山本屋 (圍方)

营业中

休息中

大圍新商場圍方，香港唯一間分店，第一日入到去嘅時候排勁長龍門口，勁多人，令到我想去時入去試食，再加上真係有人喺度手打烏冬差麵團。排隊時間較為長，仿效日本🇯🇵要排隊先以入去食。上座後，點餐紙同日本人，自己填寫。至於烏冬，上菜時真是好似老人家所講「新鮮滾熱辣」，熱辣辣。好吸引，叫咗佢哋傳統嘅味噌湯底識落有少少咖喱味少少地甜甜地又有大豆嘅味道，令到口感豐富，再加上手打烏冬煙煙韌韌，好味道；另外最驚喜嘅係本身烏冬內有雞肉係啱啱好，而唔係鞋颯颯。下次可以嘗試食咖喱味，亦都可以推薦俾一家大細去食烏冬好適合小朋友。

新商場開幕，諗住避開人潮，閒日3點到門口排隊，都要排40分鐘先入到🥶入席後order咗 味噌親子烏冬&另加蝦天婦羅2件。幾分鐘後，蝦天婦羅已上枱。作為廚師推介嘅蝦天婦羅，炸漿係無可挑剔，薄而脆；蝦身新鮮爽口，不過略嫌纖瘦；味道都還好，但熱度有點不足，感覺唔似即炸起。入座後20分鐘，烏冬麵終於嚟到⋯先講容器，係一個瓦鍋，完美地保持住烏冬麵嘅熱度。舖面坐位唔算多，上菜時間唔短，再加上熱辣辣嘅烏冬麵，開始明白到點解要排咁耐隊⋯講返個烏冬，我揀咗店舖推介嘅傳統味噌湯底，味噌湯底唔鹹唔淡，平衡感唔錯，都飲咗唔少落肚。店舖主打嘅手打烏冬，口感偏硬，有啲韌性，可以掛湯。不過過後諗諗下，根本係刀削麵嘅口感😂最後，親子煮烏冬入面嘅雞肉係一大驚喜，肉質嫩滑，真係做到雞有雞味，完全無雞嘅腥味，意外驚喜，值得推介。

大圍新開幕, 又一倒模商場圍方, 似乎吸引到我去嘅就只有呢間日本過江龍，但結論係「急趕而來, 失望而回」🥲來自名古屋嘅山本屋，佢哋主打味噌醬煮手切烏冬，本身本人好鍾意食烏冬，尤其是彈牙爽口嘅，配以適合醬汁同肉類, 特別好食今日order咗一個親子味噌醬煮烏冬, 包括有雞蛋, 雞肉, 蔥, 腐皮同烏冬; 的確, 甫上枱已經聞到好香味噌湯味, 原個石鍋燒出嚟, 熱辣辣, 香噴噴其實湯底同配料都食得出有講究, 但係最大敗筆竟然係烏冬, 比較硬唔夠彈牙同入味, 入面感覺生生地好似未煮熟咁, 成為致命傷可能係新開業原因食物水準未係我杯茶住, 如果將來唔使排隊嘅情況下或者會再試一次

近期人氣高企既餐廳，位於新商場圍方，標榜手打烏冬。於星期一平日趁熱鬧，估唔到下午2:40 仍然有好多人排隊，等左足足一個鐘先入到去食烏冬，自己填寫menu. 但店員服務好有禮又殷勤，笑容滿面👍原來店有幾位日本人侍應，聽唔明中文的。❇️黑豚肉煮烏冬配老店傳統味噌湯底+雞蛋+燒地雞手羽（雞翼）🌀滿心期待的烏冬，賣相很普通，不吸引，雞蛋被烏冬，遮蓋左😌，味噌湯底偏鹹帶點苦澀，有d 失望，材料除左有豚肉，仲有好多腐皮，味道正常，至於烏冬係以麵粉手打成，所以咬口非常煙韌👍🌀 燒地雞手羽（雞翼）味道甜甜地，最好食😋👍❇️親子煮烏冬配咖哩湯底+年糕+蝦天婦羅🌀親子竟然冇雞肉，只有好多腐皮😌，咖哩湯底比味噌湯底好味少少🤏 至於年糕平凡到極點，只係一舊麵團😌🌀蝦天婦罹新鮮炸出黎，熱辣辣好脆👍✨總括而言，食過一次就夠，並唔係想像中甘正，唔值得用一小時排隊去食，完！

見咁多人排隊，又話有日本師傅，諗住去試一試。 平日星期一，4:30攞飛排隊排到6:30，終於可以入座（可能圍方新商場好多人，但餐廳都有提供免費嘢飲俾排隊嘅客人，呢下值得讚嘅） 終於等到位，六位入座，要分開兩張枱，不過都冇問題，因為全場冇大枱。 因為第一次嚟，所以問一問店員有咩推介？佢推介比較多人食嘅味噌湯底同天婦羅。等咗大約15分鐘左右，我們為希望嘅味噌湯烏冬終於上枱（因為天婦羅蝦需時，所以先上烏冬）。講真烏冬真係現場手打嘅，食落去彈牙既，但最大問題係個湯底，真係好淡，識落只有好淡嘅味噌味。另外朋友叫一個咖喱湯烏冬，一樣係冇味（唔知大家有冇試過喺優品360買日本嗰隻咖喱公仔麵，其實個湯底差唔多）。總括嚟講呢個烏冬湯底你話如果賣$40唔使等位，求飽肚都可以試吓。但$88仲要排隊排咁耐，完全絕對失望。 等咗四個字，終於到我最期待店員推介嘅天婦羅蝦，佢係熱辣辣啱啱炸起嘅，但呢個真係完全一D味都冇，最厲害嘅係個天婦羅汁好似一啲有顏色嘅清水（事後我都諗咗好耐，到底有啲咩調味料可以有顏色而一啲味道都冇，就算老抽都有浸味㗎喎）。算啦，為咗

和老婆一起去食。等了30分鐘，比想像中快。點了一碗吉列炸豬排咖哩湯烏冬。一碗親子味噌湯烏冬，一份日式炸豆腐，一份燒地雞手羽。但等了很久烏冬還未到。追單，豬排送到時已不熱。最後要更換熱的。至於味道，豆腐與雞翅淡而無味。真的是淡如水。豬扒味也不夠濃，要叫服務員添加麻醬才算合格。至於親子烏冬，＂子＂丟失了。原來蛋送來前已被打散。問服務員這是否標準，回覆說可能是廚師不小心攪破了蛋。真心的說這絕非日本老店的標準。總體味道強差人意。非常失望。

排左差不多兩小時點餐後再等左一陣叫左吉列豬扒味噌湯烏冬朋友叫左蝦天婦羅咖喱湯烏冬可能係剛開業所以質素好似有d唔穩定吉列豬扒比較乾烏冬係偏有咬口唔錯加雞蛋係加生雞蛋想加雞蛋大家要留意建議可以過幾個月先再試

我見網上有介紹，所以特地去試下，。因為聽聞挺多人排隊，所以我有早點去，大約11：23到。意想不到的是已經超多人😅😅我等了差不多1hr 30mins,12：55才入座。我叫了黑豚肉煮烏冬配傳統味噌+蛋和炸豆腐。烏冬真的好彈牙，超掛湯，味噌湯底一流，值得推薦🥰,豚肉又腍又嫩，不錯。落單後大約等20分鐘左右上菜。環境當然是和風，挺好看的，不過座位不多，所以要等得耐啦～另外，白衣服的店員好熱情，經常出來安撫排隊的人，也會派茶給人。

睇完戲行過去排隊，2:20左右排，排咗約80分鐘到先有位，我見條龍一直都幾長。叫左個牛肉味噌湯同吉列豬扒咖喱湯，兩個都幾好食，吉列豬扒非常之好食，烏冬好煙韌，味噌湯只食烏冬味道幾好，但如果淨係飲湯會有少少鹹，咖喱味都ok

大圍新商場圍方終於開幕啦，裏面有日本過江龍山本屋佢哋嘅手打烏冬非常出色 烏冬喺店內即製我今次食咗親子烏冬湯底係麵豉湯底 顏色雖然好深色，但味道不太鹹手打烏冬趙口彈牙非常好食配菜有雞肉和生雞蛋雞肉選用左連皮雞髀肉有雞味好嫩口雞蛋應該選用左日本蛋蛋黃好橙色，但比平時嘅蛋偏小整鍋烏冬用類似煲仔飯嘅砂煲上菜嘅時候湯底仲係滾住嘅，熱辣辣好好食另外追加咗蝦天婦羅比較遜色，天婦羅皮比較厚，蝦比較細隻和比較油，但整體來講已經非常滿意

1. 入坐安排 - 排隊都預咗要等返一定時間，但不能接受間吾中就問後面有無1位，2位甘攝入去，如果係澳奶甘處理就可接受，因為d枱流轉快，但此安排不適合山本屋。 - 亦觀察到有職員叫店內食客移位以便謄出位子，這也是不理想，未入埸食已打了折扣。2. 食物選擇 - 只是下午四時，連晚餐時段未到大部份餐牌既食物都無，連最基本既黑豚肉同牛肉都無，平烏冬又無，作為一間烏冬店，最起碼係烏冬選擇都要有，否則令人有d失望，職員都有話因為做吾切所以食物供應未如餐牌，某程度上已對這店再打了折扣。3. 食物 - 中規中矩，吉列豬扒炸得不錯，但天婦羅蝦建議分開上，浸湯上會淋。總結 - 如果要排隊，可免，性價比亦不高

山本屋🍽️-▫️位於新商場「圍方」▫️店面不大，座位比較窄▫️日本過江龍手打烏冬-難得同屋企人去咗行新商場，只係開咗三日，就見到有呢一間剩係得名古屋先有嘅手打烏冬店，過江龍嚟香港開分店，咁就一定要試下啦。當日傍晚排隊都排咗兩個幾鐘先有得入去食，但係中咗伏，七點幾排排下已經截龍，截龍嗰陣擺咗牌，職員並指排緊隊嘅都會有手打烏冬食。但係去到排剩返十幾個人嘅時候，同我地講手打烏冬已經賣曬🫠淨係提供稻庭烏冬，已經排咗咁耐隊都冇理由唔食，咁就唯有比一次機會佢。入到去係唔會有MENU睇，只會有一張落單紙，完全無圖片睇，由於新開基本上OPENRICE都無資訊。咁就唯有盲叫😂-🔹冷豆腐 $18呢款前菜好夠凍，而且豆腐超重豆味，係一款好傳統嘅日本前菜，相信亦都好難整得難食。-🔹天婦羅炸蝦🍤 x2當落完ORDER無幾耐就炸好嘅天婦羅，點知屋企人一咬，發現蝦未熟，粉漿都仲係白色😰即刻同職員講，之後就重新換一碟，炸蝦都正常，但炸粉有少少厚。-🔹燒地雞手羽 (3本)之後呢款雞翼係超級好食，炸得好香脆，而且好入味👍🏻呢款小食值得叫。-🔹五目煮烏冬 配老店傳統味噌 $78由於唔知道乜嘢係五目，所以屋企人就叫嚟試下，最後發現只

排隊等左1小時 （無得拎飛，只可排隊）落單到上菜：30分鐘非常同意隔離食客一句話：「就算唔駛排隊都應該唔會再食」見佢係名古屋過江龍烏冬店，又有時間排隊，就去試下，佢既烏冬係在店內即造，所以等得耐都係因為即造烏冬，當日係平日6點左右入到店，已聽到店長講7點左右要截人龍咖喱湯黑豚烏冬全部烏冬都係用小瓦煲装住，保溫度會較好肉只有兩片半，每片都唔係好大塊，餸既份量真係幾少，烏冬質地係同平時食開既口感唔同，唔係弹牙，有韌性，店長好細心講解烏冬係比較有口感，係佢地既特色，家人覺得個感覺有少少以未煮熟…至於個咖喱湯，唔辣，無特別吉列豬扒清湯烏冬食到最尾，我仍然係好懷疑我個碗係咪真係清湯，清湯都係咁混濁既色水？内心好多問號❓吉列豬扒味道Ok，豬扒唔算厚，未至於好juicy，以非專做吉列豬既店來講係唔錯服務方面，全部職員都係好有禮貌，有一個講日文既男士，著住和服，周圍同客打招呼，仲有啲客搵佢影相，唔知佢係咩人呢.如果想試，真係要好有閒情逸志，趕時間既自己考慮，仲有仲有，排隊時諗定食咩，坐低即刻填紙即刻交，都有機會快啲啲食到，因為每round 好似只可煲5碗，慢過隔離枱交，可能又要再等耐啲

位於城中新商場內的著名食肆，所以在營業前半小時已經有人開始排隊。店內座位只有38個，所以往往你會看見排隊的人龍已達數十人。烏冬店標榜手製烏冬，由於麵粉打成有麵筋，所以咬口比較煙靭，不是一般坊間的淋身烏冬。今次選擇了炸豬扒烏冬配味噌湯底。另配兩件天婦羅炸蝦小食和烏冬中加1隻蛋。要留意的其實蛋是生蛋，所以必須在食鳥冬時已經送到，混入湯汁中。但是發現由於是新開張關係，可能運作上未能習慣，所以不但我所點的生蛋漏了單，其他枱也有其他食物漏單的情況發生。味噌湯底輕微帶苦味。雖然未影響食慾，但已經感覺用大火煮過火的情況。天婦羅炸得非常鬆脆，相反炸豬扒卻出現豬扒肉身比較實神的情況。現場服務非常殷勤，侍應經常走來為你加茶。而店長亦對餐廳運作和出品很緊張，經常提點員工，亦協助出餐的工作。可能是商場新開的關係，從旁聽到店長在電話說，餐廳因傾倒味噌湯殘渣出現渠道淤塞的情況，需要疏通，否則將會令餐廳出現臭味。看來真的需要急需處理，否則會影響即刻用餐。

見youtuber有介紹,就去排隊去試試開張幾日人氣已經過等半小時就能入座我和老婆分別點了味噌蝦天婦羅烏冬和味噌吉列豬扒烏冬加腐皮及點了小食三品菇天婦羅和燒地雞手羽(雞翼)味噌蝦天婦羅烏冬湯竟然係酸酸地烏冬雖然落單時已有通知口感比較煙韌然後口感像未熟的烏冬蝦天婦羅和雞翼算比較合格味噌吉列豬扒烏冬豬扒又薄又乾又硬碟內加送頭髮之後專心去看廚房廚房內所有人沒有戴頭套隻碗用幾日就已經污糟邋遢給人客的茶淡如清水我點的兩個烏冬一個加了腐皮最後發現沒有加腐皮的沒有加的一樣沒有分別在看隔離枱客(沒有加腐皮)烏冬一樣有腐皮食後感"食物有溫度可以入口".......