尚鮮日式燒肉漁市場 (已易手) 新餐厅

同朋友一行數人黎食，落完單冇幾耐已經擺到成枱都係餐廳主打燒肉，緊係要試下D肉先!A4和牛燒肉放題，和牛主要來自鹿兒島同宮崎，有好多款選擇，包括牛頸脊、牛三角、牛板翼等等，連平時香港好少見既部位都可以食到，食多幾件已經回本!牛肉燒緊果時已經好香，入口即溶，食到停唔到口!除左和牛，仲有其他肉類，例如西班牙黑豚肉、蜆等等。除左燒肉，仲有好多其他食物選擇，質素都好好，等燒肉熟果陣可以試下唔同小食先。估唔到燒肉店刺身都OK，有十幾款選擇，推薦甜蝦同帶子，夠哂鮮甜!提早預約仲會送海鮮拼盤﹐有生蠔、鮑魚、海蝦、帶子、甲羅燒，海鮮好新鮮!食都飽哂，最後仲有一人一杯Movenpick雪糕，正啊!出街食飯除左食物質素，仲要食埋環境同埋服務。呢到餐廳環境闊落，唔會好似有d放題餐廳咁，逼到隔離位講咩都聽到，最岩約埋班friend一路食一路傾都唔會嘈親隔離!員工親切有禮貌，仲會主動提醒應該點樣燒同燒幾耐!

又到左大同聚會，今次有人提議食放題。見最近朋友share左尚鮮燒肉放題的相，覺得好吸引，所以就一齊去左試啦。 餐廳位置寬敞舒適，店員仲安排左卡位比我地，可以坐底慢慢食，正！ 🌃晚市120分鐘🔥A4和牛燒肉放題🔥💲378（一至四）💲398（五六日及公眾假期） 店內是用pad點食物，當中❣️超過1️⃣0️⃣0️⃣款美食任點任食🍴 多款刁鑽🐄牛肉、🐖豬肉部位都有😍 最正係每種肉上都會有一個名牌🔖 方便客人記低每款肉的名稱，美觀之餘又十分體貼。 🥩任食A4黑毛和牛 一口和牛、牛脊肉、牛頸脊、牛三角、牛板翼、牛背峰、牛嫩肩肉、牛腿肉 肉類非常新鮮，肉質紅白相間、紋理清晰，顯然上乘食材👍🏻😋 肉質鮮嫩美味👻入口即溶🤩油脂豐盛😝 店內有2個雪櫃放了多款飲品供大家任飲🍹 🥩任食A4黑毛和牛 一口和牛、牛脊肉、牛頸脊、牛三角、牛板翼、牛背峰、牛嫩肩肉、牛腿肉 😍送海鮮拼盤🦐🐟🦀 海鮮拼盤內的海鮮非常新鮮，有鮑魚、元貝和蠔，當中鮑魚還是活的，燒的一刻也覺得太殘忍了。但由於海鮮

我又想食海鮮刺身，男朋友又想食燒肉，開住Openrice搵了一會，終於找到【尚鮮日式燒肉漁市場】，這裏除了有海鮮、刺身壽司外，還有主打...燒肉，重要是放題，一次過滿足晒我同男朋友的口味。貪心鬼食呢樣又想食個樣真係啱晒。【尚鮮日式燒肉漁市場】位於銅鑼灣，鄰近銅鑼灣地鐵站，店內分為吧枱區、長枱區及卡位區。尚鮮環境唔算好大，但夠晒寬敞舒適，亦唔會太嘈，好適合同朋友、男朋友放工嚟食飯吹水。整體店內裝潢毫不算太日式風格會比人感覺似走進了日本燒肉小店。120分鐘燒肉海鮮刺身任飲任食放題夠竟咩價位呢？星期一至四: 成人$278/位，小童/長者$168/位。星期五、六、日及公眾假期前夕: $298/位，小童/長者$168/位。另收加一服務費。價錢正常，吸引在$278-$298呢個價錢可以食到高質嘅燒肉同埋海鮮任點就真心少見啦。.限時放題，兩個鐘都真係差不多，因為燒肉嘅時間比外面的日式放題費時吧。店內採用ipad落單方式，比起用紙筆填寫更加環保同有效率，又可以有記錄，最喜歡圖文並茂，好方便，睇下個樣就知想唔想食啦。另外食物數量係每件計，唔驚點多左啦。睇到咁多Menu，其真食品共分為十個類別「有特選燒肉

🐮牛魔王岀沒注意⚠️最近發現左銅鑼灣呢間放題做緊任食和牛放題啊作為一個食肉獸當然唔可以錯過呢一次嘅機會高質任食和牛放題 $378任食兩小時 30分鐘前last order最後仲有哈根達斯雪糕送 飲品自己去雪櫃攞同一般放題規矩差不多值得一讚嘅係店員嘅態度非常好 有求必應先講講任食A4和牛🤩咩部位都有 好似食唒成隻牛甘入口即溶感覺超級良好🤤落幾多嚟幾多非常均真👍🏻最愛三角肉 牛脂豐富🥰店員同我講有好多人食一碟就會飽 我總共encore左三次 回本吧🙈✨ 除咗任食和牛之外 其他肉類亦都非常高質牛肋條、牛舌、牛五花也醃得入味 正‼️蜜糖雞翼 清酒煮蜆也超贊🤤✨ 海鮮拼盤係送嘅 超新鮮海鮮😍鮑魚仲跳緊舞 帶子夠厚肉生蠔配上牛油 邪惡到不得了🙈✨ 仲有各款刺身 小食 超豐富呀🍽 尚鮮日式燒肉漁市場 (銅鑼灣)🔎 銅鑼灣謝斐道496號金利文廣場3樓

主打日式燒肉放題，最適合一眾食肉獸及大胃王。雖然沒有放題那麼多選擇，但還是有壽司刺身、冷盤小食及炸物，應有盡有，最適合一群朋友聚會，滿足各個人的喜好。肉類以牛肉作主打，來自鹿兒島、宮崎縣的和牛無限供應。`另外還有少量的豬肉及雞肉選擇；燒蠔亦是任食的。海鮮拼盤有蝦、蠔、鮑魚、甲羅燒、扇貝。上枱的時候鮑魚仍在蠢蠢欲動，每款海鮮均大大隻，不過燒完就變小了，挺鮮甜的。當天可能比較滿座，有時上菜會較久，加上要等肉類及海鮮類烤熟，兩小時的任食很快就過了，建議大家一開始先多點些。下單方面亦很快捷，每次下單及加單亦是用平板電腦，又有圖可以看。另外旁邊還有充電位置，挺貼心方便。牛肉條條紋理清晰，油脂分布平均，一放上炭爐，油脂頓時慢慢溶化，不消一會，肉再翻一翻，薄薄一片，很快便熟透了。蘸點鹽、醬油或燒汁，或直接吃也可，牛味非常香濃，油脂鎖住肉汁，入口軟腍，和牛果然與別不同，有點吃過和牛，就回不了普通牛肉的感覺。壽司刺身：選擇蠻多，基本的三文魚、帶子、玉子、北寄貝、希靈魚、螺、蝦等等也有。另外，吞拿魚蓉壽司亦是我最喜愛之一。清酒煮蜆：這個要預先放在爐邊烤，直至蜆開殼為止，時間挺久才熟透，清酒味慢慢滲進蜆肉裡

好啦好似係星期一啦 上左去呢間日式燒肉放題 入到去烏煙瘴氣 通風設備差到爆炸 好似桑拿咁 成個場都係煙 檯又爛 梳化又穿窿 無所謂啦心諗 都係過來食和牛姐 之後就開始嗌嘢食 一開始就叫左d刺身 我懷疑刺身師傅可能係新人啦我唔知 個形狀就差左d 來8片三文魚可以唔同形狀 不過刺身我只叫三文魚和甜蝦 感覺比較新鮮 跟著就梗係到主角和牛啦 第一碟都ok既係真係和牛來既 但係塊肉真係超薄 我有諗過係咪個刺身師傅入左去切牛肉？ 食完就即刻嗌第二碟 唔知佢係樓面傳錯亦或是廚房太節省成本 就來左碟非和牛 咁我心諗唉是但啦 傳錯就再嗌過啦 點知都係非和牛 之後我就穩經理 經理就話 佢自己都唔識分和牛要拎返去比廚房換返 跟住就咩交代都冇比我就算 378任食(和)牛 我來食和牛放題 點解會上左碟普通牛呢？ 幸好同行友人對牛有認識 懂得分別 又究竟有幾多去食既人識去分？ 又或者開檯時同經理講講暗號(我對牛有認識) 打開門做生意都係個信字 呢次佢咁樣偷龍轉鳳 真係令我十分失望！！！

又到左GATHEING既時間，想一班人食野慢慢燒又可以任食水產，一班４個人去左食尚鮮!睇下有幾鮮先!!係好多海鮮！！最愛甲羅燒,，面頭勁多蟹子同魚子，中間仲有海膽，燒岀黎的味道好香濃，一定要試。仲有活鮑魚帆立貝、海蝦，流晒口水！燒完好有璣燒既味道！刺身好多刺身選，有三文魚、赤貝、甜蝦、希靈魚、帆立貝，火炙三文魚，好抵食。清酒煮蜆 (SPICY)!蜆肉鮮甜，沒有沙，清酒配蜆肉的鮮甜做到非常好，又有D SPICY好惹味!仲有好多不同的牛肉！如A4黑毛和牛腿，A4鹿兒島黑毛和牛嫩肩肉，降牛五花，韓式霜降牛五花（件）17炭燒霜降牛五花，岩鹽霜降牛肋肉，炭燒牛肩胛梅花，麻辣牛肩胛，梅花，岩鹽牛仔骨，麻辣牛仔骨飲料任拎。最後仲有雪糕食,真係好飽...

自從帶老公食過一次「尚鮮日式燒肉漁市場」之後，佢一直不忘，成日要我同佢再去食多一次。最近知道尚鮮推出咗全新和牛任食放題之後，真係忍唔住喇﹗每次同老公拍住拖去食好西，真係好開心呀﹗尚鮮裡面嘅餐桌好寬敞，而且座位亦坐得好舒服，食起嘢上嚟都放寬啲﹗入座有提供人頭海鮮拼盤，入面有鮑魚、帶子、生蠔、虎蝦同甲羅燒，全部都好新鮮同鮮甜架﹗燒嘅時候啲鮑魚仲郁郁吓就知有幾鮮啦﹗到重頭戲喇﹗就係A4和牛呀﹗分咗A4宮崎黑毛和牛同A4鹿兒島和牛，當中有8款牛肉可以選擇，包括：一口黑毛和牛、牛脊肉、牛頸脊、牛三角、牛板翼、牛背峰、牛嫩肩肉同牛腿肉。每一塊肉嘅脂肪比例都好平均，厚薄剛好，而且色澤都好新鮮呀﹗和牛燒起上嚟果然唔同，味道超香的，而且入口即溶，油脂芳香，美味無比﹗另外，仲有好多其他食物選擇，包括刺生、小食、壽司、炸物、冷盤熟食等......推介大家一定要試拖羅魚子手卷呀﹗細細件，食兩年都唔會太飽肚。刺生款式雖然唔多，但樣樣新鮮架﹗呢度仲有好多唔同款式嘅飲品可以選擇架﹗總有一款啱大家架﹗尚鮮日式燒肉漁市場  2小時放題收費：星期一至四：每位$378 星期五六日：每位$398 地址：銅鑼灣謝斐道496號金

聽講銅鑼灣有一間高質素嘅日本燒肉店，仲有得食和牛，就約埋朋友一齊嚟食！每位$378加一，限時兩個小時食飽飽。任食A4 鹿兒島、宮崎和牛、壽司刺身、燒肉放題等，每人仲會送一份海鮮拼盤！一開始來的海鮮拼盤裏面有鮑魚、元貝、芝士蠔、蝦、還有甲羅燒～除了鮑魚和蝦外，其他都經特別調味，芝士蠔香氣十足，甲羅燒咸香而且帶點甜味，元貝也是cream香味清新！Ps 蝦及芝士蠔在和牛套餐裏可以不停任食任食和牛有超多種種類任你選擇，花多眼亂還是每樣叫幾片嘗試一下，看看那一款特別合口味的再Focus叫，我就比較喜歡肥美的，脂肪分布比瘦肉多，入口即化不用力也可咬開！也有人喜歡比較實淨的肉，牛香味會比較重。喜歡生食的可以選擇刺身及壽司🍣另外也有很多其他類型的食品，包括燒烤的甜番薯，菠蘿，仲有蒜香金菇，牛油粟米，清酒煮蜆可以放在上面燒！清酒煮蜆清新又香甜，其他蔬菜類要更留意時間，很容易會燒焦的～～也有其他炸物包括炸雙皮奶，榴槤炸彈等等，如果想吃澱粉質的話就可以選擇烏冬，配搭和牛吃簡直一流。最後也有雪糕甜品，三款口味自由選擇。出面飲品櫃選擇多多可以自己出去拿～

掛住食，忘記影相tim🤪比預訂時間早左上3樓，好多人呀～ 建議大家差不多時間先上去，如果唔係又迫又要等，店員都好快手安排入座ge~和牛任食，無揀錯ga la~ 食完出黎的顧客一邊等lift一邊講返頭先食邊款牛好食。2-3月有優惠，每人$438(已加一），食足90分鐘，平時食放題都好易食剩，今次每款牛4件咁叫，試哂咁多款再叫鍾意食的部位，order 完2分鐘左右就到，店員friendly, 好快手，所以又是滿足的一餐。送的海鮮燒物拼盤，好值得食，同枱有人唔太好海鮮，都覺得好食～ 推介蟹蓋&鮑魚和牛，個人鐘意食牛三角，其他部位其實都好相似，嗯...係口感的分別。都有試其他燒肉，主要食牛舌，朋友有encore ga~粟米控，食左好多好多粟米😂

食燒肉食上癮，對上一個星期先食完，今個星期又食，數數手指，一個月食左三次真係自己都嚇親，但今日黎既呢間唔係只食燒肉，係放題+燒肉形式，仲要係食A4和牛，再加刺身壽司、小食炸物都係任食！環境第一次黎「金利文廣場」，樓層唔多，呢間放題店位於三樓，面積真係十分之大，但長期滿座，最好一定要BOOK定位，否則Walk-in都要等。餐牌任食A4和牛放題  $378(星期一至四)、$398(星期五六日及公眾假期)如果唔食和牛就$278，加$100就可以任食A4和牛，仲送海鮮拼盤，當然唔洗諗升級至$378，可以任食A4 宮崎和牛、鹿兒島和牛、各式燒肉、壽司刺身。打開平板電腦落單,有和牛類、特選燒肉類、燒烤類、刺身、壽司、小食、炸物、冷盤熟食。雖然當中發生左個小插曲，就係我地個爐得一邊有火，火勢又好慢，燒咩都燒唔到，通知左店員，前後整左兩次，最後要徹底換哂所有野個爐先用得返，整爐都用左30分鐘左右，店員都好明白事理，係我地要求下都加返時間比我地。浜燒蠔海鮮拼盤有活鮑魚、虎蝦、扇貝、甲羅燒、生蠔，樣樣都咁新鮮，當中既活鮑魚包保新鮮，一路燒佢一路郁，虎蝦夠彈牙，送甲羅燒感覺十分回本，因為平時出去食一隻都唔平

真係食過好多間放題, 尚鮮係我暫時食過的勝價比高的一間!即刻介紹一下, 和牛放題有特選燒肉類,    身、壽司、小食、炸物、熟食同飲品任點, 最後每人都有一盒movenpick雪糕🍦好滿足事前友人已訂座, 所以一到即可安排入座。 在點食物其間, 店員已送上海鮮拼盤, 嘩, 好豐富呢….! 有蝦、鮑魚、生蠔、扇貝及蟹蓋。一般既放題海鮮都是急凍的，而尚鮮係超級新鮮生猛!! 鮑魚仲郁架!!燒完唔會韌~ 燒肉 – 多款精選和牛部位可以任燒,和牛味濃, 不錯, 特別推介厚切牛舌, 牛味濃而彈牙‧大家點食物時記得記得點芝士魚旦, 真係好好好食呀!魚旦軟軟的, 唔係一般街邊貨

嘩 有幾耐無食過日式燒肉放題數數手指好似已經兩三年 今晚係比呢個任食A4鹿兒島和牛吸引左過黎人大左都食唔到太多肉 但四百蚊食返幾碟都抵啦首先係海鮮拼盤 有鮑魚 扇貝 生蠔 大蝦 同甲羅燒 全部都勁新鮮 特別一提係鮑魚 生猛到爆 擺落爐度掙扎不停 RIP之後梗係主角A4和牛入口豐富油脂分泌 個種大滿足！如果怕油膩可以叫碟生菜夾住食！魚生選擇都有好多款 我就叫左我最愛的三文魚 生蝦 帶子 甜玉子 同放題比較少見的拖羅魚腩蓉之後就係壽司！火灸和牛、鰻魚同龍蝦帶子卷之後係炸物 叫左炸雞同魷魚圈大滿足的一餐以Movenpick Chocolate icecream作完美句號。