嵐橋日本料理

营业中

休息中

放假梗係要食好野啦，知棉登徑多嘢食，揀左嵐橋試下。成三層樓，地下係食丼飯，二樓有吧檯位，睇得到師傅整緊啲嘢食，有私人廚房feel.三樓係私人包間，成個環境都幾舒適。餐前小食：柚子冰頭漬$48 聽店員介紹番原來係三文魚頭眼周圍啲軟骨，幾得意，平時好少食到，個口感⺊⺊脆，好清爽彈牙，加埋柚子醋酸酸哋，好開胃。日本時令生蠔$84隻 隻生蠔係時間限定，menu度無。成隻蠔拳頭咁大，一口食埋，真係不得了，成口得個鮮字！一啲啲腥味都無，超滿足！無得輸。又嗌左一只牡丹蝦刺身$74，兩切油甘魚腩刺身$78 啲魚生質數好高，夠新鮮。牡丹蝦軟軟糯糯，好鮮甜。油甘魚腩夠肥，又厚又大，食落軟綿綿。👍🏻個價錢食到咁新鮮啲魚生都算抵食，值得一試。串燒都好好味~免治雞肉棒$48 雞肉棒超足料，食落有驚喜，啖啖都有雞軟骨，撈埋生雞蛋黃，勁順滑，正！

位於尖沙咀嘅一間高級日本菜，店舖有刺身、壽司、沙律、小食、手卷、丼飯、湯、一品料理、天婦羅炸物等等。。竹刺身盛 $428中拖羅2切，油甘魚2切，三文魚2切，鯛魚2切，甘蝦4隻，赤貝1隻 。刺身非常新鮮，好鮮甜。加上厚切嘅關係，食落好有口感。刺身好出色，值得一試。壽司 深海池魚 $48 、左口魚 $28、鮮八爪魚 $28深海池魚比較軟身同鮮甜，左口魚同鮮八爪魚就比較有口感。壽司飯嘅調味適合。鯛魚湯鍋燒烏冬 $148好清甜嘅魚湯底，除咗烏冬，仲食到好多嘅蔬菜同魚肉。 魚肉略為過熟，烏冬仲有少少彈牙。。吉列廣島蠔 $98外層嘅麵包糠揸得好香脆，一咬落就食到蠔嘅鮮甜味。仲可以點買醬汁一齊食，味道更加豐富。。自家製免治雞肉棒$48、日本雞皮$36、牛小排青蔥卷 $48三款小食入面比較鍾意雞肉棒，雞肉入面溝咗雞軟骨，口感會比較特別，而且醬汁配上日本蛋黃一齊食，有另一番風味。餐廳裝修好有日本風格，員工服務態度好，整體食物質素滿意。。📍 嵐橋日本料理 (尖沙咀)尖沙咀棉登徑白蘭軒道2號富峰行M層及1/F

*💭嵐橋日本料理今天中午再度到了棉登徑覓食😋雖然不是大街，但卻開了不少食店，而且大部分都是日料店😍選了這間嵐橋日本料理，裝潢偏向於日本居酒屋風格，環境休閑舒適☺️午市套餐價位由百多元到二百元不等，每個套餐都配以沙律、茶碗蒸、味噌湯和甜品😍海膽甘蝦飯🦐一上菜真的有被它驚艷到😍丼飯鋪了滿滿的海膽🥰大概有八到九塊左右，每一塊都超大塊，把一整塊放入口中滿滿的鮮甜味在口腔裡爆發🤤除了海膽外，還有兩隻肥美鮮甜的甘蝦和三文魚子😋用料新鮮，完全不會有腥味🤤這個價格來說性價比超高👍🏻銀鱈魚西京燒配白飯🐟銀鱈魚燒得非常香口🤤魚肉嫩滑不會過老，醬汁甜甜的非常開胃，點上美乃滋一起吃令魚肉更滑溜🥰令人不知不覺間就消滅了半碗飯😝

呢間居酒屋嘅門面好有日式格調，條鯛魚壁畫應該會吸引唔少途人嘅目光👀地下舖主打食丼飯，而樓上就有各式各樣嘅日式料理🇯🇵呢間居酒屋嘅食物整體黎講都幾好食，好適合同朋友去吹水食飯🗣**********<薩摩赤雞亦> $68/2串<免治雞肉棒> $96/2串<安格斯牛小排> $58/1串<鹿兒島黑豚五花腩> $38/1串黎到一定要叫佢地嘅串燒，食左依幾款都好juicy，絕對唔會乾爭爭🍢特別推薦免治雞肉棒，裏面會有啲雞軟骨粒，再沾上日本雞蛋醬油，真係好好食🤤**********<海膽蔥花拖羅卷> $188卷物嘅顏色好鮮艷，加埋隻綠色嘅碟令賣相加唔少分🌈中間層拖羅蓉好厚，上面就左啲海膽做點綴！調味方面加左炸蔥絲同埋番紅花，令味道更加多層次！依客海膽拖羅卷睇得又好味，都值得推薦🤩**********<白飯魚干豆腐沙律> $98麻醬豆腐沙律平時都好常見，依度插左啲白飯魚干係豆腐上面，白飯魚干好香脆🥗不過以沙律黎講價錢就有少少貴！**********<鯛魚豆腐雜菜湯鍋> $188呈奶白色嘅鯛魚

今次嚟到尖沙咀想食日本嘢就試咗呢一間嵐橋日本料理啦。入到去員工嘅服務好好，俾咗啲消毒濕紙巾同埋紙巾我哋，仲幫我哋斟茶。第一道菜叫左喜之次壽司同埋帆立貝壽司，之後叫咗兩件大拖羅刺身及油甘魚刺身，仲有一碟沙甸魚，啲魚生大大件，食落去真係好新鮮，食到我有種去咗日本海鮮市場嘅感覺，個沙甸魚好特別，撈埋紫菜一齊食好有層次感。熟食方面叫咗明太子雞串、雞軟骨同埋牛舌。三樣都燒得啱啱好，唔會太乾身，特別係牛舌，真係要讚一讚，燒得好好味有好香既牛味。之後，仲有叫埋關東煮，真係好有地道嘅感覺，每件關東煮都好入味，炆得好軟身。最後，仲叫咗個野菜湯手打烏冬，好重醬油味。如果鐘意食日本野既朋友，真係要黎食吓。

之前喺呢度食過午餐覺得性價比好高，今日就過嚟食晚餐。七點零嚟到都幾多人，播哂日文歌，D人有講有笑，唔講以為自己返咗家鄉🇯🇵😌。松葉蟹肉蟹膏豆腐蟹膏味濃郁，蟹肉絲分量都唔少，配搭淡味既豆腐幾出色！回味！白飯魚干豆腐沙律白飯魚干炸到一餅餅咁，再插係豆腐上，賣相幾吸引。沙律配胡麻醬，加上新鮮既蕃茄同沙律菜，打開味蕾😌。深海池魚、中拖羅、鮮八爪魚壽司深海池魚魚味好濃，有啲似食緊三文魚咁，中拖羅完全冇令人失望🤩，入口即溶得來又唔會好似大拖羅咁漏，鮮八爪魚壽司有火炙過，略嫌唔夠Juicy, 全部啲飯都有醬油漬，同埋唔會大大嚿舊飯，叫多幾舊都唔會食滯🥸。虎蝦壽司🦐夠大，蝦肉夠爽夠彈👍薩摩雞肉豆乳鍋美顏鍋！吸下骨膠原🥰，配料味道偏淡，但個豆乳湯飲落又OK喎。🍢串燒都幾出色薩摩赤雞腎 - 略嫌灑左太多七味粉，有D辣厚牛舌 - 正，有口感！鹿兒島黑豚蘆筍卷牛小排青蔥卷 - 牛小排上加左燒汁，夠惹味。🧈牛油帶子焗雜菇牛油味幾重😋，2個人食可能會有D太多。午市比較抵食，但呢到氣氛好，味道好，一餐半餐當返家鄉無所謂啦🤪。

本來今次想食嵐橋地舖既丼飯專門店架 但係陰差陽錯最後都係食返樓上既日本料理🤣 今次去客人明顯比上次多咗 仲可以坐吧枱 近距離欣賞壽司師傅製作壽司🍣今次刺身我哋就食左中拖羅 油甘魚同三文魚腩☺️ 拖羅既顏色真係令人流晒口水🤤 油分適中無筋 入口即溶 好幸福🥰 油甘魚入口清爽甘甜 好厚身好正😍 三文魚腩非常肥美新鮮😋壽司方面我地就食左炙燒金目鯛同深海池魚🍣 壽司飯既調味同大少都做得好好 金目鯛肉質肥美鮮甜 油脂豐富👍🏻 深海池魚肉質鮮甜清爽👅炸物同串燒方面今次我地就食左軟殻蟹天婦羅 鹿兒島黑豚蘆筍卷 炸雞皮同日本蕃薯仔🤤 軟殻蟹好大隻啊 微微壓扁過炸得更香脆😋 串燒最推介當然係鹿兒島黑豚蘆筍卷 蘆筍同黑豚肉完美配合👅最後我地就試左個安格斯牛肉鍋燒烏冬作為總結 湯底唔會好鹹 有3大片安格斯牛肉片 食落嫩滑有肉味👍🏻 加上彈牙既烏冬 好滿足🌟

同飯腳黎呢度忘憂一下，充電給我positive power! 幾鍾意呢度環境，有居酒屋嘅服務同日本食材嘅餐廳，沿樓梯上一層已經feel到個種和風味道。七味蓮藕片，比薯片更厚實嘅味道，七味粉同炸香濃郁左蓮藕味，好食過薯片，香口開胃。芝士年糕，煙韌香口芝士夾心，外包紫菜香又脆。刺身不能少，用紫菜包住池魚他他，池魚上有炸薑絲，鮮味之餘仲加添獨特香味。超肥美厚切油甘魚腩係我至愛，油脂感極高，油腴豐富口感，正到暈。北寄貝爽鮮甜，正！鹿兒島黑豚露筍卷同牛小排青蔥卷，juicy香口中不失清新露筍同青蔥味，個人黎講十分喜愛。鹽燒油甘魚鮫大大碟，燒得皮脆又香噴噴，都幾正！乳白色鯛魚湯底嘅鍋燒烏冬，香濃鮮味，烏冬滑溜，又飽又暖胃。最後食個日本雪糕代表之一，兼有日本地道風味嘅黑芝麻雪糕同豆腐雪糕，個心開哂，充滿正能量！

放假梗係要去食好啲啦!星期日就去左嵐橋食餐好。餐廳提供刺身、壽司、串燒、炸物、煮物，完全可以滿足到我。螢光魷魚沖漬$48先嚟個餐前小食，螢光魷魚好可愛，細細隻脹卜卜，漬物嚟嘅，魷魚已經煮熟左，肉質軟軟的。唐揚小池魚$48呢個小食好啱用嚟餸酒，薄薄的炸漿包住小池魚炸得金黃香脆，連骨都食埋，灑上檸檬汁，點上蛋黃醬，好香口。刺身左口魚10片 $118:切得博博的，半透明狀，食落肉質好似帶點膠質，點上柚子日本豉油，幾鮮美。沙甸魚$260: 呢條沙甸魚食法係做成類似他他沙律，沙甸魚小粒軟滑，用香蔥、炸蒜絲同埋特製醬汁調味，食嘅時候用紫菜包住食，味道幾豐富。金線鯛2切 $68: 呢個係非常厚切，經過火炙，魚油脂香更為突出，火炙嘅獨特香味，加上魚本身嘅鮮味，好正。鮮八爪魚壽司$28/件平時食熟嘅八爪魚壽司多，今次就食鮮八爪魚，軟滑得嚟又帶點爽身。蔥花拖羅魚蓉軍艦壽司$48/件滿滿嘅拖羅魚蓉，肥美冇筋，加上香蔥，配上紫菜，冇得輸。牛小排青蔥卷$48/串外面嘅牛肉燒得焦香，裏面一大紥青蔥，咬落去青蔥好多汁，好香，蔥控不能錯過。鮑魚雞翼$78/串呢個配搭幾特別，通常都係食明太子釀雞翼。燒雞翼已經起骨，雞皮

好耐無食decent少少既日本菜。是日為星期一，Monday Blues，所以就黎呢間之前試過一次覺得抵食既高質日式餐廳嵐橋日本料理黎開心下。餐廳位於尖沙咀棉登徑，係地鐵出口附近，門口係地下。呢度好似有三層高，我地坐係一樓，環境好靜下。午市套餐有好多選擇，包括刺身，壽司，丼飯，燒肉飯，燒魚飯，石鍋等，價格由$128到$198不等。星期六日同公衆假期先收加一服務費。所有套餐均配沙律，味噌湯，茶碗蒸，前菜同雪糕。加$12可配汽水或者果汁。我地每人點左一個午市套餐。成個餐連沙律，味噌湯，茶碗蒸，前菜一齊上，好豐富呀！壽司定食+迷你牛肉烏冬 $158好欣賞餐牌寫明有咩壽司，等你未食先知。壽司有六件，包括赤身，油甘魚，日本直送魚，三文魚，帆立貝，甜蝦，海膽，另外仲有玉子。壽司上面嘅剌身基本上全部都好新鮮高質：海膽超鮮甜同creamy ，全無腥味；帆立貝又大又厚，鮮甜啖啖肉；甜蝦大大隻又鮮甜；三文魚高質肥美。壽司飯係已經加左醬油，不過個人覺得可以自己再點d豉油，飯量係偏少，啱哂細食嘅女生。壽司板亦配有wasabi同酸薑片。迷你牛肉烏冬烏冬量都唔少，烏冬係粗身嗰d，都有嚼勁。上面有一塊肥牛，其他配料

尖沙咀嵐橋日本料理🇯🇵都食過好幾次，食材水準都一直keep倒最新鮮合時，阿女就最鍾意佢地嘅什錦魚生丼，每次黎食一定order呢個丼飯🍱😋今日可能係星期日，而且撞岩食午飯時間，所以雖然book左位都要等10分鐘倒，冇計啦，食好嘢一定要比啲耐性嘅😋。今次安排坐樓上嘅bar桌位置，清晰見倒玻璃櫃入面嘅魚生非常新鮮且擺放整齊。午市都有好多套餐選擇：🍱什錦魚生丼 - 新鮮魚生滿滿鋪滿整個飯面😆有三文魚、油甘魚、鯛魚、赤身、帆立貝、日本牡丹蝦、拖羅溶、海膽、大量三文魚籽，魚生部份份量超多，所有魚生新鮮度唔洗講，而且仲係厚切；三文魚、油甘魚嘅油花最多，充斥著味蕾，帆立貝同牡丹蝦新鮮度爆燈，尤其牡丹蝦，入口爽脆，𡁻落開始起黏性，甘香可口，最後一定要留番海膽、拖羅溶同三文魚籽撈勻啲飯一齊食，不但增加口感，而且可以係飯埋感受到海膽同拖羅溶嘅又香又軟滑質感😋。🍛黑咖喱什錦鍋燒烏冬 - 食日式咖喱最正地方，係個汁唔會太辣太搶喉，但又發揮倒咖喱嘅香濃，呢個鍋燒烏冬入邊配料好多，有嫩滑雞柳、什菌、扎肉、溫泉蛋，最吸睛一定係面頭果隻又大又脆口嘅炸大蝦，薄薄一層粉醬炸到蝦身好挺直😆，食完一啲都唔會溜，濃濃咖喱汁緊緊包

幫朋友慶祝生日，佢又鐘意食日本野，見呢間坐得好似幾舒服，賣相又唔錯，就試試佢😛呢到一碟碟上，唔怕啲野食凍哂。.唐揚小池魚 $48先黎小食，呢個魚即炸，好脆好熱，份量都唔少，仲好鮮甜，好岩用黎送啤酒🍻.壽司盛八點 $258每件壽司都好新鮮，刺身夠厚夠大件，有誠意！啲飯係啡色，唔係平時食開既白色～.鹿兒島A4和牛海膽卷🤤$268呢個食完念念不忘～牛味好重，海膽又夠鮮甜，卷入面放埋青瓜簡直超夾！上面仲有金箔，仲可以拎黎打卡🤣.雞腿肉&白活饅 $34 & $78雞腿肉燒完都仲咁嫩滑，饅魚肉質厚實，好有口感，仲有陣陣碳香味😋.明太子山藥 $38 🤤呢個有驚喜！朋友話山藥養生，佢又鐘意食明太子，所以就嗌左串黎試下。估唔到兩樣一齊咁夾！山藥爽脆，但入面就滑滑地，口感好正，配埋面頭既明太子，想嗌多串🤣（嗚嗚 太想食 唔記得影相😭大家要嗌黎試下）.鯛魚湯煲燒烏冬 $148呢個烏冬份量都大，有濃郁既湯底，烏冬彈牙，兩人share岩岩好！

一向都好鍾意食日本野，今次就係尖沙咀揾咗呢間日式料理店食lunch😆 佢係K11附近，唔想係商場食，都係個幾好嘅選擇。呢間餐廳係一間樓上店，應該有兩、三層，今次就係係一樓食飯，除咗有卡位，我哋都見到有師傅bar枱位。北海道丼 $168呢個北海道有各款魚生，包括牡丹蝦、油甘魚、三文魚、帆立貝、松葉蟹肉蟹膏、蟹籽，仲有海膽添🤭 魚生每種都係厚身，各有兩片。帆立貝係超級厚身又鮮甜，海膽新鮮，油甘魚同三文魚都係比較肥美，所以好好味😋 而且佢既壽司飯都比較特別，唔使另外再落豉油👍🏻 整體嚟講都唔錯，可以食到新鮮嘅刺身就好似去咗日本咁開心🥳安格斯牛肉薄燒 $148唔想食生冷嘢的話，呢個飯就啱🤓安格斯牛肉薄燒有八大件，每件都好香。牛肉薄燒無燒到乾晒或者過火變韌，牛味都出。本身以為淨係得燒汁調味，原來佢每一件牛肉薄燒入邊都會包左一啲嘅乾蒜片同小蔥粒😋 味道豐富好多又惹味，唔會過鹹，用嚟撈飯一流😝。每一個午餐定食都會有沙律、茶碗蒸、小菜同麵豉湯。茶碗蒸入面都幾多料，仲幾滑身。甜品-雪糕 (跟餐)當日有豆腐、芝麻同埋抹茶味嘅雪糕揀。我哋就揀咗一個芝麻味，一個抹茶味。芝麻味味道濃郁，仲有啲芝麻粒粒；抹茶味相

疫情之後少咗出街食飯，所以好耐都冇食好西寫食評！今次就同家姐去咗食日本嘢，之前食過佢樓下側邊專食丼飯既，都幾好食，今次就嚟上層試日本料理。佢有幾層，仲有vip 房，裝修靚而且幾高檔。先係刺身，其中油甘魚魚腩非常厚切，好美味，大推！另外家姐想食，叫咗一個蟹膏味噌壽司同埋 火灸平目魚邊壽司， 真係好耐冇食過壽司，覺得好好食。熱食方面叫咗少少串燒，牛舌係非常之厚，好似食牛肉咁。 清酒煮蜆我哋係會飲埋d湯嘅，但係因為佢落咗辣椒，所以都幾辣下。 end up再食個泡菜烏冬，完美既一餐！

在尖沙咀的一角，發現有一條食街喔~就是棉登徑了! 看到這間嵐橋日本料理，就果斷進去享用美食。裡面空間不大，但是有2層呢，還有VIP房~ 裡面燈光暗暗的，很有情調! 我們這次點了:..🐟油甘魚: 每塊都厚厚的，很肥美，油脂香!金目鯛: 油脂豐富，肉嫩，加左火炙燒法，真係令口感更添風味赤身: 肉質堅實而具有嚼感!..🍣池魚壽司: 有油香，鮮且爽!真鯛壽司: 實淨肉質，又係勁鮮! 而且口感幾爽..🍢牛舌: 比較厚身既牛舌，好濃郁好juicy雞胸軟骨: 有少少肉，好脆但又唔會乾同硬鹿兒島黑豚秋葵卷: 好好食! 豚肉軟腍juicy，配上秋葵好清新!..🍲蘆筍海膽炒飯: 賣相好靚，炒到每粒飯都好金黃，裡面係有海膽肉呢!! 加埋香料好惹味.韓式泡菜黑豚肉鍋: 好正既kimchi!!濃濃既湯，配埋肉質嫩滑既黑豚肉，好味道!!..食左今晚高質既日本料理真係大滿足啊!! 刺身真係好新鮮好不錯，想偶然「日本」下都可以來呢度感受下🤣