富豪坊

营业中

休息中

其實在這店已食過很多次晚飯，每次都是一大班友好共聚，點完菜就開始吹水，餸來了就嘻嘻哈哈的搶著食，每次都想為這店寫一篇食後報告，但每次都忘記了影相和記憶資料，剛巧今次人數小，可好好地影相和記下資料。這裏地方十分寬敞，絕不擠迫，侍應人數雖然較為緊拙，但勝在貼心得體，做事用心，加上此店終歸是酒店內的中菜廳，衛生環境絕對有保證，所以在環境因素上已是首選。這晚點了一個餐前小食海帶三文魚皮和四個菜，計有海參柚皮煲、鮑魚一品窩、脆皮牛坑腩和花膠絲浸雙疏，最後加一個蛋白炒飯作終結，四人份量剛剛好。海帶三文魚皮，上次來才發現的新菜式，十分爽口的一道前菜，三文魚皮本身沒什麼味道，但廚師調味却十分到家，味道鮮甜而略帶酸，海帶也十分清爽，作為餐前小食十分開胃。海參柚皮煲，海參淋軟中尚帶半點爽口，有噬口之餘又夠味，柚皮清甜而絕無苦澀味，汁液豐富，而且調味濃而不咸。鮑魚一品窩，雖然只是鮑片，也算有幾塊，而且甚為爽口，其他海鮮如帶子、蝦仁等都十分新鮮彈牙，味道鮮美，以一百三十幾元食到這煲仔菜，材料新鮮之餘份量也足，還可以有什麼批評呢。脆皮牛坑腩，這是一位好友差不多每次來都會點的菜，坑腩夠淋，入口鬆軟，表面脆漿做得十

原來openrice有咁多打手！！又話員工友善，又話食物水準高！？⋯⋯ 諗住慶祝母親節食好D，見食評介紹不錯，點知食完大失所望！有中伏的感覺！1）前菜要收錢的兩碟花生應該擺左好耐，變左味2）某位員工態度麻麻，好似我地來運桔咁，餐牌有D菜無價錢，問下就顯得唔耐煩3）叫咩無咩（無的可否係餐牌遮左佢？）4）食物唔好食：砂鍋雲吞D湯好重酒味；咕嚕肉好似食緊肥膏咁；炸子雞隻雞唔新鮮、皮唔脆9個人叫左9個餸加白飯，盛惠二千四百幾大元，唔好味太貴唔值！去附近酒樓會好食更多！

去九龍城多數食泰餐，真係第一次食中菜，朋友話開年要食餐好，所以我地就去左酒店食！去到見到人唔多，而我地又唔知食咩好，所以叫餐，唔駛煩「龍𧄌響螺宴」第一碟漁皇五彩碟有驚喜，叉燒好嫩，又唔肥，海帶魚皮，魚皮好爽口，海蜇響螺絲，好似唔係太夾同唔似響螺絲！四喜烤夫，烤夫好入味鮮人參松茸龍𧄌球，完全無人參味，松茸都唔多見。天白花菇鮑汁扣原條海參，講到好勁但海參唔係原條的，海參都爽口蝦乾蒸龍𧄌腩，骨多過腩元貝魚腐泡金蔬，都幾鮮味，湯都好甜茶皇雞，好食，好滑好香茶味，好想再食最後，杏仁茶都好讚，勁香

夜晚同家人慶祝聖誕。雖然早幾日先去富豪坊做冬，下晝又去機場"紅軒"飲茶，但作為富豪卡中堅份子，晚餐自然繼續揀富豪中菜，貪佢好味且仍然有折扣。6個人叫咗：上海小巷烤夫入味又大碟；鹵水豬腳仔仍然軟腍滑、杏汁白肺湯唔算太杰但有杏香、茶皇燻雞仍然係茶燻味濃皮脆肉嫰、紅棗一字骨原來係半肥瘦炆到入味軟腍入口即溶，好美味但邪惡😈。瑤池蝦乾雜菜煲熱辣辣有水準。黃金芙蓉斑球先來錯了蝦球，本來亦覺無所謂，但落單的經理見到主動收回要廚房再出過，服務態度好好。干炒肥牛河唔算油又條條分明夠味夠色且多牛肉。送嘅紅豆沙正常唔會太甜。

舊年用Regal Card儲分換咗富豪酒店餐飲券，仲有$1500未用，提早做冬散叫用埋佢。蜜汁叉燒半肥瘦香軟腍滑好滋味。龍井茶香蝦仁既有茶葉的清香，河蝦鮮美爽脆。黃金芙蓉斑球，剛炸起嘅斑塊被流沙般嘅鹹蛋黃包住非常燙口，魚肉嫩滑，鹹蛋黃惹味，炒蛋白既有蛋黃香又有加入忌廉的奶香滑！😋 黑松露海皇冬蓉羹散發幽幽松露香氣。蒜片一口牛柳粒嘅蒜片香脆，牛柳軟腍。溫公素齋煲有濃濃嘅南乳味道。茶皇燻雞熱食香脆，凍食茶燻味更出眾。九皇爺乾炒肥牛河唔太油冇過鹹夠色水又多牛肉。其餘瑤池蝦乾雜菜煲、鮑汁雞粒炒飯亦不錯。糖水送紅豆沙，略甜但起沙的。幫襯買蘿白糕券，經理仲送埋我嘅至愛蛋白杏仁茶，飽ed都忍唔住食哂😜7個大人只需補水三百多元，如果唔用餐飲券有75折。飲飽食醉，之後仲可以行數字屋連鎖店買嘢，勁開心﹏

去到九龍城既富豪酒店食中餐,2個人隨意叫個$428 PER HEAD既餐.貪佢樣樣都有,燕窩鷓鴣羹,鮑片海參,黃金蝦,黑松露野菌星斑球和杏汁燉雪蛤.咩動物都有齊哂,係無咩菜姐.其中以黃金蝦就得最好,一來隻蝦大隻之餘好彈牙,蛋黃汁微咸帶脆包著隻蝦好香.又唔會好油膩!不過有堆奶味蛋白做墊底就唔識欣賞.除左星斑球外,其他食物都好似女人滋補恩物咁,其實唔太o岩我食.鮑片同海參煮得非常稔,無牙都食到,好無FEEL..整體味道不差,服務員既水平以酒店角度就只屬一般.

放假天。同媽媽。家姐。老公。去食lunch ...聽人講九龍城富豪酒店中菜廳很不錯。就提意去哩度飲茶。第一次去。地方寬敞。舒適。服務員有禮貌。開餐！叫左菠蘿叉燒餐飽！熱辣辣。個面趣卜卜。入面軟林林。👍👍👍👍牛肉腸粉。。腸粉皮好薄。都不錯蝦餃😍😍😍 好好味！皮薄得嚟。入面有汁的。唔會乾爭爭！好juicy的蝦餃！蝦又爽口彈牙！😋😋😋😋😋叉燒！一d都唔鞋拾拾！就算有d全瘦。都係好林。好味道！好想叫碗白飯。送飯食。。不過屋企人話我冇大志。👉👈唔比我叫白飯😫😫😫登！登！登！登～～～流沙芋蓉飽！！飽飽好鬆軟！熱辣辣！好香芋頭味！唔甜。。唔會漏！不得了！最後。。都係想食飯！！叫左個福建炒飯！都係好好味！唔會一pat pat 茨。。我地好飽。但都每入食左一大碗！最後總結。。。哩餐👍👍👍冇去錯！一定會再去！再試其它美食！

週圍都冇位、試吓問一問、仲有位，於是數天前訂下,經理李小姐十分殷勤、菜單有商有量、仲可以自來海鮮、但要着量收油料錢，合理。佢力推茶皇鷄，但老人家嫌熱氣、轉咗豉油鷄！晚上入坐后、招呼唔錯、成間餐廳九成入坐率都算熱鬧。頭盤是燒味拼盤、冇乜特別、一般行貨, 再落嚟係豉油皇香煎大虾，師父好手勢,不太燶，啱啱好，冇嘥咗啲自來海鲜、之后上個原盅燉螺頭、呢嗰真係冇得頂、足料夠火喉，成家人更連渣都食埋。再來係。西蘭花帶子拼脆皮牛坑腩，呢味餸估佢唔到、牛腩外脆內軟、拼埋大大粒帶子、真係十分有創意、味道一流、又照鏡跟住係海參、份量好足，勝在唔係好似漿糊咁、口感唔錯、蒜茸蒸大元貝、因為自來、冇乜功夫可言、條老虎班同鷄就真係冇乜特别、不過不失最后驚喜、竟然係飄香荷葉飯、真系太飽了，但真係要打包，食咗兩啖，不乾不太濕、個人認為好味，唔可以浪費師父心机。总括而言呢餐連自來海鮮，十二位、四仟銀唔駛、超值，但不可不提，呢間餐廳服務，出品真係唔錯、但人手就唔夠，等加熱水沖茶，擧手都冇人理，仲要等、應該要改善，但員工態度就值得一讚，忙得嚟都笑臉迎人、夠體貼。見佢地咁辛苦，冇投訴啦！

有幾個朋友話好耐冇過飲茶咪約左今日黎食野吹下水, 之前都未試過係呢度食野, 因為覺得個位置都好入, 得幾架巴士先去到, 但朋友不斷話正所以先試下, 食過先知原來都真係都幾好食,  雖然都係一般的點心, 但不是一般的味道, 我最喜歡就是果籠蝦餃, 蝦的味道很鮮甜, 咬落很多汁好JUICY, 有小小似小籠包咁@@, 但佢只係一個蝦餃我發覺蝦似係佢地GE 主打, 平時我食野都唔係忍口同埋唔怕肥果D, 次次飲茶全台都係炸物, 但我都怕食到一口油好濟, 今次叫左碟春卷, 佢地D炸野都唔係好多油, 個春卷皮好鬆脆,蝦又鮮甜, 配搭得好好, 好好味,一定要試我個朋友, 因為食物敏感, 所以唔食得海鮮, 唔食得牛 (但係係佢發起話飲茶 = =),  佢就話最鍾意食佢地個奶王包, 話佢地個包夠軟熟唔似出面d包禁實, 同話佢唔甜夠熱同有流沙, 但我就覺得如果甜多小小就Perfect, 不過可能係我重口味^^整睇黎講都好好, 我地都好滿意, 價錢中等但有享受, 不過如果送菜快小小同埋單可以快d就更加好, 等埋單都成兩個字, 但我會再黎食ge

朋友從報張廣告見到九龍城富豪酒店推出這個“仲夏尋鮮-鮑響燕“套餐，於是召集好友們去嘗鮮，訂了半圍在一個星期五晚上，當晚到達餐廳時只有二、三枱客人，而且相隔頗遠，因此環境十分寧靜，我們可以開懷傾計，相信都是最熱鬧的一枱，服務員的態度也十分友善。第一道菜是五彩拼盤，亦是最滿意，义燒半肥瘦，蜜汁甜度適中，肉質淋滑，而龍躉皮和木耳都十分爽口，肴肉和素鵝都算合格，因純個人喜好，對煙燻的素鵝一向不是十分喜歡，所以沒有什麼意見釀響螺，純粹是賣相吸引，比手掌還大的響螺，釀滿螺肉，但菜單上寫的亞拉斯加蟹肉似乎不見影踪，而且螺肉亦鮮味欠奉跟著的是九層塔鮑魚牛柳粒，九層塔的份量太少，完全不能散發其香味，鮑魚有雪味，而且牛柳粒是用崧肉粉醃過，整個餸的presentation也不討好，就像一般酒家的小炒這款湯羹味道偏淡，有一茶匙的燕窩在中間，湯中一條條的可能是鮑魚絲，但嚼不出鮮味來 這個是深海老虎斑二重奏其中一款的炒斑球，不過不失，有少量的鮮人參，魚肉尚算嫩滑，但調味就咸了少許 這是另外一款蟲草花蒸頭腩，蟲草花尚算粗身，頭腩切的尺寸也方便我們進食，如果獻汁可以薄些會比較好吊燒雞的皮頗脆，可惜雞肉偏咸這款扒翡翠用

又寫月餅。無辦法啦! 唔通等過左中秋先至出咩! 希望大家唔好嫌悶。今次要講的，是富豪酒店的雙黃白蓮蓉月。都說過傳統的月餅，才是最合我心，但這個品牌的水平又如何呢?長條型的盒裝，算不上豪華；紫色的盒子上有幾朵蓮花，頗具中國韻味。揭開盒蓋，是四隻獨立包裝的雙黃白蓮蓉月，面頭印上富豪二字，並不像星際酒店般蓋著Logo，總之成件事就是很傳統。好彩我和老豆都係月餅癮，尤其是傳統月餅，一天要消滅兩個並不是難事，否則真係捐出去的仲多過食 (事實上今年應該會捐唔少)。晚飯後即管又開一隻來試試。可惜，這品牌的出品真未到家，白蓮蓉有欠滑溜，而且頗黏牙，當然亦唔夠香，蛋黃油水麻麻，感覺就是在浪費自己的Quota。此時的我，決定轉戰另外品牌的奶皇口味。Anyway，再次祝大家中秋快樂！

一向也認為東海的壽桃包是最好吃的，但原來這裡也非常不錯．賣相飽滿，外皮也乾滑不會過濕，薄薄的外皮，熱騰騰的，當中還包裹著流油的鴨蛋黃一個及白蓮蓉，足料而好吃．不過吃完一頓飯之後，再來這個真的有點吃不消，還是打包吧．

We had gret dinner yesterday.even though we are set inside a small room but the waiter and waitress still very nice and helpful.We ordered 1 set for 4 people, with appetizer jellyfish with 'Fun Tai", vegetable, seafood soup, prawn, chicken (1/2), small garoupa and dessert, on top we ordered the birthday bun and wasabi beef, very tender, little surprised.all the dishes are like picture, the chicken is very fresh and crispy, really their signature dish! We are very happy with the gathering yesterd

雖然選擇點心不多，但勝在坐得舒服，每樣點心都是即製的，而且用料新鮮；其中超大的蝦餃，蝦真的很大很爽；至於燒賣就有點失望了，賣相一流，上面放了很多瑤柱碎，所以令我的期望突然上升！值得一試！

自2010年以來，我已經加入了Regal Club, 有會員折扣，所以更經常到富豪東方酒店的富豪坊餐廳享受午餐或晚餐，食品優質, 他們的服務總是好好的。我們這晚特意早點到來 (6:30pm)，喝一口我最愛的鐵觀音!富豪坊是酒店的中菜廳，環境非常寬敞，燈光通明，今晚就跟朋友來試試中菜的Set Dinner!中菜廳大廳所見客人亦不多，環境寧靜, 我們可以享受一個不錯休閒的中菜晚餐, 又價格合理。這晚點Set Dinner C HK$398/personMenu-Braised Fish Maw Soup with Shredded Chicken (稍為普通點)-Deep Fried Prawns with Salted Egg Yolk & Sautéed Fresh Milk (外皮炸得金黃香脆, 做得不錯)-Stirred Fried Scallops with Asparagus & Walnuts ( 好香好吃)-Steamed Cod Fish with Beet Root (個人最喜歡的菜式, 彈牙好吃)-Deep Fried Banana Stuffed with Re