彈彈旦 (已結業)

一直都覺得點解白魚旦唔可以做街頭小食？今次見到有專賣白魚旦嘅小食店，真係開心死我！係我地揀緊要咩味嘅時候已經有個姐姐主動問我去食過未，食唔食辣，咁我就話未啊，唔係好食得辣，點知佢叫我食蒜香味，我心諗唔係辣架咩？膽粗粗就照食啦，20蚊12粒其實有少少貴，但一入口即刻食到佢個魚味好重！白魚旦口感本身就比炸魚旦軟身，但食落軟得來又幾彈牙，唔錯！不過個汁（其實應該係辣油？）蒜味就有啦，辣就無乜，如果想食辣嘅人就唔好揀呢個好過啦

看了方向日報和生果日報都有介紹過的魚旦店，講到好似好好味。一直都想去試下。剛好有一日經過旺角，就決定去試一下。去到，當然看下餐牌先LA。嘩，魚旦店有糖水、撈麵賣。這間店非常有問題。因為魚旦和糖水撈麵是三款完全不同類的食品，一間少少的店會這樣做。一係充滿自信，一係就……今次重要食炸魚蛋，還是專心看下魚蛋有什麼好食，見到佢有D醬料放了出來。當然要睇睇有什麼特別。可惜幾款醬都不合我心水。結果還是叫了日報介紹的日式天婦羅炸旦。叫了炸旦，職員問我要不要加醬。加醬？不用錢？發夢，要加2蚊GA (只怪我冇細心看細字)。所以還是要原味炸旦好了。其後她說要等8分鐘，因為是即炸。叫都叫左，唯有等等了8分鐘(真的嗎？)，我要的日式天婦羅炸旦出現LA淡淡黃色的外皮，真的是天婦羅粉嗎？因為和平時食的天婦羅外觀完全不同，似平時的炸粉多D。唔理LA，一試就知龍與鳳。唔……炸粉有炸粉味、魚蛋有魚蛋味，Oh。再試下有淮鹽的一面，嘩，好好味D淮鹽，但魚蛋味冇左。總結來說，魚蛋有魚蛋味，炸粉有炸粉味，淮鹽有淮鹽味。各自為政。

旺角是香港潮流集中地之一，任何類型店舖在旺角都是來得快去得快，創業時反應熱烈，轉眼間立刻生意走下坡，最後無聲無息結業收場，除了肥姐的生腸，其他食店大多已面目全非。就像廣華街潮流特區一帶，之前還吃過那韓國雪糕鯛魚燒，誰料到今晚再來，雪糕鯛魚燒已告結業，換上另一間食肆。此情可待成追憶，只是當時已茫然。鯛魚燒離開後，我在潮流特區找到另一間賣特式魚蛋的小食店叫彈彈蛋。魚蛋這街頭小食早已深入民心，形式本來早已定型，很難再有突破變化，最多是從醬汁花點心思求變。可能店主都心知肚明，知道單靠賣魚蛋，店舖前路必死無疑。所以除了賣魚蛋外，亦要賣一些魚蛋的周邊食品和糖水增加店舖吸引力。我點了一個白魚蛋加芝士醬汁，魚蛋以紙碗盛載，總比用竹籤串起或塑膠袋裝起美觀潔淨，不過比起愛爾蘭瘋薯，紙碗概念已被瘋薯與韓國小食捷足先得，紙碗裝載醬汁魚蛋早已是缺乏新意。白魚蛋溝醬汁雖然沒有新意，但白魚蛋確實很彈牙，配合濃郁芝士醬汁的確是恰到好處。但問題始終是，單靠賣魚蛋這一招缺乏新意，雪糕鯛魚燒尚且捱不住，此店恐怕更難長做下去啊。

講香港特色小食！一定有魚蛋份！但係香港一般出面食嘅魚蛋好多都係黃皮嘅～口感粉多彈口更加唔洗講一定少之有少～ 而且做法10間9間都係湯汁滾煮吸味式～ 唔係咖哩就係麻辣依d普通野囉～ 食得多都悶啦！又吸晒汁鬼食到粒魚蛋真正嘅香味咩！又得食到可以彈口咩？都煮到林謝謝啦🙈依間係QT近期發現同埋愛上嘅魚蛋檔！清一色真係得魚蛋！但佢用嘅係「潮州超彈爽口又好香魚香嘅白魚蛋」！而且唔係行湯煮式！行微炸式！特意想保留白魚蛋嘅水份唔會過份流失！魚蛋真係口感彈牙爽口都不得了好好味！同有得fight！！仲有多款醬汁選擇😻 有「椰香咖哩汁」、「黑椒煙內芝士醬」、「肉鬆燒烤汁」、「蒜香香辣油」！4個味都同魚蛋好夾👍🏻好好味嫁！我自己就最愛佢地嘅芝士醬同香辣油🙌🏼一試難忘呀～ 行過都買黎食😝今日又行過仲見到因為萬聖節推出左兩個期間限定嘅汁呀😎 又狗衝去買黎食！分別係「辛辣蕃茄汁」、「忌廉南瓜汁」！好鐘意個南瓜汁呀😻超香南瓜汁！好希望日後依個汁長有🙌🏼佢地仲好細心有得配撈麵～ 又怕大家覺微炸都熱氣有解熱氣嘅糖水用樽仔上！一支支細細支好方便！連渣都細心到幫大家打碎埋入樽～ 食落粒粒爽甘👍🏻我自己非常推介大家飲薄可杞子木

原舖豆花米線，開了新舖彈彈旦。日本天婦羅金黃炸旦 $20 / 10粒即叫即炸熱辣辣，薄薄一層炸粉，魚旦沒有魚味，不過嫰口彈牙，不加醬汁，有椒鹽已不錯。不過實在擔心這店能維持多久，星期六的晚上，只是小貓三四隻。

Definition of "al dente": Italian term to describe pasta, rice, beans and vegetables that are cooked to  be firm to the bite.This place calls itself Al Dente Balls. What do they sell? Fishballs. And their guarantee is that they are firm to the bite.Located in Mong Gok, on Dundas Street, it's a take away only shop. Menu is in Chinese only.  Unlike many other places that sell curry fishballs, they sell a variety of different flavor fishballs (like black pepper and spicy)  among other snacks like f

第一次去試食🙈 食BBQ味肉鬆味諗住有肉鬆好似好食啲咁 點知BBQ 味冇咁好味 冇咩驚喜咁 唔會再食呢隻味 😆下次試下其他味先會唔會咖哩味同辣椒油 正常啲 好食啲呢 🤔🤔

路過旺角，發現了一間新開的小食小店，老闆盛情請我是試食魚蛋，他們放了三個醬汁在櫃面讓大家試加上品嘗，我選了馬來椰油咖喱。馬來椰油咖喱汁，味道頗辛辣 （利申我是個吃不了太辛辣的人），但是有濃濃的椰香，跟魚旦的味道很配，二話不說就點了一客＄20的魚旦。自選了BBQ肉鬆燒烤醬（....BBQ 不就是燒烤嗎！😝）， 醬汁有點微甜配以肉鬆 ，口感很特別很有層次，但略嫌不及咖哩汁的香口。魚旦本身值得一讚，真的很彈牙，不會只是一粒粉團，真的al dente！此外，魚旦有魚味，今天來說.....實屬難得！

雜誌上說到什麼非常之彈牙的魚蛋，其實彈牙魚蛋，偶有聽見，又或是南記的魚蛋，都覺得非常之彈牙，甚或是筲箕灣的安利魚蛋，也不錯。究竟這一款魚蛋有什麼特別，連明星（其實應該是半紅不行的暗星）也到來試食。10粒魚蛋，其實說穿了只有兩串，＄20一杯，絕對不便宜，如極為好吃又不同講法。首先說說魚蛋的質感，不太彈牙，一口咬下去便咬開，沒有覺得彈下彈下，咬下彈開牙齒的感覺。千挑萬選之下挑選了蒜香辣油味，所謂的蒜香辣油，其實好像隨便一間茶餐廳放在桌上的辣椒油。沒有什麼「蒜粒」，連營多撈麵的小包蒜粒也比不上，只是辣椒油的碎粒，放在輕炸的魚蛋上，哪有意義？相信以masterchef用語，應該會形容為pretty pedestrian 或是just another fishball shop吧，試一次也嫌多，毋庸再吃。

看了網上介紹有大隻猛男炸天婦羅魚旦，特忙裡偷閒專程拜訪怎料去到只見兩位女士坐鎮...被騙了吧！哈哈！說說笑吧，其實我是被當中介紹的彈牙魚蛋所吸引了，既然說到彈牙過瀨尿牛演，當然要來一試究竟。其實經過肥姐再過對面馬路已到，尚算易尋選擇困難症發作，考慮了很久才決定到醬汁口味試業初期可以試食，但我點了才知道因為如果試食後，我應該不會花二十元買這杯魚蛋，先說口感一點也不覺得彈牙，味道像潮州魚蛋，不覺得特別好吃。醬汁種類是挺多，點了蒜香香辣汁，連平時不吃辣的也吃不出辣味，蒜味亦欠奉，反而有點像茶餐廳的辣油還是通達的辣汁魚蛋更合我心意！

旺角，可謂全球賣小食競爭最大嘅地方，全球各地你諗到甚至想像唔到嘅都會有得賣，要留住貪新忘舊嘅香港人嘅心，除咗夠噱頭，好食先係王道。行過登打士街，幫襯SELFIE 咖啡(見另文)，之後見呢間舖試業中，招牌紅紙都未搣，連賣咩都未知，唯有喺餐牌搵答案。原來係主打賣魚蛋，但唔係傳統咁一大煲滾住比你揀辣定唔辣咁DRY,而係有四種醬料比你揀。舖仔細細，裝修簡單實用，各樣搵食工具放得井井有條，連老闆在內只有兩個人一腳踢，但態度親切積極，做ORDER都乾淨俐落，充滿幹勁。初搾椰子油咖哩汁魚蛋$20/10粒我認為，要公平評價魚蛋，都係試最傳統嘅咖哩汁。先由魚蛋講起，同其他魚蛋檔，用預先炸過嘅魚蛋唔同，係用白魚蛋，食落真係好彈牙，魚味比較真。本身唔會好重味，配醬汁食比較正。咖哩汁都與別不同，味道偏甜而且比較杰，似印尼串燒嘅沙嗲汁，用嚟撈魚蛋，黐實晒成粒，食落微辣少甜帶花生香，又係另一番風味。日本天婦羅金黃炸蛋$20/10粒白魚蛋蘸上天麩羅脆漿，再放入涫油炸，由於即叫即做，大概要等10分鐘。店方會灑上淮鹽調味。由於天麩羅漿身比較薄，唔會儲藏過多油份，表皮咬落非常酥脆，彈牙嘅魚蛋，少少鹹，多多脆，好快又消滅晒

身為魚蛋超級粉絲既我收工經過廣華醫院對面，見到新開張既彈彈旦（連招牌都未有），但就被強烈吸引住，再加上看到原粒試食，立馬問店員是否可以試食，不計成本讓客人試食，的確吸引了不少客人，試了一粒原味！魚香濃郁，再加上不油膩口感，認真彈牙的魚蛋，立即就買了一份，白魚蛋，加上香辣油，雖然佢有4種醬料，但我還是覺白魚蛋還是配香辣最夾～加了一點兒咖哩汁和香辣油，也不會太辣，但認真香口。而且抵食，平時去粉麵店淨魚蛋一碗6粒都$20，呢度$20 食足14粒，夾口彈牙又唔油膩美味魚蛋！絕對極得encore~~

路過廣華街，被試食停住腳步。原粒魚蛋試食，沾點咖喱汁，放入口 ，霎時被魚蛋的軟彈吸引。＄20/14粒，聽起來又幾抵食。沒有炸過的潮洲魚蛋，特別軟滑，中間彈牙。比一般魚蛋細粒，迷你版很可愛。魚蛋有原味、香辣油和金黃炸旦。醬汁有4款，秘製椰子油咖喱汁、BBQ肉鬆燒烤醬汁、韓式芝士香辣醬汁和黑胡椒海洋醬汁。創意的配搭，全都想試，最後店員為我們選了經典的咖喱汁。辣得惹味，少少刺激，恰到好處。果真有椰香，只是少少稀，未能大量掛在魚蛋上。不過，彈彈魚蛋本已調味，魚鮮之中還帶點惹味，即使沒有醬汁同樣好吃。新開的小店在吃了幾十年的魚蛋加入創意，搖身一變，變成緊貼潮流的小食，值得支持。

又陪人去旺角巡視業務嘅時候，見到新開個名又咁得意叫「彈彈旦」，所以試吓～係櫃檯有試幾粒原味，魚蛋果然好彈牙，正如佢個名「彈彈旦」，配秘製咖喱醬好惹味，但係屋企人唔食得辣，所以就無叫辣～叫咗個黃金炸彈＄20有10粒，如果要加醬就要加多兩蚊，屋企人唔食得辣，所以叫咗個BBQ肉鬆燒烤醬汁，黃金炸彈好味，外脆入邊就彈牙，配埋肉鬆好好味，醬汁就好香～