山本屋 (圍方)

营业中

休息中

【山本屋】是日本名古屋的百年烏冬老店，首間海外分店選址大圍圍方，開張後每日大排長龍，我哋好鍾意食烏冬，當然要去朝聖一番。😍山本屋主打砂鍋燉煮的新鮮製造手工烏冬並配上獨特湯底，我哋品嚐了美國安格斯牛肉煮烏冬、蝦天婦羅煮烏冬、和風沙律、天婦羅拼盤、日式炸豆腐、燒地雞手羽、靜岡抹茶可樂和完熟水蜜桃梳打。😍熱騰騰嘅砂鍋盛上美味的烏冬，令人驚喜。美國安格斯牛肉煮烏冬，美國安格斯牛肉鮮美軟嫩多汁。蝦天婦羅煮烏冬的炸蝦的外層酥脆，內部保持蝦肉的鮮嫩彈牙。配上招牌味噌湯底，美味非常風味獨特。😋其他小吃也非常有水準！其中的日式炸豆腐外酥內滑，令人食唔停口！😋仲有一款靜岡抹茶可樂又幾特別，它結合了傳統的日本抹茶和汽水的清新帶有濃郁的抹茶風味，同時帶有微妙的甜味和氣泡的口感。非常清新好飲！😋

山本屋🍙📍 香港大圍車公廟路18號圍方5樓527號舖 （港鐵大圍站C出口，步行約4分鐘）♠︎♠︎♠︎♠︎♠︎♠︎♠︎♠︎♠︎♠︎♠︎♠︎♠︎♠︎♠︎♠︎♠︎♠︎♠︎♠︎♠︎♠︎♠︎♠︎♠︎♠︎上個星期，因為星期日要返工既關係🥺，所以冇得周圍去😩。小編放工後，就試左呢間之前想食好耐既百年烏冬店🍜👀。呢間烏冬店主打每日即做新鮮手打烏冬，而烏冬係砂鍋煮既，都幾特別🙆🏻‍♀️。不過湯底要視乎口味，烏冬口感屬於偏硬，同平時食開既，會有少少唔同🤏。🌟美國安格斯牛肉煮烏冬 $108配黃金鰹魚清湯，個人認為湯底都ok 既，但唔係勁有驚喜😂，但個牛既肉汁都可以吸引到係個湯底裏面。🌟吉列豬扒煮烏冬 $108配老店傳統味噌湯，個人認為個湯底比較咸，可以食唔慣😅，但個豬扒都唔錯既，夠晒大塊，烏冬就偏硬既。🌟燒地雞手羽 / 3隻 $48個雞翼都整得幾好食😋，推介👍🏻。整體推介指數：❤️❤️❤️🤍🤍♠︎♠︎♠︎♠︎♠︎♠︎♠︎♠︎♠︎♠︎♠︎♠︎♠︎♠︎♠︎♠︎♠︎♠︎♠︎♠︎♠︎♠︎♠︎♠︎♠︎♠︎

唔洗去到名古屋都有得食嘅日本地道烏冬專門店山本屋落戶大圍圍方。呢間真係我在香港食過的烏冬界天花板！日本師傅坐鎮，手打出Q彈無敵的烏冬，有三款湯底可供選擇，包括老店傳統味噌湯，鰹魚湯，咖喱湯。餐廳提供圍裙，食嘅時候晤洗驚整污糟衫褲。原鍋已經配搭溫泉蛋、腐皮同蔥，另外可以揀選六款唔同配料，親子、黑豚、蝦天婦羅、五目、安格斯、吉列豬。招牌咖哩湯底配美國安格斯牛肉煮手打烏冬砂鍋烏冬出場很有氣勢，非常新鮮又保持溫度，如果想冧啲可以焗多2分鐘，開蓋熱氣騰騰，烏冬煙韌，Q彈爽滑。仲可以免費追加日本米飯，勁抵食！安格斯牛肉份量十足！肉質嫩滑充滿牛肉香甜嘅味道。另外仲有好多小食可供選擇！尤其喜歡蟹棒天婦羅，炸粉好薄，蟹棒高質好有份量，咬落有質感，啖啖肉的口感，外脆內軟。山本屋特製沙律勁大份，胡麻味沙律醬扮沙律菜，上面鋪滿炸雞，口感層次豐富。日式炸豆腐同燒雞翼都好推薦食，充滿芝麻香味嘅雞翼同香口嘅炸豆腐食完更滿足。值得一提嘅系，餐廳提供多款日本特色嘢飲，原枝玻璃樽呈上，唔洗飛日本都可以食得咁地道真系太開心啦！📍山本屋 (大圍)大圍車公廟路18號圍方5樓527號舖

今次繼新開張後重臨舊地，俾多次機會試下此店今次到達時間為11:50，剛剛入滿座所以都要排隊。相比新開張，排隊人數明顯減少。明白商店想做d生意，但在排隊安排上，都建議參考番日本排隊入座的方法，（即跟排隊次序入座，避免先叫排較後的兩位入座）。既然餐廳標榜日本文化，以日本經營方式運作，包括食材、師傅、裝修….，何不學足全套呢。食物方面：中規中矩。今次比上次新開張供應穩定，烏冬既質地還欠小麥味，其他的都算合格總結： 一間性價比吾算高既餐廳，要排隊的可免則免。

與友閒逛圍方，經過山本屋，平時墟冚嘅場面變得冷清，只係見得幾個人排隊…… 諗住冇走雞，機會難逢，梗係要入內試吓菜啦！首次光顧嘅我哋，點咗四樣嘢，包括：黑豚肉煮烏冬配黃金鰹魚清湯、美國安格斯牛肉煮烏冬配老店傳統味噌湯、冷豆腐，以及蝦天婦羅。柯打上碟速度算快，小食冇乜大驚喜；咬咗一啖蝦天婦羅之後，我倆滿頭黑人問號外，並即從心底打咗個突兼皺眉頭，因為用料明顯唔新鮮，致直接影響咗菜式嘅味道。更甚嘅係，烏冬個芯完全唔熟，硬如石頭，哽到個胃嗌救命(幸好肺冇被塞住)，兩兜嘢最後都食剩大半，勁嘥！埋單嗰陣，我坦然表達對此店有啲失望。講真，呢個商場除咗雪糕之外，都冇乜咩值得推薦。

心血來潮想食呢間好出名嘅烏冬一句講晒，容易有胃痛嘅人真係唔使去試除咗個炸雞係好食之外個烏冬硬到唔知以為自己食緊年糕成$100一碗唔食又浪費咁努力地清左佢啦食完，個胃痛到傻奉勸容易有胃痛嘅人真係唔好揾自己個胃去挑戰呢間烏冬店

山本屋在日本名古屋原來都有過百年歷史，今年喺大圍圍方開幕，會有日本師傅坐鎮，喺店裏面用上日本國產小麥粉同過濾水每日新鮮製造手打烏冬。Menu一共有6款烏冬，可以選擇的湯底有三款，分別有老店傳統味噌🥘黃金鰹魚清湯🐟招牌咖喱湯底🍛先試咗美國安格斯牛肉煮烏冬配老店傳統味噌🍲烏冬用上砂鍋盛着，上枱時仲滾緊，湯底味道濃郁香醇，不會過鹹。店員會詢問想要軟腍嘅烏冬定係比較有咬口，如果想要軟腍啲嘅話就可以再滾多一陣先開蓋。烏冬比較粗身，食落好有咬口，掛湯能力都幾強，同呢個味噌湯底好夾😋另一碗要咗吉列豬扒煮鳥冬配黃金鰹魚清湯，呢款就比較清淡，主要係清香嘅魚湯味，加咗雞蛋的關係一路食都有啲蛋花。吉列豬扒係分開上嘅🐷所以都唔怕會比湯浸淋晒。小食方面好推薦燒地雞手羽，外皮香脆味道甜甜地，好好食🤤🔸美國安格斯牛肉煮烏冬配老店傳統味噌🔸吉列豬扒煮鳥冬配黃金鰹魚清湯🔸燒地雞手羽🔸天婦羅拼盤🔸山梨葡萄梳打🔸靜岡蜜柑梳打📍#山本屋 (#大圍美食)大圍車公廟路18號圍方5樓527號舖

山本屋名古屋百年老店今日行開圍方可以去食吓。坐低睇吓食咩自己劃。餐廳主打煮手切鳥冬可以追加配料。仲有好多小食一品料理同飲品。美國安格斯牛肉煮烏冬黃金鰹魚清湯一鍋熱辣辣既烏冬。黃金鰹魚清湯好鮮甜。配烏冬食真係一流。安格斯牛肉牛味香濃，有口感。吉列豬扒煮烏冬招牌咖喱湯底豬扒好脆軟，同埋啲烏冬點吓啲咖喱湯真係好惹味。原來名古屋地道經典食法係追加白米飯再撈湯頭食。我都用咗咖喱湯試吓，真係好味😋一品料理小食叫咗幾款都新鮮熱辣辣好脆口。日式炸豆腐炸雞皮餃子燒地雞手羽天婦羅拼盤飲埋支烏龍茶飽飽

呵呵！話咁快就二訪山本屋！🫶🏻(⁎⁍̴̛ᴗ⁍̴̛⁎)今次都係食傳統老店味噌湯底～大家睇吓張相，粒蛋簡直堪稱係完美🥺！啲湯底真係好好味🤤！仲要食落熱辣辣，啱晒啲咁凍嘅天氣。員工嘅服務態度仲要非常好，除咗幫我更加理解唔同嘅湯底之外，仲要問埋我食後感🙏🏻 一碗百幾蚊嘅面竟然可以得到呢一種嘅服務方式，自己就覺得非常值得啦(*^o^*)不過因為今次趕時間嘅關係，所以都冇叫到小食諗住快食完就走😭 我已經預備好第三次再訪！

叫咗兩碗 魚湯完全冇味 咖哩有味但非常難食🤮初初聽朋友講 話呢間烏冬排曬長龍 所以一心黎試 極度失望😪 就算唔使錢請我都唔會再嚟， 唯一特色就係煲仔上 呢間應該好快搞掂從來從來都冇食過一間咁難食嘅烏冬 唯一好味嘅就係交貨嚟就咁炸嘅雞翼 嗰兩分就係呢度

❌🙅🏻‍♀️期望越大失望越大🤦🏻‍♀️可一不可再❗今日終於入到圍方食烏冬啦！ 一心諗住話哂日本過江龍應該味道都會差啦！仲抱住一份期待的心情去潮聖食好西🧐。 當走進餐廳附近時已見到一條長的人龍, 排到差不多到你時, 職員會先派紙比食客剔選想要的食物, 等左大慨30分鐘左右終於入得。開頭諗住應該好快有得食啦, 點知等左二十多分鐘先有得食。 🙅🏻‍♀️雖然烏冬賣相唔錯, 但烏冬唔夠熟。每碗鳥冬都用砂煲上食物理論上應該會夠熟, 點知咬落口時烏冬口感仲係好硬, 疑似生唔熟透的感覺。 而且味道仲越食越咸, 咸到有點“那”喉嚨🫥。比較難食到其他食材的味道。整體份量唔多, 選用食材方面又唔夠突出, 似係用冰鮮豬肉牛肉來充撐場面, 沒有驚喜😑。 整體來說餐廳仍然有好多進步空間有待改善😅。 🐷黑豚肉煮烏冬（傳統味噌湯底） 🐮美國安格斯牛肉烏冬（傳統味噌湯底） 🐔燒地雞手羽唯一覺得味道有水準的可以話這款炸雞翼, 外層炸到脆卜卜好香口, 加上其肉質嫩滑有雞味😋。

位於大圍的主打手打烏冬日式餐廳。餐廳來自日本名古屋百年歷史的老店，因手打烏冬而馳名；在圍方開業後，人龍絡繹不絕，門前長期站滿長長的人龍，終於在一次難得提早下班的情況下，成功避開人潮，有機會一嚐鼎鼎大名的過江龍餐廳了。科普了一下:這間的烏冬因手打關係，會比起一般烏冬彈牙兼有嚼勁；並採用自家醃製超的味噌湯底，放入一個特製砂鍋內烹調，從烹製至上桌都會使用同一個鍋，有效地保持食物的溫度，使食客可以吃到原汁原味的原鍋烏冬。⋆_____ᴛᴏᴛᴀʟ ᴏʀᴅᴇʀ______⋆▫美國安格斯牛肉煮烏冬 (配老店傳統味噌湯) $108▫吉列豬扒烏冬 (配黃金鰹魚清湯)  $108▫ 炸紫菜雞柳 $38▫ 燒地雞手羽 $48▫ 炸雞皮餃子 $38▫ 天婦羅拼盤 $58▫ 無糖烏龍茶 $25▫ 無糖可樂 $12  ___⋆ ⋆ ___ ✿ 美國安格斯牛肉煮烏冬湯底有三款選擇，分別是老店傅統味噌，招牌咖喱和黃金鰹魚清湯。我選擇傳統味噌湯，烏冬會以砂鍋盛著，揭開鍋蓋後，熱氣騰騰的湯底仍在沸騰著。店員會先詢問我們喜歡吃甚麼質地的烏冬，如喜歡軟稔口感的可以蓋上鍋蓋兩分鐘；如喜歡較煙韌的，便可即時進食。每碗烏冬都已配有雞

間野每個weekend都勁多人排隊，又有幾多like。以為好好味啦，所以今日同老公放假就去試下。填完order form, 因為要等主菜要等15-20 分鐘，好快就飲完杯茶，咁當然就請侍應先生加茶啦。但係呢，請左兩次都冇加到茶喎。到小食到左，先加茶。service 已經扣分。食物叫左炸蝦味噌+吉列豬咖喱湯底，小食叫左炸雞翼+雞皮餃子。 小食冇咩特別，外面好多鋪頭都做到。到主菜，烏冬本身係ok ge，口感幾好。炸蝦同吉列豬扒都係幾好嘅，但兩個湯底呢就真係好麻麻。可能期望太高啦。。。。。。

未食過咁難食嘅烏冬😂難食到要破天荒打食評.加$10叫招牌咖哩湯，好水無乜咖哩味，得隻咖哩色，再配落個烏冬到，完全無味。可以煮到有色無味都好神奇。自己煮個急凍烏冬再落個咖哩磚都好食過佢。.味噌湯重味啲，算係還可以，但都唔係吸引幾多。絕對唔會回頭。.兩碗烏冬都$108@，咖哩仲+$10，跟住落單起計最少要等20分鐘，最後比呢d水凖出黎真係搞笑左少少。.小食叫左雞皮餃子同埋炸紫菜雞柳，居然仲好食過主食烏冬多多聲。.環境又窄又迫唔好坐，同隔離枱得10cm距離。.店家其實真係好應該檢討下，仲話日本老店過江龍😅😅😅

圍方開咗之後，經常見有間充滿的舊日本裝修嘅烏冬店，天天都好多捧場客，所以今日就要去試吓原來呢間喺係喺過江龍喺名古屋相當有歷史嘅拉麵館自家製嘅烏冬，有三款湯底任選包括老店傳統味噌湯，鰹魚湯，咖喱湯我們今次揀咗食老店傳統味噌湯，鰹魚湯另外揀咗個炸豆腐，天婦羅雞翼同埋沙律我自己係食傳統味噌湯底，烏冬用砂鍋上枱一打開真係好香，難怪話係特製嘅味噌湯成個湯好濃郁，加上配上自己手作嘅烏冬彈牙好食鍾意食比較淋嘅烏冬店員仲特登提醒我哋可以喺砂鍋焗多2分鐘可能呢個就係手打烏冬嘅好處可以自己按自己需要選擇軟硬度朋友就食呢個鰹魚湯佢就好推薦因鰹魚汁調校得好啱配上豚肉，再加另外一個炸豬扒味道好有層次沙律配上有炸雞件，清新得來亦都唔太齋燒雞翼外皮好脆加埋啲芝麻咬入去雞唔會「鞋」好食輕輕嘅粉漿，配上蝦，南瓜同埋冬菇。呢個小食天婦羅拼盤一次滿足你唔同心願炸豆腐個豆香好濃郁配上特製醬汁提升左個豆味可以喺香港食日本正宗嘅烏冬睇隊都值得