嵐橋日本料理

营业中

休息中

左口魚刺身刺身看起來有透明感，口感幾肥美又爽口，有少少魚油香，但又未係到拖羅有嗰種肥膩感!! 深海池魚、油甘魚腩、赤身壽司我最期待嘅壽司，壽司厚切大件鮮味十足，享受油甘魚腩嘅油脂喺口裏面散開，飯原本已經加咗豉油，點少少Wasabi食已經可以!! 蒜香火炙鹿兒島和牛沙律睇吓和牛嘅花紋就知係正嘢，比較少食完全生嘅牛肉，一定要係靚牛先至可以咁樣生食，同沙律都好夾!! 免治雞肉串竟然配埋生雞蛋豉油，有在日本居酒屋嘅感覺!!安格斯牛小排、黑豚蘆筍卷兩款串燒配搭埋檸檬汁，一齊食，好好食尤其是個牛小排鮮嫩多汁!! 鹽燒三文魚頭鮫三文魚一啲都唔腥魚肉嫩滑，三文魚鮫呢個位其實冇咩骨好多肉食，調味啱啱好唔會過鹹，好食!! 另外仲叫咗個鹿兒島黑豚肉鍋燒烏冬，唔算好大有各種蔬菜食下，味道正正常常!! 食日本嘢最緊要食材新鮮，咁煮出嚟大多數都會好食，呢間居酒屋係唔錯嘅選擇!!

放假同男朋友仔搵食，其實都係朋友試過介紹我但真係唔錯嫁等我同大家講下我食左咩刺身深海池魚刺身三文魚腩刺身 非常厚切北海道帆立貝刺身（重點) 好甜好新鮮金目鯛刺身柚子啫哩+魚子 將佢捲埋一齊食好清新，有少少酸味配合金目鯛 好食三文魚松葉蟹肉卷天婦羅炸蝦🍤x2 茄子🍆秋葵 粟米🌽南瓜🎃魚 即叫即整 熱住上非常脆 炸粉唔會厚👍🏻👍🏻串燒安格斯牛柳粒肉嫩 配上燒汁仲好香添雞肝 相信唔會個個都中意食 但我例外，而且仲覺得比起其他燒肉店幾好味黑豚蘆筍卷黑豚煎到脆脆地包住爽脆蘆筍蘆筍海膽炒飯飯粒粒分明 所以味道好均勻唔會太咸仲有少少海膽香味添

日本菜還是我的最愛❤️刺身壽司串燒也是小妹的天堂油甘魚$68 金線鯛$68兩樣刺身拍埋一齊金線雕顯得好出色，佢有少量嘅煙熏味，但係煙熏味唔會蓋過我本身刺身嘅鮮。真鯛刺身 $108薄切程度好驚人，點樣先可以做到咁薄😱 食落去好有魚味同平時食嘅刺身有少少唔同。壽司盛八點 $258最邪惡當然係中間嘅海膽吞拿魚腩丼。兩樣嘢我都係超級鍾意食，搭埋一齊叫我如何不愛。上面仲有啲炸咗嘅蒜絲，壽司三兩下就食晒，最唔捨得食就係呢個迷你丼，用咗平時飲清酒嘅杯佢放呢個飯，令到成件事更加高級。佢側邊配有咗幾塊紫菜，可以包住上面嘅海膽黎食，真心覺得好邪惡。田樂燒豆腐 $28上到嚟嘅時候係超級香，食落去有啲似香嘅臭豆腐，佢嗰張係豆瓣醬，好好食。煎沖繩豚肉餃子 🥟 $58餃子好香配有辣油，咬落去係超級脆。同埋入面用咗豚肉嘅關係好食再升級。牛小排青蔥卷 $48本身蔥係我眼中係唔值錢嘅嘢，但加埋牛小排成件事升咗值。一齊食令到成個串燒好Juice。薩摩赤雞腿肉 $34佢嗰張有啲似明太子醬，而且雞腿肉幾滑。味噌黑豚肉石頭鍋飯 $138石頭鍋飯最緊要有飯焦，一上到嚟個石鍋好熱，等一陣再撈勻，飯焦得咗。雖然佢樓面偏細，但係有幾層就

行至尖沙咀白蘭軒道，朋友話午餐可以試下嵐橋丼飯，佢哋定時套餐好抵。餐廳裝修好有日本風格，午餐套餐好豐富：前菜、茶碗蒸、沙律、味增湯、雪糕，$128～$198有魚生、壽喜燒、牛肉、熟魚等多種選擇。銀鱈魚西京燒：兩大件黑鱈魚，表面微金黃色，肉質細緻、油脂豐厚、多汁，甜甜鹹鹹的味道加上魚肉本身一片一片入口即化的口感，超級美味!!安格斯牛肉薄燒：牛肉薄片包住香脆日本蒜和香蔥，外軟內脆完美帶出牛肉鮮味！日式茶碗蒸：滑嫩可口，用高湯烹調，仲有海鮮食材，讓茶碗蒸吃起來保有鮮甜度與軟嫩的口感。對兩個餐都好滿意，下次可以試下其他套餐。

今晚同朋友食生日飯，知道佢一向鍾情日式料理，今晚一於帶佢去間好有居酒屋🏮風味嘅日式料理 - 嵐橋。嵐橋位於尖沙咀棉登徑，雖然一帶都有唔少食肆，日式料理都有好幾間，但我都係鍾情嵐橋😆。嵐橋除左地鋪，係隔離仲開左2樓同3樓，2樓同樣有壽司bar枱，清晰見倒當日準備嘅魚生食材，非常乾淨衛生，令食客食得非常放心😋。先點串燒輕食，打開大家個胃口先😆🍡雞翼鮑魚 - 已去骨嘅雞翼啖啖肉😋，入邊收埋隻鮑魚😆，咬落軟淑，香味濃郁。🍢黑豚秋葵卷 - 黑豚肉燒得蕉蕉脆脆，秋葵獨特嘅味道，燒得唔會過火，秋葵仍保持青脆，入口帶埋黑豚嘅鮮肉味道。🍡明太子山藥 - 呢個最鍾意，明太子夾雜沙律醬，酸酸甜甜，連埋山藥一齊食，又爽又脆又清甜，係最佳開胃前菜😋。🥢鰻魚玉子卷，軟糯香甜米飯裹住青脆嘅青瓜，香甜嘅玉子，上面一大塊燒過嘅鰻魚鋪面，入口鰻魚嘅油花爆發，滿口油香。🥢魚生併盤點左甜蝦、厚切三文魚腩、鮮八爪魚刺身，甜蝦唔好睇佢細細隻，非常鮮美，口腔內慢慢咀嚼至起膠，鮮味更加倍增😋；厚切三文魚腩，口感極佳，油花係口腔四淺，爆發濃郁油花甘香；鮮八爪魚，吸盤用竹簽串起好得意，魚身燒至微微蕉香，落些小青檸汁，更加令鮮味提升。🥢安

放工同友人行完K11在附近搵食，行到棉登徑附近，對腳又忍唔住行左去嵐橋🤣，睇下今晚餐牌食物，都幾吸引同好多款式選擇，一於又入去嘆番餐先😋嵐橋除咗地面鋪，仲有二樓和三樓，二樓都有個迷你壽司吧，唔使係樓下攞上嚟，同樣可以即做即食。餐牌真係有好多選擇，刺身、沙律、丼飯，燒物⋯⋯真係咩都想試吓😂刺身：鮮八爪魚🐙油甘魚，金線鯛；師傅連擺盤都花盡心思，八爪魚吸盤用竹籤一粒粒穿住，咁靚當然係手機先食。八爪魚和油甘魚微微燒過，帶出魚香，即彈牙又香甜。厚切金線鯛，肉質結實又鮮甜。海膽蔥花拖羅卷：層次分明，海膽鮮甜，夾着拖羅，飯內爽口青瓜，口感豐富。燒煎物：芝麻雞翼，鹽燒三文魚頭連鮫，煎沖繩豚肉餃子；燒物一上枱熱辣辣，香噴噴，皮燒得卜卜脆，三文魚可以連魚鰭骨都食埋。而且份量十分，大大碟，好味又抵食。餃子爆晒汁，醬汁有點麻辣，味道幾特別。昆布清酒煮蜆：辣味十足，加埋清酒，飲一啖湯成個人醒晒，大蜆肉鮮夾着好香嘅清酒味，十分滋味。黑松露帶子炒飯：炒飯真材實料，參唔多每羹飯都有帶子，而且粒粒分明唔油膩。加入適量黑松露，使炒飯更添香氣。餐廳無論刺身和熟食都十分出色，值得一食再食。

朋友生日推薦了來這間， 尖沙咀有名的日式料理， 店員親善健談， 推介了不少當天新鮮魚生及招牌美食。牡丹蝦刺身蝦肉極甜美極富彈性，豐盈甘香的蝦膏，甘甜濃郁，餘味悠長 ，蝦肉細綿帶爽的口感回味無窮。金目鯛刺身魚身呈現鮮豔深紅色，魚肉呈淡淡粉紅色、魚肉鮮甜嫩滑，肉質細緻鮮美而且少刺。火炙後油脂豐富更顯魚味。金線鯛刺身清淡的鯛魚，味道較清淡，肉質柔軟結實。品種和香港的紅衫魚相同，但產地不同。蔥花拖羅蓉小卷鮮味的拖羅蓉，油脂豐盛質感棉滑，配上青蔥可解油膩感覺，散發清新味道。飯質有彈性而且酸味適中。安格斯牛小排+厚牛舌炭火串燒, 安格斯牛小排肉味香濃, 肉質淋滑, 油脂比例均勻。 厚牛舌柔軟脆彈， 油脂香氣濃郁， 配上柚子胡椒更是一番風味。鮑魚雞翼肥美的去骨雞翼，包著彈牙鮮味的鮑魚， 雞皮乾爽脆口， 雞肉嫩滑多汁， 鮑魚吸收了 雞汁精華， 彈牙之餘陪添鮮味。田樂燒豆腐+戰沖繩豚肉餃子 甜甜的麵醬， 沾在鬆脆可口的豆腐， 外層鬆脆 ，內裏豆腐嫩滑多汁充滿豆味。 餃子 肉味香濃充滿肉汁， 外皮煙煙靭靭， 沾上特製餃子汁香香辣辣。黑松露帶子炒飯最後來個充滿黑松露香氣的炒飯， 帶子份量十足而且彈牙鮮甜，

尖沙咀一向都多食肆，地舖同樓上舖餐廳多不勝數，但今次呢邊真係好少食。無意之中見到一篇介紹黃店的post一於來支持試下。位於尖沙咀K11過少少嘅街，係一間樓上鋪，位置唔算太多，但依然坐得舒服，座位唔會擺到好密。佢嘅lunch set都會包1分沙律，一舊麻醬豆腐，一碗麵豉湯，一碗茶碗蒸，同埋雪糕。沙律菜OK，酸酸地幾開胃。豆腐就淋上麻醬，清淡得來又帶點味道，幾fresh。麵豉湯同茶碗蒸都係合格嘅，上菜時仲非常熱辣辣。北海道丼：油甘魚，三文魚，帆立貝，松葉蟹肉蟹膏，海膽同蟹子好多魚生片鋪滿晒喺個飯上，全部都係厚切 好新鮮同埋牡丹蝦極大隻 好鮮甜。特別係海膽，就算唔點豉油，都食得出好鮮味。親子柳川鍋配白飯：基本上就係一個高級少少嘅親子丼，不過佢加咗牛蒡，味道上多咗分層次，少少甘苦味加埋味林的甜 很剛好，啲雞肉就好嫩滑，唔會煮得太老。雪糕仲有3隻味選擇:芝麻，豆腐，綠茶我地擇左豆腐，綠茶雪糕都好大球 唔係太甜 唔係牛奶公司貨 唔錯整體而言，人均消費$150左右，以呢個食物質素來講，我覺得係值回票價。

之前經過好多人排隊，今次就預早訂枱，唔駛等好快就有得入座，真係記得訂位，真係好緊要，因為真係好多人等㗎。🔻竹刺身盛 $428🔻2人前既份量👏🏻，有6款刺身，全部厚切😚，食落好鮮甜，尤其係拖羅，好肥美，油脂好香😋，赤貝爽口，油甘魚同鯛魚好有魚味，兩個人食啱啱好👏🏻👏🏻🔻深海池魚壽司$96🔻池魚本身屬於軟淋既質感，厚切做壽司🍣，口感又會唔同左，師傅已經係表面加左的醬油，一黎到就入口，正🤩🔻鮮八爪魚壽司$56🔻依個正，口感唔韌，仲有少許既火炙，香味十足🔻吉列廣島蠔 $98🔻一客有4件😋，好滿足呀，吉列層炸得好鬆化🦪，入口勁香，蠔身熟度剛好，唔會太韌🤩，真係好好食，仲可以配個吉列汁，酸酸地，醒胃👏🏻👏🏻🔻厚燒牛舌$52🔻個質感好似的牛腩咁，好軟熟🤩，厚燒最正係有口感，軟綿得黎又重牛味😋，連埋蔥食，有埋蔥香，正👏🏻🔻鹿兒島黑豚五花腩$38🔻肥豬肉🤩，油脂燒得好好好鬼香🤩，真正外脆內軟，少少🤏🏻鹽，食落鹹脆相宜，啖啖肉好滿足😚🔻鯛魚湯鍋燒烏冬 $148🔻超濃魚湯味，湯底又白又濃又無油，真心超正🤩。煙韌嘅烏冬仲有蔬菜🥬，都吸滿哂魚湯精華，加埋幾片白雪雪嘅鯛魚，真係無得頂👏🏻👏🏻。

喺尖沙咀搵食，見到呢間店鋪門口都幾有特色，入到去似去左日本嘅居酒屋，環境算係幾優雅嘅樓上鋪。先點左幾款刺身同壽司，擺盤同賣相都幾精緻，其中赤身($98/2片)同金目鯛魚刺身($118/2片)都非常鮮味，解雪做得剛剛好，而壽司飯都唔只係白飯，係用溝咗醬油嘅飯製成。安格斯牛肉薄燒($158)份量幾多，兩個人食都好夠分。好多時平時食到嘅牛肉燒會包住金菇等食材，但呢度嘅做法係將安格斯牛博燒包住一堆蔥，鍾意食蔥嘅我來講就十分搭配。安格斯牛薄片食出牛味，粒粒細蔥亦為呢道菜增添一啲口感。鮑魚雞翼($78)平時食日本放題多數都會有雞翼餃子，但係雞翼裏面饟鮑魚就真係第一次試，食落嘅感覺幾新鮮同特別，但係價錢就唔算特別抵食。厚牛舌($52)&鹿兒園黑豚蘆筍卷($42)厚切牛舌非常肥美，食落又唔會過韌，牛舌嘅表面有一層牛嘅油脂包住；而蘆荀卷就以薄切黑豚肉包住蘆筍，燒得夠香口，賣相兩款都好靚。鯛魚湯鍋燒烏冬($148)有濃濃嘅鮮魚湯味，味道無乜腥味，望落去湯夠清，唔會似平時魚頭湯果種油膩嘅感覺；而烏冬都用左扁身果款，入口幾煙韌，係一款幾清新又暖胃嘅選擇。黑胡麻&豆腐雪糕($28/each)黑胡麻雪糕嘅味道幾夠

好姐妹生日，梗係要食佢最鐘意嘅日本菜啦🇯🇵記得之前lunch去嵐橋食過🍱丼飯勁新鮮好味，今次一於試下晚飯嘅🥣日本料理🍢有魚生又有熱食！地點就喺勁多餐廳嘅棉登徑，兩間嵐橋係相連舖位，餐廳以傳統日式裝潢，有我地最鐘意坐嘅壽司Bar枱，氣氛特別好！ 刺身： 🍣金線鯛 $68：火炙燒嘅金線鯛魚皮香口，肉質軟嫩，油脂豐富，雙重口感勁好味！🍣三文魚腩刺身 $58：厚切三文魚腩，肉質彈牙有咬口，魚腩夠肥美油脂味香甜！🐙鮮八爪魚刺身 $138： 足足六片厚厚嘅鮮八爪魚刺身，肉質係半透明，煙韌有咬口帶點膠質！ 仲有兩串炙燒八爪魚燒吸盤到好香同爽口！🍣海膽蔥花拖羅卷 $188: 頂層放左炸蔥絲，比平時食嘅蔥拖羅更香口更惹味！海膽香濃厚實，厚厚嘅拖羅蓉好軟綿細滑，卷入面用左清新爽口嘅青瓜，一件卷物有多層次嘅味道，推介！熱食： 🍶昆布清酒煮蜆 $108: 必食嘅清酒煮蜆，一上枱清酒味好香，粒粒蜆肉肥美漲卜卜份量足，個湯有昆布味加微辣香味！一啖蜆一啖湯飲完個胃好舒服！啱哂食完魚生飲！ 味噌黑豚肉石頭鍋飯🍚$158 ：黑豚肉超軟嫩滑，肉味香濃，配埋温泉蛋，椰菜，洋蔥等，自己撈一撈炒一炒，好驚喜仲有飯焦勁香口同豐！

約左舊同事食飯😎之前經過白綿登徑有幾間日本料理，於是就選左嵐橋日本料理🪟入口位於一個小門口位置上一層係日本高級居酒屋的裝潢🎐🎎坐係bar台位置見到師傅細心的鋪放刺身🐙漬物盛五點🐟金線鯛刺身🐟油甘魚刺身🐟池魚刺身🍣鰻魚玉子卷~食完已經好飽^^🍢雞軟骨~即叫即燒👍🏻串燒中最愛雞軟骨🍖鮑魚雞翼~好特別把鮑魚釀入雞翼🍢牛小排蔥卷~肉質幾嫩🍎蘋果雪笆~原個蘋果上，雪笆好味唔太甜

E間餐廳一直係我嘅收藏list好耐了🤣終於有機會試到佢～食物嘅選擇好多元化，啱晒乜都想試啲嘅我！串燒類別😍左起：牛小排青蔥卷 $48厚牛舌 $52薩摩赤雞肉蔥卷 $38明太子雞翼 $48牛小排青蔥卷- 香濃的牛肉配上青蔥，本身我很怕韌，但值得一讚嘅係佢冇根，可以一口吃下去的感覺很滿足😝牛舌 - 選用了牛舌芯，厚厚的一片又滿足又惹味明太子雞翼 - 少少辣，但係明太子好足料 亦鹹香而雞肉 - 入口嫩滑，質感令味蕾滿足感大增壽司類別😍甜蝦刺身 $78兩切金線雕 $68燒過的鯛魚份外香口🤩而且廚師燒好好手勢，完全係外邊香脆但係入邊仍然有刺身生嘅口感～鰹魚 $98一般鰹魚都比較腥，經過運送會更難處理，但呢道嘅鰹魚係完全冇腥味！加上輕輕嘅燒一燒，都冇減低腍滑的口感😍三文魚松葉蟹肉卷 $118三文魚籽增加了整個卷的質感，大大條很厚料鵝肝多士 $88$88大大片鵝肝！必食推介👍🏻鵝肝完全做到入口即溶嘅感覺😍而且點輟的多士也很脆，另外廚師也細心地cut half，方便兩個人share吃天婦羅拼盤 $108經典配搭作為本日的終結😘第一次食秋葵天婦羅，原來也不錯，而且靈芝菇也很特別，好juicy～

棉登徑除咗係飲酒好去處，一向都有唔同日本餐廳林立，今次random揀間門面幾好既試下。雜錦刺身丼 $178帆立貝刺身夠新鮮，拖羅用份量都俾得幾generous，醋飯方面都有啲預不到，竟有用上赤醋，飯比較黏，對我來說都還可以。 咖喱吉列豬扒飯 $138都幾出乎意料之外，有點像去了coco一番的水準，豬扒熱辣辣，吉列層出色，裡面juicy出煙，日式咖喱甜甜辣辣好快就清哂啲飯。價錢已包前菜茶碗蒸麵豉湯同甜品，都算係抵食之選。—————————————————嵐橋日本料理 (Tsim Sha Tsui)M/F&1/F, Rich Towers, 2 Blenheim Ave, Minden Ave, Tsim Sha Tsui—————————————————⠀

尖沙咀一帶都有好多間居酒屋，今次揀呢間就係k11 附近，樓高兩層，餐牌選擇非常之多，入面環境氣氛都好好，好岩同朋友傾吓計享受吓美食😆 🔸️鮟鱇魚肝厚切，好有口感 🔸️和風刺身沙律好大碟，入面有蟹籽，魚籽，三文魚，吞拿魚，拖羅，蕃茄仔同新鮮沙律菜配醋汁，食落層次豐富，好開胃 🔸️刺身點了牡丹蝦，活赤貝，油甘魚腩，鮮味十足 🔸️軟殼蟹牛油果卷軟殼蟹炸到外脆內軟，加入卷物當中，配埋軟滑清香既牛油果，增添口感 🔸️牛小排青蔥卷嫩滑既牛肉捲住燒過既青蔥，蔥味濃，每啖食落都感受得到蔥既氣息 🔸️火炙左口魚邊壽司我最愛既壽司之一，火炙逼出魚油，入口溶化，好味🤤 🔸️火炙壽司盛六點再黎火炙系列壽司，大拖羅，黑松露帶子，平目魚邊，柚子胡椒油甘魚腩，味蹭蟹膏牡丹蝦，柚子鮮八爪，經過火炙，令食材昇華，寧舍好味🥰 🔸️田樂燒豆腐個造型好似臭豆腐，外層脆配上嫩滑既豆腐再配搭埋個醬汁，又幾好食 🔸️免治雞肉棒呢個雞肉棒入面加入了軟骨，好有嚼勁，再配上生雞蛋既嫩滑，令口感更佳 🔸️明太子山藥食落爽口，質感似秋葵滑潺潺，配上明太子醬，幾特別，值得一試