形 (MPM文華商場)

营业中

休息中

今日番工超大壓力放工一定要去happy hour chill 下先！ 喺旺角朗豪坊行行下就見到朗豪坊對面MPM商場既呢間katachi 形 ， 睇落幾chill 既pub！ 一入門口就會見到一個大電視，仲有兩部飛鏢機，果酒櫃好多五顏六色嘅酒，仲有唔同年份嘅響同山梨，成件藝術品咁，好吸引我因為今晚仲要去上堂，所以我叫咗一杯無酒精既 rose garden! 當然仲有送「酒」小食- 蝦條啦Rose garden 黎到時我有少少驚喜我以為係rose 顏色但係係好吸睛既藍色應該有用到Blue Curacao 🇨🇼 ! Rose garden 有啖啖既檸檬🍋同蘋果汁🍹味道，味道好清新，好開胃可以趕走今日番工累積的負面情緒我一共叫咗八條串燒！ 除咗必叫既牛豬雞，亦叫咗秋葵、雞中翼、魷魚鬚🦑，實行要化悲憤為食量！咁多款串燒中，我最推介五花腩！ 層皮好脆肉質肥美易入口！係咁多串串燒中我最鐘意既！順帶一提，好彩我都有叫咗條秋葵，因為食咗啖啖肉之後食秋葵感覺好舒服建議大家下次黎都叫啲肉叫啲菜！當然梗係要飲番兩杯啦！仲有掟飛標呀，記得叫埋老友黎chill 一chill

又搵到同朋友玩吓、食吓、傾吓嘅好地方啦，最正係交通勁方便，就喺旺角朗豪坊對面，放工趕過嚟都勁易撘車。🎯同朋友初次體驗掟飛鏢，發覺……原來自己真係無呢方便嘅天份😅🍴都係食嘢啱我多d😁🍗炸雞件($38) 呢個一定要叫，因為非常特別，第一次食到咁嘅製作。雞肉好嫩滑，但入口果吓勁有嚼勁，食落似係用🦑魷魚包住雞肉去炸，所以入口果吓意外地要用d牙力去咬開佢。魷魚同雞肉味道幾夾，點埋沙律醬食一流。呢個真係記住唔好成粒雞肉丸啪入口，魷魚非常爽韌，要細細啖食先食到。😁🥒翠肉瓜($16)勁多汁、勁甜，呢個好好食，食完再encore 🤤羊肉串($20) 少少羶味，搭配孜然粉，大漠風味湧晒出嚟。蒜蓉牛油焗蜆($48) 蒜蓉同牛油夠晒多，重口味嘅朋友仔食唔停口，不停話好香。雞翼 肉嫩多汁，燒得剛剛熟，外皮微焦脆皮。牛肉($20)、牛舌($24)、豬頸肉($24)都係正正常常，但我好鍾意孜然粉，而呢度嘅串燒，大部份都按我選擇嘅辣度灑上適量嘅孜然粉同辣粉，所以真係好啱我口味。🍸加埋杯如紅寶石一般色澤嘅Sangria，，非常誘人，有果香，極易入口。 餐廳非常咁寬敞，升高了嘅坐位又坐得舒服，整晚播住Edan嘅MV🎶，聽

約咗成班好姊妹喺形 Katachi食飯，貪佢呢度可以食住等。我同閨蜜就約好咗六點到達，實行嚟個happy hour。呢間係酒吧餐廳，仲有得掟飛鏢。 Happy hour食住等，我哋先叫幾串串燒同飲品。時間尚早，叫番杯冇酒精嘅Mocktail，呢杯Mix Berry Paradise淨係賣相都已經夠吸睛，打卡一流，而且味道都唔錯，酸酸甜甜咁，上面仲有幾粒新鮮士多啤梨，大大杯可以同朋友開心share。串燒可以揀唔同嘅風味(原味、麻辣、香辣)，仲有唔同嘅辣度(大中小辣)，唔太食得辣但又想食辣嘅我哋就揀咗香辣小辣。我最鍾意食燒雞全翼，燒得啱啱好，入面肉質仍然保持鮮嫩，外皮就微微香脆。牛舌薄切得嚟仍然好有口感，配埋少少辣真係好正。雞腎都係切咗薄切，非常爽口。豬頸肉一向都係我嘅至愛，燒烤嘅豬頸肉就更加好食。魷魚鬚係朋友要求點嘅，估唔到一串有咁多條，魷魚鬚好彈牙，非常爽脆。翠玉瓜總共有三片，燒得又腍又甜。我揀燒雞翼，朋友就揀燒生蠔。原來生蠔超大隻，呢個價錢真係好抵食。最後我哋就食返啲有益嘅嘢，呢包焗蒜蓉雜菜好大包，裏面有齊多款唔同嘅蔬菜，混合埋生蒜同炸蒜一齊焗，非常香口又好食。

同姊妹girls talk，傾下心事有杯酒chill 下就更開心～我地收工算收得早，平日book 18:30人數未算好多，但過左19:30 之後成間餐廳就坐滿左，估唔到平日晚都咁旺場。不過食完就明，呢度真係好食又抵食，無論係酒定係串燒，價錢都比起出面平D，仲要D酒係大大杯嘅，一D都唔慳皮！呢度嘅地方好大，座位非常闊落，坐得比普通酒吧更舒適。而且裝修好新淨，燈光美氣氛佳，無論係多friend嘅聚會定情侶黎傾下計都好岩～店內播歌嘅音響質素都幾高，唔太有其他雜音。呢度仲要有飛鏢同桌球可以玩～呢個價錢有咁多享受，真係超級抵！呢度提供嘅酒係classic嘅類別，但調得唔錯，味道整體偏甜，容易入口，岩晒我地呢D想要個氣氛但又唔算好飲得嘅女仔～每隻酒都有介紹係用咩黎調配，我地呢D新手就好需要～我地個晚分別飲左Sea breeze, martini 同sangria。真係3杯嘅份量都好多，特別係杯sangria，而且都好好味。Sangria比出面飲到嘅甜唔少，應該係加左7喜，但我非常鐘意，甜得黎唔會完全冇酒味雖然呢度主要係得串燒或者炸物食，其他主食類嘅唔多，但串燒嘅款式就有好多～用黎送酒就好岩～整體黎

我發現呢度好岩同朋友飲杯野,CHILL一CHILL。今次自己來,叫左D MOCKTAILS,青蘋果MOCKTAILS酸酸甜甜咁,沙冰既質地,好岩咁熱既天氣下飲,仲要設計得好靚。另一杯就甜甜地,都好夏日。食物方面串燒都幾抵,叫左牛舌、翠玉瓜、雞翼、台式腸等。大部份都有孜然粉,有四川風味,A BIT SPICY。最中意係台式腸,燒完既味道再唔同D。最後叫左個GARLIC粉絲CLAMS,好入味,好香好好食!都易整,等我自己都整下先。

今日收工決定同同事去happy hour下係旺角搵到呢間高CP值既酒吧吧枱型格有好多唔同既酒一口氣叫左三杯, gin martini, sangria, sea breezesea breeze同sangria易入口, 女仕啱飲gin martini飲落都好清新先黎2隻芝麻雞翼皮脆肉嫰, 好食再黎點左唔同串燒, 叫左香辣小辣非常入味拎黎配酒好夾特別推介魷魚鬚最有風味原條燒茄子都好正蒜香十足為左飽肚D所以叫左個鰻魚炒飯食下都冇令我失望飯唔會炒到太乾, 亦都有鰻魚香味

餐廳位於旺角MPM, 之前位於二樓,呢家搬咗去三樓, 地方更大得黎, 仲有幾部飛鏢機, 如果食飽冇嘢做去玩飛鏢都幾開心.☺️☺️☺️裝修方面, 因為係新開所以裝修都全新, 風格幾Cool. 另外有吧枱, 同埋梳化位, 任君選擇. 食物方面, 我主要叫係串燒, 因為店員推介呢度嘅串燒係最好食, 串燒可以分辣同唔辣, 🙌🏻🙌🏻🙌🏻因為我食唔到辣所以叫咗原味, 但食落原味都好好食. 牛舌雞中翼必叫👍👍, 另外仲叫咗個牛油雜菌, 牛油味好重, 入面有冬菇金菇蘑菇等等, 種類都好豐富.另外我都叫咗杯mocktail, 飲品有少少偏甜, 但係總體上都唔差. 😍😍 下次可以試下叫cocktail, 因為酒先喺呢度主打, 基本上每枱都有叫.😄😄😄

起旺角行完街, 諗住食晚餐, 但係朋友話唔想食咁飽, 所以就嚟咗呢度叫串燒食, 朋友推介呢度串燒幾好同埋可以飲酒, 方便我哋一路吹水一路傾計.上到嚟見到餐牌, 價錢唔係好貴, 但係質素幾高下, 串燒時候可以叫幾種味道, 原味麻辣同香辣, 另外都可以叫辣度, 所以唔擔心會食唔到, 呢度串燒種類幾特別, 連雞子都有, 真係好少地方見,另外牛舌梗係唔少得, 呢度牛舌只係16蚊, 價錢真係好平, 食落去好香牛味. 除咗串燒之外梗係唔少得係食啲素食, 我哋叫咗個蒜蓉牛油雜菇, 餐廳用錫紙兜成個上, 熱辣辣, 牛油浸豬全部嘅什菌, 每一舊都充滿牛油嘅香味.最後我哋叫咗兩杯cocktail飲, 顏色幾靚, 總括而言我覺得呢間cp值高, 雖然份量比一般餐廳可能少, 但係價錢都會比較低,總括嚟講都唔錯

放工同同事喺附近飲吓嘢傾吓計，朗豪坊對面開咗間靚酒吧，好彩唔多人，坐得好舒服餐廳比較寧靜，裝修有心思，酒櫃放滿好多唔同酒樽，好有格調揀咗杯cocktail, Long Island 有gin, rum, vodka, 檸檬同可樂，酒味配上汽水，解渴又夠chill, 一邊食串燒一邊飲就最夾串燒嘅款式都幾多，揀咗五花腩同豬頸肉，配上麻辣嘅味道，豬頸肉好爽，而五花腩皮肉比例平均，幾好味細個最鍾意食司華力腸，今日可以回憶兒時嘅味道，燒得外皮脆脆原條燒茄子好多汁，夠晒惹味，平衡一下串燒嘅油膩感覺金菇肥牛卷落足料，金菇有咬口，燒完都保持到肉汁整個環境都令人感覺好放鬆，可以喺度坐一兩個鐘飲下酒食下野，地點都幾方便，可以多啲嚟

尋晚放工之後想約朋友飲嘢輕鬆吓，去開旺角，見到有間酒吧門面幾靚酒吧嘅酒櫃好有氣派，環境闊落，坐得好舒服，仲有得玩桌球揀咗杯mocktail , 叫passion fizz, 熱情果味濃，配上紅茶同埋梳打，好有夏天嘅感覺，甜度適中，酸酸地幾開胃，配埋小食一流叫咗雞中翼，外皮燒得好香脆，肉質鮮嫩另外雞腎揀左麻辣口味, 香辣夠刺激,而牛舌味道唔錯，夠惹味炸蠔有4隻，熱辣辣食最好吃，外皮炸得香脆，夠鮮味放工開心吓傾吓計就最適合，同朋友嚟就最啱，chill足一晚除左mocktail, 仲有好多款酒，女仔可以試下cocktail，總有一款啱飲

旺角餐廳琳瑯滿目、花多眼亂，竟然比我以外搵到一間串燒酒吧，一定要來推介下。可以話佢係串燒店又可以話佢係酒吧，先介紹吓啲串燒先。餐牌選擇都幾多，我地各樣都點左，當中最推介既係蒜蓉扇貝、海蝦同雞全翼。蒜蓉扇貝好入味，而且熱辣辣非常之好食！而海蝦都好大隻蝦肉同殼分離，幾新鮮！至於雞全翼都唔使點介紹，食串燒必點，雞肉滑溜、調味料好足！另外芝士腸，鯖魚同娃娃菜都唔錯！鯖魚幾大條而且鹽味好夾，娃娃菜好大棵幾抵食，又唔會燒到乾爭爭！另外非常之推介佢哋嘅特色酒精飲品！大杯得來又幾Flash！

旺角美食多，放工之後同事帶咗我嚟呢間有串燒又有得飲酒嘅餐廳chill下，估唔到都幾有水準！環境非常之寬落，而且仲有個大投影屏幕播下歌，可以比人relax下，仲有得掟鏢同玩桌球添！我地一坐低，點左二杯酒精特飲，幾大杯之餘有杯仲有椰子味，幾特別！串燒方面，試咗串燒必食嘅雞翼同埋燒冬菇、娃娃菜，芝士腸仲有肉串。蔬菜類唔會太乾又夠入味，豬、牛、羊肉串水準唔錯，香口又唔會太老。海鮮方面，推介蒜蓉燒扇貝、鯖魚同大蝦。三樣嘢都非常之入味，大蝦夠大隻！yummy!

星期一晚上，男朋友帶我黎左E到晚餐，環境都幾Chill，有大屏播歌，但好多都係高枱。飲品多選擇，果汁，mocktail ，cocktail都有，串燒亦都好多款，有原味/麻辣/香辣，辣度可以揀大中小，我地分左2批叫，麻辣/香辣各半，都要左小辣。小食有蝦條~幾好味，都收$20推薦原條燒茄子$45- 皮脆肉嫩，好juicy，加埋調味粉好好食，推薦扇貝2隻$45 - 有埋蒜好食免治雞肉串$18 - 我中意雞軟骨2串$25 - 爽口，好味豬五花腩 $24 - 好食豆卜$10 - 吾會好dry，個皮好脆，好食芝麻雞翼$28 - 脆口，熱辣辣，正可以一試煙肉腸仔卷$16 - 1串3粒蒜蓉牛油焗蜆$48 - 蜆都多，仲有粉絲，但吾入味娃娃菜$16 - 小辣都好辣牛肉$20 - 有d un，可能燒耐左雞翼2隻$20 - 芝麻雞翼好食d

今日放工約咗朋友出旺角食野，朋友介紹咗間餐廳，喺文華商場裏面，平日好少會去呢個商場，就係Red MR同一層，係一間bar 既餐廳黎，環境幾好，可以飲下嘢食下野吹吓水。裏面空間都大，有梳化位，仲有一個大螢幕播外國歌，幾有氣氛，環境幾chill, 仲有桌球同埋飛鏢可以玩, 岩晒一大班朋友黎玩。我同朋友就叫咗啲串燒食送酒，有幾多種類，包括有燒帶子都幾新鮮入味，仲有牛舌、雞翼、豆腐、豬肉、魚同雞肉等，啲串燒都調味得幾入味，都燒得岩岩好另外仲叫咗炸蠔，炸得幾鬆脆香口黎得bar 既當然要飲番杯，我唔鍾意苦嘅酒鍾意甜，所以就同朋友叫咗兩杯Cocktail，侍應都介紹咗杯甜既sex on the beach俾我，果汁味重啱晒我另外仲送咗盤類似蝦條既零食送酒飲總括嚟講,間餐廳環境幾適合同朋友一齊happy hour, 吹吓水relax一下

咁啱睇開OpenRice發現咗原來旺角開咗一間酒吧啱晒一班同事朋友放工去happy hour，各地方仲要非常就腳喺正朗豪坊對面嗰個文華商場。估唔到呢間酒吧面積原來咁大座位好多望落都乾淨闊落，入面仲有得玩掟飛鏢同埋桌球，同平時一般酒吧唔同。食嘢方面已串燒飲酒為主我哋叫咗兩杯Cocktail，份量都幾大杯都算抵飲。每台都會有小食蝦條，之後我哋叫咗吉列炸蠔、蒜香燒帆立貝，呢個超推介，一上台就聞到陣陣蒜香，帆立貝都大隻肥美。之後點上唔同嘅串燒有燒牛舌、燒雞翼、燒五餐肉、鴨舌。再配上孜然粉同七味粉好惹味，另外在點了燒秋刀魚，如果大家唔夠飽佢都有主城係飯俾你點不過我哋飲酒為主所以冇額外再叫得太飽肚，整體環境不錯。