山景閣

营业中

休息中

酒店環境清幽，人流不算太多 食物種類雖然不算太多，但總算樣樣都有。海鮮有青口、腳蟹、海蝦同埋生蠔，生蠔比較受歡迎，但不用擔心，添得非常快而且非常大隻。生果盆上的生果都很鮮甜，我最愛食菠蘿。中餐總算不過不失，味道尚算可口，但不特別驚喜。甜品反而是我吃得最多的環節，這裏的甜品做得很不錯，最有趣的是那一個朱古力噴泉，朱古力醬跟棉花糖和士多啤梨很夾。反而最驚喜的是呢個花膠海參燉湯，每人有一碗， 十分足料，我不用5分鐘的時間就把它喝完了！可惜每人只有一碗，不然我一定會再添！

咁岩行開尖沙嘴呢頭，想揾間可以坐得舒服D既餐廳同舊同事聚舊，就去左附近一間酒店打算平平地食個Lunch buffet，點知好有驚喜。一入到去就見到甜品Bar，隔離有個朱古力噴泉。左手放熟食，款式都有7-8款，有炸三文魚，薯角，炒飯，鷄翼，咕嚕肉，幾款蔬菜等等。雖然食物都係大路野，但全部都好好味，食完係會想再食，而且餐廳不斷refill。冷盤方面，有蝦，青口，唔同沙律水果等等。行去另一邊仲有皮蛋瘦肉粥同凍切雞木耳，個粥又甜又綿，忍唔住食左兩碗。 甜品除左有西式蛋糕，仲有中式糕點，同埋雪糕或糯米池。另外，有個師傅可以即場整香蕉Pancake。

媽咪想食自助餐， 上網見到仕德福山景酒店的山景閣午餐自助餐大約一百七十幾蚊一位好抵食， 所以預早訂了枱同媽咪撐枱腳。 我們準時大約下午十二點鐘到達， 坐低不久店員為我們送上生蠔， 原來每人可以有四隻生蠔， 生蠔新鮮肥美又大隻， 洗得好乾淨。冷盤區有凍蝦和青口，壽司🍣 有三文魚，北寄貝和加州卷等等。沙律區有火腿，新鮮蔬果，橄欖，鴨胸和沙律。熟食方面有湯類，炸物，伊麵，炒飯和炒菜，另外還有生滾粥和海南雞。甜品類有芝士蛋糕🍰🍪🧁🥧🍩🍨🍦🍧， 黑森林蛋糕，椰汁西米露， 啫喱， 法式燉蛋， 杞子桂花糕，慕絲和朱古力噴泉等等。 飲品有一部咖啡機供給客人自行沖飲， 還有青瓜檸檬水，也可以自製檸檬茶。 雪糕有牛奶公司雪糕和雪糕糯米糍， 仲有一部自製班戟機， 真是應有盡有。個人口味我幾喜歡這裏的生蠔， 肥美又新鮮。 凍蝦肉質爽口， 反而青口偏鹹。 估唔到今次還有巴馬火腿配蜜瓜， 蜜瓜很甜美。 天婦羅炸蝦不太膩，炸物做得有水準。 甜品方面我最喜歡杞子桂花糕， 味道清甜， 帶有桂花香。 法式燉蛋和芝士蛋糕甜度適中， 這裏的甜品做得唔錯。之前已經到過山景閣食自助餐，這裏以酒店來說算抵食，添食物的速度很快， 食

下午茶自助餐性價高，種類比想像中更多，凍熱盤、沙律、烚湯麵、甜品、生果等一應俱全，連咖啡果汁都可以任飲。準時‪3PM‬入座，人客都已經紛紛排隊取物。目測人氣之首分別係凍蝦、杞子豬肉燒賣、煮青口，遲5分鐘去拎食物，已經空空如也。轉個圈，餐廳好快refill ,速度都幾快。總體食物質素都OK,能保持熱度。環境幾寬敞舒適.熱食款式好多，爸爸好喜歡，食左2-3轉，有炸三文魚頭腩、日式雞中翼、豉油皇炒麵、XO醬炒蘿蔔糕、白菜豬肉水餃、忌廉汁煮青口及皮蛋瘦肉粥等等。甜品方面都豐富，特別在有朱古力噴泉，又有pancake機，同小朋友爭排隊食XD.

《人生樂吃自助餐@山景閣》CP顏價回報率高的自助餐在香港不多，特別要在旺區更是廖廖可數，可謂可遇不可求！位於尖咀仕德褔酒店內的山景閣，來這兒吃自助餐有三大賣點:1.食物不算太多但夠集中2.位置在旺區，容易到達3.侍應親切，頻頻換碟一家大細，要吃高的性價比的自助餐，山景閣幫到你，是一個不二之選，吃自助餐就是要吃的自由，食得自在，開開心心愉愉快快你說我吃，大家進人幸福美食的國度，可以暫時遠離煩囂，在味道裡暢遊一番！  嘩！ 頭盤有長腳蟹、青口、中蝦、螺肉、超級生蠔……再來密瓜火腿、三文魚tart 、醒胃沙拉菜、生果配沙津、冷麵……吃吃吃，吞吞吞，令人停不了口，色彩食物進入我多姿多采的食道了！再來熱盤，有口水長流的漢堡肉、真心糯米飯、碧綠蝦球鳳片、粟子炆鷄、男人浪漫的火腩、黃金涼瓜、泰式誘人猪頸肉、獵戶鷄、還有送給每位尊貴客戶的海蔘花膠猪肉肉燉湯…… ……給乾旱已久的我！一絕！之後，多款甜品，色彩繽紛的甜品進駐我口中，也有厨師特別為我製作的芒果班戟，好味到震！有芒果及巧克力Dreyers 雪糕，簡直是錦上添花！有成年人啤酒及單純的萍果汁配伴，人生不枉過！人生有多少回事千秋萬載葉子飄吃喝玩樂知

山景閣星期六日&公眾假期有自助下午茶buffet，以百多元價錢，食物選項算不錯，主要以下大區域:-門口旁是飲品區，有即磨咖啡機、熱茶、果汁，咖啡機又有不同款咖啡任均選擇.甜品有朱古力噴泉，更設有自助熱香餅機，旁邊放滿各式配料，杏仁片、脆米、水果粒，忌廉等。另外，還有多款蛋糕，如brownie、意大利芝士餅、馬豆糕，芒果布丁~冷盤有凍中蝦、雜錦壽司、三文治、日式雙色冷麵、日式雙凍盤等。三文治都有好幾款，扒芝士火腿三文治、蟹柳牛角包、吞拿魚法包咁; 凍中蝦大大隻，亦提供沙律bar,有我最愛車厘茄。青口味道比較淡,個人幾喜歡。皮蛋瘦肉粥粥底偏向杰身，加花生&油炸鬼，夠哂邪惡。

很久沒有吃自助餐，今天跟友人在尖沙咀行街，突然想起有一間平靚正的酒店自助餐，雖然位於天文臺道的斜路盡頭，但為了吃得美食在所不計地行上一條大斜路。位於大斜路的山景閣一直都有平靚正的自助餐食。一進餐廳就有一個好靚好大的朱古力噴泉。星期一的晚上餐廳不算人山人海，坐得非常舒服。首先來一下生蠔，非常新鮮，而且數量非常多，不擔心不夠吃，再來長腳蟹，熟蝦等都是非常新鮮，能夠以這個價錢吃到這樣的海鮮，非常超值。沙律吧亦是非常多選擇，加上有冷麵配搭，令到前菜的款式非常多.再來就是熱食的部份，大約有10多款的選擇，但值得一題的是，就是有廚師即煎的牛肉豬肉和雞肉。最出色的是，美味可口的和牛粒，入口即溶的感覺非筆墨能形容的，大家真的要來試一試。還有廚師即煮的日本火鍋，真的令人一吃再吃。最後是甜品部份，有各式各樣的甜品，還有朱古力噴泉，新鮮生果。最重要的是有名牌雪糕，和廚師即煮的pancake. 這裏的性價比非常非常高，很多東西都是即點即煮的，價錢亦不算十分貴，還有免費泊車，真是十分推薦。

12點入座，趁未有太多人嘅時候影下個環境，坐得舒適，近窗嗰邊放熟食，另一邊係冷盤沙律生果凍海鮮等，長枱尾部則放左甜品，有另一個counter係即煮粥!! 最最impress係每人送嘅四隻生蠔，估唔到size咁大隻，食落鮮甜有海水味，非常滿足!! 另外凍海鮮仲有蝦同埋青口，今日嘅蝦好新鮮肉質爽口，蝦頭有好多膏，我都食咗唔少隻!! 午市只有壽司供應冇刺身但如果大家想食三文魚刺身可選擇花之戀，三文魚厚切亦都肥美 ，最好係舊飯非常之細!! 熟食嘅話最有印象係紅酒牛脷同忌廉青口，仲有吉列蝦都唔錯，每樣熟食都挾咗少少嚟試吓!! 有個粥檔可以即場煮生滾粥，自己揀材料過一陣嚟攞，但我唔係咁鍾意食甘’杰‘嘅粥所以下次未必會再試!! 生果都有唔少選擇，蜜瓜同菠蘿好味!! 甜品就有椰汁馬豆糕、芝麻笑口棗、cheese cake、朱古力慕絲蛋糕、朱古力噴泉等等...我自己最鍾意嘅係即場整嘅pancake，有三個味道選擇，要注意呢個pancake counter要一點後先會開!! 總括嚟講呢間午市自助餐性價比幾高，價錢唔貴食物選擇多而且質素都唔錯!!

近排老爸忙於照顧老媽，每日都奔波勞碌，又吃得不好，見到他消瘦了不少，所以今晚要他鬆一鬆，不去他探老媽，而陪我吃頓豐富的晚餐。知他已有一段時間沒有吃自助餐，故帶他大吃一餐吧!沿着斜路走到山景閣，酒店餐廳裝潢親民舒適，以灰白色為主調，燈光柔和，設計簡約優雅。餐廳地方挺寬敞，大部份是四至六人枱，還有一排排舒適的長梳化座，枱椅擺設得整整齊齊，而正中間就是取食物區，相當方便，亦坐得很舒適自在。餐廳正推出「和牛盛宴環球海鮮自助晚餐」，正合我們心意，因為我是海鮮迷，而老爸就是牛痴，今晚必定大飽口福。自助晚餐供應時間由6:30PM-9:30PM，星期一至五收費為成人 $368，小童/長者 $258，仲有九折。而門口還擺放了自助晚餐的餐牌，列齊所有菜式，非常清晰。****************************一放下東西便向食物區進發，當然先揀幾隻靚生蠔，來自美國的生蠔隻隻都重量級，肉厚肥美，色澤亮麗，肉質鮮嫩兼creamy，蠔味香濃，老爸忍不住馬上encore兩隻。****************************繼續冷盤凍食，逐一細數，有雪花長腳蟹、凍中蝦、藍青口、雜錦刺身、日式雜錦壽

近期唔少酒店自助餐都搞緊優惠，我就梗係唔執輸食埋一份啦，今次就嚟到山景閣，因為佢晚市係有生蠔，仲有蟹腳添而呢度嘅意粉係即煮嘅，我就見到有一大個鍋，裏面係好多香濃嘅芝士汁，餐廳將意粉同埋d芝士醬汁撈埋一齊架呢度連涼菜都有，分別有雲耳同埋支竹雪糕竟然係可以任食dreyers喺出面行完一圈，返到黎慢慢嘆生蠔先，生蠔非常肥美，仲要好大隻我仲拎咗成堆蟹腳，蟹腳好鮮甜，呢個價錢絕對值回票價仲有限定嘅酥皮湯餸添，每人只有一碗嘅咋，真係要好好珍惜Pancake就八點開始就有得攞啦，會有專人親自烹調，呢個就係芒果pancake最後我仲忍唔住拎咗一對甜品，生果部份就有西瓜、菠蘿、哈密瓜，甜品嘅種類都真係好多，有朱古力慕絲蛋糕、馬豆糕、檸檬撻、雲石芝士餅、芒果布甸等等

用膳那天是平日的晚上，沒有太多食客，座位舒服寬敞。儘管盤子不算太大，但坐在食物區旁邊的我們見到店員不時過來檢查食物的份量，以確保足夠供應、新鮮出爐及食物的溫度。整體價錢很經濟的酒店自助餐。中西式熟食都有，雖然食物種類不算多，但麻雀雖小，五臟俱全。食物區分成前菜、冷盤、海鮮、熱葷、水果、甜品、雪糕、飲品，分別集中在中間位置及入口的另一邊。原來每位食客都獲贈一碗酥皮湯，不過本身不是太好這類酥皮湯。而且酥皮放久了漸漸變得硬身，湯味道不過不失。沙律菜新鮮，自行配搭。海鮮、刺身及壽司都有。綠茶蕎麥麵有驚喜，拌上自選的配料冷麵汁，麵條散發淡淡綠茶香。生蠔區當然是最受歡迎的。任食生蠔，不得不提，店員會不斷添加新一輪。蠔味海水味濃，隻隻都肥美鮮味，不過有些有碎沙及蠔殼碎。日式西京醬帆立貝，新鮮烤出來的十分juicy，香口，帆立貝肉都很厚肉、飽滿。另一邊有些海南雞、四川麻辣雲耳、腐竹、芝士白汁意粉等等。芝士白汁意粉採用熱熔芝士，把意粉在上烹煮，第一次吃這種正宗的白汁意粉，芝士味道真的很濃，跟平日的白汁忌廉不能相比。最後當然少不了甜品。甜品款式琳琅滿目， 蛋糕、布丁、雪糕、慕絲、啫喱、熱香餅等等都有。每樣

之前就聽講過山景閣呢間自助餐廳，今次終於約到朋友一齊去食！有好多海鮮可以揀擇，關鍵系每一樣都好新鮮夠曬大只，呢度嘅芝士焗生蠔同埋香煎三文魚整得都好有水準，芝士味同生蠔嘅鮮味好夾，正啊！

朋友一直嚷著要吃自助餐，今次便順她意與她去大吃一頓。自助晚餐主題為和牛盛宴環球海鮮，供應的食品款式多元化，美國生蠔、雪花長腳蟹、藍青口、凍中蝦、刺身及威靈頓牛柳等等。廚師煮好意粉後，再將意粉放進芝士輪內撈，好讓意粉沾滿芝士。甜品方面更提供Dreyer’s雪糕杯，雪糕糯米糍、各式蛋糕生果及朱古力噴泉，還有現場炮製的班戟。蟹腳啖啖肉，吃得滿足。威靈頓牛柳面層的酥皮香脆且完整，牛柳呈誘人粉紅色，肉汁豐富，軟腍嫩滑。翠玉瓜惹味香口；和牛牛味濃郁。

最近香港嘅自助餐同酒店房都開始減價，所以四圍物識抵食嘅餐廳。山景閣位於尖沙嘴，假日lunch buffet 都只係$158匯豐/恆生信用卡仲有9折呢個價錢仲有生蠔雖然唔係fill得好密，但都抵食有沙律，壽司，熟食，麵食甜品，雪糕比起其他酒店自助餐 佢質素唔算高 ，但勝在價錢取勝

We went to have a dinner buffet with the discount coupon from OpenRice last Sunday at this hotel. Surprised to find that the restaurant wasn’t packed at all so it’s very quiet and good in a way that you can enjoy the food at your own pace without the worry that you may need to elbow your way to get the food. The buffet offers a nice selection of seafood (including oysters and mussels), hot Chinese and western dishes as well as dessert (the creme brulee is pretty good, so as the ice cream ). Apar