彩晶軒 (已結業)

前幾天因為朋友生日，所以一班朋友到了彩晶軒吃飯，我是第一次去，原來就在APM隔離，地點很方便。入到去， 雖然都是現在流行的較西式裝修，但連坐位佈局都較西化，實在給我驁喜。每圍枱有一個較闊的距離，使客人可以多一點私人空間，沒有壓迫的感覺，立刻感受到呢間中餐廰有照顧到客人感受的那份細心，是一般中餐廳少有做到的，一讚。我們一行八人，叫了多款菜式，除每道菜都是水準之上之餘，上碟都花了心思，除嘴巴吃外，眼睛也在吃，要讚。最鍾意佢地既龍蝦湯瑤柱海皇羹。沒想到中菜竟然可以吃到西式既龍蝦湯，又讚。以我的經驗，大多的龍蝦湯都因為太濃烈而略帶苦甘，但這兒的龍蝦湯沒有了苦甘味，濃度適中，廚師亦加入了中式常用的食材如帶子，瑤柱，磨菇及豆腐等，來一個中西合壁，將單調的龍蝦湯加入了豐富鮮味及口感，滿足。其餘推介有千島香芒貴妃蝦球和紅酒梨黑醋豬柳，賣相很美，未食已經流口水，看得出廚師的用心。 蝦球鮮味彈牙，再配黑魚子，魚子爽口， 但不會搶去蝦的鮮味，中間仲有我最愛吃的芋片伴碟，其實香港唔係咁多餐廳有芋片食，我吃得最多的地方都是在5星酒店，想不到在酒樓可以吃到。 另外既紅酒梨黑醋豬柳更有特色，豬柳甜甜酸酸的，很醒胃，

食物同收費就無咩意見 , 因為唔使我比$$ 之但係佢地啲服務真係好唔得啦~ 首先 , 係無人收碟 ga !!! 個啲派點心既姐姐見你將枱無位擺(因為無人收碟的關係 , 成枱都係"吉碟") , 就會將啲碟心直接擺在個啲"吉"碟上 (收一收啲碟都得啩....)之後又有個點心姐姐將啲點心放在將枱上之後 , 唔小心整跌左我杯茶 , 倒到成枱都係 , 但係佢咩反應都無呀!!!!!佢地真係要好好執執啲服務態度呀~~

舊同事聚舊日,太耐無見,一班女士們決定食豪佢,就大家地方去左呢間酒樓到食,近工業區就真係幾方便大家,好耐冇去過酒樓食小菜了,仲要係豪野,6個人叫左好多個特別的小菜,有幾款賣相好靚又幾好味!龍蝦湯瑤柱海皇羹-龍蝦湯多數都用係西餐上,而喱個就中西式混合,用上了龍蝦湯的瑤柱海皇羹,夠創新的配搭,既有龍蝦湯味道又不失瑤柱海皇羹本身的鮮味,感覺新鮮,質感唔會太杰太稀合求好處,同好足料,特別係多瑤柱,好滿足!千島香芒貴妃蝦球-賣相好精緻,中間用芋片整成玫瑰花蠻搶眼,炸蝦球面層有名貴魚子,入口外皮脆,芒果味感覺清新,內裡鮮蝦爽口,伴上千島醬酸酸甜甜幾開胃,色香味俱全。半肥瘦叉燒-聽聞係呢間酒樓的招牌之一,叉燒的確周圍都食到,但係要係好食既都真係冇乜邊間...而呢到竟然有,單看賣相都幾吸食了,好多蜜汁,好惹味,叉燒入口鬆化,肉質嫩,加上有少少肥膏,味道更甘香可口好味呀!好豐富既一餐,飯後去左APM行下,好方便呀只係隔離,下次聚會再來食先!

真是不吐不快!!!!!!!!!!!!!:3月老人家壽宴, 於2012年2月頭致電訂2圍"梗房", 經理說無問題, 他們說2月尾前過去落訂便可給我們"梗房"的. 之後我在2月尾到本酒家落了$1000元訂, 落完訂第日就打給我說只有"板間房", 就調我們到"好彩", 簡直不可理喻!!! 真的想知道咁大個集團既服務態度是如此良好的.最終我們取消訂此酒家!

個叉燒包好正又抵食^^酥皮湯都ok，燒賣不嬲不是我的最愛，所以覺得冇咩特別，另叫了個腸粉包住油炸鬼的，唔知叫咩，不過都好味馬拉糕太細了吧!心太軟，一口食完，當試食都ok既，不會太飽咖啡奶凍，冇話特別好食！p.s.3個人11點走人食成差不多$400，真係好貴，又唔係食得多！

下午茶時段又開始，滿腦子都是美食，今日跟上兩位老人家一起進餐樂極叫上差不多十樣點心、先有蝦腸/义燒腸，腸粉皮用得很好,叔叔大讚义燒腸用上新鮮义燒好味冇雪味跟手的菜苗餃亦很翠綠，沒有根也不是很油至於蝦餃更是皮薄蝦肉爽，而上素鮮竹卷更是我一度加添的,內餡很有口感.，不像用機磨一般來得過碎，如果喜歡茹素者，我想定必喜歡，但獻汁就較咸了點點今個下午叫上兩道甜品，一個係焦糖燉蛋/另一款側是心太軟焦糖燉蛋上枱是有點吃驚，超細，不過$10.還有要求嘛而心太軟雖然上枱已涼,但溜心依在,$12.直得推介,而粥、咸水角、及賽螃餃就不過不失。

近年揀選去食春茗嘅地方都唔同，唔再好似幾年前咁去死一間，我就絕對贊成啦，每年都試吓新地步好Ｄ嘛，今次就去咗鱷魚恤中心的《彩晶軒》。我都係第一次去彩晶軒食野，第一次已經要食晚飯喇，但係套餐唻講呢，我又覺得未必食得出真才實料，總覺得飲茶時段的點心會更見真章啫。Anyway, 呢餐老闆訂咗２席＜錦繡昇濤宴＞，不過每席全包茶芥加一鵲片藍妹啤酒４罐汽水罐，法國紅酒一枝，整體食味都好，雖然一Ｄ都唔平，但以材料味道服務又係團年飯唻計，都尚算唔錯喇；另外都有間咗間叫＜風和廳＞的房有景睇，但如果房外面可以靜返Ｄ就更好囉。係2040開席，2045終於都上第一道菜喇，我真係等咗好耐啦，開頭幾道菜都上得好快嘅，去到第５道菜—上翅就要等吓先上！食吓食吓.....最後Ｄ糯米飯都要原封不動打包啦，個個都食到好飽喇嘛，美點映雙輝同生果都係食咗少少都要打包，不過打包都好，唔使o徒野！＜錦繡昇濤宴＞(每席$5688)鴻運乳豬大拼盆—有乳豬、熏蹄、叉燒、燒鵝和，砌得幾靚仔，味道不過不失，乳豬皮脆。生財蠔豉瑤柱脯—蠔豉同瑤柱脯都好大隻，唔太咸，但生菜略嫌油咗Ｄ。西蘭玉帶桂花蚌—西蘭花乾身，帶子同桂花蚌唔韌爽口，幾好味。生汁明

是日肥妹仔請我去飲茶,其實我地口味都好一致, 好鍾意上茶樓!!但其實我地都好年輕下,!!我地今日下午食左牛肉, 燒賣, 菜餃, 蘿蔔糕...叉燒腸, 排骨, 同是日精選沙鍋叉燒包!!叉燒腸做到一啖一口, 好細緻!!肥妹仔食得好Lady呢!!仲有佢個排骨, 唔同其他茶樓!!(好怕其他茶樓做到好多芋頭或者南瓜墊底!!)同埋佢D排骨唔太多肥膏, 抵讚!!燒賣好多蝦肉做涵, 唔係一太嚿肥豬肉架!!其他點心都好有水準, 正正正!!蘿蔔糕煎得金黃脆卜卜,唔會油淋淋, 咬落去"索索"聲!!仲有呢個值得推介, 非常特別!!沙鍋熱辣辣, 洋蔥底+埋惹味醬汁!!估唔到拼埋叉燒包係咁特別咁好味!!可能呢D就係化學作用, 師傅有諗頭,非常創新, 真係好得!! 值得推介!!有機會要試試呀!!

早幾晚有得飲,親戚個仔結婚,早兩日特登去剪個靚頭,早D收工就返屋企,沖個靚涼換件飲衫去飲囉間酒樓喺觀塘APM隔離鱷魚恤大廈,坐地鐵去啱啱好,見去到重早,我地喺APM樓下行左一陣先上去一入去酒樓,侍應帶我地去一個獨立房間,入面D水晶燈好靚,佢地擺左幾圍,全部都喺比較親嘅親友,例牌先恭喜主人家,再同佢地影影相,坐低同平日很少見面嘅親友吹吹水,除左D大嘅聚會,平時都好少機會見面,大約9時入席啦好彩坐埋成檯自己人,點影相都唔失禮睇吓今晚食D乜先打頭炮第一道上嘅有鴻運乳豬全體,乳豬皮脆卜卜,夠鬆化,肉帶少許肥肉,咁鬼肚餓,一啖一件啱啱好跟著上肉蟹扒伊麵,味道幾好,如果將肉蟹拆肉就更加好碧綠鳳片蝦球,西蘭花夠腍有咬口,蝦球彈牙百花炸釀蟹鉗,新鮮炸起夠熱,外皮脆,肉幾彈牙,都唔錯紅燒雞絲大生翅,十分之足料,加少少醋非常美味,我重食左2碗添清蒸游水大海斑,全晚最正佢,條魚都幾大條,大魚蒸至剛剛熟,十分嫩口,肉質好滑,很好吃,最後連魚頭魚尾都食埋。生財海鮑片,鮑片食完唔記得乜味,生菜就夠爽脆當紅脆皮炸子雞,雞皮很脆,內裡肉質非常嫩滑,簡直係皮脆肉嫩,幾好食鮑汁金茹炆伊麵,我個人就好飽無食,以下嘅菜我都無

放假同媽媽黎飲個下午茶。下午茶2:00-4:30 大, 中, 小碟碟半價。兩點到達, 超多人, 足足要等18張枱, 因為見佢去d 枱都幾快就等下啦。最後等左半個鍾, 都算快啦。位置開揚, 坐得舒服。2個人食左5樣野1) 馬拉糕, 係正宗古法啡色馬拉糕, 好香, 好軟, 細細舊, 2個人岩晒。2) 卜卜脆蘿白絲腸粉, 呢個好味, 差唔多枱枱都叫, 面層滑lulu, 入面脆卜卜, 充滿蘿白絲, 正。3) 粉果, 皮超薄, 料超多。4) x燒飽, 呢個x燒飽係超似生煎飽, 上枱個陣, waiter 仲會灑d 上湯落去, 好味, 好特別。5) 黑芝麻担担麵$18, 好特別, 濃得似芝麻糊既湯配上担担麵, 味道比想像中ok! 食完小心d 牙黑晒。6) 外賣bb乳鴿$32, 媽媽話比街市仲要平, 所以外賣一隻返屋企做送, 炸得皮脆肉嫩。2個人食左咁多野, 埋單$109, 好抵!

星期日我地又黎觀塘彩晶軒飲茶。11時半到，一支箭標去拎飛仔。3-4位飛仲要等多10個。由於有幾張飛叫0左都冇人認頭；等0左15分鐘就到我啦~ 點知佢見到我張飛係4個人又話0個張枱唔夠坐; 之後無端端又有人拎住張飛補枱，結果又等多0左15分鐘先離開到0個個又嘈又窄0既門口入坐。叫0左個壽眉…唔知係唔係陳年0既呢，飲落成口塵味咁。叫佢換0左壺香片過我…好好多~ 不過都係唔多好味啦，好彩d水夠熱0者~繼續叫個好食0既馬騮搣柚子雲吞盞。卜卜脆鬆化蘿蔔腸 呢個南乳脆皮九肚魚就唔多得，南乳食唔出；九肚魚俾佢炸到乾哂。呢個叫做櫻花蝦肉鬆蒜豆腐，係見到隔離枱叫0左個賣相唔錯而叫0既~ 食落似食豆腐花，不過唔係甜0既；味道似食鹹豆漿。另外仲叫0左個農家有機瑤柱菜苗餃、松花皮蛋瘦肉粥同砂鍋鳳凰炒粉絲都不錯。 整體0黎講，呢度都係食佢0既整色整水，野食0既味道都唔錯，不過食多幾次又會覺得佢冇咩特別。 我諗我都係唔好黎得太密，等佢有時間換下d點心紙好啦。

又到下午時間 不想吃意粉飯那麼普通, 就是來嘆茶的時候啦平日的下午茶2點開始跟雞仔嘜1:40等二十五分鐘左右就可入座 兩人去也不用跟其他人搭檯 GOOD!肥瘦適中, 好吃飽子已有點冷 普通是塊狀的牛肉 OK很多蝦而且爽口 好吃醬味十足 好吃上面的柚子沙律蠻開胃的內裡的蝦亦比其他酒樓的炸雲吞多最後來個甜品小小一碗 可是很起沙 也夠甜! 完美的結局

中午到apm買戲票之餘，等康康放工去飲茶，鱷魚恤中心最多酒樓，選彩晶軒因OR都幾多人讚。門外很多人，又沒有訂位，等了約45分鐘才入座。在等位期間，留意員工合作愉快，努力工作，直得讚許。未入座，在門口她們已問你飲甚麼茶，所以很快就有茶到。看看點心紙張，所有點心名都很長，大部份都有7至8個字，最多有9個字，如 ”百吃不厭家鄉咸水角”。特色粉麵飯最長都有11個字，如“黑松露翡翠苗雞絲炆伊麵”，又或“黃鶴樓煙花楊州炒飯”，楊州炒飯和黃鶴樓煙花有甚麼關係??安格斯牛肉腸 – 沒有牛肉味的安格斯牛肉，還是喜歡普普通通的牛肉腸。玉桂蘋果炸湯丸 – 小朋友吃要小心，因剛炸完，熱到燙口，外層湯丸皮煙韌、略實，是下糯米粉較多，湯丸內的蘋果玉桂味重，喜歡玉桂味的人一定喜歡吃。艇頭海味香煎蘿蔔糕 – 莫名其妙的名字，不過入口香甜的蘿蔔味又不錯。回味蜜餞即製叉燒包 – 用煲仔上，侍應在煲蓋未打開前，沿邊淋上醬汁，立時烟霧升起，似醬汁淋在鐵板上。打開熱騰騰的蓋，3個叉燒包是棟起放，包底有少許焦，煲內放有洋蔥絲，欣賞包內的叉燒不肥，不覺甚麼蜜餞味，原來洋蔥才有蜜餞味，但又不至於要回味。農家有機瑤柱菜苗餃 – 不用夾

朋友仔生bb,探訪前先e肚仔唔知係咪因為係7月1所以超勁多人好彩預先訂枱迷你burger好可愛一定要叫飯好大碟,而且好好味真係超抵食~輕輕鬆鬆飲完茶走人~

平時去慣尖沙咀0個間. 今次試下觀塘呢間彩晶軒.11點半黎到已經坐滿人. 不過唔係好多人等位…不過等到12點, 個窄窄0既lobby就已經等滿人. 好彩呢個時候剛好俾我地等到位.個場0既枱都排得好密, 不過就坐得又唔係唔舒服0既~ 不過真係幾嘈. 點心有好多款.鮑汁炆龍鳳爪鮑汁OK,但不夠膠.馬騮搣柚子雲吞盞呢個好食呀~ 我一個可以食兩個! 馬騮搣我以為係茶葉, 但我搵唔到喎. 唔知係咪講緊上面0個d黑色魚子呢? 細細個雲吞盞上面0既沙律醬有少少芥辣, 混埋少少柚子. 好開胃不知年陳皮叉燒酥我唔知係咪不知年啦. 不過叉燒酥幾鬆化有少少陳皮味又唔錯喎. 不過我嫌佢細得滯椒鹽炸生蠔因為見個魚缸好乾淨, 所以安心點呢個. 個蠔唔係好大隻, 不過都幾鮮味. 略嫌鹹0左D農家有機瑤柱菜苗餃我覺得自己成0左碟上湯瑤柱扒豆苗! 4隻餃加埋好似用0左成粒大乾瑤柱. 豆苗係咪有機我唔知. 不過真係唔錯~玉桂蘋果炸湯丸好似食蘋果批咁. 不過出面話就話係炸, 不過係軟身0既. 玉桂味濃.金絲蟹肉炒飯好~大~碟! 初時我以為面頭0個d係蛋白. 分下分下見到咁大舊蟹肉喎. D飯炒到一粒粒但唔會好乾. 好正可能