寶福餐廳

营业中

休息中

牛池灣村一間不起眼小店，行過都未必知佢係邊。傳統家庭式經營，1964年開業，已過半世紀。寶福餐廳係碩果僅存，擁有「寮屋食物牌」食肆；主要客源係附近街坊生意，學生，山友。據聞2025年牛池灣村開始逐步清拆... 歲月不留痕？時代變遷，市區要重建，舊痕跡就要作取捨小店好vintage，光線充足，周邊都係歲月痕跡，牆上menu 每粒字由老闆親手寫上；諗好食咩，同太子仔落單，轉頭就口傳入廚房，身經百戰嘅老廚子就開工，呢種就係舊式嘅家庭經營模式特餐$31，我會解讀為 ”特別平嘅常餐”平平無奇，便宜，平凡...沙嗲唔係濃稠濃稠；薄薄牛肉片有點柴，麵底用嘅都係大光或者東和麵個類；多士奄列都係即叫即做；茶底可以，整體中規中矩；始終食嘅都係人情味，一份情懷，一個片段吧

網上話這間老店在不久將來應會消失，食評又唔太差，就來試下。其實都有在牛池灣村出入，但一直唔覺眼有這間餐廳，原來見到招牌要行落樓梯，一落就見到。入門見到的是六七十年代的裝修，地面舖紙皮石，二邊是木卡位，中間一張大長方枱，配紅A膠椅及好像以前小學生坐的木椅，牆身上是綠框圈著白底的木菜牌，所以來的話心中要有個預備。餐廳提無最基本的餐牐，A,B,C特餐31元，凍飲加1元，午餐是簡單碟頭飯，37蚊，送紅豆冰或冷熱飲品。價錢無話可說了吧！食品質素中等，我叫的餐有义燒公仔面配蛋治，三文治的包不錯，快鬆軟，义燒應是外面貨。同行叫左個蕃茄豬扒飯，豬扒亦正常，蕃茄不是營光色，應是現煮。無拍食物照，因為賣相是不吸引的。一路都有客人來，下單食物可任配，腸疍沙牛面加多塊雞扒、蕃茄牛飯煎隻疍，凍鴦走奶......，應該都是熟客。店連廚房就得4個人，落單都是叫入廚房，過了一會唔記得order左甚麼，又再講一次。桌上上手碗碟未收，就先坐下靜待有人得閒才收，食物過了十來分鐘未到也只是等著，食完就自己出柜枱講自己食了甚麼然後比現金。走時問伯伯舖頭開左幾耐，怕怕話1964年他十六歲就來這，下年是開舖六十年。問到可做到甚麼時

由細食到大，味道冇咩點變，一直都係傳統冰室嘅味道。常餐好好食，公司三文治都好好食，唔會太油，好足料。另外平時個哥仔都幾好人，由細睇到佢大。最推薦係佢個奄烈，世界級，價錢又適中。

今日早餐真喺要食飽啲，因為，與友人挑戰一下西貢嘅「蚺蛇尖」，講到明喺7、8級難度（10級為最難），而且，一行就要行足6、7個鐘。由於一早晌西貢碼頭巴士站等，所以，就無晌屋企食，去咗牛池灣食，正正出面就有小巴入西貢，時間好預啲。咁點解唔入到西貢先食？覺得一大朝早，裡面選擇少囉。事前晌網上搵搵，就搵到「寶福」，牛池灣龍池徑寮屋區之內，老茶記，好有「私竇」之感。餐廳其實離港鐵出口好近，不過，唔識就唔識，幸好之前都有睇過人家嘅食評，知道大概點走，加上「村口」有大大個招牌「引路」，一見到佢落樓梯就喺，唔使周圍搵。入到餐廳內，果然好有70年代嘅感覺，話晒佢始於1964（村口招牌寫住）。舊式時鐘、生意興隆大日曆、格仔地磚、牆上嘅手寫餐牌，都喺貨真價實嘅懷舊嘢。無詳細睇所有「餐牌」，主都喺睇睇早餐時段有咩揀，當中包括早餐ABC，以及特餐，定價非常相宜，都喺賣$28啫。C餐 $28諗住食飽啲，就揀C餐，其實，ABC三個餐都差唔多，揀咗之後，後而覺得特餐仲抵，有多士，有奄列，仲有個沙嗲牛肉麵。而C餐有份蛋治、沙嗲叉燒通及餐飲。沙嗲叉燒通茶記嘅沙嗲牛食得多，今次就喺沙嗲叉，個湯都OK，陣沙嗲味都幾香，幾片叉

論食店位置實際上的交通方便性，位於「牛池灣鄉」「龍池徑」和「龍翔道」旁邊的小型港式茶餐廳「寶福餐廳」營業時間偏短，未到下午五點就已經提早關門休息，加上沒有「牛腩飯」，所以不適合作為我晚餐的食店。如果不是透過「開飯喇」裡面，有關食店搜索功能的話，我根本不太可能會知道，有「寶福餐廳」這間早開早休息「牛池灣鄉」食店的存在。「寶福餐廳」店舖實際上對出的位置，其實就是「龍翔道」旁邊的巴士站，巴士站旁邊的位置，偏偏就是我乘搭專綫小巴的小巴站，如果我不是晚上想在「彩虹邨」享用晚餐的話，我結賬後早已乘坐小巴返回「西貢」了。不過，如果想在「彩虹」食一個平價的下午常餐的話，「寶福餐廳」未嘗不是一個理想選擇，大前提一定是要食客不介意，一邊看着餐廳裡面的電視新聞報導，一邊享用「常餐」。我點了一個包括「叉燒湯通粉」、「雞蛋三文治」跟飲品在內的「常餐」，飲品選擇了享用「凍奶茶」。「叉燒湯通粉」湯底給我感覺，很像是「雞湯」裡面的鮮鹹甜味。至於「叉燒」感覺則是現成，在燒臘店裡面購買的「叉燒」，幸好我光顧「寶福餐廳」時只是下午，所以「叉燒」實際口感仍然偏向軟腍，「叉燒」沒有隨著時間而風乾，口感沒有變硬。至於「叉燒湯通粉

再次幫襯 宝福茶餐廳 ……係茶餐廳唔係其他地方特餐 $28牛油多士 ~ 薄身脆口火腿奄列 ~ 沙嗲牛肉麵 ~ 沙嗲香濃 牛肉鮮味有啲咬口 醃冇過淋冇soda味咖啡 ~ 過濃 苦澀紅豆冰 ~ 過甜A餐 ~ $28 普通 多士+火腿煎旦+雪菜肉絲米+熱飲雪菜肉絲幾條 黑椒汁牛扒飯 + 奶茶 ~ $35打破咗鋸扒嘅認知 點解牛扒係碎上牛扒切得細細件 黑汁蓋過晒 睇唔倒牛肉件真身黑椒汁應該有少少辣 但呢個就太辣冇配菜 (見隔離枱碟飯 2件豬扒係冇碎上)西多士 ~ $15 1片方包薄身 較乾

牛池灣西村 之前飲茶經過 見有招牌“寶福餐廳“但又唔見門面所以專程去試試……寶福 聯想起 山 ……笑咗先要落樓梯窄窄地 左面就係茶餐廳樓梯暗 餐廳光猛 乾淨 舊式卡位開6:30am ~ 4pm星期日 休下午特餐~ $28 凍飲+1元沙嗲牛肉湯麵~ 沙嗲湯底香濃 麵多牛肉細細片幾片 鮮味 有啲咬口(應該冇用梳打粉哪過咁霉爛爛)多士~薄身 香脆 搽咗少少牛油火腿奄列~ 炒旦 & 幾條火腿條 香口肉醬意粉 + 飲品 ~ $35 唔推介呢個名稱較貼切“蕃茄牛肉碎燴意粉“份量唔多 意粉偏漲 淋身西多士~ $15 多士較薄身 牛油香 多士脆掛注食 忘記影相

如果唔熟牛池灣嘅話都好難會揾到呢度！比較偏避！感覺呢度環境好舊、連牆上面嘅餐牌都係木製！今日我叫左A餐轉腸仔蛋其實佢嘅食物質素唔可以話好、我只係覺得佢呢度嘅味道有屋企feel，奶茶就麻麻！呢度最特別嘅係餐飲轉紅豆冰唔洗加錢但最大問題係經常都好臭

某日我兩去左行扎山道，咁我地就去左尼邊既超級地道既地方搵食先再係彩虹行上去出發，於是去左仲要落一條樓梯先去到既寶福。仲係以前年代既裝修風格，超級懷舊vintage，食落又真係唔同d。去得尼d地方點少得就緊係常餐啦，仲要一定一定一定叫沙嗲牛啦緊係！味道都幾濃牛亦都入味好食，好滿足尼種懷舊既味道呀！而且仲可以有超多配搭咁叫真係街坊既茶餐廳先做到呀！

喺呢度食左超過五年，第一次黎食係坐附近既朋友帶我黎，之後黎開呢頭都會喺度食早餐/晏晝。一直都食開呢度既特餐，因為好平之餘仲好足料，沙嗲牛麵個沙嗲汁好濃，牛肉亦都好滑，大光麵都好彈牙。奄列入面有火腿條，切開仲有蛋汁，一流。配埋好脆既多士，再加埋杯凍奶茶或者凍啡真係冇得頂如果叫飯既，個人覺得雜排飯唔錯，配咩汁都ok，真係咩都有，亦都可以另外再加點更多既腸仔同雞翼我見過有人另加四隻飯比較黏身，似乎太多水，但都還可以

近來發現彩虹村有一間叫寳福茶餐廳，入面装修好懷舊，老闆好好人，好有人情味，加上D刀刀义义碟碟都洗得好乾淨，食得好放心，真係又平又好食，係一間值得去嘅茶餐廳，大家去開彩虹村或路經都可以去試下

事隔多年，我又回來這一間位於牛池灣村內的隱世茶餐廳了。說真，牛池灣這一條市區鄉村，可以說，在內的一切都是隱世的，之不過，這一次的回來再拜訪的餐廳，算是隱世中之隱世，因，這店不是位於人流甚多的街市範圍，由街市出發又好，在龍翔道找又好，這一家名叫《寶福餐廳》的食肆，的確是不好找。上一次，我由龍翔道那一邊入，這一次，我就試下由街市的一邊入。本以為好難搵，但原來路途中是充滿著指示牌的。當我一行出街市，就會見到這一個方向牌，叫大家跟箭咀方向走。過了路牌，就要走入鐵皮屋了，轉錯了方向你就會一直會向慈雲山方向走。再行入去那黑暗的走廊，抬起頭一看，《寶福餐廳》四個大字就在你眼前，亦即代表，我離目的地不遠。行多一至兩個舖位，《寶福餐廳》就會在眼前。由於可以說是位於地庫，這一家餐廳是長時間地燈火通明的，如沒有燈、沒有電，大家就可以回想一下當年在寮屋區及九龍城寨的生活了。早上，算是人多，我只拿了一個比較少人的角度去拍，卡位是坐滿的。當中，雖不缺乏老街坊，但我發現，在附近大型基建項目地盤工作的工友更多。此餐廳，位於古老的寮屋村，所以內內外外都帶著其獨有的古早味。現時在香港，要尋找這樣風味的茶餐廳，我只想起茶果

早前陳真兄向我介紹過，近牛池灣有一間隱世餐廳，名叫寶福，我笑說：寶福山開到去牛池灣？非也，這只是一間茶餐廳，但價錢是非常便宜，一個碟頭飯，連紅豆冰，只是＄22。粟米豬扒飯，粒粒粟米香甜飽滿，豬扒鬆化，還包一杯紅豆冰，真的抵到爛。早餐都是買些例牌貨，水準也不錯，都是那一句：這個價錢，不能太過苛求了。

諗住去西貢hea一日, 約左女友係彩虹等, 去之前肚餓就係openrice search下, 見到介紹一間野近地鐵站兼平, 就決定去試下.去到時位坐左七成左右啦, 冷氣機壞左, 好彩近排天氣都算涼返d.佢既價錢真係好平, 只需$23蚊就有一碟飯加一杯紅豆冰.我叫左沙嗲什排飯, 我覺得d汁幾好食, 係d肉比較少, 隻蛋都滿意.女友就叫左豬排蛋出前一丁, 但豬排賣哂就轉左雞排, 佢都覺得滿意杯紅豆丁好足料, 大大豆, 有半杯係豆可能星期日既關係, 比較少人, d野都好快黎到, 而且都坐得ok舒服, 間鋪既感覺真係好old, 值得支持同保留最後結賑只需$43蚊兩個人, 抵!!!店裏既人都好nice, 佢地同客人都有講有笑.

近年物價不斷漲, 閒閒地普通食一個飯盒也要三十多元.不過有心找的話, 香港仍有不少良心小店堅持平靚正來服務一眾街坊/食客.今天來到牛池灣, 聽說這裡有一家小店居然仍在做廿蚊出頭的碟頭飯另送紅豆冰!!聽起來也不大相信, 所以決定要親身走一趟來驗證一下.店子著實不太好找, 從未去過牛池灣的我, 出了地鐵走進去牛池灣街市, 轉來轉去也找不到, 突然記得朋友說過在垃圾站隔離便一直再向前走, 不到10分鐘, 找到了牛池灣垃圾站,果然旁邊就有一個大牌寫著寶福餐廳.記得童年時大約5,6歲吧, 每次去鑽石山探外婆時, 都會經過一堆鐵皮屋, 今天走到這裡, 仿忽重回舊地一樣, 不禁又令我腦海中懷緬一番.走進餐廳, 很有早幾十年茶記風味, 無論是桌子坐椅都仍是用舊式的, 差點以為我時光倒流回到過去.餐牌就沒有了, 看看周圍貼在墙上的餐紙~沒有眼花, 確實是$23一碟的飯還會送紅豆冰呢!!!不過這個時間我又沒胃口一個人吃光一碟飯, 而且侍應哥哥也說紅豆冰又賣完了, 唯有試試快餐快餐也是比外邊便宜得多, HKD$20還包一杯熱飲.先來的是沙爹牛肉面沙爹味道很薄, 牛肉不算嫩滑但仍可接受. 面有點少. 普普通通