山本屋 (圍方)

营业中

休息中

未食過咁難食嘅烏冬😂難食到要破天荒打食評.加$10叫招牌咖哩湯，好水無乜咖哩味，得隻咖哩色，再配落個烏冬到，完全無味。可以煮到有色無味都好神奇。自己煮個急凍烏冬再落個咖哩磚都好食過佢。.味噌湯重味啲，算係還可以，但都唔係吸引幾多。絕對唔會回頭。.兩碗烏冬都$108@，咖哩仲+$10，跟住落單起計最少要等20分鐘，最後比呢d水凖出黎真係搞笑左少少。.小食叫左雞皮餃子同埋炸紫菜雞柳，居然仲好食過主食烏冬多多聲。.環境又窄又迫唔好坐，同隔離枱得10cm距離。.店家其實真係好應該檢討下，仲話日本老店過江龍😅😅😅

圍方開咗之後，經常見有間充滿的舊日本裝修嘅烏冬店，天天都好多捧場客，所以今日就要去試吓原來呢間喺係喺過江龍喺名古屋相當有歷史嘅拉麵館自家製嘅烏冬，有三款湯底任選包括老店傳統味噌湯，鰹魚湯，咖喱湯我們今次揀咗食老店傳統味噌湯，鰹魚湯另外揀咗個炸豆腐，天婦羅雞翼同埋沙律我自己係食傳統味噌湯底，烏冬用砂鍋上枱一打開真係好香，難怪話係特製嘅味噌湯成個湯好濃郁，加上配上自己手作嘅烏冬彈牙好食鍾意食比較淋嘅烏冬店員仲特登提醒我哋可以喺砂鍋焗多2分鐘可能呢個就係手打烏冬嘅好處可以自己按自己需要選擇軟硬度朋友就食呢個鰹魚湯佢就好推薦因鰹魚汁調校得好啱配上豚肉，再加另外一個炸豬扒味道好有層次沙律配上有炸雞件，清新得來亦都唔太齋燒雞翼外皮好脆加埋啲芝麻咬入去雞唔會「鞋」好食輕輕嘅粉漿，配上蝦，南瓜同埋冬菇。呢個小食天婦羅拼盤一次滿足你唔同心願炸豆腐個豆香好濃郁配上特製醬汁提升左個豆味可以喺香港食日本正宗嘅烏冬睇隊都值得

人均$80起｜大圍｜手打烏冬｜山本屋位於名古屋老字號山本屋已經在香港圍坊上陸了！這裏主打的是熱鍋烏冬！這此朋友邀請我到來， 是了許多款的名菜，我覺得很多款到很好吃！我朋友分別都點了兩個烏冬：蝦天婦羅烏冬、吉列豬扒煮烏冬聽從了店員的建議，我們都選擇了老店味增傳統風味，不算是很鹹，而且和烏冬分相隔，不過說起來還是第一次吃到味增風味的烏冬湯底呢！這裏的烏冬實在太誇張了，用石鍋端着！上菜的時候仍然冒着龍龍的煙， 非常新鮮滾熱辣！我喜歡吉列豬扒風味的，點上沙律醬和吉列豬扒汁，實在是太開胃了！朋友的三隻天婦羅蝦也是不容小覷的， 天婦羅酥脆而不厚粉，蝦肉仍然能夠保持爽彈， 師傅廚藝不錯！除了主食以外，我們都點了幾款小吃：1. 和風沙律開胃，酸酸甜甜，中和了澱粉質的一頓飯2. 炸雞皮餃子三隻這個雞皮煎得份外香脆，三隻好像不是太夠呢 ；》3. 天婦羅拼盤如果喜歡天婦羅的朋友，就不要錯過這個餐點了！全部都很推薦，包括聊天骷髏冬菇、天婦羅蝦和南瓜——————為食分界線——————📍山本屋 (大圍)大圍車公廟路18號圍方5樓527號舖人均消費： $80#mariofatfat #foodie #hkfood

今日我哋黎圍方食烏冬🍲天氣開始轉涼啦，凍冰冰食返碗熱辣辣嘅烏冬最正於日木名古屋具百年歷史的「山本屋」，首間海外分店選址圍方，每次經過大排長龍，無論係平日的晚市同假日嘅午市及晚市都非常多人排隊，今次我哋醒目揀咗平日嘅早晚市大約5:30去到餐廳就冇人排隊啦每一場嚟到當然要試吓最出名嘅味噌烏冬啦美國安格斯牛肉配味噌湯烏冬店員呢好細心嘅就會問你想啲烏冬煙靭啲啊定腍啲，如果要煙靭啲呢就會即時打開煲蓋，如果要腍啲呢就會再焗多幾分鐘先再打開煲蓋我自己就鍾意食煙靭啲，烏冬呢同平時我哋食嘅烏冬好唔同，比較扁同粗身啲，真係做到煙靭嘅口感，而且都幾掛湯，味噌味呢偏濃味，但係唔係死鹹唔會食完成碗要瘋狂飲水，安格斯牛呢就普通冇乜特別，但係都算幾足料有5-6塊親子黃金鰹魚清湯邊款相對比較清，親子就即係滑蛋同雞啦，本身每一款嘅烏冬都配有腐皮，蛋同京蔥！可能本身個湯呢比較清，結果比啲京蔥嘅味道蓋過晒，變咗京蔥湯咁🫠 不過雞肉幾嫩滑👍🏻蟹棒天婦羅呢個超級大滿足，原本兩件以為係一條蟹柳開一半，點知佢真係俾足兩條蟹柳仲要好大條，炸到好香又唔會好乾身，好好食🤤燒地雞手羽燒得好香口，做到外脆內軟，雞肉都好嫩滑，面頭加埋芝麻更加

今日終於嚟到山本屋！食後感真係相當唔錯，雖然我唔知點解咁多comment都話唔係咁好🤣不過我自己嚟講就幾啱食的！可能始終每一個人都有唔同嘅口味啦🤪佢哋用咗伊賀燒嘅煲裝住烏冬上到嚟熱辣辣，咁涼嘅天氣食一碗咁嘅烏冬就啱晒啦不過小食我同同行朋友就冇叫到，諗住下次先再嚟多次一試！另外飲品方面我仲叫咗一支叫做抹茶可樂嘅嘢飲，飲落去都幾特別！佢哋全部嘢飲都好似用咗日本嘅包裝咁，真係彷彿好似去咗名古屋一樣！

今日終於試咗山本屋！之前成日經過都見到大排長龍，所以一等到熱潮過咗我就即刻去撞下彩啦！撞正今日係閑日，加上啱啱開門又唔係好多人，所以就決定試一試^_^不過其實我就唔食味噌嘅，所以就冇叫呢一個傳統嘅口味 我自己就鍾意咖喱，所以就叫咗咖喱湯底親子煮烏冬！一上枱就有濃濃嘅咖喱香味，烏冬都非常有咬口！絕對係我自己本身鍾意嘅口味嚟㗎不過我就唔知道係咪個個都接受到呢一種嘅硬度啦！總括而言之後都會再試埋其他嘅小食！！

老店傳統味噌美國安格斯牛肉煮手切烏冬🍲先試呢個傳統口味，烏冬的確有咬勁，味噌味非常之出。早前有食客話太咸，相信已經作出調整。味噌只係香濃但一啲都唔咸，加埋標配嘅生蛋就更加滑。牛肉同烏冬份量都十足，如果唔夠飽仲可以叫店員俾碗白飯你加入湯做湯飯。芝士咖喱吉列豬扒煮手切烏冬🍲個人喜好濃味啲skip 咗鰹魚湯，加$10轉咖喱湯再加$15加咗拉絲芝士。芝士加上日式咖喱再同生蛋混合真係好正。想烏冬再軟身啲可以吸蓋焗一焗更加入味。吉烈豬扒炸得乾身，外衣唔會分散，點湯一齊食最好。腐皮都索到湯汁。當然撈飯就梗係正㗎喇。仲有佢哋啲炸物唔錯，個日式炸豆腐真心好食，天婦羅拼盤都好啱餸烏冬食。仲有一個細心位，佢哋有圍裙可以用，咁就唔怕整污糟件靚衫喇。

同媽咪去圍方睇戲前食嘢，搵到呢間烏冬專門店，原來係日本百年老店。美國安格斯牛肉烏冬我揀咗傳統味噌湯底，湯底濃郁，配料有生雞蛋，腐皮。安格斯牛肉味濃，烏冬幾彈牙，爽口煙靭，加錢配泡菜，酸辣又開胃。蝦🍤天婦羅煮烏冬媽咪去完日本好鍾意食天婦羅，揀咗呢款，同樣傳統味噌湯底，佢另外加錢叫年糕。燒地雞手羽日本除咗有超市買到的普通雞肉之外，還有一種被稱作「地雞」的高級雞肉，味道與一般雞不同，價格較高且珍貴。果然雞肉鮮嫩，又炸得香脆，食咗2隻，媽咪食1隻，我哋都唔夠喉😂。山本屋特製沙津有驚喜，大大份量，沙律菜新鮮仲有好幾嚿炸雞，類似唐揚雞，味道又甜甜地，非常香口。最後叫2杯飲品，靜岡密柑梳打和蜜桃🍑梳打，好飲清新又解渴。

呢間係來自日本名古屋嘅百年老店，主打每日新鮮製造手打烏冬，出面有個大玻璃展示師傅即場製作過程，店內好多客人，繁忙時間要排隊等候，感覺都幾出名，建議早啲去食😲烏冬有六款選擇，三款湯底，跟溫泉蛋、腐皮同蔥，麵條煙韌，帶點咬口，想腍身啲嘅可以焗住先唔好打開個蓋、鰹魚湯較清淡，味增湯改良過，飲落唔鹹，適合港人口味！配料加咗牛肉，薄切，唔嚡、天婦羅蝦有兩大條，外脆內滑，比單點更划算、吉列豬扒幾打塊，外層又脆又薄又唔油，豬扒較瘦，感覺更加健康，性價比高，可以一試🐷 小食方面有好多選擇，而且樣樣都幾高質，完全唔hea🤣 天婦羅同三品菇類拼盤份量唔少，外層炸至酥脆可口，炸皮好薄，內裡啖啖餡料，適合多人share！個人喜歡炸紫菜雞柳，肉質嫩滑多汁，配上炸紫菜令到整體口感同味道大大提升！仲有必點嘅燒地雞手羽，三大隻，外脆唔油膩，同樣嫩滑可口，鎖緊肉汁、喜歡食豆腐嘅建議一定要點冷豆腐同炸豆腐，前者以芝麻醬調味，入口滑溜，後者甜甜哋，熱呼呼好好食！食完唔夠飽嘅可以加多碗白飯，飯粒軟糯，黏住黏住，倒入剩咗嘅湯攪拌後就變成泡飯了！呢度有綠茶飲，暖胃，健康又解膩，整體感覺良好，不得不讚店員嘅服務態度，親切又貼心👍🏻

🌟餐廳：山本屋Yamamotoya📍地址：大圍車公廟路18號圍方5樓527號舖💰價位：$51-100⏰營業時間：星期一至日11:30 - 22:00📱電話：22972070來自日本名古屋既山本屋係大圍圍方開咗啦！歷經百年時光，傳承至第五代，於香港設首家海外分店，日本過江龍，收工時間經過餐廳次次都見到有長長人龍排隊，難得今日早收工，即刻去試試先！ 以手打烏冬聞名既山本屋，堅持以傳統手打技法，全人手正宗製作新鮮烏冬，以濃郁、香味、彈口聞名，知名度遍佈全日本！———————————————————🔹親子煮烏冬湯底有三款口味選擇：老店傳統味噌、黃金鰹魚清湯、招牌咖喱，今次試咗黃金鰹魚清湯，湯頭鮮甜味香，散發香濃鏗魚味道，口感醇厚～每款烏冬鍋已預先配有蔥、流心蛋、腐皮，大推滑溜香甜、索滿湯汁既腐皮，我今次仲另外追加咗泡菜，清脆爽口，微辣特別開胃！親子即雞件，無骨啖啖肉好彈滑～主角之一既烏冬口感彈牙兼有嚼勁，煙煙韌韌好有咬口！———————————————————🔹美國安格斯牛肉煮烏冬用特製砂鍋呈上，令全程都可以保持熱度～美國安格斯牛肉牛味香濃，完美脂肪比例，柔軟嫩滑～同樣選擇黃金鰹魚清湯，香濃醇

旅行時我最鍾意探訪老店，三本屋於1925年在大阪成立，至今90多年，經歷五代，傳統口味，知道老店竟然過江香港，我當然不會錯過。平時大排長龍，所以今日特別平日下午到達，吃得輕鬆。手打烏冬有六款口味，廚師推介是親子煮烏冬及蝦天婦羅煮烏冬，我比較貪心，選了親子煮烏冬之外再加天婦羅拼盤，這樣就可以試晒兩個口味。三款湯頭，老店味噌口味是招牌，其他兩款是黃金鰹魚清湯及招牌咖喱。其實心裏面好想試味噌，而且聽說已經調教了香港人口味，鹹度已減，只因喉嚨有點不適還是清湯比較好。親子煮烏冬 $88美國安格斯牛肉煮烏冬 $108每款烏冬跟一只溫泉蛋、腐皮及蔥，再加上自選配料已經非常足夠。烏冬的確非常煙韌富彈力，與一般製有很大分別；湯頭以鰹魚、飛魚乾、鯖魚乾浸透整晚而成，色澤淡雅，鮮甜之層次是慢慢湧出來的，我認為簡單就是美，親子煮烏冬好吃！天婦羅拼盤 $58三品菇類盛 $28怪不得天婦羅烏冬是招牌，因為天婦羅食品亦處理得很好，酥脆不膩，炸得恰到好處。天婦羅拼盤有兩只天婦羅蝦、兩片南瓜及一片冬菇。燒地雞手羽 $48可能是日本雞或品種有關，肉質非常香嫩，我的推薦。日式炸豆腐 $28豆腐亦是必吃的，超滑！山本屋特製沙

山本屋難得過嚟新商場，當然要睇吓有咩嘢食，見呢一間烏冬成日都排長龍，當然要試吓啦今次我哋下晝四點幾去到，客人都坐滿半間餐廳，去到五點幾就要排隊喇！因為我地勁肚餓，所以我地要左兩個烏冬，三個小食😋第一個叫左美國安格斯牛肉煮鳥冬，湯底係老店傳統味噌，另外加左豚肉。呢個適合淡口味啲既朋友，佢唔會好重味，唔會食完好渴，牛肉豚肉都好足，入面仲有腐皮吸哂湯底，好正👍🏻另一個就叫左蝦天婦羅煮烏冬，湯底係招牌咖喱再加左芝士！好邪惡好好食，咖啡唔會好杰，但好match，天婦羅亦唔會好厚炸粉，出色！小食有日式炸豆腐，炸雞皮餃子同燒地雞手羽，全部都好出色，尤其係雞皮餃子，新鮮炸起超正😍飲品就叫靜岡蜜柑梳打同埋元祖波子汽水，夠哂日本風味

圍方開咗咁耐都未得閒去行下趁假期就去朝聖一下呢間具有百年歷史嘅名古屋過江龍烏冬店「山本屋」香港店仲要係首間海外分店 十分巴閉前排開業時大排長龍 不過評價就非常兩極(ㆆ_ㆆ)本身都抱住可能中伏嘅心態去試吓點知又覺得唔錯喎可能係因為近期店家再調整咗食譜 如果唔使排隊都值得一試啊(*´∇｀*)❀ 蝦天婦羅煮烏冬 • 老店傳統味噌湯‣ $𝟙𝟘𝟠♡❀ 吉列豬扒煮烏冬 • 招牌咖喱湯‣ $𝟙𝟙𝟠♡山本屋主打嘅手打烏冬全部都係每日新鮮製造香港作為首間海外分店 仲特別邀請到第五代傳人親自黎香港製麵( *˙0˙*)保留名古屋當地最傳統嘅味道！！烏冬係用熱辣辣嘅砂煲做盛器一開蓋仲會見到個湯係ʙᴜʟᴜʙᴜʟᴜʙᴜʟᴜ咁滾緊(^O^)/烏冬質感相比起平時食開偏硬身但就好有彈性同咬口 同埋非常掛湯每碗烏冬本身已經包咗玉子同油揚湯底方面我地揀咗老店傳統味噌湯同招牌咖喱湯味噌湯係用咗釀制𝟛年嘅赤味噌製成 味道絕對夠香濃 配埋煮到入哂味嘅烏冬非常唔錯至於咖喱湯就相對無咁濃稠 但都算幾惹味咖喱味再突出啲會更好( ᵕᴗᵕ )炸物豬扒同蝦天婦羅都係薄炸粉同好香脆 就咁食或者沾埋烏冬湯都別有風味٩(๑❛ᴗ❛๑)۶❀ 日式炸豆

今天見無人排隊唔使等就直接入去食，叫左個黑豚肉烏冬，鰹魚清湯底。從來都未試過食咁難食既烏冬，湯無味，你話佢似刀削麵，我比較認同，但如果話佢係烏冬，我接受唔到。另外，出單時間慢，樓面唔算多人，平均一個烏冬都要等20分鐘先出到來，用咁多時間煮出來，煮到咁既水準，真係有咁失望得咁失望，我求奇搵一間小店煮個烏冬出來，都比佢出色，比佢好食，最主要人地真係有烏冬既煙韌口感，湯底唔會無味。另外，我都叫左個凍豆腐和雜天婦羅，不過不失，無特別驚喜。成張單咁就差唔多2舊，貴而難食，想食樣好味既野都咁難嗎？

始創於1925年，至今接近一個世紀，這家來自日本名古屋的「山本屋」烏冬專門店最近在大圍的新地標「圍方」開設其首家海外分店。山本屋以手打烏冬聞名，現在由第五代傳人青木晃佑接棒，把百年的手藝和味道傳承下去。青木師傅每天以傳統手打技法製作出新鮮的烏冬麵條，每條生烏冬尺寸約4mm, 彈牙兼有嚼勁；並採用自家醃製超過三年的岡崎「八丁味噌」配合家傳秘方調製出獨一無二的味噌湯底，最後放入一個伊賀燒窯爐特製砂鍋內烹調，從烹製至上桌都是使用同一個鍋，這樣不但能夠保持食物的溫度，並且可以吃到原汁原味的原鍋烏冬。美國安格斯牛肉煮烏冬（$108）湯底有三款選擇，分別是老店傅統味噌，招牌咖喱和黃金鰹魚清湯。我選擇了美國安格斯牛肉烏冬配老店傳統味噌，當砂鍋端至我面前，揭開鍋蓋，看見熱氣騰騰的滾滾蒸氣，並聽到沸騰的湯底不斷卜卜發響。味噌湯底經過師傅反覆調配，調製至適合香港人的口味，味道醇厚馥香亦不過鹹；每一條烏冬麵條都是人手每天新鮮製造，口感既爽彈又煙靭，如果喜歡吃比較腍身的烏冬，可以蓋上鍋蓋兩分鐘，就可以吃到軟滑的口感。吉列豬扒煮烏冬（$108）另一款吉列豬扒烏冬配招牌咖喱（+$10），每一款烏冬鍋已配有雞蛋、蔥