悅廬精致江西菜

营业中

休息中

今晚和家人訂了座，試試這個江西特色菜，當然要品嘗下較地道的菜式。店內裝飾是新派的，貼著不同黑白像片，而另外有兩個獨立房間，幾適合多人歡聚。【鐵板蒜蓉水晶蝦】蒜蓉的香氣在鐵板的加熱下四溢，鮮蝦分成半只打開了，蝦肉鮮甜，上面鋪著充滿香味的粉絲。【芋頭煲燉魚頭】本身是辣的，但我們不吃太辣，店員提議換成江西特產豆芯做配料，先煎香魚頭，再用濃郁的湯底燉著，芋頭的軟糯與魚頭的鮮美結合。湯汁鮮甜可口，豆芯更索滿了精華。【火爆腰花】獨特的辛香味撲鼻，豬腰處理得當切成一片片掛滿醬汁，沒有腥味，搭配辣椒與香料，讓人一試便愛上。【南昌熱拌米粉】配料有花生粒，香蔥等和特製醬汁，鮮香四溢，米線柔韌，很飽滿。

平時去開渣甸中心做body treatment，同一棟大廈有間江西菜餐廳，一直留意左好耐‼️因為一開𨋢門見到門面幾高檔，所以對呢間餐廳印象幾深刻～～最近發現原來價錢好大眾化，所以今日就決定嚟呢度lunch一進入餐廳，環境相當優雅，餐具、擺設、壁畫都雕有多種圖案及花紋，充滿着江西風格，突顯其華麗壯美的視覺藝術❤️「悅廬瓦罐湯」呢個係燉蓮藕排骨湯，湯頭無乜油入口非常清甜，連啲排骨都好好食完全唔痴牙‼️「余干椒小炒肉」好鍾意食小炒肉，不過每次食親都好多油……但呢度好好，唔會油淋淋味道夠惹味，越食越有辣感，用嚟送白飯一流❤️「干燒黃花魚」淋左汁嘅黃花魚嘅魚皮仲脆㗎看似好辣，但事實上一啲都唔辣，蔥蒜醬汁好好味「南昌牛肉炒米粉」江西米粉係特別Q彈，質地好似米線，炒得好有鑊氣，醬油顏色夠均勻，味道唔錯，不過就無咩記憶點，主要淨係得醬油嘅味道‼️江西南昌甜品：南昌白糖糕同港式白糖糕完全不一樣，南昌白糖糕有啲似煙韌版嘅沙翁，以白沙糖包圍住糯米團，口感煙煙韌韌，好食過港式白糖糕好多

這次的江西菜體驗充滿了驚喜與豐富的風味。店舖在渣甸中心，就在銅鑼灣市中心。有兩個獨立包箱房。三味茄子讓人印象深刻，茄子口感細滑，結合了酸甜辣三種味道，層次分明，令人回味無窮。每一口都充滿了濃郁的蒜香和肉碎味道。南昌手磨米粉蒸肉，這道菜以其獨特的米粉香氣和肥美的肉質取勝。米粉的口感柔韌，與肉汁和脂肪完美融合，帶來了濃郁的家鄉風味。鐵板蒜蓉水昌蝦則帶來了海鮮的鮮美，蝦肉鮮嫩多汁，搭配蒜蓉的香氣，在鐵板的加熱下，香味四溢。這道菜的口感豐富，蒜蓉的味道恰到好處。芋頭煲燉魚頭是這次餐點的壓軸，濃郁的高湯底中，芋頭的軟糯與魚頭的鮮美相互交融，湯汁鮮甜可口，入口即化。江西運來的豆芯口感是豆卜和生根結合，索了滿滿的湯汁。

居然係銅鑼灣食到正宗江西菜！！中午路過嘅時候發現佢地搞緊優惠，午市套餐388，兩個人份量非常夠。辣椒炒肉，小黃魚，同埋南昌牛肉炒米粉。味道都相當唔錯，辣味好夠！非常開胃！佢地嘅湯都係重點，超級足料！！下次會再幫襯

精緻江西菜 餐廳情調很好老闆帶我去吃, 餐廳開了2個月左右, 我們未來過, 老闆好喜歡.電梯出左手邊進餐廳, 一邊貴賓房一邊普通座位普通坐位都好優雅, 好有貴氣感覺.老闆就慢慢喝茶選食物菊花水有小火爐保溫，菊花朵朵完整的菊花好香上等貨.套餐比散叫抵食, 試2人餐先估不到好驚喜, 水準好高, 可以選辣度選了2人套餐388（＾＾） 食物速度都很快先來涼菜：薰魚和辣蘿蔔乾 蘿蔔開胃爽脆／薰魚外酥味濃。悅廬瓦罐湯 （海帶燉排骨湯）瓦罐湯存熱而且湯沒有味精, 好清海帶海藻味道干燒小黃魚 （微辣魚肉好滑）黃花魚煎脆加汁, 魚肉新鮮不多骨好吃 余干椒小炒肉 小青椒特別辣，廚師炒得爽口，有木耳和豬腩肉 廚師炒得爽口有鑊氣，有木耳和豬腩肉..配白飯一流南昌手磨米粉蒸肉 超肥五層腩肉和米粉混在一起配上荷葉特別調味蒸出來，豬肉不肥而且軟軟好好味, 有點咸肉糭香味, 可能因此有米和五香粉南昌牛肉炒米粉 用粗身米粉，滑溜煙韌配上牛肉碎和青菜非有鑊氣2人餐份量好足夠, 最後要打包炒米粉和余干椒小炒肉.另外4人餐好吸引, 老闆計劃下次多帶3人可以食4人餐.非常有水準江西菜, 老闆果然識食. 

今晚同朋友一行四人約咗係銅鑼灣聚會，揀咗呢間開業只有個多月，主打地道江西菜，因為大家也未試過江西菜，就決定去呢度！芋頭魚頭煲（$368）個魚頭很大也有很多魚肉，而芋頭吸曬湯汁之精華，非常之好味呢！家鄉藕帶（$138）今次係第一次食藕帶，脆嫩新鮮，口感似吃大葱，幾特別又少見，值得推薦！👍蒜仔肥腸煲（$188）呢度原來採用新鮮肥腸，師傅會將腸內肥膏去除，加上蒜頭、辣椒等配料，係一道惹味手工菜！悅廬小炒肉 （$168）豬肉片好諗兼且油香味好濃，加埋干辣椒，朋友鍾意食辣野，佢話食得好過癮！南昌牛肉炒米粉（$128）這碟米粉炒得非常有鑊氣，米粉係比較粗身同煙靭，好有「咬」感！呢度服務也很週到，店員不時會幫你換碟，而店長知道我哋對江西菜不太熟悉，所以好詳細介紹那些特色菜的做法和材料，好讓我們作出適當的選擇！

香港終於有精緻的贛菜館！週末中午特意前往一試餐廳環境優雅舒適，燈光柔和，主打江西地道傳統菜餚設有兩間私人房間，適合朋友聚會或家人聚餐食材及配料由江西直送，演繹香辣鹹鮮的濃烈家鄕口味悅廬商務二人套餐午市價只需$388！更可按個人口味要求更換菜式先來一份涼菜雙拼，在炎熱的天氣下降降溫悅廬瓦罐湯無味精，鮮香淳濃，滋補不上火余干椒小炒肉辛香味十足，加入土豬肉爆炒，鑊氣一流臨川牛雜以牛腩、牛筋、牛腸、牛肚等製成，鮮脆辣爽而不油膩南昌牛肉炒米粉選用粗身滑順米線，醬油炒至完全入味

香港少有的地方特式菜，江西地處長江南岸，江河湖泊不少，氣候溫潤潮濕，因而江西人的飲食習慣偏愛香辣鹹鮮等濃烈口味；因此並不只有辣，但以辣椒烹調免不了，我們要求微辣口味。芋頭魚頭煲 $368我最喜歡先來的芋頭魚頭煲，明火氣爐奉上，份量十足，巨型大魚魚頭一分為二，青紅辣椒粒、青蔥、蒜頭及芋頭烹調，湯頭淺褐色，想必是辣椒添了紅，因此會愈煮愈辣。身為河魚的大魚本來魚味不足，但如此烹調成功提味，幼滑味香；芋頭煮至軟身，吸盡鮮味，好吃。蒜仔肥腸煲 $188江西人很好喜歡吃肥腸，做得亦很好，完全僻走污味及挑走了肥膏，只留下軟糯柔韌之口感，配合青紅辣椒的香辛，有水準。家鄉藕帶 $138食材來自江西，從來未吃過一條條的藕帶，很爽口，似西芹。悅廬小炒肉 $168炒得夠鑊氣，半肥瘦豬肉，沾滿紅椒籽，有點厲害！南昌牛肉炒米粉 $128特色是粗身米粉，醬油炒至完全入味，配合細少的牛肉粒、芽菜、青菜及紅辣椒粒，味道豐富。佈置整齊舒適，不妨試試。午市有套餐：

銅鑼灣新開⼀家廣西菜素聞廣西擅煮甲魚而甲魚營養豐富，滋陰補固尤對女性特好今日就同爸爸媽媽⼀齊去試電話訂座時先預定好甲魚湯甲魚湯清麗唔腥無泥味甲魚少彈牙滿滿膠原感❤️另⼀款湯品係海帶排骨湯清熱有益湯頭鮮美梅乾菜扣肉呢道扣肉真經典扣肉入口即化完全不覺油膩梅乾菜美味濃味而不過鹹非常下飯井岡山三鮮豆皮用左廣西入口豆皮燴蝦仁、肉片、菇片味道簡單鮮甜南昌牛肉炒米粉米粉不同於廣式米粉粗幼度界乎米粉同麵條中間幾有口感米粉炒得相當有鑊氣少少香辣，幾惹味酒釀丸子酒香濃酒味淡丸子煙韌食後腸胃有陣暖意我特別喜歡

約親父母食飯都會想同佢地試啲特別野好似今晚我就安排左廣西菜⼀齊食⼀入餐廳爸媽都覺得地方好精緻似西餐廳多過印象中通常大紅大綠嘅中餐廳😍餐牌菜式都好有特色仲有好多粵菜少見嘅材料由於係第一次試廣西菜所以我地決定交俾經理發辦睇下有咩招牌菜先南昌手磨米粉蒸肉大大⼀盤調味就係手磨嘅米粉所以米香特濃豬肉軟淋鬆化入口即融嘅感覺但又唔會感覺肥膩花生芽炒牛肚絲廣西入口嘅花生芽真係第一次見！入口爽爽地有啲似粗身芽菜連住花生嘅根部會更硬身少少成個菜式香辣惹味！家鄉炒扁豆又係⼀道從未見過嘅廣西新鮮食材扁豆寬大感覺肉厚比平時嘅荷蘭豆少了豆青味辣辣地好下飯蔥油餅呢個蔥油餅同上海菜嘅有少少唔同雖然同樣金黃但超級香脆！件頭會比較大飽肚之選

今午應舊同事之邀來到銅鑼灣一家主打江西地道傳統菜餚的餐廳。侍應殷勤和熱情地招呼每位客人，讓客人有賓至如歸的感覺，舊同事介紹這家餐廳的食材和配料都是從江西直送到香港，所有烹調也是江西籍師傅炮製。我們選擇悦廬商務二人套餐：先來一道涼菜雙拼（藕帶及蘿蔔皮：侍應循循善誘地解釋，藕帶是蓮藕的幼嫩根狀莖，由根莖頂端的一個節間和頂芽組成；果然很嫩，味道清香嫩滑，而秘製的蘿蔔皮很爽口，有嚼勁。繼而來了悦廬瓦罐湯：以蓮藕、花生、排骨作材料，味道鮮甜可口😋余干椒小炒肉：採用新鮮辣椒和鮮嫩的豬肉為主，以獨特的炒法令其香氣四溢，令人吃過不停🫠干燒小黃魚 : 煎到皮酥肉嫩的小黃魚味道鮮甜濃郁，回味無窮🥰南昌牛肉炒米粉：色澤鮮嫩，爽滑可口，食物有韌性，耐咀嚼，一口接一口痛快地嗦完一碗，再吃多碗😋本以為這餐的江西菜比較辣，不能多吃，幸而老朋友要求小辣讓我吃得津津有味😋最後送上涼粉作整餐的完結🫠

喺同事介紹下搵到呢間主打江西菜嘅餐廳，餐廳味道正宗，而且食材新鮮，整體體驗都幾唔錯。先嚟南昌手磨米粉蒸肉，呢道菜用咗經過醃製嘅豬肉，配搭特製嘅米粉，蒸完之後米粉吸曬肉汁，同時豬肉仲保持到鮮嫩軟腍，新奇得嚟口感同味道都真係唔錯。山西井岡山煙筍炒三絲，呢道菜有肉絲同魷魚絲，非常爽口，而且辣得嚟好惹味。南昌牛肉炒米粉，加咗芽菜同牛肉絲嚟炒，米線非常滑溜，唔覺唔覺食咗幾碟。藕帶炒牛肉，亦係一道推薦菜，藕帶係蓮嘅莖，比蓮藕爽嫩，炒過之後有啲似大葱嘅口感，餐廳用咗辣椒、豆豉、蒜同蔥嚟炒，味道非常香濃。蔥油餅，外面稍稍炸過，非常酥軟，蔥油香味撲鼻，食落質感軟綿，食到好滋味。魚頭燉芋頭，用咗江西特有嘅芋頭仔，去咗皮並炆咗至少半個鐘，芋頭仔吸曬湯汁之後變得軟淋淋，口感有啲似薯仔，魚頭好大，有好多魚肉而且煮到好入味，最啱撈飯食。南昌白糖糕，外面脆脆地，沾滿砂糖，甜度適中，係飯後甜品嘅好選擇。江西菜味道偏重口味，所以我好appreciate餐廳用咗菊花茶，等我哋喺每度菜之間都可以清一清味蕾。

今日帶大家去食一間全香港唯一亦都係第一間嘅江西菜！位置位於銅鑼灣渣甸中心！呢間廣西菜除咗香港未有好多朋友食過之外！佢仲係御用江西廚師同埋當地嘅師傅！手法正宗之外、仲保留原本鮮香味！ 。今次我同朋友叫咗大約五款菜，都係佢哋嘅王牌菜！粉蒸肉；呢款絕對係家鄉菜米粉，再加肥瘦之間嘅五花肉，配搭起上嚟真係特別好好食！江西炒肉絲肉汁香嫩，有酸甜辣嘅味道充分感覺層次感，符合江西開胃菜！蓮花血鴨將血壓同埋鴨肉碎，加上辣椒包喺入面！真係好特別嘅食法呢度菜亦都係宮廷菜嘅菜譜之一！十大名菜之一！江西乾煸豇豆同香港食嘅四季豆好唔一樣、雖然外貌比較似，但係佢帶有淡淡嘅香氣！唔會話好辣又清新好爽嘅口感！江西牛肉炒米粉江西米粉同出面嘅米粉唔同，質感偏粗身、所以米粉完全可以將牛肉嘅味道滲透晒入去！牛肉鮮甜！層次滿滿！相信大家都未聽過江西菜，而家香港有機會食到第一間嘅江西菜！未post已經有朋友問呢間餐廳喺邊度真係幾驚喜！悅盧精緻江西菜銅鑼灣渣甸中心6樓全層

從來都未食過江西菜今日第一次嚟試吓香港新開嘅舖頭裝修好靚好有中國風着旗袍嚟影相都唔錯本身以為呢啲特色菜都會貴原來性價比都幾高lunch set $400有找五樣餸悅廬商務二入套餐-涼菜雙拼依家天氣咁熱，一嚟食少少涼菜個人即刻降溫，舒服晒-悅廬瓦罐湯然之後就可以開始有返一啖湯鍾意佢夠清Hea冇味精所有材料都煲到好淋鍾意都可以食埋！-余干椒小炒肉江西運過嚟嘅辣椒由香由辣由嫩口配小炒肉就最啱-干燒小黃魚呢個小黃魚真係值得一讚外皮香口，但係入面嘅肉質好嫩滑再配埋淋上去嘅醬汁，簡直係一試難忘-南昌牛肉炒米粉好鍾意呢隻炒米粉煙韌彈牙有咬口再配上牛肉同埋菜仲有辣椒層次感豐富午市價$388（2位用）

悅廬精致江西菜南昌手磨米粉蒸肉 南昌手磨米粉蒸肉將醃製過嘅新鮮豬肉同特製手磨米粉蒸煮，米粉完全吸收咗肉汁嘅精華。米粉蒸肉保持鮮嫩，口感軟糯。再以蔥花點綴，令人回味無窮。山西井岡山煙筍炒三絲 山西井岡山煙筍炒三絲將肉絲、魷魚絲同井岡特產煙筍炒至爽口，以辣椒提味令口感更惹味。煙筍質地脆嫩，肉絲鮮嫩，魷魚絲口感彈牙，令人開胃。南昌牛肉炒米粉南昌牛肉炒米粉主要材料有芽菜同牛肉絲。米粉非常特別，Q彈細滑，其實就係香港人好鐘意嘅米線。牛肉鮮嫩多汁，蔬菜清脆新鮮，老闆話連江西人嚟到都特別欣賞呢道菜。藕帶炒牛肉藕帶係蓮嘅幼嫩根狀莖，清脆爽口，熱量很低。薄片牛肉份外鮮嫩，配以蔥、豆豉、蒜等提味，口感層次豐富多樣，惹味香口。蔥油餅蔥油餅外表烤至金黃酥脆，內里柔軟，充滿濃郁嘅蔥香，令人忍唔住食完一件又一件。魚頭燉芋頭魚頭燉芋頭，湯頭鮮美濃郁，以邊爐爐具一直烹煮，魚頭嘅鮮味隨隨融入煮得軟腍嘅芋頭，口感豐富，集合咗地方特色同烹飪技藝嘅精髓。南昌白糖糕南昌白糖糕外層酥脆，撒上雪白嘅細砂糖，內餡綿密細緻，甜而不膩，傳統工藝感厚重，不失現代烹飪嘅輕盈感，非常出色嘅甜點。老闆一邊上菜一邊為我哋介紹各樣菜式嘅江西特色，材