暖暖地，個皮仲脆，好好肉，肉質實實地，唔會梅晒。皮下有燒鵝既脂肪，食落脆皮夾住油夾住肉，超正！！雖然有醬油，但唔會好咸，點埋酸梅醬酸酸地仲好食！清蒸東星斑個人最中意去酒樓食清蒸魚，因為佢地蒸既魚都特別嫩滑，特別好食！因為同呀媽去，所以食好啲！叫左條約一公斤重既東星斑，但望落好大條，應該過一斤。呢條東星斑好新鮮，蒸到剛剛好熟，魚肉離骨，魚骨唔多，肉爽滑。豉油甜甜地，唔會好多好咸。個人喜好，如果蔥多啲會更好！金蒜蒸帶子蒜蓉好香，唔會話多到辣或蓋左帶子個味。要讚下呢碟帶子，因為時間掌握得幾好，帶子好爽滑，好似食蒸氣鍋啲海鮮甘原汁原味、鮮甜。望見都想食！齋食送當然唔飽啦，與其炒個飯都幾十蚊，不如叫個龍蝦伊麵更化算！食時發現姐姐上枱時無俾鉗，諗住之後問佢拎番，但食落又無必要喎，因為廚師已經將榖整碎，好容易就開到，食到啲肉👍🏻龍蝦肉算多，好爽口，啖啖肉伊麵一條條，唔會林到一夾就斷。如果係柴灣食飯我地多數都黎呢度，貪啲姐姐服務好，食物質素

拍拖又唔一定係要浪漫的燭光晚餐嘅，我同老公都好鍾意食中菜，常常都會去酒樓大排檔食飯的，今晚穩穩陣陣富臨食餐飯，但出品都幾唔錯架，值得寫篇食評讚讚佢！第一道出場就係燒乳鴿，看圖片好似個皮燒得幾dry ，不過我覺得可以燒得再乾身啲，食落更甘脆香口。蠔仔肉碎煮涼瓜，對於我來講係一個幾新穎的配搭，其實由於涼瓜呢個成份係老公指明要食話清熱氣，咁我食落我覺得啲蠔仔幾juicy幾可口，肉碎又幾香，但我本人唔鍾意食苦瓜，所以對苦瓜個方面冇意見。叫了金蒜銀絲蒸帶子，未上菜之前都十五十六 ，因為之前試過在另一間連鎖酒樓叫過同一款菜式，出來的成品令人十分之失望！粒帶子好霉，而且同個貝殼係分離的，而且勁多油，啲蒜蓉味有太重，粒帶子冇鮮味.... 算啦往事不必再提，總之今晚呢味蒸帶子見到實物之後令我十分之喜出望外，因為見到圖片同實物竟然係相符的！而且粒帶子又彈牙，又鮮美，廚房師傅仲好細心咁樣切開個帶子開邊蒸，令到帶子的肉可以比較平均咁樣受熱，上面亦都可以有比較大的面積讓蒜蓉提升了帶子的鮮，粉絲吸收了帶子的鮮味同蒜蓉的香，而且煮得好入味，單食呢個粉絲都已經覺得好滿足！行緊入去嗰陣見好多台客都有叫鐵板豬手，看來係

✿╮❤╭✿ ✿雜感女生 好味日記✿ ˚*•✰。富臨．滿意小菜在富臨。✰•*˚ ✿✿舌尖上的柴灣✿✿ ❤餓底飯聚．食勻全世界❤ ❤ 難得幾個同學可以準時收工 去酒樓吃飯，回憶一下第一次中學生飲茶的情景 也很有趣：想當年我們要扮大人，就是去飲茶 今天，大家都變成大人了，說的話題，總是公司事 HAHAHA，不知不覺，時間就飛左去LU~ 極品燒鵝皇 香脆多汁，皮香口，肉嫩滑，令人愛不釋口 菠蘿生炒骨 酸甜好吃，生炒骨除肉外更有骨香，特別要和白飯同吃 花膠燒豆腐 花膠不吝嗇，大件上碟，豆腐索晒燒汁的精華，好好味 沙嗲金菇肥牛煲 是朋友必點的作品，熱辣辣上台，金菇盡得沙嗲真傳，又是下飯作品 紅燒乳鴿 脆皮和鮮香的肉汁，用手一扯，汁香四射，贏晒 脆皮燒腩仔 味道不錯的，脆皮脆皮脆皮，真的很脆！ 芒果布甸 真料的香甜，很想要多碗，不過份量真的好多 紅棗糕 + 綠茶千層糕 傳統的熱食甜品，真的要趁熱食，因為這才吃到最佳的口感 紅棗糕煙韌軟糯，補身Q軟，好好味 綠茶千層糕口感傳統，反而不太覺有綠茶味，更似椰汁糕 小評：味道：★★★★☆環境：★★★☆☆服務：★★★☆☆衛生