後宮 (已結業)

打邊爐最緊要用料新鮮同埋足料。家人中意養顏既湯,叫左個花膠雞湯底,全隻雞加好多花膠,真係好抵食。 呢個湯都有滋陰養顏，養血補腎既功效。 湯一滾時飲左少少,好溫潤。煮耐左再飲,濃濃既雞湯有啖啖膠質,好濃既味道,正!雞食得出好嫩,一d都唔「鞋」。叫左2隻大大隻既南非鮑魚,非常彈牙,仲洗得好乾淨添!呢度連陳皮魚蛋都有,真係應有盡有。烏冬係我中意既texture,吸晒花膠湯,好好食。叫左2個鮮椰青,大大個,好多汁。

即可以打邊爐又可以唱KTV的地方，有啲特別。廳位位置幾多，都適合同friends一齊gathering，飲飲酒打打邊爐唱唱歌。點佐酸菜白肉鍋，酸菜味好足，五花肉切得比較薄比較入味，落菜前可以先飲幾啖湯。酸菜白肉鍋裡面的粉條好味，粉條滑滑哋浸滿酸菜味，量非常足，兩個人根本食唔晒。本地牛頸脊雖然肉切得不夠厚，但勝在非常新鮮，鮮紅的牛肉片鋪在包菜絲上面，滾十幾秒肉變成白色就可以食，加少少辣椒醬油就非常惹味。牛肉丸肉質都彈牙，雖然沒有爆汁，但品質都算OK。豬粉腸分量比較多，粉腸裡面的粉好足，唔會苦，打邊爐配尼個酸菜鍋無敵～花枝片薄薄哋，新鮮脆口，加係酸菜鍋裡都算相得益彰。鴨血切得厚身，係酸菜鍋的鹹鮮味激發下，鴨血的鮮味好足。

今日嚟到尖沙咀食野，上網搵到呢間餐廳，就嚟試試佢！餐廳入邊有啲大枱同埋包廂都可以唱K ！應該係多人啲先可以book到呢啲位，同埋要預先講定食物選擇都幾多，尤其是係牛肉同埋海鮮種類都唔少我就嗌咗個蕃茄薯仔魚湯做湯底，就咁飲都好清甜👍🏻嗌咗個羊肉片試一試，老闆話係新入貨，叫我哋俾啲意見🤣羊肉片好軟熟，唔會好大浸羶味！擔心羊羶味嘅人就可以試試呢款羊肉！牛肉方面，叫咗個美國prime牛小排，肉質軟嫩，油脂嘅香味同牛味平衡得幾好👍🏻呢個金沙響鈴真係好正‼️響鈴新鮮炸起好酥脆，配埋鹹蛋黃醬非常之香口😋不過兩個人食就略嫌有啲漏🤣食完勁飽，如果多啲人share應該會好啲～呢碗蔥油拌麵，有啲焦香蔥味，又唔會太鹹，唔錯打邊爐有得食麻辣鴨血真係好正😋-總結：一間好適合一大班人嚟食嘅打邊爐，相信可以坐包廂一邊打邊爐一邊唱K嘅體驗應該更好！

朋友喺外地返嚟，所以嗰晚就揀咗食中菜打邊爐，其實係私心想唱K所以揀咗呢間。湯底揀鴛鴦鍋,一邊是酸菜白肉,一邊是醉雞湯底。酸菜嗰邊，肉質鮮嫩多汁,又唔太酸，完美地融入。醉雞果邊酒味濃郁，仲有半隻雞另上，半隻雞，甘多雞髀？^_^賺左。另外我哋仲嗌咗海蝦，隻隻都飽滿彈牙,肉質甜美多汁,高質。跟住就係美味的prime牛肉。我哋得兩個人，食唔到太多，所以寧願嗌個質量好啲嘅牛肉。果然冇令我哋失望，近乎和牛嘅質量。其實都唔使點點醬，就咁已經好好食。可能我哋早嚟，食到尾聲嘅時候。傳黎左動人的卡拉OK歌聲。客人一邊打邊爐一邊唱k,現場氣氛超好，好正！整體嚟講，呢間打邊爐店真的是集美食和娛樂於一身的好地方。湯底同埋食材方面真係驚艷到我。加上卡拉OK設備, 店員服務又好，成個體驗都好好。一路食我已經諗定我要帶邊個嚟食。

今天我和好友來到了位於尖沙咀赫德道地庫名叫後宫的餐廳打邊爐。入座就會提供茶水。番茄魚湯薯仔 & 酸菜白肉鍋叫了雙拼的火鍋，酸菜白肉鍋的酸味恰到好處，十分開胃。番茄湯的番茄味濃郁，薯仔煮得很稔很入味。海蝦新鮮海蝦，處理得乾淨。娃娃菜份量多，抵食！冰火芥末火魷魚芥末配冰爽魷魚，配搭有趣。炸午餐肉上桌時還是很熱，原來即叫即做。午餐肉外脆內軟，我們把它放到鍋裡，吸收湯底味更有滋味。台灣寬粉條酸菜白肉湯掛麵十分惹味，麵條Q彈爽口。細騸牯牛（吊龍）肉質鮮嫩，油脂分布平均，牛味濃。餐廳可以包房唱卡拉OK，場內無煙味。餐廳環境整潔乾淨，空間寬倘，用餐時坐得舒適。

唔係朋友帶我黎～都唔知有間好岩打工仔放工黎既*後宮*集合唱K加打邊爐於一身餐廳於尖沙咀赫德街4號～要落樓梯到地庫有兩間VIP房間可預訂～岩曬同一班朋友、同事開開心心唱住歌食火鍋🎤🥘叫左鴛鴦鍋$308，養顏美人鍋加海南椰子文昌雞鍋～無諗過咁足料呀！重點係加鴛鴦鍋都係幾廿蚊落兩個椰青水，個湯底甜到不得了美人鍋湯底係紅棗桃膠烏雞，足半隻烏雞未打邊爐前，飲湯都飲左半鍋🤣🤣本地牛頸脊$208牛肉色澤好靚👍🏼油脂分布均勻，配埋個清甜湯底更突顯濃郁牛味炸支竹$68 、萵筍$58潮汕牛筋丸(8粒）$88好推介，粒粒牛丸都好juicy又重牛味不過要小心食一食會爆汁

交通冇得頂，赫德道地庫，超級方便俾我發現呢個地方有私家包廂可以包房，唱卡拉OK環境真係好唔錯，一啲煙味都冇環境都算，舒服乾淨喺度睇波或者成班朋友聚一聚都算係幾好嘅選擇而且呢度有酒牌，見到好多啤酒都可以飲香港真係好少地方，可以打住邊爐唱K由於第一次嚟，我哋就試吓呢度嘅火鍋花雕醉鷄窩整齊排列嘅超靚鮮黃色醉雞鍋見到碟雞，都值回票價了陳皮魚蛋，真心正出邊唔係真係咁多有真正嘅陳皮魚蛋食落魚蛋有少少腥味，證明係用真魚肉而且份量好大 本地牛頸脊肉質比較實淨，牛肉味道突出溫馨提示，呢個需要多少少技巧滾水來回落，大概10下左右剛剛好掌握咗之後真係好好食🤣自家製鮮蝦雲吞鮮蝦雲吞彈牙爽脆，好足料爽脆鯇骨腩件脆肉鯇肚腩件位置超級好食鯇魚質地脆卜卜 爽脆之餘唔會鬆散得到就唔止剩係得飲嘢原來打邊爐成班唱K都有好選擇

今日嚟到話要尖沙咀呢間叫後宮嘅餐廳打邊爐除咗打邊爐之外，佢仲可以有K唱啱晒一大班朋友聚會坐低揀好咗湯底之後店員就會拎調味架上嚟俾你調醬我哋叫咗個海南椰子文昌雞鍋個湯底非常之清甜店員仲會攞一個椰子到啲椰子水落個湯度之後再將半隻文昌雞，放入去煮熟肉質非常之鮮嫩啖啖肉亦都唔會有過多嘅油脂除咗湯底嘅肉類之外，我哋亦都嗌咗唔少嘅配菜配菜嘅質量亦都非常之高鮮牛肉餃勁多肉汁肉味亦都好重特級封門柳肉味好重輕輕一淥已經可以食得脂肪嘅比例好低脆骨腩超級爽口鍾意食脆骨腩嘅朋友一定要叫另外再叫多咗香茜鮮蝦餃好重嘅芫荽味，鮮蝦亦都好大隻鴨血入口好嫩滑西洋菜非常之新鮮吸收埋椰子雞湯嘅湯汁非常之入味呢度非常適合幾個朋友聯誼聚會一路打邊爐一路唱K價錢亦都相當相宜

後宮係新開嘅港式邊爐，位於尖沙咀赫德道，地段優越，喺正酒吧街，打完邊爐仲可以去附近飲杯嘢。餐廳空間十足，私隱度高啲可以提早book包廂，仲有得唱K，啱晒一班朋友嚟聚會。大廳區域都有得唱K，夠唒氣氛。火鍋湯底選擇有好多，可以揀鴛鴦湯底，價錢都好相宜，我哋揀咗蕃茄魚湯薯仔鍋（$98），性價比幾高。魚湯煲得好入味，加埋蕃茄薯仔，好鮮甜，落料打邊爐之前都忍唔住飲咗幾碗，原汁原味😍火鍋配料有精品肉類、海鮮、蔬菜類等，仲有即叫即整哪小食，選擇都幾多，特級封門柳好出色，牛肉嘅紋理好分明，油脂分布平均，輕輕淥4,5秒就食得，入口即溶。脆鯇魚片好新鮮，爽口得嚟魚肉味好香，而且冇乜骨。鮮蝦丸同鮮蝦雲吞啲肉比較散，蝦肉尚算新鮮，但勝在份量夠多，兩個人食都幾飽。最後嗌咗小食椒鹽魷魚頭，魷魚炸到好香口，椒鹽味好重，越食越口渴，用嚟送啤酒一流。後宮 📍尖沙咀赫德道4號The Hart地庫

係尖沙咀想打邊爐，見全部好評，就試試佢💁🏻‍♀️餐廳係地庫，要樓梯落一層入到去先發現就係之前聽朋友講過，可以邊打邊爐同邊唱K既個種餐廳😆，真係成間大K房甘我同個fd得兩丁友，唔係幾好意思就無唱到不過如果一大班fd壯膽，都可以試試😁 講返野食先，我地叫左鴛鴦鍋🍽️ 番茄薯仔+麻辣湯底麻辣湯底本身都幾多香料，仲有菇同鴨血，夠濃味但唔會太辣番茄薯仔湯底補滿番茄，個湯好甜同濃郁食材方面叫左：🍽️ 炸魚皮 - 夠脆，打邊爐不可缺少🍽️ 自製鮮蝦餛飩 - 朋友讚好，真鮮蝦自家制，夠蝦味同彈牙🍽️ 牛肉雙拼 - 肉味幾濃，油脂夠🍽️爽脆皖腩件 - 新鮮唔腥，爽口，推薦👍🏻🍽️ 毛肚🍽️ 湖南臭豆腐 - 即叫即炸，所以等耐少少。第一次食湖南臭豆腐，豆腐面上中有d醬，榨菜，芫茜，豐富既配料，鹹香好食，值得一試。💁🏻‍♀️食既中途發現有兩間房，有驚艷佢既隔音效果非常好，如果唔係有人出入，都唔知有大班人係度玩緊。如果一大班人想邊食邊玩，真係好唔錯既選擇。

呢排真係熱情於打邊爐，今日又再出咗尖沙咀試第二間邊爐啦一入到去見到個環境都幾舒服，座位都算寬敞望望個餐牌見到湯底都有好多選擇，都有成十幾種揀醬料都係基本有蔥、辣椒、芫荽等等事不宜遲就真係嗱嗱臨嗌嘢食啦我哋嗌咗個椰子雞鍋，一上嚟都比雞嘅份量嚇親，真係成隻雞，好正，仲有個椰青倒啲椰青水落去封門牛肉就咁望到已經好吸引，油花分布得好好，食落口好嫩滑，而且好重牛味，冇比個湯底嘅味道蓋住蝦丸望落去粒粒好飽滿，兩個人食嘅話，份量都10分足夠蝦餃食到中間睇到有好多蝦肉啦，食落去好彈牙，同時都食到蝦嘅味道另外嗌咗個豬梅肉片，爽口彈牙湯底咁濃郁，我哋梗係要嗌索湯嘅嘢嚟食吓啦於是我哋就嗌左響鈴果然10分好味，響鈴炸得好脆，唔同平時出面打邊爐嗰啲響鈴，佢朔晒啲湯之後都唔會好快淋生仲係脆卜卜所以好正！嘢飲方便我哋冇叫到，因為椰子雞湯個湯頭真係好清香，仲要越滾越甜，雖然最後會比較油啲，但係好香 食完嘢都唔覺得頸渴總括嚟講呢度都幾好坐，嘢食都唔錯，兩個人嚟食飯傾偈都幾好👍🏻

好多人打邊爐多數會去放題形式既餐廳，但其實散叫形式既火鍋一般食物質素都較好，而且呢間仲要有得唱K既火鍋，真係十分少見餐廳位於尖沙咀鬧市既地牢位置，係酒吧林立既赫德道中。入到去已經見到兩間包房既坐滿人，係房可以一邊食火鍋，一邊同朋友唱K，好正野食方面我地叫左個沙嗲湯底，呢個湯底不得了，十分濃旭既沙嗲味。另外餐廳都提供多種既牛肉，我地點左本地牛頸脊、珊瑚蚌、疏菜，最後必點既公仔麵配濃濃既沙嗲湯底，好滿足。餐廳食物質素幾好，職員都有人情味，可以一試

今日去左一間係尖沙咀既火鍋店,  呢間鋪頭比較特別, 裝修同風格都似酒吧, 開到好夜, 而且坐得舒服, 仲見到有VIP房可以一路打邊爐一路唱K我地首先叫左胡椒豬肚雞火鍋, 黎到真係嚇親, 竟然有成隻雞比你自己落, 首先當然就飲下個湯先啦, 好甜, 胡椒味都幾出, 我就飲左幾碗, 豬肚切得又大又厚, 肉質鮮嫩有嚼勁, 仲有份量好多, 食到最後都仲未食曬, 另外雞都好鮮, 黎到比我地自己落, 唔怕佢煮到老曬, 碌到嫩滑既的雞肉岩岩好, 而且成隻雞既份量真係好多, 好抵食火鍋料我地叫左土魷, 口感好爽脆, 食落好新鮮冇腥味, 然後就係五花趾, 即係牛展, 但係我就好鐘意食, 因為通常五花趾都好有牛味, 呢到既五花趾都冇令我失望, 食落好有牛味, 而且唔會好韌, 都算高質最後我地叫埋鮮蝦雲吞, 雲吞入面有成隻蝦仁, 鮮嫩多汁, 個皮都薄, 每粒雲吞都好飽滿, 食落好有滿足感作為一間火鍋店形式既酒吧, 呢到既食物質素都好好, 而且週未仲有波睇, 可以一路睇波一路打邊爐, 絕對係一個好好既選擇

今日黎到尖沙咀打邊爐，呢間野喺K11 Artmall附近，好容易搵。呢間火鍋店有得唱K，可以十幾個朋友包廂🎤🎵我地叫左海南椰子文昌雞、養顏美人鍋，原來養顏美人即係烏雞，我地有一半文昌雞、一半烏雞。雞湯好足料，好清好好飲😋，未食野飲湯先飽～我地叫左牛頸脊、牛柏葉、珊瑚蚌、鴨血、鮮蝦餃、鮮豆腐、稻庭烏冬。牛肉質素幾靚，餃子我見係佢地自己包嘅👍🏻 我覺得珊瑚蚌最好食，係呢餐嘅MVP😋 烏冬都好滑，好彈牙呢度會比小麥茶你飲，幾解渴同清熱氣🌿我地6點幾黎到，係第一枱客，但7點幾開始好多客陸續入黎，好旺好好生意👍🏻我地兩個大埋單大概一千蚊，有$20/一個人嘅茶芥～ 但食物質素都幾好嘅👍🏻

本身勁鐘意唱K又鐘意周圍食野，同frd子黎呢度可以一次過又食又玩，有兩個唱K空間: 1)VIP獨立房 - 空間大約容納到30人+2)開放式 - 其他食客可以聽埋你唱歌，Book位時可以講定要唱K位 因為都幾搶手 🌴海南椰子文昌雞鍋 $288開蓋 椰香味已經湧出黎，湯底好清澈 有唔少椰子肉煲緊，之後店員哥哥再加原個椰青水落去一齊煲 (比小匙我地刮椰肉食😜)，非常清甜既湯底每一件燙熟既雞件 都會有淡淡椰香滲出 而且肉質嫩滑，驚喜位: 除左雞頭 真成隻雞上枱🐮美國Prime牛小排 $288牛牛油花分佈均勻 入口肥嫩柔軟 配個清甜湯底更突顯原來的濃郁牛味 🔸響鈴 $78第一次有響鈴上枱時係聞到香味而唔係普遍既油味，唔覺意摸到 仲係暖暖的😍唔知係唔係新鮮做呢?🦑水魷 $68爽滑水魷 打邊爐真係無得頂...重點是份量好足🐟潮汕魚皮餃 $78frd子至愛...有8粒 做到餃皮煙靭又有魚香，魚皮餃專業戶表示滿意🥤Coca Cola $18玻璃樽版可樂是皇道 總覺得玻璃樽係多D氣 (同埋第2朝要返工 唔敢飲啤酒)*個湯底到最後都仲係清 無乜油又唔膩，成煲湯比我地飲晒*收+1服務費*營業時間: 1800~