川滿居 (京都廣場)

营业中

休息中

身處銅鑼灣這個熱鬧區嘅川滿居，舒適的卡座環境，加上懷舊典雅的裝潢，讓人感到放鬆。 金湯酸菜魚$188係呢度嘅招牌菜式之選。魚肉鮮嫩彈牙，酸菜增添了開胃的酸甜滋味，再配以香濃湯頭，每一口都讓人回味。特意選擇了 BB 辣，又唔會太辣，令整體味道更加惹味。 招牌香鍋 $178選擇了醬香炒，好有鑊氣👍五花肉片軟嫩，酥脆的蓮藕片，甜脆的萵筍，以及入味的茄子和雜菇完美融合，營造出一個層次豐富的口感。醬汁恰到好處，不會過於鹹同油膩，充分發揮了各種食材的本味。 咕嚕肉 $88表面金黃酥脆，內裡軟滑，搭配清脆的青椒，酸甜清新。蒜蓉炒油麥菜 $68蒜蓉炒嘅油麥菜，簡單得嚟好食食川菜，又點少得了清熱嘅加多寶呢🍻 

今晚約了朋友去食川菜，其實除了四川菜，亦有不少京川菜。金湯酸菜魚金黃色的湯底濃郁醇厚，魚片鮮嫩多汁，口感滑而不散，每一口都能感受到魚肉的細膩與鮮美。酸菜作為這道菜的靈魂，酸度適中，不僅中和了魚肉的油膩，更增添了一絲清爽的口感。雜菌的加入為這道菜增添了不少野味。紅辣椒和紅薯粉的點綴，使得整道菜品色彩更加豐富，同時也帶來了一絲微辣的刺激感，讓人食慾大增。鮑魚雞煲雞肉鮮嫩多汁，與鮑魚的鮮美相互映襯，讓人回味無窮。鮑魚口感Q彈，滑而不膩。洋蔥、紅椒、青椒的搭配，使得整道菜品色彩繽紛，同時也為菜品增添了不少清香味。BB辣的口味，既滿足了對於辣味的追求，又不會過於刺激，恰到好處。糖醋蝦球大蝦肉質飽滿，外酥裏嫩，口感極佳。三色椒的加入不僅為菜品增添了色彩，還帶來了一絲清甜的口感。洋蔥的香氣與糖醋汁完美融合，使得整道菜品更加美味可口。酸甜口味的糖醋汁恰到好處地包裹著蝦球，讓人食慾大增。每一口都能感受到蝦肉的鮮美與糖醋汁的酸甜交織在一起的美妙滋味。

近年減少食辣,因為身體承受唔到,腸胃會唔舒服.今次去銅鑼灣見一位長輩,長輩想食中國菜,於是就揀中川滿居.一出銅鑼灣地鐵站C出口,就會見到川滿居嘅招牌,超方便呀！環境充滿中國風一坐低,待應姨姨就介紹佢哋嘅拿手小菜,酸菜魚係必叫嘅,另外再加咗孜然羊肉,想食少少辣嘅長輩就叫咗黃金涼拌皮蛋(BB辣)最後見到飲品menu有個可愛嘅名字---桃之夭夭,我就試下~長輩就要咗柑桔檸檬茶.金湯酸菜魚---魚片非常滑,魚片上有小辣嘅蒜蓉,非常惹味~有薯粉做底,吸曬湯味,味道好夾~本身鍾意食薯粉嘅我食咗好多🤩加上大量酸菜,整體份量巨大,兩個人都食唔曬~孜然羊肉---羊肉膻味唔重,用麼麼皮包著食,感覺似食北京填鴨,有洋蔥做配料,味道濃厚,每人食三份就啱啱好！黃金涼拌皮蛋---長輩話唔係好辣,皮蛋面上面有辣椒碎,係開胃嘅前菜~飲品---桃之夭夭原來係梳打水加桃肉,味道清甜,食完濃味食物之後飲,感覺清新~整體味道極好,性價比高,下次仲想食片皮鴨和烤魚~店名：川滿居 (京都廣場)地址：銅鑼灣駱克道491-499號京都廣場6樓

銅鑼湾食肆一向多選擇，今日嚟到銅鑼灣地鐵站C出口對面的京都廣場，選擇了主打四川菜和京川菜有名的川滿居。門外以富有特色的京川的臉譜和掛畫作裝飾，晚飯時間人流不少，看來這裏很受歡迎。客人以QR code點餐，可自選辣度和其他個人口味，非常方便。✨ 金湯酸菜魚🐟 $188 金湯酸菜魚🐟是這裡的招牌菜之一，魚片厚切嫩滑，份量也不少。點了BB辣，啱晒唔食得太辣，但又喜歡吃川菜嘅我哋。金湯微辣惹味，內裡滿是酸菜、煙靭薯粉、白玉菇等，份量足料，非常豐富。✨ 片皮鴨（半隻）🦆 $168 片皮鴨要了半隻份量，配以10件麽麽皮，鴨皮帶肉，皮脆肉香，不覺肥膩。配料有甜醬、青瓜和京蔥絲，以熱烘烘、薄而軟滑的麽麽皮包裹着吃，每口都帶脆、香、甜的味道；提議麼麽皮要盡早吃，味道更佳。✨ 泡椒田雞 🐸 $128 原打算叫另一道招牌香鍋，但朋友見到這道泡椒田雞亦非常吸引，於是決定改變主意。泡椒田雞要了BB辣，田雞腿肉質鮮嫩，香氣撲鼻，味道濃郁；加上香椒配料，十分惹味。🍹 百香果檸檬茶 $36 🍺 大樽裝嘉士伯 （支裝） $38邊吃邊品嚐飲品，非常滿足。

血拼完，又係時候搵地方開餐，肚餓指數屬於中高等，雙腳不由自主地行咗黎呢度。涼伴小食有秘製拍青瓜 ($46)，加有少少辣椒增加刺激，青瓜厚切，食起黎爽脆度十足。食濃味食物，叫杯凍檸樂 ($26)爽下先。今次呢碟清炒萵荀絲 ($66)無咁油令令，緊加食到佢嘅清甜味，空口食都無問題。聯想唔到蕃茄牛肉炒蛋 ($78)跟川菜有咩關係，唔係普通家庭餸黎咋咩?  唔通有川菜版?!  上枱後就知外觀係無分別…酸酸甜甜汁，炒蛋唔老，加埋牛肉片，超級好送飯，係經典蕃茄炒蛋嘅味道。叫咗個招牌香鍋，有香辣/麻辣，唔辣有醬香，自選五餸材料起，超多選擇，海鮮有(蝦/花甲)，肉類(羊/牛/豬頸肉/內臟)至蔬菜類都有，價錢由廿幾至五十幾不等。今晚自選牛舌，牛肚，豬皮，花菜及牛肉片，加埋大蔥一齊快炒，超大鍋。醬香汁唔辣但味道偏少甜，食起黎都覺惹味。牛肉片幾軟滑兼食唔到梳打粉味; 豬皮就歡喜佢可以索醬汁; 牛舌及牛肚亦掛滿醬汁味道，正!只有食川菜嘅地方先有紅糖糍粑 ($58)食，即叫即整。外脆內有糯米嘅煙韌感，本身無咩味，所以就要點紅糖漿一齊食，香甜又脆軟，兩啖一條真滿足。呢餐超級飽住個肚去埋單

今日突然好想食辣，係銅鑼灣搵左呢間川滿居，又估唔到辣得咁正宗過癮！真心唔錯！ 。叫左佢哋嘅招牌麻辣香鍋，之後再自選幾配料,我揀咗豬頸肉($48)、雞軟骨($42)、肥牛($46)、蒿荀($28)同薯粉($22),擇左中辣！個辣好掂！一上枱就飄散出陣陣麻辣香氣,豬頸肉好嫩滑,雞軟骨彈牙爽脆,肥牛、蒿荀同薯粉都好入味,真心讚！。另外,佢哋嘅泡椒田雞($128)都唔錯，田雞嫩而多汁,泡椒醬料入味夠勁,一口咬落又辣又香。。再叫左個口水雞($66),雞肉滑嫩,辣得黎都食到個雞味。叫辣野加呢個炸饅頭$48配煉奶真心可解辣😂 6大個食到打包

呢間係性價比好高嘅一間川菜，香港人越嚟越鍾意食辣嘢，但係而家川菜嘅收費都唔平，呢間位於銅鑼灣嘅川菜餐廳，地點方便，而餐牌菜式選擇種類多，除咗川菜之外，仲有各式各樣嘅小炒、雞煲可以選擇！我哋每樣叫嘅菜式都熱辣辣，即叫即整😋鮑魚雞煲呢個絕對係高質性價比之選，鮑魚絕不馬虎，我哋望落去最少都有四隻嘅份量，而且size唔係迷你版😆 雞肉索晒雞煲醬嘅汁，非常惹味招牌金湯酸菜魚魚湯呈金黃色，魚湯味濃郁，酸甜辣度啱啱好👍🏻魚片去骨嫩滑，另外陪我大量酸菜同埋薯粉，份量充足夠晒兩個人食！黃金蝦球食完覺得值得推介，剝咗殼嘅蝦肉點上鹹蛋黃醬汁落鑊炸，啖啖黃金鹹蛋黃，配埋入邊爽脆嘅蝦肉，非常滿足🤩夫妻肺片辣到適中，包括有牛栢葉、牛舌、牛肚，開胃小食

上星期同朋友去食川菜，估唔到幾正宗。有卡位座位，坐得舒適。菜式種類多，睇到花多眼亂🤣! 店員都好友善。蒜香拍青瓜 $38青瓜爽脆，蒜味突出，好開胃既涼拌菜。黃金蝦球 $128我係咸蛋黃控🤣🤣完全抗拒唔到呢個菜式！咸蛋煮到起哂沙，口感綿密厚實，蛋香撲鼻。蝦球咸香彈牙，好滿足。🐟金湯酸菜魚 $188魚片份量好多，每片都有一定既厚度食落好有滿足感，而且冇魚骨，魚味濃香又嫰滑。 湯底既辣味、酸味溫和，入口舒服，唔會好膩。 碗底仲有薯粉，浸係湯底度吸哂啲湯汁，超級滿足。 片皮鴨 $168片皮鴨外皮酥脆鬆化，肉質嫩滑，可以話係肥瘦均勻，配甜醬、京蔥條同青瓜條更加滋味。

又想食川菜又想食片皮鴨於是上網搵咗間位於銅鑼灣的「川滿居」店內裝修格局好別緻，除了牆上富有中國風的佈置外，每張桌上亦印有可愛的圖案，好有創意；我同朋友都好鍾意食片皮鴨，所以就下單一隻片皮鴨$ 298皮脆光澤厚度適中配上京蔥青瓜再加上甜麵醬好味！我哋兩個人居然可以食晒，證明相當不錯泡椒田雞$ 128田雞肉好嫩滑啖啖肉份量亦不少配木耳萵筍 火候十足令一向不易入味的萵筍都能好入味！蓮藕仔炒鯛魚$98好少可以食到蓮藕仔，幾特別夠爽脆至於鯛魚滑肉而不腥！每道菜份量多且味美，還會再來嘗試其他菜式！

📍川滿居銅鑼灣駱克道491-499號京都商業中心6樓終於都有時間同阿媽食個母親節飯，二個人去撐枱腳，我之前嚟食過，覺得個酸菜魚好好味，就帶阿媽嚟食下，佢都覺得好食，又坐得舒服🤩🤩👉金湯酸菜魚 💰$188😋😋😋😋.8/5其實兩個人食呢個份量有啲，但已經係細份，又好想食，所以最後都係點咗。一嚟到即刻飲啖湯先，酸酸辣辣非常惹味醒胃，魚肉又嫩滑，酸菜醃到好入味，配料又夠多，食極都食唔完，食剩好多，最後打包走👉籐香雞 💰$66😋😋😋😋.8/5上次食過口水雞，今次試下呢個籐香雞，雞肉夠嫩，微微籐椒辣香味滲出嚟，呢個價錢，呢個份量，非常抵食👉孜然牛肉 💰$88😋😋😋😋.8/5好夠鑊氣味，洋蔥爆到金黃香口，牛肉又嫩，又重牛味，一啲都唔韌，餸飯一流👉桃之夭夭 💰$36😋😋😋😋.7/5好濃桃味，配上梳打水，係個口到爆氣泡個感覺，成口桃味👉百香果檸檬茶 💰$36😋😋😋😋.8/5特濃檸檬茶加上百香果，原來都好夾，唔會太甜，飲到茶味，又帶點百香果味，又有咬口回頭:yesyesyes！食物好高質，食物選擇勁多總有嘢啱食🤩🤩🤩

銅鑼灣午餐想吃川菜，這間在銅鑼灣地鐵站C出口對面，吃完去逛街，地點真的堅一流；內裡的裝修以面譜為主題，充滿京劇的傳統味道～籐香雞～雞肉十分嫩滑，份量也多，雞肉充滿水份感；而味道方面，因加入了籐椒原固，味道香辣，麻味延長，吃起來更開胃～孜然肉片～用麼麼皮夾著吃，肉片厚度適中又冧軟，洋蔥非常香甜，用麼麼皮夾著吃超正～金湯酸菜魚～味道刺激香麻，魚片滑嫩無骨，內裡還有大量的木薯粉及香菇，很適合分享一起吃～

小編係好辣之人，川菜絕對係我嘅心水菜式，想搵間性價比高啲，份量又多，味道又較正宗，我就推薦呢一間喺銅鑼灣嘅小店！👍🏻金湯酸菜魚 稱得上係店舖必食，湯底夠酸又夠辣，魚肉滑捋捋，無骨無刺食得安心，底部更加有朔晒湯嘅薯粉，口感煙靭；配料方面亦有萵筍、雜菌、蘿蔔片等等嘅蔬菜！👍🏻黃金蝦球咬落去啖啖鹹蛋黃嘅香味，鹹香度出色，而且不油不膩，蝦肉爽彈，外層不會粉粉厚厚，反而極香脆極香口～送飯一流👍🏻口水雞雞件份量都好多，而且雞皮唔會太過肥，肉質幾嫩幾滑亦夠冰凍，特別喜歡佢嘅花生碎粒。👍🏻飲品分別叫左桃之夭夭同百香果檸檬茶，蜜桃飲品嘅底部更加含有爆珠，口感一流；百香果檸檬茶清新又解膩，除咗檸檬片之外，更加有青檸添！💡一入門口就聞到嗰種麻辣香，不過唔會嗆喉，餐廳裝修亦都具有特色，掛滿着一盞盞嘅紅色燈籠！

好耐無吃酸菜魚啦，就同朋友約埋一齊去吃。環境好，服務態度都唔錯，位置闊落，座位舒服。我地叫左個金湯酸菜魚，湯底好正啊，酸酸辣辣，魚肉鮮嫩，酸菜好好味，而且裏面好多配菜，有金針菇、薯粉、姬松茸菇同埋萵筍，份量夠曬足，吃落去唔會太油膩，而且都唔會話太鹹，其他菜式都唔錯噶，推薦比其他朋友試試。

今晚跟同事到銅鑼灣一間上樓餐廳食川菜，七時入座，餐廳幾乎全滿，似乎質素頗有保證，一看餐牌發現餐廳小菜種類繁多：雞煲、乾鍋、酸菜魚、小炒以至甜品等應有盡有，而且價錢相宜，性價比高，難怪餐廳頗有人氣。❤️片皮鴨片皮鴨可選半隻以及一隻，今次揀了半隻份量，亦足夠兩三人分享。片皮鴨鴨肉充滿油香，至於皮位爽脆，油脂十足但不會有油膩感，鴨香味濃，沒有臊味，非常高質素，再加上北京醬、大蔥、青瓜條等，再用麼麼皮包住，多種味道及口感混在一起互相配合，喜歡食片皮鴨的朋友絕對要一試。❤️川香鮑魚雞煲鮑魚雞煲份量非常多，三四人分享亦足夠，味道濃郁又不會過鹹。鮑魚口感爽彈有口感，不會嚡口，至於雞肉，外皮炒得頗香脆，而裏面肉質仍然嫩滑有肉汁。另外加上洋蔥片、芫茜以及芝麻，令本身雞煲香濃味道更添一份香氣，味道層次豐富，絕對大推介。❤️孜然牛肉一上枱已經聞到味道香濃的孜然味，牛肉質感嫩滑，再加上洋蔥青甜味道反而更能令牛肉多添一份甜味，再配合麼麽皮包住食，有少許似土耳其的烤肉捲，味道惹味同時又有麼麼皮的煙韌口感。❤️清炒萵筍絲萵筍含有大量膳食纖維，纖維有助於促進腸道蠕動，增加排便的規律性，而口感爽口滑嫩中又帶有清甜，簡單的一道小

今日放工同朋友黎左銅鑼灣行街，順便試下呢間川菜。今次我哋叫咗佢哋嘅招牌菜金湯酸菜魚、孜然羊肉同藤椒雞，再加埋一杯酸梅湯同桃之夭夭，真係又麻又辣又香又好味！金湯酸菜魚一上枱就傳嚟一股濃濃嘅香味，湯底金黃辣辣嘅，酸菜嘅酸爽同魚肉嘅鮮嫩一齊完美結合。魚肉鮮美多汁，配埋彈牙嘅酸菜同微辣嘅湯底，真係令人停唔住，仲有大量配料，菇類，萵筍同埋薯粉，配落個湯到好好食。孜然羊肉，羊肉切得好薄，食落幾軟。孜然嘅特別香氣滲透其中，令人垂涎欲滴。每一口咬落去都可以感受到羊肉嘅鮮甜同孜然嘅香辣，再加上微微嘅麻辣口感，真係一道讓人回味無窮嘅美食，佢仲配左6塊麼麼皮，可以包住黎食添。藤椒雞，外脆內嫩嘅雞肉裹住勁香嘅藤椒醬汁，一口咬落去，麻香嘅味道就喺口入面綻放。雞肉鮮嫩多汁，加埋藤椒醬嘅香，真係讓人回味無窮。酸梅湯，清爽嘅酸梅味道帶嚟一絲絲涼意，消暑又開胃。桃之夭夭，清新嘅桃子香氣彌漫喺飲品入面，帶嚟一絲絲甜蜜。飲一口，桃子嘅香甜滋味就喺口中緩緩散開。📍 川滿居 (京都廣場) (銅鑼灣)銅鑼灣駱克道491-499號京都廣場6樓#香港美食 #香港必食 #hkfoodie #hkfood #hkfoodblogger