小神燈新派飯館 (已結業)

💮小神燈新派飯館💮同好友去左神燈海鲜酒家的分支店，位於調景嶺嘅「小神燈新派飯館」食晚飯，店舖每一個角落嘅裝飾同佈置充滿老香港懷舊情懷，大排檔的格局，由街市照雞蛋的紅色燈罩、牆上掛滿舊式的戲院海報，以致枱上面的懷舊暖水壼、杯碟茶壼等等都帶比大家好多驚喜，處處都係打卡位，真係好過癮👍飯館將充滿特色創意嘅烹調元素加入舊有高質粵菜，泡製出多款新派高質小菜美食😋💥椒麻鮮螺片（$48）鮮螺片薄切好爽口，配埋青瓜🥒絲及椒麻醬油，撈埋一齊食，係醒胃嘅餐前小食👍😋💥金沙鬼馬百花釀油條（$98）將彈牙嘅蝦膠釀係有咸蛋黃（金沙）油炸鬼上面，炸得不油不膩，剛炸起即食，雖然係好邪惡，但真係忍唔到口😆💥廚王鵝腸（豉椒味）（$138）大大碟份量十足，炒豉椒鵝腸，好有鑊氣，非常入味，連配菜嘅紫洋葱🧅、青椒🫑等都炒得啱啱好，唔會淋得滯👍👍😋💥糯米炒膏蟹🦀️（$568）呢個糯米飯炒膏蟹，我期待左好耐，果然無令我失望😆👍，糯米飯煙靱得嚟都粒粒分明，D橙色蟹膏非常香口，份量都唔少，真係好🈵️足🥰💥神燈手工啤（罐）（$58）自家製手工啤酒🍻，梗係要捧場啦👍👍💥仙人掌🌵梳打特飲（$28）好大杯，我初初以為係淡青色，桃紅颜色真係好sh

行過見到間餐廳咁靚裝修，行懷舊風🤭🍲宮廷濃湯豬肚雞🐷份量係4-6人，2個人幾乎淨係飲湯都飲飽哂😂個湯係濃味又足料👍🏻🦀糯米炒膏蟹🍚秋風起少少涼涼地，最岩開始食糯米飯🤭每次都係必點既招牌菜式✅🍚吸哂蟹黃、蟹膏、蟹肉既鮮香😋正啊！🦑金沙鬼馬百花釀油條，睇相以為好細舊，原來真身勁大舊😵食落有好香既蛋黃味，入面係鬆脆既油條，要趁熱食！🦑椒鹽烏賊裙邊，好大份！完全係食極都食唔完😂炸得岩岩好，唔會好重粉。🦀百花炸釀松葉蟹鉗，上次係佐敦總店食過，一試難忘👊🏻成個拳頭咁大既蟹鉗👊🏻🥒金銀蒜蒸勝瓜，平時好少自己整勝瓜食😂難得出去食飯要點啲平時少食既菜✌🏻🍍🧃菠蘿梳打特飲，好大杯，又有好多果粒、爆珠係入面😋

🌟第一次去將軍澳「小神燈」晚市，7:00+嚟到已經好爆，好幸運仲有一張枱。***** ***** ***** ***** ***** 🐷奇脆脆皮豬手 招牌菜絕對冇令人失望，外脆內軟，豬手唔肥膩，食到尾聲都仲係好脆口。🐔宮廷濃湯豬肚雞有魚腐、雞件、豬肚好足料，濃郁湯底，每人飲咗幾碗，熱辣辣好好味。🥓金沙鬼馬百花釀油條鹹蛋黃炸油炸鬼，邪惡得來真係超級好食🤤非常鬆化（必叫）。🐙椒鹽烏賊裙邊🐟椒鹽九肚魚我哋好鍾意食椒鹽🤣鐘意香口脆口好好送飯🤤***** ***** ***** ***** ***** 「小神燈」小炒好夠鑊氣，難怪座無虛席，下次要早啲嚟霸位。

之前同朋友食過佐敦嘅神燈菜館，已經覺得好出色好回味，知道將軍澳有間小神燈，即刻都帶屋企人去試下，果然有信心保證😁宮廷濃湯豬肚雞🍲 - 先黎一個老火靚湯，個湯非常濃郁，入面有雞肉，豬肚，仲有d魚腐索哂湯😋 飲落鮮甜，隻雞好肥美，湯面頭仲有少少雞黃油非常之香，忍唔住都飲左3碗👍🏼金沙鬼馬百花釀油條🫔 - 顧名思義即係蝦膠釀油條啦，但特別之處係佢出面仲加左咸蛋黃醬去炒，有咸香而且起哂沙，好邪惡😈椒鹽烏賊裙邊🦑 - 呢個部位比較少食，同普通魷魚唔同，裙邊比較薄身，所以炸起上黎非常香脆，作為送酒小食一流！奇脆脆皮豬手🍖 - 豬手係我至愛之一，個皮超級脆，入面嘅脂肪層炸到入口即溶，怕熱氣嘅仲有2款醬汁點黎食添架

Nostalgic HongKongese restaurant@Tiu Keng Leng，Tseung Kwan OThis restaurant is decorated in nostalgic HongKongese style which celebrate Hong Kong culture.i.e.red plastic lamp shapes in dai pai dong，Ding Ding tram seating booth!!Steamed Glutinous Rice w/ Mud Crab HKD$428糯米炒膏蟹using Thai rice .with luscious rich crab brown meat left the glutinous rice to the next level!.選用泰國米生炒,飯粒完整。配以本地咸淡水膏蟹,爆膏甘香,肉質鮮甜,蟹汁渗透飯粒中,讓每一口都充滿了蟹肉蟹膏的鮮甜甘味。Numbing Peppery Sliced Whelk椒麻鮮螺片HKD$48the Sliced Whelkis springy and b

今年中秋節媽咪話唔想煮飯，所以揀左以間現代化大排檔試下。 1️⃣糯米炒膏蟹糯米飯都抄得好軟糯、好入味👍🏻蟹膏好似一齊炒埋咁，好似飯焦的感覺🫨略嫌得一隻蟹有點少，畢竟都要$568😅2️⃣蔥蒜水晶雞好似蒜泥白肉嘅雞肉版🫣3️⃣金沙蝦球鹹蛋黃炒大蝦，每隻蝦都大大隻，好重鹹蛋黃味，但食耐左就咸左d🤐4️⃣啫啫唐生菜煲好有大排檔的感覺亦好惹味，但都係偏咸。5️⃣仙人掌梳打 & 菠蘿梳打有爆珠同椰果，幾好飲～但忘記叫少甜 勁甜🫣師傅應該係好重口味⋯

餐廳以香港大排檔為主題，好有懷舊味道，但食物方面就用新派方法烹製熟識的菜式，舒服嘅環境品嚐香港地道美食，就算外區人都要嚟試吓。◇ 原條燒慢煮牛肋骨原條牛肋骨起晒肉一片片，用慢煮方法之後再燒，保留肉質嫩滑之餘表面香口，秘製醬汁令牛肉味更特出◇ 奇趣脆皮豬手這碟特色菜非常抵食，豬手超級大份，豬皮不單只脆，仲要係薄身，非常少見，皮下嗰層脂肪唔覺油膩，而底層豬肉肉質嫩滑，味道濃厚鹹香，是必食◇ 腿茸菜膽雞選用三黃雞，肉質特別鮮嫩香滑，而醬汁或者茨汁係用金華火腿調製，味道又特別香濃，雖然只有半隻雞，但份量甚至足夠4人◇ 甲羅燒伴蝦多士比一般蝦多士出色嘅係伴以甲羅燒嘅蟹肉蟹膏，又蝦又蟹，雙重鮮味，另外一讚嘅係件蝦多士超級大件，多士亦超級酥脆◇ 蟹肉菠菜豆腐盒咬開豆腐係綠色唔係白色，因為釀咗菠菜，令味道冇咁單調，豆腐表面炸香，淋上用蟹肉做嘅茨汁，鮮甜滑溜

神燈集團嘅中菜一向都高質，今次就專程試下位於將軍澳《小神燈新派飯館》。餐廳設計十分新穎，用在香港傳統大排檔嘅設計，綠色嘅色調令人諗起綠鐵皮攤檔，估唔到食大排檔小炒都可以坐得咁舒適。奇脆脆皮豬手超大份嘅豬手，外層嘅豬皮油炸到極之香脆，豬皮底下又有一層薄薄嘅脂肪，底層係充滿咸香嘅豬肉，口感相當有層次。腿茸菜膽雞半隻雞都夠哂4個人share食，雞身肉厚又有光澤，醬汁配搭金華火腿上湯，所以比較濃稠又入味。雞肉吸收晒醬汁煮到入味，口感彈牙又熟度剛好。原條燒慢煮牛肋骨 一整條大牛肋骨起哂肉，用左原條慢煮再燒，口感非常軟腍。醬汁甜中帶少少咸，更加突顯牛肉嘅肉味。甲羅燒蝦多士蝦多士就食得多，配搭甲羅燒道第一次見。食嘅時侯可以放少少甲羅燒嘅蟹肉蟹膏入去，味道更加濃郁。金沙蝦球用咸蛋黃包裏住蝦球再拎去油炸，蝦球好大一粒，咸蛋黃極之濃郁，蝦球彈牙又新鮮。小神燈新派飯館 (將軍澳)將軍澳調景嶺彩明街1號彩明商場2樓251-252號舖

港式復古風格裝修的小菜館！打卡影相一流！經過見到忍唔住入去一試！有茶芥同小食費！脆炸豬手，外皮超脆，肉質軟腍，落落口同時又脆又嫩滑口感，加上芥末醬/沙律醬一齊食，飲味道更上一層樓。餐廳最近推出幾款以蟹為主題的菜式，試了蟹肉豆腐盒，玉子豆腐加上蟹肉蛋白汁，份量十足，食完一舊已經飽，蟹肉的鮮味同豆腐非常夾！魚香茄子煲即炒即出，上枱即食熱到辣口，個茄子調味非常濃，好夠味，送飯一流！浸時蔬就正常菜，但夠新鮮夠綠！

餐廳以香港獨有的大排檔作設計靈感，裝潢上配搭五、六十年代常見的綠鐵皮攤檔、街市吊燈同埋電車卡位等，打造老香港情懷，店內有多個打卡位置🤩餐廳主打特色粵菜，如黑松露玻璃燒鵝、蔥蒜水晶雞、原條燒牛肋骨等。店員們非常有禮，服務主動又甜心👍糯米炒膏蟹 $568選用泰國糯米真正生炒而成，口感煙韌，仲有我很喜歡的飯焦❤️飯粒完整再配上膏蟹，飯粒飽吸了蟹黃蟹膏以及蟹肉的鮮香，充滿了蟹肉的鮮甜味，非常惹味，食到停唔到口。蟹肉菠菜豆腐盒 $128來一個清新之選，外脆內軟嘅玉子豆腐放左上一層清甜嘅菠菜，再淋上鮮甜的蟹肉芡汁及蟹肉，最後配搭左蟹籽可以增添口感，整體口感柔嫩帶蟹鮮。椒麻鮮螺片 $48螺肉切成一片片薄片，每片薄片螺片都大大塊，質感鮮嫩多汁，味道鮮味而且好嫩滑爽口。椒麻醬汁嘅辣度適中，帶有一種辣辣地刺激感👍令到我追住食🤩餐前小食 $15/碟今日餐前小食係酸辣無骨鳳爪❤️混合酸、甜、辣的味道令人非常開胃。晚市茶位 $13/位

🧄前菜蒜辣無骨鳳爪 $15一坐低就有一碟無骨鳳爪，開頭睇唔出係鳳爪🤭 因為已經將鳳瓜切到一口嘅size, 個蒜辣醃得好入味🐂原條燒慢煮牛肋骨 $388牛肉味道濃郁，燒得好夠淋，仲微微帶出左啲焦香，食落味道又有啲似牛腩嘅感覺，點埋佢配個自製牛肉汁好惹味😋🐔腿茸菜膽雞 $148 半隻半隻白切雞再淋上腿茸茨汁，個雞肉皮滑肉嫩，就算雞胸位都唔鞋👍🏻加埋個腿茸茨汁咸咸地更加帶出個雞味好香濃🐖奇趣脆皮豬手 $198呢個好出奇又CP 值好高，一碟好大盤應該有4個人份量😳 個皮燒到勁乾脆好香🥹 個肉又淋，啲脂肪位又煙韌痴牙好正🤤 個油脂香豐富🥖金沙鬼馬百花釀油條 $98熱辣辣即炸上台🫠 個咸蛋黃好厚好多，啖啖咸蛋香😋 食咗兩件都唔夠喉，必點item🦀蟹肉菠菜豆腐盒 $128一碟有6件豆腐磚，豆腐釀咗啲菠菜喺面再一齊炸🥠雖然個豆腐外層炸到偏乾，但勝在佢淋咗個蟹肉茨汁夠多同鮮甜，淋上個豆腐面濕潤個口感

💡懷舊特色小菜呢間餐廳好有特色，裝修充滿五、六十年代香港懷舊風味，有水銀紅色水壺，街市吊燈，懷舊招牌，菜式都好多元化，夠曬驚喜🍽椒麻鮮螺片椒麻辣味好香濃，螺片夠爽口，作為前菜，好開胃。🍽廚皇鵝腸🦆每一條鵝腸都經過細緻的切割和處理，保持了其彈性和嫩滑的質感，加入豆豉去炒，伴帶豉椒味，好惹味。🍽金銀蒜蒸勝瓜🥬勝瓜的清爽口感和金銀蒜的濃郁香氣好夾。勝瓜蒸熟後仲保持其鮮嫩的質感，食個陣陣陣蒜香，好回味。🍽瑤柱海皇炒飯瑤柱的鮮甜和海鮮的鮮美相互融合，炒飯中充滿了鮮香的海洋風味。米飯經過炒熟，每一粒都鬆散而不油膩，炒得乾身❤️完美吸收左所有的香氣，好香口。🍽奇趣脆豬手🐖奇趣脆豬手比我留下左深刻的印象！估唔到咁中式地方都食到豬手，而且份量都幾多。豬手的皮脆酥香，肉又淋，肉依然保持肉汁，唔會鞋口同乾身，好正🤤

今日心血來潮想食點心見到調景嶺開咗間新派中式大排檔就入去嚐嚐鮮入去見到佢有好多唔同款嘅一人套餐就放棄食點心 試試呢個一人餐見你一麵-酸菜鮮魚片銀絲+椰汁紅豆糕 $68個麵一到 係有少少欲言由止賣相有少少潦草 感覺有啲細碗不過算啦  $68唔好要求太多碗麵上有 魚肉 酸菜 銀絲 豆芽 花椒味道上 味精巨重 偏酸偏辣 重酸人士應該會幾鍾意銀絲都幾多下 嗦埋啲汁都幾惹味至於啲魚.....好似食緊橡膠咁...我未過邊間啲魚肉片係咬唔斷要成片成片咬好耐先吞到最後食落都飽個甜品都重椰香味 偏甜普普通通咁整體嚟講環境乾淨 裝潢特別 好有懷舊感服務正常就味道上可以改善下 起碼只係呢一碗麵$68 話好平其實唔算 但佢免加1 同茶錢但起碼啲魚片都要咬得爛 希望下次試其他會有驚喜同埋就係佢係掃QR Code落單嘅但係係要用we chat 個app掃手機內置果個唔得就冇wechat可能就要叫人幫手落單

今日去左將軍澳探朋友，順道去吃晚飯，搵到位於彩明商場的小神燈新派飯館。店內佈置充滿懷舊香港特色。菜式方面，都是以新派烹煮方法，重新演繹懷舊味道🥢奇脆脆皮豬手外層炸得香脆甘香，皮下脂肪口感煙韌，肉質仍然嫩滑，而且份量豐富🥢腿茸菜膽雞（半隻）選用優質三黃雞，因其皮脆肉嫩，肉味鮮甜，加上腿茸來點綴，好味得嚟又唔會遮蓋本身鮮味🥢原條燒慢煮牛肋骨用上美國原條牛肋骨，肉味特別濃郁。牛肋骨經過低溫慢煮烹調，食落口感幼嫩又有嚼口🥢香草青醬手打蝦餅口感爽滑，食落有顆粒感，配搭香草青醬味道一流🥢豉油皇銀芽炒麵麵條爽口彈牙，又夠鑊氣，乾身不油膩

.⋯♡⋯⋯⋯♡⋯⋯⋯♡⋯⋯⋯♡⋯⋯⋯ ♡⋯⋯⋯♡⋯食新奇中菜之前就去過佐敦神燈，其實仲有小神燈係調景嶺而且環境好有特色，係以香港大排檔為露感！另外有五，六十年代感的綠鐵皮攤檔，街市吊燈以及電車卡位等！有好多打卡位！ 腿茸菜膽雞選用三黃雞加上用金華火腿熬製以成的高湯澆在嫩雞上，旁邊也有生菜，咸鮮味十足的一道菜奇脆脆皮豬手好大隻，會方便地切開好一片片方便食用，豬肉肉厚皮脆，如果加上啤酒就仲正原條燒慢煮牛肋骨 非常大份適盒好多人一齊分享牛肉入味再加上惹味秘製醬汁牛肉味濃郁蒸馬友無諗到都有蒸魚可以叫，價錢合理，條魚都大條有鮮味！如果唔想錯過其他好介紹，記得follow我呀😘多謝大家！！！你嘅支持就係我嘅動力！記得點讚❤️⋯♡⋯⋯⋯♡⋯⋯⋯♡⋯⋯⋯♡⋯⋯⋯ ♡⋯⋯⋯♡⋯小神燈新派飯館 (將軍澳)將軍澳調景嶺彩明街1號彩明商場2樓251-252號舖⋯♡⋯⋯⋯♡⋯⋯⋯♡⋯⋯⋯♡⋯⋯⋯ ♡⋯⋯⋯♡⋯