御麵 (已結業)

第一次來到這家小店是 4月12日，在東涌田勞動完畢獨個兒的一個下午！陽光從門口直射到舖裡去，從早到午也被大自然的幸褔擁抱，包括是日的午餐！炸雞球是「御麵」 的招牌 ，不太吃炸物的我，每每經過時都會顧慮小店單憑獨沽一味，在元朗眾多小店中如何脫穎而出？也許我是多慮了，細小的「御麵」，原來花款多多，彩色的餐牌以飯、湯麵、撈麵、小食、套餐的分類，選擇除炸雞球外，還有豬手、雞翼、豬扒、牛腩、魚皮餃及各式丸類，小店口味原來絕不單調！第一次到訪，試試招牌菜！挑了招牌米線套餐 (HK$45)，包含一碗雪菜酥炸雞球米線和一杯凍飲！泡過了的雪菜，爽口無沙不過鹹，夾雜著彈牙米線和純和的湯頭入口，一份無味精自家的細膩情懷，不算得是大驚喜，但實在舒暢也！四件酥炸雞球，還是隔了一會才敢試，因為即叫即做，十分熱燙！酥炸雞球色澤金黃，由巴西某大品牌的雞腿肉捲成，從雞球表面乾爽不油來判斷， 火喉似乎控制得不錯！一咬 ...... 雞球自然的香氣隨即將散出，何謂自然？在我的字典是由基本的鹽、糖、薑、蔥、蒜、酒、香茅、香草等醃製材料而帶出的香氣，不知怎我的舌頭有分辨預製醬料包的能力，要知道醬料包大多是味精啊！欣賞雞球香氣的

#中意嘅請分享請點讚🍻----------😋酥炸雞球米線 $43😋蒜香雞球撈麵 $54所有套餐送一杯熱飲，米線可以揀配榨菜或者雪菜。呢度嘅招牌係雞球，雞球炸得好酥脆，炸粉好薄， 表面乾身又冇油，而雞肉仍然好嫩滑，d雞皮仲炸到好似薯片咁正呀。蒜香雞球本身已經夠味，再加左d椒鹽係面。酥炸雞球本身就唔係好夠味，一定要點佢地嘅醬汁。酥炸雞球會配佢地自家製嘅甜豉油醬汁，醬汁比較濃，點雞食幾夾。撈麵可以揀粗麵/幼麵，我覺得粗麵比較有咬口又彈牙，而且每條麵都可以吸哂甜醬汁，已經好夠味。整體嚟講呢間店係好味，不過價錢就比較高少少。----------又到推介小店嘅時候，我經過老闆就好熱情咁介紹佢地嘅招牌菜，坐低左又會根據你中意嘅再推介唔同嘅套餐，老闆係又熱情又有禮貌。 因為係小店，所以整店得少量人手，所以要等一陣先有得食。----------🔎御麵🚩元朗裕榮徑11號好旺洋樓地下4號舖

每次經過依間店都見到佢老闆好努力宣傳叫人入去食，可惜每次都係食飽左/有約，所以今次星期六放半日特登過黎買外賣。係出面睇menu時老闆已經好熱情地比外賣紙我，同介紹餐牌。最後叫左兩個外賣，分別係炸雞球蛋飯同豬手撈麵加多兩粒炸雞球 ☺️ 走之前老闆仲特登話我知雞球既黃色係落左薑粉，唔係肥油黎架。翻到屋企終於食得啦，啲雞球都好大粒 😝 外層無加炸皮但都做到脆卜卜效果，個雞球仲係連片炸，所以有啖超香炸雞皮，入面啲肉唔會炸到乾或者鞋，應該係即刻炸先做到？？ 我叫左兩款雞球，跟餐個四粒係蒜香加左蒜粉，另外兩粒跟撈麵加既就原味，會跟翻個醬，不過我覺得個醬好似飯底麵底個個豉油汁 😂😂 所以蒜香好食啲講埋豬手撈麵 係用老闆講既秘制甜豉油撈粗/幼面，唔係公仔麵，真係好香 😯 成碗清哂，豬手好軟好滑無毛毛，切成細塊易咬啲，都值得一試呀。店舖仲有供應米線，老闆介紹時話係清雞湯底，下次有機會試下先!

最近多咗人嚟元朗行街，其實元朗真係好多正嘢食架~好似御麵咁，除咗好味，仲好有人情味~~ 酥炸雞球米線配炸菜$43 + 凍檸茶 $2雞球好大粒呀！啲皮好脆好乾身，唔油膩，啲肉仲好嫩好juicy，而且冇雪味~老闆話因為落咗薑粉~~雖然餡料明顯係黃黃地色，但一啲都唔辣，份量真係啱啱好呀！酥炸雞球係配咗款甜甜哋嘅醬汁，味道好夾~米線好大碗，好飽肚~~ 蒜香雞球米線配雪菜 $43 + 凍利賓納 $2加咗蒜香粉嘅炸雞更邪惡更香口，正呀~~食嘢期間出現嘅小插曲s：我哋食食下因為手殘唔小心整跌咗粒雞球，老闆即刻免費炸多粒比我哋~~ 又有熟客帶咗狗狗入店坐咗喺枱低，老闆仲請狗狗飲水，又教仔仔點樣禮貌對待狗狗，好有愛呀~~

呢間店係元朗B仔雞翼尖格離，主打食物係炸雞球，可配飯同米線米線個湯店員話係用清雞湯煲，湯底飲落較清淡配炸雞球食就岩岩好可以中和番個炸雞球真係好有誠意，配餐食，都有四大舊，炸到成個波咁雞球無落粉漿炸，所以每舊雞都係真材實料個雞皮炸到超脆，咬落去仲有聲入面舊雞肉仲係好嫩滑有汁，係完全收貨，食舊雞個陣，見到面頭肉有小小黃色野店員話用左黃薑粉去醃，味唔算好出食完第二舊雞已經有d飽，呢到份量真係好多仲試埋個蒜香雞球，味道比普通雞球濃小小但無乜蒜味，食原味就ok舖頭地方細細，食物都係大眾化，價錢正常如果經過，值得一試！！！

今日放假經過呢間御麵，老板拎住餐牌誠意介紹。嗌左一碗香茅豬扒榨菜米線。米線份量正常，無乜味精（老板話係清雞湯）清清哋配埋個豬扒就岩岩好，唔會太咸。👍🏻老板勁推酥炸雞球撈麵，雞球用黃薑粉醃，無落粉漿，去咗皮下脂肪，再捲住炸。呢個我真係俾滿分！雞球好大粒，雞皮真係好脆，最重要係唔油 ！！肉質嫩！撈麵嘅醬汁都好味，甜甜地。仲有豬手，炆得好腍好入味。份量足，抵食！🙌🏼服務質素良好，老闆熱心介紹。小店性價比高，絕對會再黎！

突然個肚比拉麵蟲咬，係元朗又冇咩食拉麵嘅地方，就試下間附近小店。裝修都好日本，好有食拉麵嘅氣氛。見期間限定係赤麵豉湯底，而今日又想食皇口味少少，所以試左，其實佢原味白雞湯底，清清地都唔錯。黎到睇佢賣相，好似有啲少。等等先，你食完再講都未遲。佢湯底味濃，而且係豬骨湯底，煮到起哂膠，配埋落個拉麵度岩岩好。初到貴境，落單嘅選擇，麵嘅軟硬，配料，等等，全近都揀哂預設值，試左先下次再調較。個拉麵拆開左再配個湯底，其實會好飽，因為湯底偏油同重膠質，但就會令個麵好好食，兩塊豬肉都比較肥美。所以食完真係會好飽，同估計有出入，當然如果你好食得就另作別論

酥炸雞球撈麵雞球外層炸得好酥脆 但唔會成舊都乾到𠝹損口 面層配返個自家製醬汁就岩岩好balance返 · 內裹既雞肉又嫩又juicy 但個麵就中相對之下較為平傭 如果有碗細湯配返就好喇價錢唔算平但老闆有禮貌 細心亦介紹有咩食物 盡量幫你簡到岩你岩口味

老闆非常熱心介紹招牌必食仲講解撈麵嘅甜豉油醬汁係佢哋自家製嘅十分熱情有禮我就揀咗雞球撈粗雞球新鮮即炸粗面口感彈牙爽身甜豉油好夾成個麵食食吓途中見到隔離位客人俾蚊咬老闆仲攞蚊拍水幫客人噴腳第一次見老闆對客人咁好

第一次係度寫野，因爲真係抵讚酥炸雞球外脆內嫩，新鮮熱辣撈麵係本人偏好既簡水口味😂都坐得舒服老細好好人好有禮貌價格就唔算好平，不過間中一次lunch食都ok希望佢做得耐啦

有日經過，見到原本嘅鋪位又轉咗手，係一間以簡式粉麵為主嘅小店。🤔原本真係諗住望下menu有咩，結果店主非常之熱情招待，不斷推介我試下佢哋嘅雞球或者雞翼麵。而且我見到價錢一啲都唔貴，就決定叫正一個秘製雞球麵配雪菜。😀等嘅時間有啲囉耐，因為係一人廚房，😪外賣返到去之後，發現肉類嘅份量好多，仲配左一個酸味醬，而且炸完之後外脆內軟，一啲油份都冇，加上簡單嘅麵，再配上雪菜，好有香味。😍令到我原本對佢一啲期待都冇，竟然覺得有啲驚喜。😋

前幾日，同家人到元朗放狗，到了一家小店，隨便點了店裡最紅的炸雞。。。。招呼很熱情到位。 哇，真的好味，雞肉調味超好，肉質又嫩，太太點了香茅豬扒，又是一絕。聽說秘制的雞球同豬扒調味系5星酒店大廚幫忙做的，果然是性價比高的隱世小廚

新店來的,選擇少左D, 餐廳得2頁, 仲要係勁著通GE米線/麵, 好難同人競爭WOR叫左個炸雞球米線, 炸雞球有成5,6大舊, 唔會鞋,但又唔算滑, 佢話用GE油有少少5知咩香味, 但我又唔覺, 幾香口, 點佢個醬食最夾, 酸酸甜甜的,幾開胃。米線是幼身的。份量比較少, 多D 就好,而家係送多米線唔夠。另外叫左淨豬手, 好大碗,夠入味,夠林, 唔錯。