心夜來潮 (已結業)

一提起啫啫系列，最出名當然是啫啫雞煲。心夜來潮將之發揚光大，想像得到或想像不到的都可以啫啫一番。一場來到心夜來潮當然亦一嚐潮汕砂鍋粥，海鮮可以自己配搭。蝦醬啫秋葵秋葵本是健康食品，想不到亦可啫啫，蝦醬內有蝦乾及辣椒蒜頭，秋葵切成一段段本應有大量黏液，但效果是變得惹味爽口，菜式熱辣辣的效果不俗。醬鹵雙拼 (豆腐 豬耳仔)鹵水通常是室溫食物，不熱亦不凍，但食店將之煮熱，上枱時熱得出煙。豬耳份量很多，肉質不薄，入口除了爽口外亦有彈牙質感。鹵水豆腐鹵得入味，豆腐嫩滑，豆味亦不俗。潮汕砂鍋粥 蟹粥與蠔仔粥各自本已鮮甜美味，混合一起鮮上加鮮。大熱天時膏蟹膏量不多，肉質亦較削，主要食其鮮味。蠔仔脹身飽滿，鮮甜不腥，加上乾瑤柱同煮更覺鮮味。

食潮洲野梗係去九龍城啦，不過咁九龍城唔係咁易去都唔係咁方便去，咁近近地今日就去旺角試吓呢間心血來潮，呀 心夜來潮 先啱！就係旺中對面，朋友介紹話好正！餐牌 白果胡椒豬肚湯好重胡椒味，豬肚好乾淨又爽口 不錯！傳統鴨蛋煎蠔烙蠔仔仲多過鴨蛋！比例5050 每一淡都食到有蠔仔無沙又唔腥 蛋味十足！正砂鍋卜卜蜆呢一個真係推薦！多蜆到爆炸 我同友人2個食每人有十幾二十隻左右 一樣都係無沙 蜆size適中 又甜又肥美 底部有粉絲吸哂d味道 幾好食！總結，係旺角都食到咁好食既潮州菜 以後可以少啲去九龍城食 多啲黎呢度啦

今天晚上試了這間餐廳，地點位置非常好，鄰近旺角地鐵站，交通十分方便。試了幾樣菜色也十分值得推介。首先是煎蠔餅餅，蠔仔十分新鮮而且煎得非常香脆，其次我是了一個特別的鹹蛋黃寶寶寶，這是墨魚片及雞軟骨用鹹蛋黃炸的，底下鋪上芋頭絲，超級好味！另外，我們亦點了家鄉路邊炒米粉，其特別之處就是有潮汕鄉下的風味，早幾年曾到潮州亦嘗試過似曾相識的味道，但一定要配少許豆瓣醬才令味道更加出！最後我們點了紅棗糕做甜品，紅棗中基格有椰汁糕，味道非常香濃，亦不是太甜，大家可以一試。

行開旺角，總有幾間餐廳係經過想試嘅，而今晚黎到嘅心夜來潮，就係其中一間。一聽店名就知道主打潮州菜，餐廳位於旺角中心對面，地點就腳，不過餐廳位於二樓，注意要行多幾級長樓梯上去喇。黎之前睇過下menu，最新系列係啫王之王，全部都係煲仔菜式，個名夠哂勁不過因為眼闊肚窄，今次就嗌住幾樣先😂秘製花膠豬手墨魚脯煲🍲啱啱炒起好有鑊氣，主要係好多豬手，豬手肉炆得好淋充滿膠質。花膠好入味，原整一大塊，唔係碎濕濕上，墨魚亦好爽口。豉汁啫白鱔🥘白鱔大大件，係魚尾嘅位置，肥美肉滑，完全無腥味，仲要份量好多，有十幾件，性價比極高！（行開街市都知道鱔一啲都唔平）。枝竹索晒啲豆豉汁，淨係呢味餸我都清左成碗飯😋滷水雙拼（豬大腸+豬耳）🐷初頭見顏色咁深以為會好咸，點知味道剛好，豬耳多肉有厚度，豬大腸肥左少少，不過好在唔會膩，份量夠3個人share！整體餐廳環境坐得好舒服，店員亦不時有關心我地有無漏單嘅情況，態度親切，絕對係gathering嘅好地方。

今日旺角經過見到呢一間今晚記得二所以就去試吓 一到去我哋就帶咗四樣嘢有我最鍾意嘅南乳啫啫五花腩呢一個係必叫嘅 因為佢係非常之惹味配白飯一流我超鍾意食呀 佢裏面除咗有五花籃之外仲有啲蓮藕片同埋茹類 正我哋仲叫左個石板紅燒醬香骨 我想講佢份量一啲都唔小 每一舊都係啖啖肉唔會比晒啲好瘦嘅你 非常之惹味都係配白飯一流 但係我哋就冇叫白飯我哋就叫咗個家鄉路邊炒米粉 佢上面有啲蝦米有啲茹同埋芽菜炒埋一齊 我覺得都幾香 如果唔想叫白飯嘅人不妨叫呢一個去配佢哋嘅小菜都唔錯㗎食飯又點少得菜啊 我哋就叫咗個泰椒啫娃娃菜 我覺得如果你唔食得辣嘅朋友就唔好叫啦 因為佢係非常入味而佢個汁有少少辣但係如果你食得辣嘅就一定要叫呢一個因為啲菜索晒啲湯佢好濃味好好食嘅不得不提佢嘅服務態度都十分之好

呢日係旺角行完街之後，朋友就上Openrice搵左呢間近近地既打冷，叫幾個小菜，邊食邊傾計。餐廳就係旺中對面，真係好方便好就腳。選擇好多，交比朋友發板就算了。打冷當然要食香口野啦，呢個傳統鴨蛋煎蠔烙，值得一試，脆卜卜，唔會太厚粉，蠔仔都幾大隻，炸得岩岩好，蠔仔唔會有油味。我比較鍾惹呢個椒鹽寶寶寶，有好多配料，如魚仔、鮮魷﹑芋頭絲等，食落相當有層次感。炸既時間控制得好好，炸得香脆可口，鹹鹹香香咁好開胃。朋友就比較鍾意醬滷鵝腸，因為鵝腸滷得非常入味，而且好爽口好肥美，但唔會好油膩。而呢個卜卜蜆煲都相當高質，花甲好大隻，蜆肉好甜好鮮味，而且好夠熱，仲有粟米同粉絲，吸曬個湯既甜味 ，份量都幾多，加上個煲好保溫，食到最後都夠熱。至於個土窯手撕雞就好夠大隻，用荷葉包住嚟焗，熱到出煙，加上有陣鹽焗既香味，送飯真係一流，雞肉亦好滑好淋。另一個必食就係潮汕砂鍋海鮮粥，粥質地都好綿好滑，加上大蝦同肉蟹﹑排骨等，非常豐富，配料仲有莞茜同菜甫，加埋蟹膏同蝦肉既甘香，令個粥更加鮮甜惹味。整體價錢合理，食物質素唔錯，下次都可以再試下。

很少吃潮州菜，家鄉是潮州人的朋友推介了這間餐廳，令我發現潮州菜其實相當不錯。先點了一鍋白果胡椒豬肚湯（$88）。材料很豐富呢！胡椒味剛剛好，惹味得來不會太灼喉，而且湯一點都不油膩。另外點了醬鹵六小碟，有豬大腸、豬腩肉、豬耳仔、豬大腸、豬脷、紅腸和豆腐，配四種醬料，看大家喜歡怎樣的口味。個人最愛豬腩肉和豆腐，豬腩肉口感合適又肉味香濃，豆腐則很嫩滑。還點了傳統鴨蛋煎蠔烙（$86）和黃金一口炸饅頭（$38）。每一口都吃到蠔呢。炸饅頭外胞內軟，而且一口的份量，不會令人吃得太滯。

同成班朋友食飯， 淨係諗食咩，成日都諗到頭都大埋，咁啱見到網上有人介紹旺角嘅呢一間心夜來潮， 評價都似乎唔錯， 一於去試下。非常多選擇，樣樣都好想試，真係好苦惱。見到每枱客都有嗌嘅醬滷鵝腸，食落非常肥美，醬汁香濃，但係唔會太鹹，而且鵝腸好 爽脆 ，非常新鮮。打冷當然要叫鴨蛋炸蠔餅啦，呢度嘅蠔餅都相當出色，炸得啱啱好，唔會太油膩，而且每粒蠔仔都好大粒，非常肥美鮮味。我哋仲叫咗個卜卜蜆煲，每粒花甲都好大隻 ，每隻都大過個五蚊銀 ，肉質鮮甜， 湯底就用咗粟米粉絲芹菜等等， 加埋蜆嘅甜味 ，令個湯都好好飲， 忍唔住清曬啲湯。而呢一個原隻土窯手撕雞，係即叫即蒸 ，用咗荷葉包實原隻雞，雞肉鮮嫩肥美 ，好香嘅香料味，撈飯一 底 流。主食方面，我哋就叫咗呢一個沙鍋潮州粥，可以選擇唔同嘅配料，加入粥底。我哋就選擇咗肉蟹鮮蝦同咸豬骨， 肉蟹非常多膏， 肉質好甜 ，蟹膏融入粥底，令到個粥底變得金黃色，而且鮮蝦都非常彈牙爽口， 加埋鮮甜嘅粥，令人忍唔住一碗接一碗咁食。成餐 都食得好豐富好飽，不過圍返都係每人二百蚊鬆啲， 以旺角嚟講，仲食到咁多海鮮，呢個價錢都幾抵食。

窮遊香港-潮州小菜打冷好地方👍🏻即刻like @hkfunfoodrecord 同follow先啦.呢間潮州小菜做得唔錯幾野味 仲要開到凌晨四點係旺角 可以話真夜晚唔知食咩既好選擇.是日小菜全部出全煙咁上好夠鑊氣 而且好野味（可以睇影片 睇下煲通菜）⭐️芥蘭炒鮮黃牛肉$82👍🏻肉軟 芥蘭岩岩好夠綠 爽口⭐️啫啫通菜$$78👍🏻夠啫 個汁收得幾好 野味⭐️花膠豬手墨魚腩煲$138呢個入面真係有幾舊真花膠👍🏻豬手軟 入味 墨魚都爽口🤔但就咁食會覺得咸 要送飯⭐️潮式炒飯$$68👍🏻夠熱 粒粒分明 醬油平均 仲有蝦米香.是日19:00唔算多人20:00果時人開始多 大概8成滿.#心夜來潮 (旺角)地址：旺角西洋菜南街138號福苑2樓.⭐️評分：味道：5/5 真係好野味 叫埋一班佬黎唔錯環境：4/5 台面本黎有壺水點知比人拎走左😭就冇番黎啦服務：4/5抵食：4/5

今日同女朋友行開旺角就搵野食，上openrice搵完食，就揀左同旺角中心相隔一條馬路嘅心夜來潮。地點位置非常優越，就喺正地鐵站出口對面食物選擇非常之多，淨係睇餐牌都睇咗一陣，加上餐牌圖片非常美觀，雖然得兩個人但就樣樣都想食女朋友想食一字骨，叫咗個惹味一字骨。落單前店員好細心解釋煮法同味道，食落酸酸甜甜好開胃，有啲似京都骨。叫咗個薑蔥生蠔，份量幾大，蠔嘅數量都幾多，兩個人食過足癮我發覺原來我哋都幾鍾意食鵝腸，叫咗個潮式辣魚仔炒鵝腸。辣得嚟非常入味，鵝腸份量多之餘，亦非常肥美最後叫多個豬油渣炒菜心，落左蝦醬去炒，味道鹹鹹地，唔錯唔錯總括而言，餐廳餸菜價錢唔算貴，而且選擇真係非常之多，要多啲人食先可以食到多款心儀嘅菜式，值得一讚嘅係份量夠！兩個人四碟餸都食唔曬

這間心夜來潮，對正旺中應該好旺，可能要街上兩層，所以被人忽略，亦因為咁，繁忙時段都唔駛等位，對食客對是好的。何況這潮食館既野食真的幾好味!混醬雙雞煲一上枱，職員隨即黎過「爆炒」，嚮個鑊仍是高熱時「大兜亂」，蒜頭、洋蔥連同醬味飄晒出黎。椒鹽一字骨蒜味偏重，不會太辣，肉質也不會靭，好香口。京燒蝦碌肉質結實，味道甜甜的，又有蕃茄味，好惹味!啫啫通菜本身已味道濃郁，潮式煮法加多左細細隻既蝦毛乾，更加香氣逼人。

潮式菜可算係非常歡迎的中菜，今次去到旺角市中心，當然要一試呢間出名潮菜的手勢。分別叫左兩個熱辣辣、分別有海鮮之王的鮑魚花膠螺片煲、以及豆豉白鱔煲，兩個都係非常滋味。首先前者用上無數新鮮海鮮，包括有大大隻的鮑魚、骨膠原滿滿的花膠，以及將海螺片切粒，粒粒入口彈牙爽口，而且整個煲用上滋味蠔汁，而且煮得入味，令每件海鮮吸收到滿滿的精華。而白鱔煲同樣出色，白鱔份量都唔少，而且件件都厚身，所以入口相當有口感，魚身有少量魚骨，魚皮嫩滑，加上入味的豆豉，一邊送飯一邊品嚐就最適合。

同屋企人食飯，揀返岩佢地口味既中式餐廳，食下鑊氣小炒心夜一品煲入面原來係有花膠、鮑魚、海螺片又滋補又矜貴，價錢仲夠貼地，當然要嗌黎孝敬靚女媽媽鮑魚，海螺片質素唔錯，幾新鮮，兩者夠彈牙鮑魚有四隻，一家四口分剛好，而且係中size海螺真係比左好多，切得大小剛好，有咬口花膠唔係軟稔，反而係帶點爽口惹味一字骨醬汁酸酸甜甜，一字骨數量不少，肉骨當然係滑身一點配料洋蔥沒青味，都幾好食櫻花蝦欖菜肉鬆炒飯超有鑊氣的炒飯，而且不太油，櫻花蝦同欖菜又帶點特別既香氣，飯粒粒粒分明有咬口整體價位合理，食物質素唔錯

朋友帶我黎食飯，聽個名原以為係食打冷。呢到有各式潮洲菜的「腌」「凍」水產，也有「鹵水」，還有一些小炒，比凈食打冷多左選擇。京燒蝦碌好好食，有著濃濃的茄汁味。蝦雖未除殼，改嚮背部開，令蝦肉更能沾上配料的香味。熱騰騰的煲，將這味潮式啫啫通菜的香氣溢出，能夠帶起食慾，而且通菜的份量頗多。混醬雞煲用熱鑊上枱，蒜辣也是香噴墳的，其秘制混醬也腌得很入味。xo醬炒腸粉本身已很惹味，加上加了少量的細隻蝦乾，好正!

成日聽朋友介紹呢間食潮州嘢嘅餐廳嘢食好唔錯，所以今日就決定同朋友嚟試一試啦🙈🙈因為我哋兩個都唔係好肚餓嘅關係所以只係叫咗兩樣嘢一齊share，點知分量超大，食到我哋超級飽超級滿足！！！我哋叫咗一個肉蟹、鮮牛肉、乾瑤柱同埋花甲王既沙鍋粥，呢鍋粥超鮮甜，而且味道好天然食得出冇落味精🥰🥰肉蟹蟹膏超多，花甲亦都好甜無沙，呢個足份量仲要大到我哋一人食咗成幾碗先食得曬！！！金沙寶寶寶呢個鹹蛋鮮魷既鹹蛋味好濃，而且炸粉嘅厚度做到啱啱好，魷魚嘅份量都好多，食極都仲有🙈🙈