彩興來來火鍋 (已結業)

之前係街上都見到有呢間火鍋店既宣傳板，個晚難得唔煮飯，就同左屋企人去試下~呢個九宮格其實係醬料盤，有葱，辣椒，芫茜等。叫左個花膠雞蟲草花湯，先將雞件同其他湯料炒香，再加入雞湯，煮一陣就有得飲~飲得~雞湯唔會太重口味，好清甜，雞味都幾濃每人都飲左2-3碗~之後可以加湯打邊爐，首先叫左個廣島蠔~ 98蚊有10隻蠔，都幾抵食蠔味相當濃~貴妃蚌，夠哂大隻厚肉，貝類甜味突出~西班牙豬肉，呢個超好食，有肉香，難得一見既靚豬肉~極上肥牛一般般，有啲筋位，唔夠滑，可能貴小小既安格斯牛頸脊或者手切本地牛肉會好啲，下次叫另一款試下~必食大大粒雞子~仲有個皇帝菜，無影到，好少有火鍋店有，估唔到呢到啲菜類都幾多選擇~

今日同老公話想打邊爐，搵到一間位於將軍澳的火鍋店店員一開始會叫我們揀定湯底，之後替我們洗鑊！極為難得！我和老公揀了胡椒豬肚湯底，令我們嘆為驚訝的是店員替我們即煮湯底！真的是第一次品嚐和感受！店員也提醒我們要品嚐第一啖湯另外也有多款醬料選擇！XO醬和麻醬也是自家製！在諗緊飲咩好之際店員提議我們特飲桔仔冰($68)桔仔冰酸酸甜甜，十分生津解渴！打邊爐配搭一流！打邊爐不得不叫即炸響鈴($48)彩興的響鈴有別別家的響鈴，是師傅即炸。十分新鮮而且口感十分脆口！另外也點了鮮打蝦滑($88)蝦滑十分爽口彈牙，而且十分大份！整得一試！打邊爐的好朋友不能少得美國肥牛($98)肥牛肉質肥美，而且脂肪比例均衡，絕對是口感豐富！另外也點了西班牙黑毛豬($108)可惜忘記了拍照但黑毛豬肉質飽滿穩定，而且油脂甘香！菜類方面點了油麥菜($35)油麥菜十分大份，而且十分新鮮，中和一下腸胃再作戰是必須吧彩興來來的黑松露鮮蝦餃($88)不得不試！每粒水餃十分大粒之餘還十分足料！裏面是滿滿的黑朳露外還有大大粒蝦肉和冬菇！黑松露的香味濃烈，把整個味道升華！絕對是師傅的細心之作！打邊爐最愛和老公加個公仔麵($18)作總結彩興來

將軍澳一帶新樓愈起愈多，自然食肆都愈來多，今晚去左帝景灣彩與來來食火鍋要黎呢度一D都唔容易，首先要經過天晉，然後要去三期，但去到之後又要由商場去番地面，再由天晉匯去帝景灣先可以到佢地唔係用一般不鏽鋼鍋黎打邊爐，而係用生鐵鍋，咁樣食既時候火候更好，更有鑊氣。醬汁除左一般蔥、蒜、辣椒外，仲有佢地自製XO醬，非常香口。除左餐牌既食物外，佢地有另外特色食品，我地就叫左個芝士脆響鈴呢個招牌鴨煲真係好正，味道鮮甜唔膩，鴨肉腍而嫩滑多汁，蘿蔔蒜頭等等配菜亦索晒鴨汁，真係極之好味。日本黑豚五花腩($98)肉質很嫩滑，食落油脂感同肉味都好濃郁。芝士脆響鈴($58)呢道響鈴真係超超級食，新鮮即炸既腐皮，內裡包既芝士，入湯後三秒抽起一食，響鈴吸收左湯底，味道非常可口，內裡芝士軟滑香濃，實在令人回味無窮。醬爆四色丸($128)4款丸各有特色，內裡的涵料非常多，煮得太耐粒丸就會爆開流走晒，所以要睇實一煮好就拿出來食啦。牛舌($68)上菜時發覺係新鮮牛告，而非急凍牛舌，我立即放一片入湯一滾後，一食發覺牛味非常突出，而且因為係新鮮牛舌關係，本身會較厚身，而味道口感亦會更強烈，食落不單煙韌，更可以慢慢細味牛肉的特色。

拖左好耐既聚餐，終於約齊人來。因為其中一個朋友是日搬屋，為左就近d,所以揀左係將軍澳食，天氣又凍凍地，梗係打邊爐啦。尼間唔係第一次來，上次覺得都ok,所以決定來多次。佢係帝景灣既商場，其實都幾隔涉，唔係住係尼頭都唔識行，所以食客都係尼頭既住客。打邊爐梗係要揀湯底先，今日揀左個light d既養生湯底， 各種菇類，粟米，望落真係好健康邊爐配料也大部分都很健康， 肉類只有手切肥牛，豚肉片， 大蝦，珊瑚蚌， 脆腕魚片， 手打雜丸， 凍豆腐，百福豆腐， 之後就係大量蔬菜：皇帝菜，唐篙，娃娃菜，袖珍菇，萵筍片，粟米， 炸芋頭，炸魚皮，響鈴等等。 份量都唔少。仲有小食汁煮鮑魚， 東風螺。今次d配料都無上次新鮮，腕魚片好多骨， 皇帝菜既梗好硬，炸魚皮不脆， 粟米不甜。除此之外，其他的還可以， 手切肥牛味道一依然咁鮮味，豚肉好爽， 炸芋頭夠粉，汁煮鮑魚好煙韌。不過今餐都唔平，每個人都要340左右， 食物質素不算特別標青， cp值不高，打邊爐選擇太多了，下次應該不會再來。

近排將軍澳開左好多新食店，天氣又突然轉涼，所以就黎左呢度打個邊爐。上網睇話呢度既黃金雞鍋好正，所以今次就黎試下。我同朋友兩個人嗌左半隻黃金雞煲，都夠食。佢好得意，因為佢係會即刻係你面前炒，跟住落個雞湯，再煲熱佢。店員建議我地先飲左湯先，再打邊爐。個湯真係幾唔錯，佢無落味精，味道係幾清，感覺幾養生，d雞都幾香，真係幾唔錯。飲完湯，就可以叫佢加上湯，就開始打邊爐。不過小後悔無飲多幾啖就開始打邊爐。跟住嗌左好多野食，嗌左美國肥牛，唐生菜，冬瓜片，一渣桔仔冰，粉絲，芝士獅子狗，黃金餃，蓮藕片，竹笙。不得不說，個芝士獅子狗真係幾唔錯，我同朋友都好中意。個桔仔冰都幾得意，打邊爐配埋一流。樣樣野食都大大碟大大件，擺盤都唔錯。服務都幾好，佢會係咁望住你，睇下你係咪無湯，會過黎幫你加湯。

今次黎到將軍澳同老友一齊打邊爐，揀左帝景灣廣場既呢間彩興來來火鍋。呢度啲湯底選擇都唔少，既有常見既番茄湯同芫茜湯等，又有藥饍湯底。我哋今晚揀咗個黃金雞湯，呢個湯底除左雞之外仲有花膠同蟲草花醬料盤用九宮格形式上，每位醬料費$15。原來湯底仲有淮山！店員會先用薑蒜煎香雞件，之後再加入花膠同蟲草花炒，最後再加入雞湯煮大約10分鐘就可以飲～店員話個湯無任何味精，起初我地都半信半疑，因為實在太難搵到唔落味精既餐廳，但飲落又覺得真係無味精！雞味濃，味道清得黎又唔會過鹹/過淡，實在幾有驚喜，估唔到打邊爐之前都有得飲碗雞湯補下飲到咁上下，就可以叫店員加清湯打邊爐以下都係我推薦既火鍋配料～貴妃蚌 $165/6隻大隻又甜既貴妃蚌向來係我摯愛，呢度既貴妃蚌夠鮮甜，灼到甩殼食perfect!極上肥牛 $188例牌同行有朋友唔食牛肉，所以只叫左例牌，但估唔到例牌都幾大份下。牛味相當濃，夠薄，可惜小部分牛肉個邊有筋位。西班牙黑毛豬 $108豬好食過牛！！份量同樣比想像中多，同埋好有肉香，必食推薦萵筍片 $42打邊爐當然要有萵筍啦老左小小，但抵食！服務方面，樓面人手足夠，服務態度都唔錯～只係環境上抽氣一般，如果食濃

放假去將軍澳探完朋友，朋友話帶我黎試下呢間即製湯底邊爐～黃金雞湯 (花膠,蟲草花) 半隻$188呢度嘅湯底同出面最大分別係，所有湯底都係即場喺你面前整，我地叫左黃金雞湯，有半隻雞、花膠、蟲草花、鮮准山，師傅會喺你位即製，首先爆香薑同蒜頭，再放雞件爆到金黃，再放其餘材料，再加入無味精嘅清湯，滾佢一陣就可以製成湯底，由於雞爆完會有少少油，師傅仲好細心咁幫我地隔一隔油先。滾到黃金色咁吸引，我地一人飲左3碗，食D雞胸肉，食完已經飽左一半～再請師傅加多次湯先開始打邊爐我地怕肥，打邊爐一定係焯左菜先，皇帝菜$38皇帝菜同個黃金雞湯好夾呢,好清頂級安格斯牛頸脊例$208牛肉雪花均稱，牛味濃而且嫩滑，兩個牛魔王食得好開心花甲$108隻隻花甲都好大隻同冇沙~醬料幾乎都無用到～淨係用個雞湯已經好夠味呢

將軍澳南自從天晉及周邊屋苑陸續落成及入伙、忽然多了不少商場及食肆。身為將軍澳人當然要探索一下這裡有什麼好吃的新餐廳。今天走遠一點來到帝景灣、好有氣派的高級住宅群、住宅圍牆旁邊有條巷子通到商場、有些隱蔽、若不是巷子口的燈箱有提示牌、根本不會知道裡面有個商場。走進去是一整排的小商鋪及一些餐廳、歐陸式的柱子裝潢、感覺像身處赤柱或者在海外度假區。 下著小雨的夜晚我們決定去吃火鍋、一試這裡的彩興來來火鍋。先送來一盤醬料。選了黃金雞湯 $188（半隻）、侍者先下鍋炒雞、蟲草花和花膠、煎香加湯蓋著待熟。一開蓋、好香啊！奶白色的雞湯好香、感覺滋補、我們先喝雞湯、然後再加清湯作火鍋。醬爆手打丸$128 分別是柚子墨魚丸、芥末芝心鮮蝦丸、黑松露蘑菇牛丸、花膠粒北菇肉丸。牛丸的黑松露味幾出、蝦丸加入芥末和芝士互相中和、芝味帶點辛辣。最特別是墨魚丸有柚子味道、清新好喜歡！招牌三拼餃 $108黃金餃裡釀有豬肉粟米、好甜。另外韮菜餃和黑松露鮮蝦餃都不錯。打邊爐大多會點鮮腐竹$38和竹笙$68、好讓他吸引了湯底的味道。西班牙黑毛豬$108唔肥幾嫩滑。

餐牌有兩頁紙九款醬料包括常見的蔥花、蒜蓉、生蒜外，還有麻辣醬和XO醬。黃金雞湯名字好意頭，親友新年聚餐就特意選了這湯底，配料有花膠、雞件、蟲草花和淮山。每枱都有一個鑊，老闆先以薑片和蒜頭爆香雞塊，有鑊氣。雞塊開始熟時，再放其他配料，最後加入清水加蓋烹煮。由於沒有放任何調味料，所以雞湯很清甜。老闆很細心問我們是否需要加鹽，但我們喜歡雞湯的原汁原味。醬爆手打丸拼盤-柚子墨魚丸中間酸酸地，幾清新；芥末芝心鮮蝦丸有流心效果。西班牙黑毛豬肥瘦有致，入口夠爽每件鮮腐竹也是以幾層疊成，滑得來更有質感招牌三拼餃有黃金餃（豬肉粟米餡）、韮菜餃和黑松露鮮蝦餃。韮菜餃很香，其餘兩款餃子都餡肉飽滿，只是餃子皮接口位略厚。竹笙吸收了湯中精華，輕爽而味濃

今年嘅冬天寒氣迫人，有咩好得過打番一次邊爐，令自己成身暖笠笠所以我同朋友決定去火鍋店—彩興來來火鍋，係將軍澳帝景灣商場，雖然有啲偏僻，但係絕對值得一去雖然係火鍋，但係同我地平時打邊爐有啲唔同，佢地用嘅係生鐵鑊，而且係內置係枱入面，冇咁容易因為掂到個煲而受傷湯底有好多唔同嘅選擇，簡咗好耐都未決定到，最後簡咗黃金雞湯我地以為佢會好似其他火鍋店咁，一早煮好曬湯底，但係出乎意料地，佢地係即場係生鐵鑊入面炒雞肉，同埋配菜，最後先將湯一齊倒落去煮。同時，佢地都準備咗好多唔同嘅調味料比我地調配自己中意嘅醬料當湯滾咗嘅時候，店員好貼心咁叫我地先試下個湯，飲咗一碗之後發現個湯底真係真係好甜，而且啲雞好嫩，超容易咬，同埋花膠好入味，好軟因為我同朋友得幾個人，食唔到好多野食，所以有啲遺憾，但係叫嘅食物都真係令我地有 encore嘅打算。韮菜餃，唔單只有8粒，而且粒粒都好大件，超足料，我地見到都嚇咗一跳，驚食唔曬但係後尾發現，冇食唔曬，因為餃子餡：菜同肉嘅比例好好，色香味俱全。(溫馨小提示，唔好煮咁耐， 皮薄餡靚容易爛之後就到， 打邊爐不可或缺嘅肥牛，佢哋嘅肥牛肥瘦適中，烚兩下就好快熟，一啲都唔橡筋我地亦都叫

去年十二月曾來過這間火鍋店，因為位於新商場內，第一次來時比較難找，今次因為已經知道位置，所以便很容易找。上次吃過後念念不忘它的黃金雞鍋，所以今次又再來打邊爐。醬料每位要付$15，但款式很多所以也值得。黃金雞鍋(半隻) 我們叫了滋補的黃金雞鍋，材料非常豐富，有半隻雞、很大件的花膠、還有蟲草花和新鮮淮山。女店員先在生鐵鑊爆香蒜頭和薑片，然後再落雞件，炒一會再落蟲草花、鮮淮山和花膠，再加上大廚精心熬製的上湯，加上蓋再煲一會，那碗雞湯真的很鮮味很濃郁。上次很後悔每人只喝了兩碗便開始打邊爐，今次我們差不多喝清，再加上湯才開始打邊爐。雞件、花膠、蟲草花和淮山吸收了雞湯的精華所以也很美味。象拔蚌BB 象拔蚌味道濃郁鮮甜，爽口中又帶煙靭，值得一試。頂級安格斯牛頸脊牛頸脊雪花比我想像中少，而且油脂分布不均勻，有少少失望，幸好吃時也有牛味。皇帝菜 上次叫了我們很喜歡的皇帝菜，今次也是一樣，份量很多也很新鮮。脆麻花飯後侍應送上免費脆麻花，味道只是普普通通，因為是免費的，所以沒有要求。

無論中式定日式，火鍋嘅湯底好多都走唔出味精嘅魔掌，不過呢度就完全無咁嘅問題啦～由我哋踏一店裏面嘅第一步，同行朋友已經話「同平時火鍋店嘅味道完全唔同」，所以雖然位置偏僻咗少少，但能夠食到無味精嘅健康火鍋，都值得一試!坐底時叫咗個養生鍋，原來係茶樹菇為主，一聽已經即刻扑鎚揀呢款，因為我哋兩個都幾情迷菇菇嘅~再嚟就係自已調配醬料，醬料都算好齊全嘅~呢盤就係菇菇啦～睇落好新鮮呢～原來藏响枱入面嘅大鍋係咁用嘅~放晒所有菇菇之後，就加埋高湯再煲，而唔係好似其他店咁煮定一大鍋倒出嚟，咁其實幾好喎，至少確保我個湯底有幾多料响度吖~呢個鍋都幾特別，就算湯底滾咗，我同孩兒摸煲鍋邊，都只係暖暖哋唔太熱，有小朋友去都唔洗擔心會咁易淥親~主角嚟啦～先食一下手打蝦滑，夠彈牙兼蝦味濃，好快就畀我哋吞沒咗~嚴重建議大家，必。必。必。必須要叫芝士響鈴!呢個真係好食到癲呀～仲要係新鮮炸起，老闆話腐皮係由樹記入，裏面再加咗大大片芝士，坦白講，淨係呢個響鈴，已經值得搭車入去將軍澳食~放湯6秒後，外軟內脆，加埋芝味口感，有啲衝動想自己試下整添~跟住就係手工盤四寶，有啤梨丸、竹笙鳳尾蝦、當紅米卷同埋牛油果鮮蝦丸，四款個配搭都好有

將軍澳新開了很多商場，還有很多食店，慢慢逐一試試，今日天氣凍，打邊爐就最好不過，很多醬料店員推介黃金花膠煲，上前會係煲中加水，清洗一次，之後店員再係你面前，將雞件煎炒一下，才將湯和配料加上，真係即叫即煮，煮左一陣，湯已經好入味，連花膠都已經入味，真係差唔多飲哂湯先再打邊爐第一樣食的就係芝士響鈴，第一次食，未上枱已經聞到剛剛炸好的響鈴香味，新鮮熱辣辣咁咬，中間的芝士慢慢滲出黎，好好食另外叫左滑牛， 鵝腸和特別的手工盤四寶，滑牛真係滑到不得了，我個人鍾意滑牛多於肥牛，鵝腸都估唔到幾多，新鮮而且好食，而手工盤四寶很特別首先牛油果蝦丸，蝦味夠之餘有少少牛油果味，用蝦滑包住竹笙和鮮蝦，面還有灑上蝦子的竹笙鳳尾蝦，啤梨丸其實係啤梨形狀，但墨魚丸外層是鋪滿蟹子，紅米卷真的用紅米做飯圈其實仲有好多未試，不過下一次黎再食過

之前嚟過呢度食，鐘意佢嘢食幾高質雖然定價偏高，但係都係要再嚟食首先佢有個九宮格俾你混火鍋醬料，之後就會有專人嚟幫你炒香個湯底之後就加埋的湯就可以正式開始打邊爐啦鐘意佢呢度落咩落個湯都都俾你睇，真材實料又乾淨個鍋雖然好大但係都好夠鑊氣，keep住好滾嘅狀態首先叫咗一渣桔仔冰，好清涼，酸酸甜甜，食住火鍋飲呢個真係幾正配料方面梗係唔少得肥牛，我哋叫咗最平嘅美國肥牛，估唔到肉都幾靚有肥有瘦，雪花都尚算均勻，不過見到隔離枱碟靚牛仲靚，下次要試下呢度好多食材都係自家嘅，韭菜餃隻隻都好飽滿，入面嘅餡調味好好食脆骨腩都幾新鮮，因為厚肉，所以比起脆鯇片要淥耐啲肉質都幾爽脆，鮮味十足鵝腸好新鮮，條條都晶瑩剔透，淥落去一陣就熟，爽滑彈牙四寶丸有貢丸，牛肉丸，墨丸同蝦丸擺碟好靚，雖然係手打，但係粒粒都好彈牙不過都真係一分錢一分貨，每粒計勻要$11芝士獅子狗，以為係好似芝士竹輪咁，點知原來係自家製嘅！釀咗啲芝士入去獅子狗入面神奇嘅係放入鍋度淥完，入面嘅芝士都仲係度呈半流心狀，真係令呢個獅子狗卷生色不少

星期日晚6：00一行4人諗住去試下新野——彩興火鍋。冇book位之下職員問我7：30交唔交到枱，我話ok，然後就坐低。～鍋底～鍋底叫咗個酸菜魚鍋 ，雖然佢係用砂鍋做爐，但係個職員一開爐就即刻落蒜蓉，緊接住就落埋連湯連水嘅酸菜，再直接po埋啲魚片喺酸菜面就冚蓋等佢滾起。成鍋酸菜魚淨係得酸菜味，完全冇其他香味，就連蒜香味都冇。但我見人哋食麻辣雞煲佢好有心機逐樣逐樣香料爆香。奉勸大家唔好叫酸菜魚。～火鍋料～火鍋料就ok，都新鮮嘅。～服務～最令人氣結係佢嘅服務。到左6：50，當仲有成碟拼盤同埋仲有啲菜仲係枱面未煮，職員就叫我7：00交枱，但明明頭先講好咗係7：30。點解會咁呢？原來有一家人又係冇訂枱喺6：15入去食飯，職員就問呢家人7：00交唔交到枱，咁呢家人話ok咪坐低囉。但係到左6：50呢一刻呢家人個雞煲啱啱先熟，點交枱呢？ 但係book咗7：00嗰班客又係門口等緊喇喎，咁佢唯有迫我交枱畀佢。我地梗係拒絕佢。結果我地煮埋食埋7：25交枱。我覺得做火鍋嘅食肆應該會知客人係冇可能係45分鐘食完的。其實個職員係咪應該一開始婉拒嗰家人，請佢地下次再黎品嘗呢？而家佢地咁做就得罪曬啲客人（我地、boo