小神燈新派飯館 (已結業)

本身想去西貢嗰邊食海鮮，不過天氣太凍，見到附近有一間好多街坊都幫襯嘅餐廳，口碑都唔錯，就決定入去試一試。🛎爆膏奶油蝦 $138呢碟餸用咗出名多膏嘅大頭蝦，啲膏係誇張到一剝個蝦頭就流曬出黎，結果都忍唔住叫咗個白飯去撈汁食。佢唔止個頭大，身嗰度都好多肉，而且用奶油炒得一流，好耐都冇食過咁好食嘅炒蝦。🛎沙薑焗海花螺 $128首先啲海螺揀得好好，冇砂石冇腥味，肉質亦都好肥美。沙薑汁翼都調到恰到好處，少少辣味醒胃之餘，亦都可以帶出海鮮嘅鮮味。🛎椒鹽瀨尿蝦 $168呢度餸可以話係好經典嘅海鮮，好容易就會同其他餐廳作出比較。雖然呢度嘅瀨尿蝦唔算最大隻，但係每隻都好新鮮，外殼十分之薄亦都炸到十分之鬆脆，啱曬鍾意連殼食嘅朋友。🛎金沙鬼馬百花釀油條 $98如果要作一個比喻，呢個就好似係一個中式蝦多士。油炸鬼上面釀滿咗煙韌彈牙嘅蝦滑，外面再鋪上一層香濃嘅鹹蛋黃金沙，口感豐富之餘亦都充滿蛋黃香味，鍾意鹹蛋黃嘅朋友一定唔可以錯過。🛎蟹肉菠菜豆腐盒 $128自家製嘅豆腐混入咗菠菜造成嘅豆腐盒，然後將外皮炸到金黃色，口感外脆內軟。最令人驚喜係個芡汁，用料十足，係見到入面有大量嘅蟹肉同蟹子，好似食緊賽螃蟹咁樣。香炸豆

今日嚟到位於調景嶺嘅哩間懷舊港式餐廳。餐廳環境勁有特色，行懷舊大排檔風格，勁多70-80年代嘅佈置，超適合打卡📸餐廳而家推出咗小神燈一周年期間限定秘製餐牌，逢星期一至星期五先有架～🍵晚市茗茶 $13/位🔺餐前小食（醃蘿蔔） $15/碟🔸爆膏奶油蝦 $138哩個真係不得了❗️啲蝦勁大隻，而且蝦頭係滿滿嘅蝦膏，好香，送飯一流，而蝦肉爽彈，非常新鮮，帶有奶油香，絕對係好食推介👍🏻🔸椒鹽瀬尿蝦 $168瀨尿蝦被椒鹽覆蓋住，調味相當出色，食落鹹香惹味，令人忍唔住一隻接一隻咁食，亦食得出非常新鮮，同樣係好食推介👍🏻🔸金沙鬼馬百花釀油條 $98油炸鬼被鹹蛋黃包裹住，入口係滿滿嘅鹹蛋黃蛋香，油條炸得香脆，夠晒香口～🔸沙薑焗海花螺 $128絕對係一道出色嘅送酒小食，沙薑味道好突出，而海花螺肉質爽彈，亦夠晒新鮮，店員仲好細心地提供竹籤～🔸蒜蓉粉絲蒸元貝 $128元貝全部都大大隻，而且非常新鮮，上面加上粉絲、蒜蓉同蔥花，真係絕配，我自己就好鍾意拎啲粉絲嚟送飯，真係一流😆

呢間嘢真係好唔掂，食過佐敦嗰間總店，將軍澳咁近咁方便開一間就去試吓，始終有總店嘅名氣。但實在令人太失望，叫咗一個蔥蒜水晶雞，水煮蜆，豉汁陳皮蒸鱔，啫啫芥蘭煲，白灼牛三寶，哈哈哈哈哈大笑炒飯，兩個楊枝甘露，一個草莓布甸及一個椰汁椰果爆珠仙草，就已經$1000。喺調景嶺屋村商場食個飯要收呢個錢，好有期望，但係食物質素超出預期差。 食物賣相唔吸引，送到枱唔夠熱，味道一般。唔知喺香港經濟差做唔起夜市，定係食肆都唔想做夜市，啲嘢未食完就問要唔要想收碟，啲嘢未嚟齊就問使唔使買咗單先， 9:30走冇晒人。個場設計好有懷舊風情又如何，食唔到人情味，食唔到懷舊嘅味道，仲要咁貴，想點？咁樣做落去做壞總店個名。

【西貢區】【小神燈新派飯館】經過呢頭都好幾次，但係一直都冇機會入去食嘢，今次終於的起心肝、鼓起勇氣入去食嘢。一向存在感都極低嘅我，見到係 QR Code 落單就心情舒暢，但係飲茶嚟講冇人幫手開茶位都係證明到我確實係存在感低，唔係亂吹。仲睇緊 menu 時突然進入下午茶時段，攪到我都措手不及，不過重新快速擬定作戰方略都係我嘅強項嚟。所以各 $13.8 嘅「經典魚翅餃」同「家鄉鹹水角」就係因此而叫嘅嘢，味道正常但幾抵食，十零蚊碟點心仲去邊度搵呀。之後到 $28 嘅「懷舊棉花雞」，近年雞扎少咗落魚肚之後唔錯嘅替代選擇，好味。而 $29 嘅「小神燈蝦餃」就好普通，可叫可不叫。仲叫咗 $29 嘅「懷舊瑤柱灌湯餃」，呢個要自己飲茶先敢叫，費事要人夾錢，味道都可以嘅。跟住 $25 嘅「懷舊麻蓉包」都係近年少咗茶樓整嘅點心嚟，幾好。下午茶茶位 $10 一位，我叫咗壽眉，好飲。呢度係有加一嘅，不過由於係下午茶時段，我一條友食咁多嘢都只係 $164 落樓，我覺得一啲都唔貴呀，幾抵添。。。（地址：將軍澳調景嶺彩明街1號彩明商場2樓251-252號舖）#1amfoodie #foodie #hkfoodie

食咗個套餐 249 難食到反胃🤢個套餐有蝦多士，菠菜蟹肉豆腐本身茶位收15，前菜再收10幾，仲要收服務費22，唔覺得自己被服務，收到咁貴，你估我發咗達咩🤣😂本身見冇人，但有幾多好評，都去試一試，點知試咗個伏😂😂😂😂蝦多士：啲蝦本身唔係好彈牙，但係又唔可以話佢死蝦😂塊多士好難食，油浸多士，塊多士俾啲油浸死咗，好大浸油益味🤢🤢🤢🤢，食第一啖已經feel到嗰啲油喺個口度要滴出嚟，勁反胃。🤮🤮🤮🤮用前菜啲醃蘿蔔夾住食，先食到少少😮‍💨，但係本身醃蘿蔔啲味都唔係特別好食，只不過其他嘢太難食，顯得佢好似還好。😑菠菜蟹肉豆腐：件豆腐蓋過咗所有汁，完全食唔到啲汁嘅味，但本身舊豆腐好難食，所以導致成碟餸都好難食🤮可能係個人口味，不能作準😆😆最好味:普洱茶講真嗰句，連啲茶都唔好味真係可以執笠😅好彩啲茶係正常，如果唔係真係我會俾錢😒優點：可以唔使等位，因為根本冇人，趕時間可以即刻去食😜

小神燈新派飯館💡@lanterngarden.jr有別於一般嘅酒樓，以老香港風格為設計主題📟 戲院燈箱打卡位以二次創作嘅港產電影劇集 meme為海報menu，配上戲院嘅配色、懷舊小燈泡💡同綠白階磚，甚至大排檔嘅木枱摺櫈🪑同復古大花圖案嘅水壺🌺 充滿潮流玩味感，香港人實有共鳴🇭🇰精采一人前🕺🏼最抵食一定係只限weekdays午餐時段供應嘅一人套餐🗓️ 免茶錢加一，一個價錢$68，前菜，點心，主食同甜品4樣各選一🍀椒鹽烏賊裙邊｜脆皮燒腩仔☄️兩款前菜都揀咗炸物🔥 椒鹽鮮食得多，烏賊裙邊嘅口感更彈牙🦑 加埋粒粒炸蒜，金黃惹味🧄 燒腩仔層皮脆卜卜，瘦肉脂肪比例平均，油香十足🥓蟹籽燒賣皇｜流沙奶黃包🌕最貴嘅蝦餃都有得揀架🤑 但一粒實唔夠，所以直接嗌咗一籠🤣小神燈蝦餃🦐雪山焗叉燒包🗻散叫嘅兩款點心就要收返加一服務費🫢瑤柱蛋白炒飯｜頭抽黑豚肉炒河粉🍛主食炒飯炒麵份量好足，又夠鑊氣，熱辣辣上枱🧨 河粉同飯粒分明，頭抽炒河個醬汁仲甜甜地，色澤均匀🟫焦糖西米焗布甸｜3.6牛乳布甸🍮講到懷舊，除左裝修之外，點少得買少見少嘅懷舊甜品 - 西米焗布甸，西米煮得晶凝又分明，啖啖奶香🍼

同老友開餐，佢話想食#小神燈新派菜館 ，喜歡佢地嘅食物有特式，價錢都親民, 於是一早就book左位今晚食☺️。首先點左開胃前菜 , 沙薑焗海花螺,沙薑味道剛好唔會好咸，花螺亦爽彈，口感不錯。爆膏奶油蝦，奶油蝦第一次吃，入口有濃香的味道，咬開脆口的蝦殼後，就食蝦頭爆膏的鮮味，蝦肉彈性夠亦爽口，真可以唔停口啊。椒鹽瀬尿蝦，椒鹽味濃郁惹味，每隻蝦都有咸香味，肉嫩的食得很惹味。金沙鬼馬百花釀油條, 炸得個皮好香脆，肉質不會乾身，中間帶點軟淋蝦餅，美味可口。蝦蝦笑抄飯，面頭鋪滿了櫻花蝦，有幾隻大隻的鮮蝦，與脆內瓜、蛋絲跟蔥一粉，飯燈分別最後食埋美味糖水, 同老友都十分之滿意。

🎀調景嶺。中式特色裝潢•吃盡滋味各類海鮮小菜🦀🦐🎀🪄店名* #小神燈新派飯館🔮地址*將軍澳調景嶺彩明街1號彩明商場2樓251-252號舖 🔮🗾分店地區🗾 沒有分店💰價錢$866 已加一 (2人)➖➖➖➖➖➖➖➖➖➖➖➖➖想睇更多同區推介👉地區搜尋🔍🗾#pickyme_調景嶺剩系食呢一類👉食物類型搜尋🔍🍜#pickyme_中菜#pickyme_海鮮➖➖➖➖➖➖➖➖➖➖➖➖➖🎵餐廳環境🎵長途跋涉第一次去將軍澳區覓食 車程大約兩小時去到調景嶺商場見到呢間超具特色既中式餐館😎同埋仲要系接近滿座 忍唔住吸引左我去試下！餐廳裝潢走懷舊風為主 見到有好多舊式香港既裝飾品 例如店面以綠色鐵皮攤檔設計 內裡分開左兩個區域 一邊系好似大排檔裝修 天花有街市紅色燈飾 而中間就系大枱為主 比較豪華設計 更有卡位好似舊式課室 好特別😆而牆身仲有手寫餐牌 霓虹燈等唔講以為自己穿越左去舊年代 整體場面都係好熱鬧🔥🍽️食物質素🍽️今次主要食海鮮為主 但係呢一間餐廳入面都各具特色 餐牌亦都好清晰 分開各個類別 除左有海鮮,小炒,豬肉製品,炒粉麵等 每一樣都好少見 夠曬獨特 然後佢地既餐具茶具都夠懷舊！最正啊餐前小食都唔馬虎

朋友搬屋邀請我過去參觀，夜晚順帶我去＂小神燈＂食飯。小神燈新派飯館以香港獨有的大排檔作靈感，主打傳統工藝粵菜精髓。入到去已經俾佢嘅環境所吸引，裝潢上配搭鐵皮攤檔、街市吊燈以及電車卡位區等，打造老香港情懷，就連茶壺、熱水壺都充滿兒時嘅回憶！黎到見到佢個一周年晚餐菜單，款款海鮮特別吸引，而且Menu令人眼花撩亂。先來個爆膏奶油蝦，入口有濃郁嘅奶油香味，真係隻隻爆膏，蝦肉爽口彈牙。再來個屋企比較少煮嘅椒鹽瀨尿蝦，一上台即刻聞到好香嘅炸蒜味，肉質鮮甜微辣，好鬼惹味，送生啤一流！朋友就揀咗金沙鬼馬百花釀油條，呢款小食係用上鹹蛋黃，釀入蝦滑同埋油炸鬼製作而成，口感豐富多層次，非常香口。最後一款海鮮揀咗沙薑焗海花螺，花螺鮮甜爽口，入口無沙，沙薑味濃，值得推薦俾各位！食咗咁多惹味餸，飯桶都係要叫返個哈哈大笑炒飯！米飯粒粒金黃，炒得好香好有鑊氣，加入咗翠玉瓜、大蝦、櫻花蝦乾，整個份量適合三個人分享添。

係神燈海鮮酒家既姊妹店！主做港式大排檔食物 ，幾多選擇～裝修就有懷舊九十年代風，綠色係主色～🔶爆膏奶油蝦蝦頭好多膏！一份大概有7-8隻大蝦左右🔶上湯焗美國龍蝦伊面調味都比較濃，岩重口味人士😆🔶金沙鬼馬百花釀油條咸蛋黃味好香😍佢既層次都幾豐富，最外層係咸蛋黃，入一層係油條，最入就係蝦膠～食完一舊又想食另一舊！🔶沙薑焗海花螺沙薑螺係第一次食😆都幾新穎！🔶京都骨入面既肉好林～好易進食冇乜骨位🔶淮山貓耳泡菜 食落好舒服～好清腸胃咁!

❤️‍🔥❤️‍🔥❤️‍🔥一講到大排檔就會聯想到充滿鑊氣嘅爆炒小菜同埋熱鬧嘅餐廳環境，有冇諗過喺商場入邊都可以食到大排檔？將軍澳彩明商場就有一間啦！餐廳用紅色吊燈，綠色鐵閘，橙色膠折凳打造懷舊港式裝修風格，有種穿越到六七十年代嘅錯覺😆餐牌上有好多新派粵式菜式，睇落全部都好好食，特別係海鮮類菜式，齋睇個名就已經流口水🤤👅椒鹽瀨尿蝦瀨尿蝦唔係話好大隻，但係每一隻都超多肉！油炸之後嘅瀨尿蝦表面乾身，但蝦肉仍然可以保持鮮甜多汁，仲用咗勁多炸蒜同埋少少辣椒一齊爆炒，未食都聞到惹火香味！👅爆膏奶油蝦菜式個名一啲都冇改錯，隻隻大頭蝦都爆多膏，仲好有心機幫你開埋背剔除蝦線，可以放心食用！奶油香味令到蝦嘅鮮味更加突出，蝦肉爽口彈牙，重口味嘅煮法都掩蓋唔到佢本身嘅鮮味！👅金沙鬼馬百花釀油條鬼馬油炸鬼就已經好邪惡，加埋鹹蛋黃醬就更加邪惡！表面被金黃色噶鹹蛋黃醬包裹住，一啖食落去個口腔瞬間充滿鹹蛋黃噶鹹香味，邪惡但都忍唔住食多幾嚿🫣👅沙薑焗海花螺原來花螺同沙姜可以咁夾噶！沙姜嘅香辛味辟走花螺嘅腥味，濃稠噶沙姜汁滲曬入花螺裏面，入曬味！螺肉好結實有嚼口，好過癮！👅紅燒羊腩煲天氣漸涼唔食羊腩煲補下身點得㗎？！古法炮製嘅羊

「小神燈新派飯館」以香港大排檔作設計靈感💈🚃新潮懷舊感☺️.糯米炒膏蟹🦀選用泰國糯米真正生炒而成🇹🇭飯粒完整煙韌🍚配以本地咸淡水膏蟹🌊啖啖甘香蟹膏同鮮甜蟹肉😋非常滋味👍🏻.蔥蒜水晶雞(半隻)🐓選用走地三黃雞🇭🇰用各種香料浸雞入味🫚🌿🧂再配上香濃開胃蔥蒜汁🧄🌱雞肉嫩滑清爽🤤.廚皇豉椒炒鵝腸🪿鵝腸洗得乾淨🚰爽口入味😬加埋豉椒、彩椒🫑同洋蔥炒🧅好惹味😛.辣酒煮東風螺🐚肉質鮮甜爽脆😗麻辣開胃🌶️.百花炸釀松葉蟹鉗🦀外香脆內彈牙😆入面冇真蟹肉，十分可口😉.楊枝甘露🥣有西米、西柚🍊芒果🥭食落好重芒果汁同椰香🥥.餐前小食🍗鳳爪.鐵觀音🫖

餐廳裝修成懷舊風既大排檔，有好多打卡位: 街市吊燈、招牌、霓虹燈、海報、水壺、茶壺⋯⋯想影張靚靚打卡相就要早d去到。⭐️晚市茗茶(每位) $13 ⭐️餐前小食 $15醃酸蘿蔔🥕，4人以下1碟，蘿蔔爽脆，夠酸好開胃。⭐️海味羮餐廳一週年活動，堂食消費每位奉送1碗。⭐️爆膏奶油蝦 $138蝦頭爆膏，有軟有硬，蝦膏甘香，蝦肉彈牙，食落每啖都帶有奶油香，蝦身𠝹開左方便剝殼。⭐️椒鹽瀬尿蝦 炸蒜多到成座山，沾滿蝦身，香口惹味，辣度係譚仔10小辣。瀨尿蝦炸得香脆唔油膩，肉質鮮爽。⭐️金沙鬼馬百花釀油條 $98油條炸酥脆，擺左陣再食都仲脆，鹹蛋黃味道濃郁，入面釀左蝦滑，食落口感更豐富。⭐️沙薑焗海花螺 $128平時好少見會用沙薑焗，醬汁味道鹹香，食完唔會口乾，花螺鮮甜爽脆。⭐️啫啫芥蘭煲 $98啫啫煲鑊氣十足，芥蘭翠綠，爽甜冇渣，配埋大蝦乾增添香味同鮮味。⭐️朝日啤酒 $32

小神燈新派飯館 (將軍澳).一入去餐廳發現裝修以香港懷舊特色作為主題，有好多唔同顏嘅燈牌及設計，彷彿去左八九十年代嘅餐廳！.金沙鬼馬百花釀油條.非常邪惡嘅一樣小食，金莎鹹蛋黃釀入墨魚滑.椒鹽瀨尿蝦.好耐好耐無食過瀨尿蝦，幫佢鬆下骨後拆好啖啖肉，超惹味又香，必食之選.豉汁豆豉蒸鱔.呢個價錢相對比較貴，但一份唔多件食落的確肉質實正，皮又微黏口，但個調味好似落左啲酸菜粒個人覺得無咁夾.小神燈新派飯館 (將軍澳)將軍澳調景嶺彩明街1號彩明商場2樓251-252號舖

將軍澳調景嶺地方小小，諗吾到會有一間新派菜館。餐廳環境富有懷舊氣息，有紅燈罩、80年代大排檔裝潢，又模仿以前嘅電影海報設計📽️🎞️玩味十分😆除此之外，更提供傳統同新派菜式，兩樣集於一身有一定化學作用。✿ 金沙鬼馬百花釀油條金沙即系鹹蛋黃💛喺其他火鍋店都見過鬼馬油條，不過火鍋店就系蟹籽加油炸鬼，經過油炸後非常香脆，金沙沾滿每件油炸鬼，邪惡十分😈✿ 沙薑焗海花螺沙薑雞就食得多，沙薑焗花螺真系第一次食😁沙薑味好惹味，如果用黎撈飯真系一流🤩花螺新鮮爽滑。 ✿ 爆膏奶油蝦爆膏呢個名真系好吸引😈奶油蝦大大隻，每隻蝦沾滿奶油，系大眾會中意嘅口味🧈蝦頭戈個位又真系做到爆膏🤩海鮮迷必叫🦐✿ 椒鹽瀨尿蝦瀨尿蝦想必系吾少人中意食海鮮之選，只系平時真系吾多地方食到，瀨尿蝦啖啖肉，新鮮爽口！椒鹽充滿港式風味，配埋瀨尿蝦更有港式風味。✿ 奇趣脆皮豬手餐廳招牌菜之一，脆皮豬手脆皮部分正常發揮，豬手好有咬口。有沙律醬同蜜糖芥末醬🍯沙律醬好似某快餐店嘅魚柳包戈種醬咁幾特別～點蜜糖芥末醬亦好滋味💛