小房子 (已搬遷) 新店位置

環境OK，食物味道唔錯，但標價太價，所謂”誠實鰻魚飯” 賣$98，但只有大拳頭少少嘅size，完全唔會飽。豆腐芝士蛋糕賣$50,味道一般，不過不失。餐廳有2隻貓，適合愛貓之人。

熱鬧的旺角中,有這樣的小店實在是很不錯!和好朋友相約到小房子,本身無多大期望,純粹因為就腳。到達時見到都頗多人,幸好人們都自律不會太嘈吵。我和朋友選擇了近窗的位置,較隱蔽傾計較容易。我們各人都點了三文魚泡飯,然後一起share 花茶和水信玄餅。先說說三文魚泡飯,我覺得很有日式的風味。因為本人對日本菜大有好感,它的湯有漬物的味道,所以我覺得好食!而不得不讚是跟餐的泡茶,很清香很解喝!第一次食水信玄餅,被它的外表吸引了。味道我覺得不過不失,像jelly.而洛神花茶對我來說太酸澀,下次可以點其他。店子裡有可愛的貓貓☺️整體來說,是很不錯的消閑好地方!😊會再來!

本來好期待呢間文青cafe，希望同朋友上黎食啲野放鬆一下，但失望了。一入門口就有店員問我地幾個人，我地講左三個人，佢帶我地入去就話隨便坐，係有幾張空枱，但全部都係得兩個位...我地三人企定定係度，店員都冇理我地，最後係咁岩有人走我地先有位。（店員麻煩帶位，搵位唔係客人做）餐牌唔寫價錢，要行去點餐先知，唔方便。而且之後要客人自己取餐，仲要逐樣逐樣拎，要不時聽住櫃枱嗌飛「10號杯茶拎得」、「6號個蛋糕攞得」，嘈過水吧。食物勁貴！勁貴！雖然預左cafe坐得耐啲收貴啲都正常。三文魚茶漬飯set 92都過得去，雖然上茶時漏左兩杯茶...但整體味道還好。但豆腐芝士蛋糕小小一件竟然要50蚊，豆腐味不錯，但口感太粗糙，好「杰」。水信玄餅都要50蚊，似山楂味，加了黑糖，酸酸甜甜，口感與軟身的jelly/海燕窩無異。最後星期六下午非常多客人，見到有人係入面不斷轉地方影相打卡，東坐下西坐下，完全冇騰空間給外面等待的客人。建議繁忙時段設用餐時間。最後，貓貓🐱好可愛，環境優美，但太多人喇，千萬唔好星期六日黎。

週末出旺角行街，行到就腳斷既時候決定搵間cafe坐一坐，回一回氣。小房子名氣大，但一直未去過，所以決定去下。由於滿座既關係，店員安排我地坐近門口既位置。由於唔係好肚餓，所以只叫了玄餅同叫左杯是日花茶。玄餅小房子當初係因為呢個玄餅成名，細細粒好似啫喱咁，中間有朵花係入面，隔離附上一個細細杯既黑糖漿。玄餅口感都似啫喱，爽口。味道有小小酸酸地。黑糖漿味道除左甜之外仲有小小苦澀味。是日花茶有薰衣草、迷迭香、菊花係入面。入口係好濃菊花味，飲落之後就會有小小迷迭香味出翻黎，都幾夾，唔會好奇怪。花茶係屬於唔甜個種，岩曬我呢d唔鍾意食甜既人。店內有三隻貓貓，性格溫馴，唔洗怕佢地會抓人。見住d貓貓周圍走又互相打鬧下咁心情都自然好。總括黎講，週末店內人數比較多，所以會比較熱鬧。如果想靜靜地上下網做野可能未必岩你。但如果你行街行到累想搵地方坐下，傾下計，玩下貓，小房子位置方便，都會幾適合你。

最近有點迷上了「文青」cafe試過了幾間，今次的小房子給我與其他cafe最不同的印象的，是這裡沒有「磨爛蓆」的客人沒有最低消費限制也沒有設定用餐時間，但大家都是用過餐後，聊一會逗一會貓就離開，因而令我和朋友在星期日晚只能walk in的情況下也馬上能入座，實在令我十分驚訝食物和飲料的選擇不多，有些食物也很簡單，不過味道還不錯光顧當天唯二的主食明太子＆三文魚泡飯餐牌有寫是麵豉湯的但喝不出來碗是家裡裝飯的那種碗，可想而知分量並不多明太子味道固然較突出，三文魚也意料中的平穩是不過不失令人覺得自己也做得到出來的餐點蕉蕉蕉多士(中間肯定漏掉了甚麼字) 由面至底組成：香蕉＞朱古力醬＞花生醬＞厚多士個人認為不放花生醬會較好，不過朋友們似乎大讚有花生醬w 果然是各花入各眼不錯吃但依然覺得自己也做得到豆腐芝士蛋糕要說讓我會再光顧的，就是這片蛋糕了這個我真的做不出來wwwwww豆腐和芝士味都挺突出的感覺很神奇在照片拍不到的那一邊其實是有抹茶醬(?) 的，沒有吃到但想來應該會夾玫瑰桂花烏龍茶好喝，就是喝到後來一嘴裡都是花瓣w在這裡，食物倒是其次，貓才是主角吧貓貓也是很會逗人的，極度懷疑牠們是在演戲www(如

在旺角逛完街後，要找一個舒適的地方稍作休息，「小房子」是個不錯的選擇。記得當初知道有這個地方的時候，就是被那幾個小主人吸引著，對住這麼可愛的生物，當然是毫無抵抗能力，只是一直沒機會上來。( 之後有一次到來，發現店內坐滿客人，只好靜靜離去) 這次是平日的一個下午，終於找到一個靠窗的位置坐下，享用它們家的小點。…👉🏿肉丸脆脆冷麵配明太子沙津冷麵上灑上不知名的紅色脆脆，甜甜的，感覺挺新奇。…👉🏿豆腐芝士蛋糕豆腐與芝士的味道都是淡淡的，配上穀物，不會太甜膩。相信平日不太喜愛甜點的，也可一試。但若果期望有香濃豆腐芝士味的，恐怕會叫人失望了。…👉🏿玫瑰洛神花茶👉🏿金盞花烏龍茶 這裡的花茶味道不錯，跟室内的乾花佈置以及木品家飾簡直是絕配。還有的是，三個小主人們全都超級好客，她們會靜靜的在你或妳的身旁坐下，陪你渡過一個悠然自得的下午。

早有聽聞小房子呢間餐廳因為佢地嘅social media marketing做得唔錯。未去已經有好高嘅期望，因為睇相佢地嘅裝修好靚😂 又有乾花元素，岩晒去影呃like相。但係老實講去到真係同相都幾大落差，樓上舖面積對比起相入邊影出黎嘅效果都差幾多，而且乾花都只不過係係一個角落擺左d。野食方面，其實係冇乜嘢食🤣 睇到當日餐牌我同fd係即場靜左，得個沙律但係百幾蚊食兜菜，好似太誇張。甜品同飲品都係50幾蚊，真係唔抵。唯一加分可能係環境幾靜，可以傾下計，同埋有貓貓玩～ 店員服務態度都好好。不過叫佢做餐廳，不如話係茶室更貼切

入到去個menu無寫幾錢，落單order兩個人叫左一個salad，一杯凍烏龍茶，同一個三文魚茶漬飯餐，要$230但唔飽，份糧超細，味道一般。然後個店主一直將隻貓抱去招呼客人，但佢係超唔願意跑走好多次，個店主無理過貓貓嘅感受一次又一次抬佢去接客，客人唔知到就一直拉又抱住貓貓玩，但好明顯隻貓係想推開走人但店主唔俾，完全feel到佢為賺錢可以去到幾盡。真心覺得大把cafe好過佢，如果為環境去都無乜所謂，但其他野伏味勁濃。

銅鑼灣其實有一間分店，專買花以及手工製造嘅衣服。旺角這間分店叫做「小房子」🏠。自己都去過10幾間唔同嘅樓上cafe，但係冇一間好似小房子咁樣，可以給顧客帶來咁安靜、放鬆嘅心情。整間餐廳，以「花」🌸及「urban」🏙為主題，坐咗一陣，你會開始覺得唔想走，想留喺鋪頭成個晚上🤗。店舖嘅經營都係與別不同，基本上呢甚至可以帶其他飲品入嚟坐低，亦都唔會有最低消費。但係如果你選擇叫一杯餐廳特飲或者食物，你都會收到一個與別不同嘅享受。餐廳有一個書櫃，歡迎客人免費借閱，我咁鍾意食嘢，當然係睇食譜啦。餐廳嘅客人，大多數以年輕女性為主，每一位打扮都好有心思，斯文而且有濃厚書卷氣息。有些人為了休閑🎊、有些人為了讀書📖、有一些為了聊天👩‍❤️‍💋‍👩，甚至有一些人是為了過來玩貓貓🐱。飲品方面，基本上以花茶、水果茶為主。青檸檬薄荷薑茶🍵另外有蜂蜜🍯，份量是自己按喜好加入，收到茶之後，記得要蓋上，放大概5至10分鐘，等裏面材料🍋🍃，慢慢味道散發出來。薄荷蜜桃梳打🍹

約咗朋友~但佢又未到喎~所以就上咗小房子Hea吓喇~之前一直都想試吓佢架喇~但佢啲餐太細了....食晚餐係唔夠飽架~我同朋友決定揀甜品食住等未到嘅朋友一入去就見到兩隻肥貓好hea咁喺門口訓不過我哋要入去自己搵位~佢唔不限你坐幾耐,又不限定你要叫嘢食飲嘢~(當日我仲見到有人自己帶咗杯出面買嘅嘢飲入嚟飲)但入到去,你都唔好意思唔叫啦~但真係坐幾耐都無問題(個人覺得)店員都係叫你自己搵位~好隨意咁叫你自己有位就坐啦~我一早就諗好食咩架喇~呢個豆腐芝士蛋糕真係幾好味~而朋友就揀咗....我都唔知叫咩名~但好靚佢仲飲埋嘢~不過朋友話杯嘢勁熱~放咗好耐先飲到之後嚟嘅朋友都買咗杯嘢飲~又係熱到無朋友~佢話幾好飲~期間啲貓貓有周圍行引人注意~就咁樣~我哋就hea咗差唔多2個鐘(好似)雖然逼啲~但時間過得好快~係一個等人嘅好地方

記得好耐之前想同朋友high個tea 之後甘啱樓下經過望上去 幾特別 就上佐去 果時系舊鋪 未搬新鋪不過太full 又無限時 又太餓 於是就冇等落去 影咗幾張相就走了。😢兩個月前嘅新鋪同堂姐上到去 可能太晏 9點幾 已經last order佐又冇得入 於是又走了～😫直至今次 閑日 收工即刻同朋友過嚟 上去15分鐘前打佐個電話問有冇位 好彩仲有。😆入到嚟環境幾舒服的 揀佐個近窗邊嘅位 有隻貓咪系地下行嚟行去 有幾隻就瞓佐系凳到😽 好可愛。然後岀去嗌嘢食，嗌佐個拉麵沙津餐🍜，豆腐芝士蛋糕🍰同一壺玫瑰洛神花熱茶。拉麵餐嘅肉丸🍡有點普通，脆脆就幾特別幾有咬口，不過拉麵太淋又太碎。沙津份量就有點少，覺得這個餐的價錢有點兒貴。🥗另外豆腐芝士蛋糕不錯的，幾入味。而茶就會有蜜糖俾你自己去溝埋一齊，如果唔溝就會有啲難入口。🍵最後，整體來說環境不錯幾舒服 不過啲凳就睇你揀邊張坐haha。如果要同朋友吹吓水又鍾意貓咪 可以考慮上嚟呢度 不過吾好預啲嘢食分量多喔🤪

旺角文青打卡熱點小房子搬家，感覺上空間大左光猛左，依舊有一束束既乾花放係度俾大家睇同揀，環境岩哂過一日Hea週末。成個環境都依然係好文青，除左有好多乾花，仲有大大個書櫃係度，一路食野一路睇，仲有燈用上左雀籠設計超有特色。用上左木系家俬感覺白然，有長枱位有梳化位有地台位任君選擇，因為只係供應好簡單既野食，用左Open Kitchen都唔會有咩味，而新店幾面都係玻璃感覺光猛左，仲有唔少花草點綴，最可愛既當然係主子喇，你睇下佢個懶樣。只係去食個下午茶，所以叫左個Light啲既《豆腐芝士蛋糕》($50)，配上左抹茶醬同埋穀物一齊食，質感較為黏身，芝士同豆腐味都淡淡地好清新。食蛋糕就要配茶《玫瑰桂花烏龍茶》($56)，用左好特別既茶壼，茶壼茶杯二合為一，拎起中間個隔就可以飲得，花茶都幾多料飲落幾香玫瑰味。店名：小房子地址：旺角西洋菜南街4號昌記大廈2樓C室餐牌:

同男朋友約左朋友一齊食飯 見未到約定時間就決定去小房子度坐下先我地已經唔係第一次泥 只係之前一至五冇食物供應今次假日去終於試到野食呢個咁靚既就係白桃草莓凍（HKD60)啫喱係好香既白桃味 唔會太甜 底部有草莓粒但係小房子係唔會趕人走 可以安心咁坐所以其實個價錢都算合理呢度既環境真係好舒服 仲有兩隻可愛既貓貓走來走去陪你玩之前一至五佢採取自己決定俾幾錢既方法去提供一個舒服既地方俾大家所以希望大家如果去到既話都多多支持下泥啲愈泥愈少既小店

其實小房子都開左頗長時間，但一直未有機會踏足，咁岩上星期約左朋友又唔知去邊好，不如就去小房子啦? 由於係週末嘅關係，下午去到都要排左陣隊先有得入去。小房子環境比想像中細，掛滿不少植物，加上木枱、木椅、書架等充滿文青感嘅擺設，加上店內有貓貓，感覺悠閒。餐廳係以自助形式落單，之後店員會送上食物。不過食物皇類不多，飲品方面都以茶/梳打為主，沒有咖啡。食物方面，叫左三色小飯團，味道分別為明太子，櫻花梅子同三文魚，另外免費加配溏心蛋同沙津($78)。菜式外貌用作影相一流，但食落感覺其實都相當"頹".. 😐尤其係明太子果舊飯團，只係一舊飯加上左個紫菜喺外面，同明太子係上面，連塊紫菜都變淋...☹️只有三文魚味道係正常水準。另外溏心蛋的確係拿掐得岩岩好，但另外個配菜沙律又係感覺有啲頹，好似只係啲紫菜加芽菜。櫻花水信玄餅($48)賣相精美，但食落其實同普通啫喱無異，甚或比一般啫喱淡😕，只係配以黑糖槳搭救。幸好，飲品方面玫瑰桂花烏龍茶($48)味道不錯，桂花同玫瑰都各有香味，但又唔會搶過對方風頭，而加上烏龍茶就岩岩好。☝🏻整體嚟講就係比錢買個食物嘅賣相同餐廳嘅環境，但有啲客人都其實要搭枱坐，應該不會再去了

小房子位於旺角鬧市中央，卻毫無繁華都市的痕跡，反而有一種恬靜的感覺。進入小房子前，店員先幫我們辦會員證，需提供名字及電話號碼。然後，店員會為我們安排入座，主要分為地台、高枱、沙發及一般的座位。至於點餐方面，小房子現在採用全自助的方式。首先，到櫃台點餐，餐點沒有設定價格，付多少由我們自己決定，不過還是可以參考舊餐牌的價格。然後，店員會給你一個號碼牌，等領餐。我們選了一份三文魚茶澮飯，分量較少。店員建議我們先食紫薯，再將茶倒進碗內，與飯攪渾，即可進食。味道中規中矩。至於甜品，我們選擇了豆腐芝士蛋糕，有淡淡豆腐香，芝士味不怕太重、太膩，恰到好處，值得推薦！小房子內還有三隻貓咪，貓奴絕不可錯過。旁邊亦有乾花、書架等，供人閱讀。