寢宮

营业中

休息中

🍽 寢宮📍地址: 尖沙咀諾士佛臺10號5樓A-C室😋原來諾士佛台唔止得酒吧 仲有好西食全靠朋友仔介紹 先知道呢度原來有咁正既晚餐果然出其不意咁味道 環境又好 播住歌 仲好chill添咁啱正值萬聖節 成個佈置都好有氣氛周圍都係打卡位👉🏻 白酒辣椒蜆肉意粉 $198率先出場嘅意粉 雖然有啲驚佢會好辣但睇落好似都好吸引 所以都決定叫佢黎試下有少少辣味做點綴 食落非常開胃而蜆肉唔止大粒 而且一啲沙都冇 仲好新鮮 推介啊👉🏻 🔥🔥🔥 火焰烤雞 $328推介‼️侍應姐姐好貼心 溫馨提示左我哋🫶🏻🫶🏻如果食雞要早啲嗌 因為製作需時當我哋仲猶豫緊之際 就決定，試吓佢一上菜 真係要講聲oh my god我比佢個出色既造型搞到笑到痴左線 好似跳緊舞咁店員哥哥幫隻雞燃起佢嘅跳舞之火 啲火噴到勁高 好彩有影低佢 非常震撼當我哋打完卡之後 店員哥哥仲勁好幫我哋切埋添咁就唔使擔心 切雞切到立立亂啦 跳舞雞經歷完浴火重生 令佢既外皮更加香脆唔止好睇仲好好食添 大家一定要黎試啊👉🏻甜品 +$20巴斯克蛋糕 定焦糖燉蛋啲friend好香蛋味 同埋質地有啲似燉蛋為今晚呢一餐畫上左一個完美嘅句號好味指數: 3.5/5 性價比

前排都幾忙下，難得近期冇咁忙，就約個朋友飲杯嘢Relax下 Chill 下先！行完美麗華最就腳就係去諾士佛台嗰邊飲嘢，不過我又嫌地舖嗰幾間太嘈，所以就揀咗樓上人少啲嘅清吧！😙見《寢宮》呢個名咁得意，所以就決定上去睇睇啦！呢個場都幾大下，仲有唔同嘅玩樂設施，不過我全部都唔識玩！哈哈！😝😜🤪一行兩人點咗個西班牙海鮮拼盤、Pizza及黑松露薯條同兩杯Cocktails! 個拼盤都幾豐富的，有煙三文魚、鯷魚、魚子醬及阿根廷黃金螺，而個Pizza 嘅芝士又夠邪惡，加上香脆嘅薯條，呢餐真係肥仔啦！而我最欣賞係佢哋嘅Cocktails, 因為唔係度度都飲到的, 分別係Blue Sheet 同Earl Grey Remix，藍色嗰杯帶荔枝味的，感覺好fresh, 而啡色嗰杯帶一點茶味, 口感獨特！🍸🍹嚟呢度傾吓計吹吓水飲下嘢都唔錯的，而家啲酒吧大部份仲要有埋嘢食，唔使Dinner 完後再轉場，非常之方便！😝👍🏻

諾士佛臺嘅酒吧餐廳多不勝數，而呢間特色酒吧餐廳 “寢宮”🏯真係令我眼前一亮🤩餐廳用上藍色燈光幾chill架，仲要十月適逢就嚟萬聖節，餐廳有唔少佈置夠哂氣氛🎃🐓火焰烤雞 ($328)呢個招牌菜睇餐牌已經好期待，一上枱超級震撼🤩燒雞原隻上，然後店員會喺客人面前以烈酒瞬間將燒雞變成一隻火雞😍就好似玩雜耍咁燒到超級大火🔥打卡真係一流！燒完之後，店員會拎入廚房將佢斬件才再次上碟，非常細心👍🏻燒雞食落皮脆肉嫩又juicy，就連雞胸都好嫩滑，好滿足😍🍝經典卡邦尼意粉($188) (甜品 +$20)意粉嘅忌廉汁調配得幾好☺️唔會太濃稠乾身，夠哂creamy，意粉掛哂汁好吸引🤩食落唔會太鹹，味道適中🤤配埋煙肉、蘑菇一齊食，口感好豐富👍🏻不過如果上枱嗰陣好似傳統嘅卡邦尼咁，有生雞蛋自己撈就更好啦🤣🍰甜品 - milk tart外表成個芝士蛋糕咁，其實食落係牛奶咁幼滑，仲有陣陣焦糖香味😋呢個飯後甜品好抵食！🍶西施 ($148)Patron Silver Tequila, Martini Dry with fresh Passion Fruit and Green Tea中國四大美人 - 貂蟬、王昭君、西施、楊

難得同師兄聚舊，食完飯吹多陣水先啦，去左諾士佛臺搵間bar飲杯野。間野好特別，有個四大美人嘅collection，不過其實都係噱頭野，我咪又係睇返入面有D乜，杯貂嬋有vodka有bailey又有奶茶，岩飲，就一於試試佢，仲話有麻糬添。上到枱真係好似menu幅圖咁，有樽有茶杯，麻糬就考下大家眼力睇下搵唔搵到喇，我地個位係黑到冇朋友，menu都要開電筒照，我諗應該得我咁柒會咁做.....咁大個仔都係第一次用咁古色古香嘅茶杯黎飲酒，睇黎屋企都應該買返隻類似嘅，weekend沖完咖啡唔好用普通杯裝，轉用茶杯加whiskey/bailey飲師兄比較輕口妹叫左杯又果又清酒嘅黎飲，擺盤係幾靚，不過我未飲都好似已經醉左咁影到佢杯野斜晒lol

收工約左朋友happy friday，早一日喺openrice book定位，一上到去就見到大大張桌球枱，好似仲可以包房唱K😂😂Dinner set包左湯同前菜，我哋揀左黑松露忌廉蘑菇湯，可惜偏稀味道不夠濃🥲前菜係意大利巴馬火腿及煙三文魚拼盤，味道正常～1️⃣招牌火焰烤雞($328)上枱後店員會即席點火🔥🔥記得要準備定相機📷燒左一陣之後，店員會再幫客人將雞斬件，唔洗擔心要自己食手撕雞😂雞肉有驚喜，好嫩滑一啲都唔鞋🤤·2️⃣紐西蘭頂級肉眼扒伴香烤時令蔬菜配燒汁($368)牛扒偏薄，但肉質軟腍有牛味，伴碟的配菜略嫌普通，只有薯仔蕃茄等🥺我叫左杯飲品，味道好似藥水味，飲左幾啖就放棄了🥲整體黎講，招牌菜嘅火焰烤雞係唔錯，但其他食物有待改善啦⋯

🐈✨✨✨✨✨✨✨🍽️ B A D R O O M 寢 宮📍尖沙咀諾士佛臺10號5樓A-C室呢一年試多咗好多bar & restaurant ，今次搵到呢間喺諾士佛臺嘅樓上舖👻 咁啱係Halloween前夕，所以門面同埋店入邊都有唔同嘅Halloween裝飾🎃👨🏻‍🍳 🤳🏻蔥爆牛柳粒 $138 一咬就有等陣香辣味~ 另外仲有啲煮得幾入味嘅菇、伴菜同埋薯仔粒ᐕ)👨🏻‍🍳🤳🏻自家製雞翼 $78 ❤️（埋單先發覺我地嗌雞翼又嗌烤雞😂）單骨雞翼加分✨ 炸雞翼唔係好厚粉👍🏻雞翼另外有配一個buffalo Wings口味嘅醬汁，我覺得個醬幾香口同埋好開胃👨🏻‍🍳🤳🏻招牌火焰烤雞 $328❤️‍🔥佢地會拎隻雞上枱 問你洗唔洗影相拍片😹跟住就係點火儀式，真係幾有gimmick（認真有朋友生日當隻雞點火係慶生儀式好似都有得玩…😹 本身係有啲擔心食佢好麻煩，好開心嘅係佢地會幫你拎翻隻雞入去斬件再上枱🥹呢個步驟都幾加分✨呢隻雞唔係得個樣😳雞肉好嫩潤，有好淡淡嘅香料香，而且好多汁!! 兩隻雞翼尖仲烤到有啲焦脆口感😋 佢地嘅staff都nice，同埋會主動過嚟幫我哋斟水👍🏻✨ 去食寢宮嘅嗰個星期食緊藥，所以冇得飲酒

尖沙咀一直都有一條街係充滿左酒吧係林林總總嘅酒吧之中，比我發現到依間#寢宮 嘅特色食物佢有一道火焰烤雞，即場係你面前火燒一隻全雞，勁正勁適合打卡，而且味道都好好食🤤不過要注意翻依道菜製作需時較長所以肚餓嘅話記得叫住其他野食先另外我仲叫左個海鮮拼盤，佢有4款海鮮，每款有三個，所以兩個人分嘅話有啲尷尬😂雖然佢海鮮比較普通，但佢有3款海鮮下邊都有墊住超脆卜卜嘅蒜蓉包，個包幾好味飲品方面我地就普普通通咁叫左杯蘇打水，因為聽日仲要翻工🥹所以酒就有緣再試😌

前幾日去完尖沙咀donki，經過諾士佛臺就想飲番兩杯🥂上網見到呢間酒吧幾吸引，就決定試試🌟香烤深海比目魚配刁草汁比目魚鮮甜肥美，肉質細嫩，油脂十足🐟而刁草汁口感濃郁，味道溫和淡淡嘅刁草香滲入魚肉，同比目魚嘅魚油香好match加埋配菜焗薯🥔露筍、車厘茄🍅，夠曬豐富🌟白酒辣椒蜆肉意粉蜆肉鮮甜、飽滿肥美，數量亦唔少加了白酒調味，令味道更豐富🍷意粉吸收曬香味蜆汁，非常惹味🍝🌟前菜+餐湯前菜有Parma ham配哈密瓜🍈、煙三文魚同沙律🥗餐湯就有意大利雜菜湯全部菜式都好開胃，做前菜啱啱好🌟王昭君以琴酒為基酒，加入鐵觀音🍵再同青蘋果🍏一齊享用入喉後，充滿茶香同蘋果嘅清甜兩者非常契合，好啱女生飲用鐘意茶飲嘅朋友，不妨一試🤓無諗過酒吧嘅食品都可以咁出色👍🏻而且酒吧已經充滿萬聖節裝飾，夠曬氣氛🎃

來到weekend放工後，總會想飲返杯！今日就約左朋友黎到諾士佛臺一間餐廳酒吧！店家位於中心地帶商廈5樓！因為十月份正值Helloween日子，寢宮店內每個角落都見到鬼馬裝飾相當有氣氛！食物方面西班牙海鮮拼盤 煙三文魚 、鯷魚、魚子醬配脆香法飽！與及鮮甜阿根廷黃金螺！好食黑松露的炸薯條送酒必點！新鮮熱辣炸起外脆內熱！跟左陣陣香味黑松露沙律醬及茄汁！白酒辣椒蜆肉扁意粉做得出色份量剛好碟邊圍住放滿蜆肉！扁意粉有咬口且每啖都食到蒜蓉香味同埋微微既辣味同酒香！飲品日本麒麟生啤清爽夠凍！超relax!

呢排好鍾意放工去Happy Hours，當然離不開會去諾士佛台，大家又去開都知道嗰度勁多飲酒🍻地方，今日同朋友想靜靜地去樓上鋪除咗歎番杯，仲要呢間有好多主食，唔係剩係得雞翼薯條，就可以當埋晚餐食啦❣️入到去除咗燈光音樂好有氣氛之外，仲設有bargame table，桌球枱，可以邊玩邊食嘢～🍴食物🍴1️⃣招牌火焰烤雞$328: 呢度嘅招牌菜當然要試吓，果然係好猛火🔥店員會喺你面前點🔥着隻雞，影完相之後店員再幫你切件👍🏻雞肉肉質好嫩滑，好有肉汁！連雞胸都係滑，大家真心嚟到要叫雞🤣2️⃣夏威夷薄餅$108：時間要等耐少少🤏因為即叫即整，出到嚟係好香噴噴嘅芝士味！芝士和蕃茄味好出，餅底都焗得好脆，配埋杯Cocktail perfect ❣️3️⃣ Dragon Rose$108: 賣相就同果汁冇分別，味道係火龍果味+Vodka味，酒味唔算好濃！唔太飲開酒嘅人都適合✅🍸Grey Goose Vodka、Tequila Rose、ST.German elder Flower、Red Dragon Fruit、Cranberry Juice.

朋友介紹呢間好有特色嘅 Bar —-寢官有得篤波 有打卡位 仲有beer pong玩不過今次兩個人飲下野 摸下酒杯底呢度啲調酒非常有特色 係用中國風嘅命名中西合璧嘅感覺 ! 友人好鐘意食楊枝甘露 $118呢度居然有楊枝甘露嘅cocktails ！ 用咗古式雞公碗裝！ 面頭仲有金箔 非常吸睛👀👀 易入口，有西柚味既香甜帶有少少酒味，有粒粒芒果肉、柚子肉！口感豐富！簡咗杯 楊貴妃 $148用咗Tequila Rose, bacardi rum 加埋sweet corn & milk 有啲似粟米湯嘅感覺！重頭戲 當然係招牌火焰烤雞！ $328店員會係你面前表演燒雞！一燒隻雞就成為左全場嘅focus! 燒完之後會拎番入去都件上碟！估唔到唔止睇得 仲好好味！ 外面個皮少少脆，鎖哂啲肉汁係入面，啲雞肉好滑！上碟仲熱到出煙！十分欣賞！ 仲叫咗個黑松露醬薯條止口痕、即叫即炸！ 個醬都好夠味！

食嘢飲嘢之餘 仲可以玩桌球🎱自家製雞翼 $78超推薦佢哋嘅雞翼！單骨方便食用🙈而且炸得非常鬆脆👍🏻食落又唔會覺得好油膩 炸粉漿夠薄！沒有過多調味 唔會好鹹秘製烤豬肋骨配辣椒燒烤醬 $268 呢份配埋餐湯及前菜佢哋嘅餐湯係黑松露蘑菇湯 超足料！黑松露味同菇味都超濃郁🤤濃稠度剛好 口感順滑creamy❤️前菜係煙三文魚、風乾火腿哈密瓜🍈肋骨肉肥瘦剛好 欣賞佢唔會太鹹！調味啱啱好👍🏻肉質唔會太乾 keep到肉汁 燒烤醬我食唔會辣🤣幾惹味 配菜有烤菠蘿🍍好新鮮！解膩一流🙈黑松露蘑菇忌廉意大利飯 $188雜菇份量多 意大利飯係我鍾意嘅口感 唔會太淋又唔會太硬 忌廉奶香十足 兩個人share啱啱好💕如果黑松露味再重啲更加正😍

✅寢宮平時去諾士佛台既酒吧就多 今次就去左係諾士佛台樓上既酒吧餐廳呢到相對樓下既酒吧坐得比較闊落啲 冇咁迫既感覺仲有桌球枱同唔同酒game可以比一大班人一齊玩🥰呢到除左最基本既啤酒同cocktail可以點之外仲有好多特色自家製既cocktail可以點😝🔆Blue Sheet $108係以Chardonnay白酒 仲有Curacao藍橙酒調製而成再加上雪碧同菠蘿汁 飲落完全唔會太甜 帶微微既酒味所以整體都會比較容易入口👍🏻面頭放左荔枝做裝飾 藍黃色既漸變就好似去左海洋既感覺🥰🔆Ton Lai Cha $118呢杯係fusion cocktail😝😝 呢個名都拎左香港出名既奶茶黎命名用左Gin做底 加上紅茶 奶 玫瑰香味賣相已經還原度十足 個味道仲要都好似真正既奶茶咁啊！飲落真係以假亂真 好香奶味🥰最尾會有after taste 酒味係個陣先感受到仲有啲有酒味既奶茶珍珠🤣好過癮🔆雙重芝士薯條 $88飲酒當然唔少得送酒小食呢到既送酒小食整得相當出色！薯條熱辣辣新鮮炸起 一份既份量都好多幾個人share都夠哂！🤓 揀左雙重芝士 配埋熱辣辣溶左既芝士醬 個芝士係流質狀態 即使乾左都唔會係一

🎏西班牙海鮮拼盤 💰$148✨((煙三文魚 鯷魚 魚子醬 阿根廷黃金螺))每款都有塊多士係底 食到勁酸以為喺個醬點知原來喺條魚酸 勁開胃好好味🤤🤤黃金螺好鮮甜 爽口彈牙-🎏焗蠔/6pcs (Spicy) 💰$268✨大粒又香到不得鳥 襯熱食唔該上面啲辣椒喺真辣❗️ 第一粒成舊放入口 辣到癲咗後尾撩走哂先食 但都好惹味-🎏白酒辣椒蜆肉意粉 💰$198出面食意粉好驚太硬 呢到煮到岩岩好仲有彈牙口感白酒煮蜆永遠絕配 帶到蜆既鮮味-🎏火焰烤雞 💰$328✨呢隻"火"雞 店員會先係你面前點火 等佢燒下🔥燒完會拎番入廚房比師傅幫手切開由於啲皮燒過黎 食落好香脆雞肉都偏嫩 上面淋咗啲似喺BBQ燒烤醬 食落唔會太dry-🎏貂蟬 $148💰✨✨((Baileys, Grey Goose Vodka, Muscovado Mile Tea, Mochi))"寢宮"當然要有番啲特別cocktail襯托番個名古代4大美人 貂蟬 王昭君 西施 楊貴妃我唯一會嘗試含有咖啡既野就喺baileys😎見到貂蟬有baileys即刻話要飲baileys本來偏甜 但加上vodka就中和番再加埋奶茶 令杯野有酒味得黎又甜甜地 算

星期五收工約朋友去食個飯，飲返杯放鬆下，見個名幾得意，一於試下佢🤩雙重芝士薯條🍟 $88份量真心多😂 即叫即炸熱辣辣，炸到好香脆，面頭淋上咗芝士醬，啱晒邊飲酒邊食🍻黑松露意大利飯 $188黑松露味幾濃，口感creamy，意大利飯軟硬適中，入面有多菇類，粒粒都好大粒，增加咗口感，份量都幾多，2個人share食都夠飽😊烤豬肋骨配辣燒烤醬 $268有3條大大條嘅豬肋骨，燒到啱啱好，幾Juicy，肉質鬆軟，外層搽上微辣嘅燒烤醬，都算惹味😋側邊有原條燒菠蘿，酸酸甜甜中和返油膩感跟餐前菜仲有意大利巴馬火腿、煙三文魚，同幾香濃嘅黑松露忌廉蘑菇湯楊枝甘露 $118一上枱真係以為自己去咗糖水舖🤪 面頭有金箔，都幾多芒果肉同柚子肉，甜甜地，酒味比較突出，用匙羹飲酒，感覺幾特別🤣Blue Sheet $108好清新，荔枝味都重，偏甜，幾啱女仔飲😚呢度仲有桌球玩添，有得玩有得食有得飲，係時候約朋友Happy Hour啦🤣5粒為滿分味道 ⭐️⭐️⭐️性價比 ⭐️⭐️⭐️餐廳地點 ⭐️⭐️⭐️⭐️餐廳舒適度 ⭐️⭐️⭐️翻喫指數⭐️⭐️⭐️