帝景軒 (已結業)

踏入五月，忽然多了一些零星的假期，很想到酒店去，感受一下渡假的氣氛。於是，便與友人來到《帝景酒店》，無他的，『近』就是最佳的理由，加上這兒的餐廳食物質素蠻不錯，去年，BeautySearch 與蝦子前來吃過這兒的自助餐，一直都想再來享用。 荃灣雖然不是旅遊熱點，但勝在交通方便，所以，區內已有數間酒店，《帝景酒店》位處汀九，環境優美，亦較清靜。 港鐵站附近設有 shuttle bus往來，非常方便。BeautySearch 當日也是乘坐酒店的小巴前來，不消 10分鐘便到達，十分快捷。 今次，我們到訪的是位於《帝景酒店》2樓的帝景軒。亦是 BeautySearch 早前享用 Buffet 的餐廳。 餐廳環境蠻不錯，有落地玻璃可跳望海景，而且樓底相當高，予人更大的空間感。 雖然早前品嚐的自助餐，整體食物質素蠻不錯，不過，今次沒有大胃皇蝦子餅相陪，於是，我們決定不吃自助餐，轉為 a la carte 點選自己喜歡的菜餚。 進餐前，先來一客「凱撒沙律」HK$88，甫上桌，真的比想像中的還要大，一個人享用，恐怕已飽足了，幸好我們是 share 的！ 沙律菜十分新鮮、爽脆，烤過的麵包粒更為脆

以一個屯門人來說，來這裡可說是容易的。 在汀九站下巴士後，搵天橋橫過青山公路，再行一條小小的樓梯⋯⋯ 便到達帝景酒店的問口了！ 今日到訪的是帝景軒⋯⋯ 相信如果天氣好，是可以看到日落的喲。 來這裡，不是吃自助餐⋯⋯而是吃主餐牌上的美食。 野菌忌廉湯（＄48) 野菌味很香濃的一個湯，忌廉不是太杰身，飲完也不會很飽呀！ 烤安格斯牛柳 250克（＄288) 厚厚的牛柳，烤得帶點外脆內嫩的，牛味說不上是很濃，但肉與也不錯，大廚將肉汁緊緊地鎖在牛柳中，這點令食起上來更加好味⋯⋯值得一讚。 特級安格斯牛肉漢堡 （＄88) 這個是驚喜的。看來整個漢堡平平無奇⋯⋯但一咬下去，牛肉漢堡不乾之餘還帶有肉汁，牛味比牛柳還香濃一點。肉質同樣嫩滑⋯⋯加上價錢相宜⋯⋯實在帶來太大驚喜了！ 帝景軒是有做自助餐的，不試試甜品又點可以呢？ 是夜點了最愛的法式焦糖燉蛋（＄48) 香脆的焦糖面，加上嫩滑的燉蛋在何時何地，口感絕對是一流的，加上這裡的燉蛋不甜不膩，正正合我的胃口，想吃甜品但又怕太甜的我喲！ 大家有看到價錢嗎？我就認為收費十分相宜了⋯⋯住近屯門的我，下次可以與家人來嚐嚐自助餐的！

今晚就在酒店2樓的餐廳 吃自助晚餐，因為訂了酒店包自助晚餐，所以較為優惠，如果是單買的話約$370/位。店內不算好大，但麻雀雖小，五臟俱全，食物種類亦不少。門外有樽裝汽水任飲。店內有小童用品提供。冷盤有法國膏蟹、大蝦、長腳蟹、珍珠帶子及青口，店內設有食蟹的工具，方便客人食用。長腳蟹好大隻，入口鮮甜多汁，大蝦肉質彈牙，全部都好新鮮。酒店近來的主題是海鮮丼，在門外的刺身吧除了可以取刺身及壽司外，還可以選擇丼飯。海膽五色海鮮丼三文魚三文魚籽丼刺身新鮮又肥美，丼飯份量少少的，滿足我吃丼飯的需要，留肚俾我吃其他buffet食物。熱盤有鮮茄芝士焗蠔、避風塘炒海鮮、白酒煮青口、紅酒燴和牛麵、鮮茄汁燴鱸魚及銀魚柳、焗釀茄子配燴雜菜、黑木耳燴雞、炸番薯蝦球配粟米汁、淮山銀耳炒脆藕片、蒜香海皇炒飯、意大利芝士雲吞配菠菜忌廉汁。避風塘炒海鮮好惹味。有大廚幫忙切牛柳，牛柳好嫩又多汁。店內另一個主題是日式拉麵，顧客可按自己心意水選擇食物，然後會有廚師為客人煮麵，不過拉麵較為腍身，味道較淡。甜品種類亦好多款。店內設有Haagen-Dazs雪糕任吃，一口氣吃了幾款口味，好滿足。

一家人在今個星期六，一起吃個午餐自助餐，聚一聚，聊聊天，酒店餐廳地點比較偏遠隔涉，但可在由荃灣地鐵站下面乘搭由帝景酒店專用巴士前去大約十多分鐘到達酒店餐廳，在二樓內可以觀賞汀九橋的海域，都是特別的亮點之一！但是酒店餐廳比較局促迫窄，座位只有十多張，而放置食物枱比較混亂，東一面，西一面，在餐廳門口外面都放置魚生枱，感覺有些亂七八糟，亂放食物，地方嚴重不足，做自助餐的格局就不夠地方，尋找食物要格外小心，人多比較擠擁，很容易摩肩接踵，發生意外，其次是食物方面種類較小選擇，飲品方面只有開水，檸檬茶及機制咖啡，好像強差人意，嚴重不夠大方，此大集團酒店，失去暢懷大吃大喝之本意，我們寧願多付些費用，能夠令客人心滿肚肥，真是要青山（汀九）不改，後會無期，失望而回！魚生（生魚片）種類選擇小，侍應生分量給客人都很知慳識儉，份量較小，唯有再排隊多次阿，無奈！重皮蟹都算最頂級食物，味道可以，肉質柔厚，很有海鮮味，值得讚許！番茄醬牡蠣（蠔），及翠炸蝦，好鮮甜及肥美，不過不先，還算可以！蜆殼小帶子都有彈牙口感，既鮮既嫩滑，但是沒有涷飲品供應，非常失望！甜點不過不失，味道帶甜，口感不足，但總算是賣相精緻，值得品嚐！

二月在Facebook看見帝景酒店內的帝景軒有「草莓甜點誘惑下午茶自助餐」雖然不是極喜愛草莓，但看官方介紹好像還不錯，草莓甜點的種類也不少因此跟朋友預訂在三月中試試看（請留意：以草莓做主題的下午茶自助餐應該快完結了）帝景酒店位於荃灣汀九青山公路353號平日在港島出沒的我首先要由中環坐港鐵到荃灣站然後在荃灣港鐵站B3坐接駁巴士雖然接駁巴士是免費的，但總覺得time cost也不便宜，一來一回也用了三小時呢兩小時的下午茶自助餐，每位HK$188（另設加一）由於還未吃午餐，所以先取熱食填飽肚子食材不算很特別，卻十分合我心意！咖哩角及炸魚柳味道不錯另有長通粉、炒飯、時菜及炸三文魚還有我最愛的泰式豬頸肉！火喉適中，外脆內軟，亦保留了豬頸肉應有的嚼勁所以忍不住encore炸雞翼也是我的最愛外皮香脆，醬汁甜甜的，超喜歡還有類似麥樂雞的炸雞塊水準當然不及麥當勞的麥樂雞，但我也覺得不錯呢熱食方面還有蘿蔔糕及炸春卷由於我仍在新年瘋狂吃蘿蔔糕的陰影下，所以沒有品嚐帝景軒的蘿蔔糕但我覺得炸春卷的味道是正常的魚生也有四款左右，以下午茶來說是合格的而且也算新鮮結果我大約吃了四輪熱食才肯轉戰至其他區域（今天不是吃草

對於新界上水都覺得遠的我來說，如果可以有一天休息，我都不會希望到這麼遠的地方。要偷得浮生一日閑，荃灣還可以。耐唔耐帝京酒店都會出套票優惠，包括住宿酒店及享用自助餐，價錢超值，所以每次都會等優惠去買。最近有搵到優惠，又可以去休息下同埋食自助餐。自助餐位於酒店的帝景軒，格局同上次來冇太大分別。門外依然有壽司位，有一個大可樂櫃及雪糕櫃。裡面的海鮮種類豐富，有法國膏蟹、大蝦、長腳蟹、珍珠帶子、青口。長腳蟹都幾大隻，蟹腳多肉鮮甜，而且有埋鉸剪，食得好方便。法國膏蟹都幾多膏，岩晒我。今次令我覺得特別的地方，是門外的壽司位，竟然有推出日本主題的丼飯，當然立即叫了兩款試下。海膽五色海鮮丼海膽，魚子，三文魚，吞拿魚，甜蝦三文魚三文魚子丼有大量三文魚及三文魚子都算幾豐富，亦估唔到自助餐有丼飯食。至於熟食部份，這裏都很豐富。鮮茄芝士焗蠔，避風塘炒海鮮，白酒煮青口，鮮茄汁燴鱸魚及銀魚柳，意大利芝士雲吞配菠菜忌廉汁等多種選擇。這裏的雪糕全部都是Haggen Daz，當然要食返夠本。另外，甜品還有朱古力噴泉。可以將生果及棉花糖放到朱古力噴泉自己製作。食飽又可以好快上返房間休息下，真係好方便。

今日黎呢間酒店住一晚, 享受一個優閒週末, 所以順便食埋自助餐~呢間餐有靚景, ,餐廳看到外面的汀九橋美景, 非常寫意~坐位夠寬闊, 坐得舒服, 而食物選擇都幾多, 也不錯呢~第一時間食我最愛的海鮮, 有長腳蟹, 面包蟹, 鮮蝦,, 青口....供應源源不絕長腳蟹味道鮮甜, 面包蟹也非常新鮮, 鮮蝦,, 青口也忍不住吃了很多~餐廳有特別的corner 及專責同事切剌身, 當食客要取的時間才切, 保證新鮮~上圖全都是我最愛, 有希靈魚，三文魚，吞拿魚，甜蝦，鮑片...... 刺身新鮮肥美~沙律吧的菜多達4, 5款, 合健康人士呢, 我特意配上煙三文魚的一起吃~再加上鮮甜的車厘茄, 健康又美味~意外發現竟然有黑松露醬, 加上任何一款食物也非常美味, 即時upgrade不少~牛柳是我食buffet 必選, 本身已喜歡吃牛, 這個牛柳是薄切的, 肉質非常嫩又易入口, 加埋燒汁更惹味呢~食甜品啦, 食甜品啦, !!!!!!!!!!有成盤麵包布丁, 好香呀~加了烤香面包, 蛋味香濃, 口感滑滑的~好好食~甜品我選吃了這3款, 有tiramisu , 桂花糕及布丁tiramisu不會太甜,桂花糕很特

食物款式極少，甜品只得數款，又無雪糕，好似中午自助餐食淨食物，留在下午茶自助餐給人食，食物卓上永無足夠食物給人選取，而只有一名負責人慢慢添加食物，食物又凍，真是不知所謂，服務員態度又差，去茶餐廳食都好過佢。

如果唔係有fd約，其實真係唔知咦到有咦間酒店！因為老實講真係幾僻下。不過另一個角度睇，咦到嘅環境同氣氛都幾靜幾清優。幾岩一班朋友或家人黎靜靜地食餐飯，傾下計。Buffet嘅菜款唔算好多，不過有齊晒頭盤冷盤主菜甜品！海鮮嘅話有生蠔有蝦有蟹，基本嘅都有齊。食落都算新鮮，唔會有腥味怪味。食落都濕潤唔會乾淨淨，只係冇想象中咁鮮甜。話說，咦到嘅自助餐有個好大嘅賣點！就係好多野都有花膠。如果好鍾意食花膠嘅，不妨試試啦！感覺淨係食佢個大大塊嘅花膠都爽！甜品仲有朱古力噴泉同自製熱pancake！當然唔少得任裝唔嬲嘅hägen daz雪糕啦！可以食番夠本啦！整體質素合格嘅，最滿意係花膠湯！飲落幾舒服幾潤！又暖胃！

臨近節日，各大餐廳都唔會錯過呢個時刻推出相關套餐，酒店當然唔會例外。帝景酒店推出咗草莓甜點誘惑下午茶自助餐，睇到廣告，有啲吸引，男朋友亦好好，主動打電話去訂定位。下午茶自助餐，成人正價只係$188，若果係Openrice列印定優惠卷，仲可以享有半價優惠。呢個甜品以草莓主題既下午茶自助餐只限星期六、日供應。酒店係汀九橋下面，感覺有啲遙遠，但其實係荃灣地鐵站附近搭shuttle bus，唔駛十五分鐘就入到去，所以都好方便。當日去到，見到有家庭想walk in，不過已經full晒，所以最好就一早book定位。我地被安排坐窗邊，環顧四週，果然全場滿座，情侶又有，一家大細又有，三四個到十幾個既朋友聚會都有。起初我一心以為只係得甜品食，兩個人各自食咗小小嘢，點知入到去先發現選擇豐富。由前菜、沙律，到刺身，再到麵食、熱盤、甜心等等，同平時嘅自助餐款式一樣咁多。入到去真係忍唔住每樣食物都要試下。而且甜品種類仲有好多，花多眼亂。甜品好多都係以士多啤梨為主題嘅甜品，次次一出都會吸引咗好多人出去拎，可見大家都幾想試下。主要試左法式千層酥、燉蛋、mousse蛋糕、泡芙等等，整體味道都算唔錯。法式千層酥（上圖左

最近朋友話佢睇唔知邊度見到荃灣有間酒店自助餐做緊半價優惠😏我同幾個朋友就決定做白老鼠去試下半價嘅質素如何。訂位情況暫時唔算好爆，可能因為地點唔算太就腳，因為酒店確實位置係汀九橋底，要去嘅話搭的士固然最方便，但亦可選擇酒店提供嘅穿梭巴士服務，於荃灣地鐵站B3出口落樓梯就見㗎啦！班次每四個字一班，由穿梭巴開車到酒店需時大約20分鐘，繁忙時段有點塞車就約30分鐘，QT自己就覺得坐穿梭巴較方便👍🏻去到酒店搭lift 上一層就係自助餐餐廳位置，地方唔算好大，但齊整座位尚屬有足夠嘅走動空間。食物方面分咗四邊個區域，近門口位嘅係刺身同雪糕區，刺生方面款式唔多但新鮮而且係即點即切唔會預先切定😌三文魚、吞拿魚等等～ 雪糕係haagen-dazs～ 有朱古力、士多啤梨、雲呢拿三款口味。行入少少係甜品區，令QT意想不到嘅係甜品區嘅款式超多！數上手有30款以上，有馬卡龍、多款小蛋糕、果撻等等。仲有pancake 機😂 按個制就會自動煎好一塊塊即時放上牛油蜜糖就食得！超方便！ 另一賣點係甜品區嘅朱古力噴泉～可配上棉花糖或生果食用，依度嘅朱古力噴泉味道偏向黑朱古力味，如果偏愛牛奶朱古力嘅人士就未必合心水。中間位置

今日去食帝景酒店個草莓下午茶自助餐🍓💕比佢個poster所吸引左去到唔洗15:15就可以食但因為冇位所以要坐出面比太陽曬住 冇辦法喇啲人已經食緊野主角既士多啤梨甜品每一次一refill就比人搶曬係搶曬唔洗幾秒就冇曬唔留心都唔得場面一片混亂好似戰場咁差啲連士多啤梨葉都冇得食😭但整體食物都好好食推介藜麥菠菜沙津//blueberry cheesecake//草莓千層酥？//焦糖燉蛋🍓😻😻🙊等等本身有馬卡龍但係比人搶曬架😆建議大家去食既話要快啲手喇啲人都係咁搶但食唔曬 一係就拎返去影相咁囉

放假總想同好友一齊出去四周圍食、四周圍玩，特別女生總想食盡天下甜點，今個星期就同咗好友去帝景軒食草莓甜點誘惑下午茶自助餐，食完仲可以去附近海灘漫步，非常寫意。帝景酒店今個下午茶自助餐，好多都以鮮甜草莓創作多款細緻甜品，就好似帶大家去一場草莓盛宴。內裡環境時尚，戶外座位更有哂香港特色元素。一開始當然食個沙律先啦。沙律方面其實都有好多款，有泰式燒牛肉沙律、邊豆玉米仔沙律、什果沙律等等而我就鍾意佢個泰式燒牛肉沙律，酸酸辣辣非常開胃，而大廚採用頂級澳洲牛肉，口感鮮嫩鬆軟，份外滋味。亦可以自己揀選不同沙律菜或醬汁，調出一個最啱自己嘅選擇。食完沙律都忍唔住去了甜品區睇一睇，發現如果女生見到一定會雙眼發光。法式千層酥（左）士多啤梨千層酥入口鬆化，配上滑溜嘅吉士醬，唔會過甜真係唔錯。士多啤梨朱古力慕士（下）士多啤梨外層包裹著幼滑朱古力慕絲，慕絲中加入一層士多啤梨果凍，底層則鋪上薄薄的忌廉及朱古力脆脆，帶給您多重享受。之後佢仲有好多唔同款式甜點，例如：士多啤梨馬卡龍、士多啤梨法式焦糖燉蛋及士多啤梨法式泡芙等等，真係名副其實的草莓誘惑。鴨肝醬焗釀燒烤蘑菇大大嘅蘑菇唔會烤得太過乾身，配上鴨肝醬一齊食真係非常

呢間位於荃灣汀九橋附近嘅酒店除咗有甜品下午茶自助餐外，夜晚亦都有搞自助餐！望住海景食特別寫意🙂價錢來講亦都唔算太貴，中規中矩頭盤就先食沙律啦！佢哋嘅菜係用酒店綠化嘅天台龍場種植🙂感覺上比較健康同新鮮，而且食起上嚟亦都唔會好老咸點方面有瑤柱扒時菜黑松露芝士汁炒青口同避風塘炒海鮮！松露味都算係幾香，避風塘炒海鮮辣辣地，食起上嚟都幾惹味！呢款花膠卡邦尼通粉都算係幾特別，中西合璧！花膠增為加口感！長通粉味道濃郁，但醬都幾creamy...蓮藕花生炆豬手，配飯食就真系一流啦！炆得都幾夠淋！而且尚算入味去到甜品時間啦，朱古力噴泉一定唔少得！有得配棉花糖同埋哈密瓜食🙂朱古力味道濃郁，好岩朱古力控！好邪惡啊！食吾停口藍莓芝士蛋糕甜而不膩，食一片又吾會好飽仲有好多與草莓為主題嘅甜品添呀！例如有草莓泡芙，忌廉凍凍地咁幾正^^草莓朱古力慕絲蛋糕同草莓慕絲蛋糕等！草莓都算係幾甜，感覺好清新仲有好多唔同味道嘅蛋糕比大家選擇！蛋糕味道唔會好似好假咁，特別推介咖啡蛋糕！蛋糕嘅口感多幾鬆軟外脆內軟的，好味！整體黎講食物選擇都有幾多！ 而且位置寬躺坐得都幾舒服🙂如果想約朋友去食生日飯或者同情人撐枱腳，呢間都系吾錯嘅選擇