尚苑京滬川菜 (已改名) 查看

剛剛去完日本旅行返嚟，約咗閨蜜見面，想食中菜之餘又要揀一間坐得舒服，唔太嘈，環境又寬敞嘅酒樓，閨蜜推介咗同book咗呢間喺尖沙咀麼地道75號南洋中心嘅尚苑!最初打算普通聚餐無唸住要寫食評，但因為我地食咗佢嘅一個菜式....所以都忍唔住想分享下好嘢俾大家！登登登。。。凳！就係佢地嘅“新鮮菠蘿拔絲咕嚕肉"($148)，呢碟拔絲咕嚕肉真係令我地覺得好驚艷。首先，拔絲咕嚕肉賣相一上枱已經幾靚，因為有整邊新鮮菠蘿切得靚靚咁一齊上，賣相一流，咕嚕肉一夾起，見到好多拔絲效果，絕對無渣流灘！一咬落去，外皮鬆脆，內面卻保持住肉質嘅鮮嫩同多汁！每一口都能感受到嗰種甜而不膩俾糖漿包信舊肉嘅感覺，我地兩個忍唔住襯熱狂食！這個拔絲咕嚕肉嘅火候掌握得恰到好處，切要讚一下師傅，真係估到，我哋原本以為呢度主打嘅北京填鴨 or 樟茶鴨先係signature 菜，但原來呢碟“新鮮菠蘿拔絲咕嚕肉”先係代表作，被北京填鴨/樟茶鴨耽誤咗嘅咕嚕肉！！！😅😅😅😅Anyway，呢個咕嚕肉極高的水準，絕對值得一試同對得住呢個價位。仲有係叫咗兩隻蒜茸粉絲蒸大元貝（$28/隻）, 呢個價錢性價比高，扇貝的鮮美同蒜蓉完美結合，蒜蓉嘅調味恰到

我同朋友點左海鮮孖寶晚市套餐，真係幾有驚喜。首先燻香樟茶鴨呢道菜用咗樟茶煙燻嘅方法，令到鴨肉帶有獨特嘅煙燻香氣，嗰陣淡淡嘅茶香加埋樟木嘅味道，真係別具風味。鴨肉外皮煎得香脆，內裏保持嫩滑多汁，啲油脂滲入肉裏面，每啖都有一種濃郁嘅香味，值得一試。🦆至於沙巴龍躉斑仔，魚肉非常鮮嫩，啱啱好保持咗海鮮嘅鮮甜同肉質嘅彈性。廚師用咗簡單嘅蒸煮方式，令到魚肉保持原味，同時加少少調味提升鮮味，魚肉鮮美又唔會過於油膩，岩曬鍾意食海穌嘅我地。🐟再講下碳磚脆豆腐，廚師將豆腐煎得外脆內嫩，外層包住一層脆皮，裏面嘅豆腐保持咗滑嫩嘅質感。呢個對比令到每啖都有唔同嘅口感變化。仲有嗰啲調味醬汁，為豆腐增添咗層次，唔會過淡，素食者都岩食。🧆

呢間餐廳係新開嘅之前都離開呢區同屋企人聚餐！感覺上附近有得泊車好方便！桂花海皇炒新竹米:超級多餡料又鮮甜嘅帶子、北寄貝！蔥同埋蛋都好多同新竹米好夾。Q彈有勁的新竹米,口感層次豐富,係好有記憶點嘅菜式！白灼菜芯一碟:清新脆嫩,清爽爽口。菜心經過精心烹調,保留了原有的青脆質感,而且菜心冇咩渣！燻香樟茶鴨（半隻）:一上菜嘅時候已經香氣四溢,咬落皮脆，肉質鮮嫩。樟茶燻製的香氣迷人,入口即化的肉質，呢個套餐超抵！肉骨茶鮮竹卷:肉骨茶湯頭濃郁醇厚, 鮮竹卷餡料充足！第一次食呢啲咁新穎嘅菜式，肉骨茶的深沉醇香與鮮嫩的竹卷完美結合,口感豐富！蟲草花菜苗餃:餃皮都幾薄，餡料飽滿。蟲草花的清香與嫩嫩的菜苗搭配,餡料飽滿多汁,鮮蝦味美！原隻鮑魚燒賣:鮑魚鮮嫩鮮甜,配上燒賣唔多粉同肥豬肉！真材實料🫶🏻🫶🏻

午市精選孖寶 $68@1有2項選擇，其中一項係2選1，另一項係8選1，我地揀左2個孖寶😆👇🏻🫖金滔蝦餃王蝦餃有金箔，成件事高貴左🤣蝦餃皮厚度適中，入面啲蝦都好彈牙😛🫖蟲草花牛肉腸注意：入面有芫荽🌿似牛肉球味🤣加蟲草多左份口感🫖蟹籽鮮蝦燒賣每舊都大大粒，男朋友一野食晒4粒🤣🫖臘味蘿蔔糕好厚身同大大舊🫖黑金流沙包 $46流沙包係老少咸宜既點心🤤我同男朋友各食左1.5隻🙊雖然邪惡但值得一食😎🫖鮮菌雞湯菜苗 $68身為健康人士，晏晝點少得蔬菜🥬叫菜心又好似掛得滯🤣於是叫個雞湯菜苗，菜苗比較爽口，浸滿滿嘅雞湯令人不斷食落去😆🫖綠豆沙甜度岩岩好，口感沙沙增加有口感，平時人哋酒樓紅豆沙居多，依間就係綠豆沙，我乜沙都鍾意🤣👑整體，環境好寬敞，行入去嘅時候勁有宮廷感覺🤣所有店員服務好好，見我地搵wifi 就提我地櫃檯上面有Wi-Fi密碼😚同埋見到我地整污糟左件衫，就主動比濕紙巾🫶🏻好有愛另外經理同我哋講呢度有得唱歌打麻雀，如果有同學聚會都可以過嚟感受吓🤣我覺得新年就啱同長輩開枱玩返幾鋪就真🤣

尚苑係尖沙咀南洋中心，店內裝修環境優雅，坐得舒服，食物質素高，服務唔錯，定期仲做優惠添😆單手吊燒雞（半隻）| $198上枱已經聞到香噴噴，外脆內軟，咬落去啲皮仲係脆卜卜，肉質鮮嫩，而且啖啖肉，非常推介菜心炒牛肉| $108牛肉滑嫩可口，菜心新鮮鮮甜，份量唔少😋😋😋菠蘿拔絲咕嚕肉 | $68晚市做優惠，見到每枱差不多都有一碟。咕嚕肉夾起見到好多拔絲效果，外層脆身爽口，酸酸甜甜配上新鮮菠蘿加白飯👍🏻

位於尖沙咀南洋中心地庫一間中式酒家，叫做尚苑京滬川菜館，主打廣東菜式，我們當晚品嘗了以下菜式，包括晚市招牌三寶嘅燻香樟茶鴨、新鮮菠蘿拔絲咕嚕肉，還有梅菜蒸肉餅、金磚脆豆腐、西芹百合炒藕片、肉絲雙面黃等，非常豐富，除了一碟外，其他都十分滿足。🪻燻香樟茶鴨 — 外皮薄薄十分脆口，肉質鮮嫩，樟茶香味撲鼻👍🏻🪻新鮮菠蘿拔絲咕嚕肉— 糖漿薄薄一層，做到拔絲效果，咕嚕肉食落有脆口感覺，推薦👍🏻🪻金磚脆豆腐 — 外酥內嫩，非常惹味👍🏻🪻芹香百合炒藕片— 百合新鮮、藕片芹菜清爽🪻肉絲雙面黃 - 正常發揮🪻擔擔麵 - 以後在廣東菜館不要叫四川擔擔麵，好難食😥 肉像漿糊，麵條黐埋晒一團最後，聽聞中午套餐及點心非常好食並且抵食，下次會再來一試！

尚苑中菜廳，性價比，真是超高，讚讚讚👍🏻！我點了每日晚飯優惠三選一的脆皮飛天雞🐔，這道菜的呈現方式特別，整隻雞🐔插在支柱上，帶來了手撕的樂趣😁，肉質鮮嫩，雞皮真的燒到很脆，口味極佳😋。菠蘿🍍拔絲咕嚕肉更是讓我驚呀！菠蘿🍍的甜味與炸至金黃的咕嚕肉完美結合，口感酥脆，讓人一口接一口😋。花膠紅燒豆腐也不容錯過，份量十足的大塊花膠，搭配滑嫩的豆腐，讓人感受到豐富的口感與滋味。中菜最重要的配搭，就要有一個足料靚湯🥣。這次的湯品🥣湯底濃郁，真的建議大家都要嚐試呢. 整體而言，尚苑中菜廳不僅提供美味😋的菜品，還有舒適的用餐環境，實在是一次愉快的用餐體驗，值得推薦😍

今日放假行過尖沙咀海邊，見呢間酒樓嘅菜式好似唔錯，就入咗嚟試下！餐廳前菜有麻辣青瓜黑木耳，帶點酸辣夠開胃！活大元貝 $108/4隻✨我哋揀咗蒜蓉粉絲蒸，一上枱4隻大大隻元貝，再加埋大量粉絲同蒜茸，睇到流晒口水！✨元貝開半蒸令佢更易熟，食落肉質厚實，味道鮮甜✨粉絲索晒元貝嘅精華，加上小小豉油，撈飯食一流✨金銀蒜層次多又香口，呢個配搭無得輸蜜桃柚子骨 $148✨排骨係一字排，外面醬汁食到有話梅醬嘅味道，上面有絲絲柚子肉作點綴，酸甜得嚟帶點梅嘅甘味；肉質唔硬，容易一咬撕開，有肉汁，醬汁又唔會搶咗肉味✨蜜桃清清地加上一件排骨一齊食，非常夾呀！菜心牛肉 $108✨擺盤好靚，條條菜心整齊放好再鋪上牛肉✨菜心幾嫩，軟硬適中；牛肉應該用上小小蠔油調味，肉質正常，唔會好似某啲餐廳用鬆肉粉整腍啲肉，而係食到肉感嘅白飯個碗都好靚🤣有個蓋蓋住就唔怕啲飯好快凍晒.呢度嘅staff都好主動幫手加水換碟，服務態度好友善！呢度仲有宴會廳可以搞活動，行過都覺得有feel!

見呢度既海鮮都幾生猛,我叫左帶子同埋蟶子,每隻都好大,調味我叫左跟蒜香,食到濃濃既蒜香、滿滿既粉絲,粉絲索埋汁既精華,所以味道好豐富,而帶子惹味鮮甜。而蟶子洗到好乾淨,完全食唔到沙,又大隻,蒸完之後好香。食左咁多海鮮,埋單都唔洗二百五,真係好抵。同埋粉絲本身易飽肚,所以咁樣食完已好飽啦!食完再飲返壺茶,好滋味好享受。最後仲有紫米露,甜甜地,味道都好唔錯,天氣凍時飲就更佳。下次如果叫多d人就可以叫左晚市set,都好抵。

多得朋友介紹先知道這裏有一間隱世中餐廳。位置在尖東，挺方便的！佢哋嘅龍蝦伊麵真心正，真材實料！招牌樟茶鴨都好食！最令我驚喜就係水煮魚春卷！仲有流沙包都做得非常唔錯👍🏼👍🏼服務Nice有機會再幫襯～

今日去到尖沙咀行街，突然好想食點心，之後四圍尋找，最後搵到位於尖沙咀南洋中心尚苑中菜廳，一看餐單價錢十分大眾化.我地order了金滔蝦餃皇紅米脆脆腸鮮蝦腐皮卷香茅乳鴿瑤柱蛋白炒飯.最出色是金滔蝦餃王，晶凝通透外表，包住彈牙嘅蝦肉，皮薄餡靚！紅米脆脆腸: 米香味濃嘅紅米腸粉中，夾著超級惹味嘅脆脆夾心，食落卜卜脆，口感極佳！.整體嚟講，是日午餐感覺很好，坐得舒服，職員友善，食物高質、價錢平民化，性價比超高嘅一間中菜廳！

今日約咗屋企人去尖沙咀附近，屋企人突然間話想食中餐，於是就喺OpenRice搵到呢間評價相當唔錯嘅餐廳，裝修光猛，坐得舒服，兩老都好滿意🤣🤣入到嚟先知原來呢度有個餐牌係專門比歌舞廳嘅客人，又幾得意喎，下次可以同朋友嚟試吓～但由於今次系同兩老嚟，所以就普通喺大廳食🤣🤣雖然餐廳位置喺尖沙咀，但係呢個套餐好抵食，$288就有一條蒸沙巴龍躉同半隻鴨。條魚仲要一啲都唔細條！火候啱啱好，肉質嫩滑， 隻鴨都好特別，叫做燻香樟茶鴨，又真係有陣陣嘅煙燻味同淡淡嘅茶味，出邊好少食到，又真係幾特別喎👍🏻👍🏻👍🏻另外仲叫咗碟咕嚕肉嚟送飯，佢個擺盤好特別，有原隻菠蘿咁放出嚟，啱晒我呢啲鍾意食菠蘿嘅人！非常滿足👍🏻👍🏻最後都要叫返個菜，呢個金銀蛋時蔬鹹香十足，啲菜條條都好嫩！所以兩位老人家都食得好開心😋😋

🦆 北京填鴨半隻見到塊塊填鴨皮 已經流曬口水，鴨皮入口唔太油膩，肉質又唔會乾又唔會柴，d包皮又足夠。初時以為會食唔曬，結果大家一路包一路食，津津有味😋💟 活大元貝揀左蒜蓉蒸，因為想食蒜蓉粉絲😌。一上台，已經覺得物超所值，＄28 一隻，仲有啲粉絲好多，好滿足😋，元貝又厚身又新鮮，厨師要中間切一刀去蒸，整體味道好好味🥰 尚苑小炒皇wow，配料 多過菲菜花，象拔蚌又大大塊，又唔un，仲有蝦，魷魚，帶子粒，蝦乾，好豐富，啲配料多到令到個菜式變得好 colourful，有d賞心悅目😍🌿 蒜蓉炒菜心入口嫩口，蒜蓉味剛剛好得嚟又夠味🐰 玉兔 凍入口以為內裏係芒果餡，原來係乳酪，好好味，每人送一件，真係想外賣打包走😆

屋企人鍾意飲茶，去咗紅磡科學館之後搵到呢一間係南洋中心既尚苑中菜廳。環境都有少少充滿中式風情，晚市唔算多人。**菠蘿拔絲咕嚕肉**：菠蘿嘅清甜同咕嚕肉嘅香脆結合得好好，欣賞佢真係每一舊咕嚕肉都係脆口，愈放得耐反而仲脆，菠蘿嘅特別之處在於佢係放喺隔黎，可以只食菠蘿清甜味道，平時嗰啲都係炒埋一碟。**椒鹽一字骨**：一字骨肉質鮮嫩，外面炸得好酥脆，椒鹽嘅微辣味道好香，唔會太乾身。**魚香茄子煲**：茄子勁香，用煲上熱辣辣，煮得入口即化，醬汁好香濃，送飯一流。尚苑中菜廳嘅餸菜對我黎講其實係喜出望外，價錢抵食，估唔到係呢個地點都有質素唔錯嘅中菜廳。👍🏻

今日同屋企人去咗尖東呢間酒樓飲茶，之前係OpenRice 睇到D 食評幾好，又多套餐選擇，價錢相宜，就係OpenRice 訂位，超方便。我哋就點咗個套餐有 必食酸菜魚，小籠包，同埋蛋白海鮮炒飯。必食酸菜魚，酸辣到適中，愉快也很爽滑，內裏還有很多萵筍和水晶粉。小籠包，小籠包裏面有好多湯汁，皮薄餡靚，好好味。紅油抄手，酒樓係用咗小雲吞去做，但係我個人覺得太厚，味道一般。蟲草花菜苗餃，好香蟲草花的味，味道很好。奶黃糯米糍，皮很煙靭，不算太甜，好好味。抵食套餐