慢煮工業 (已結業)

假日去享受一頓美味的午餐，確令平凡的生活增添色彩。今日有點運氣，本為全店滿座，剛巧有客人離開，才找到座位，走慢一點要等等呀！餐廳是半自助型式，顧客先隨意找座位，接著在收銀處下單，店員隨後把食物送上。午市套餐包括一杯熱伯爵茶/熱檸檬水/罐裝汽水；或可付附加費去點其他飲料。全日早餐配安格斯牛扒或龍蝦半隻，附薯餅、焗豆、大啡菇、黑松露炒蛋、蔬菜和多士。喜愛牛扒的家人即點全日早餐配安格斯牛扒，我就點了全日早餐配龍蝦半隻。可愛的餐具 全日早餐配龍蝦半隻 :全日早餐送來時已聞到龍蝦的香氣，即時令我食指大動。但剛從焗爐取出來的龍蝦還是熱呼呼的，還是先嚐黑松露炒蛋吧 炒蛋蛋味濃，加入黑松露更顯香氣。脆多士上添了點蜜糖，把黑松露炒蛋放在多士上吃，口感豐富。是時候嚐芝士焗龍蝦，龍蝦肉質爽口，味道清甜。不需多加調味，芝士的鹹香味已能提鲜。龍蝦鉗大啡菇經烤焗後還保持濕潤，菇味非常濃郁。薯餅外皮非常鬆脆，亦不油膩。 全日早餐配安格斯牛扒 : 家人的全日早餐在配菜上跟我的那份是一樣的，只是主菜不同。安格斯牛扒面積大，肉質幼嫩，肉味濃郁，甚至是脂肪部分也十分甘香。家人吃得津津有味。家人要喝汽水，我則點了荔枝接骨木花

如果你係好想試下斷食既話，你可以黎試下呢間野😅今次我地一行14個人黎到呢間餐廳諗住開開心心食個lunch賀中秋，竟然食左兩個鐘🙄點完餐，等左半粒鐘左右先上晒飲品🥲我呢份扒應該等左最少一個鐘先出🤧扒既size偏細但係係淋同juicy既，但我已經冇乜胃口了🤢薯條都係外脆內軟😛最好食係個croissant waffle，上面有淋左D糖漿，係有驚喜地好食😛唔係話啲野唔好食，係當我地見到其他遲過我地黎既人都有野食，有啲仲要食完走埋，會有啲心理唔平衡😰同埋啲侍應既態度都怪怪地，佢地係飛D飲筒俾我的🤔幾好食都好，咁既速度同態度就真係冇下次了👋🏼

其實對上兩次過嚟都知道呢度好似快餐店咁樣㗎啦，今次嚟到坐低嗌左杯梳打 成20分鐘都未到 見佢可能爆場都忙嘅所以唔緊要啦諗住針杯水飲啦 點知自助枱嗰度杯都冇晒啦 問佢攞又話啤酒杯唔用得 又話冇杯可以用 我就話OK唔緊要咁你有先至再俾我啦 之後問佢攞紙巾 都好晦氣咁俾我我唯有同佢係咁唔該啦 但最嬲係乜嘢呢 係我等緊個差嘅時候 個職員喺隔離執枱 將成個玻璃樽跌咗落我腳掌 整到紅晒 竟然好似啞咗咁樣 就咁行過嚟我度執返個玻璃樽就走咗去 我都忍唔住問佢sorry都冇一句㗎 佢竟然又好似聾咗咁樣直行直過 最後我真係忍唔住行去counter問係咪真係咁冇禮貌 結果另外個職員就答我因為嗰個人係第一日返工所以唔好意思 我想講嘅係呢啲係基本禮貌唔關第幾日返工事囉 真係第一次杯野都未飲完 我就要求佢退咗嗰個餐嘅錢 淨係收返我兩杯嘢飲就走咗啦 勁嬲嘅一次經驗 一肚氣

已經食咗慢煮工業不下三次由於餐廳食物嘅性價比好高每次同朋友諗唔到食乜 最後都會選擇食慢煮工業餐廳嘅餐牌變化不大首先叫咗次次都會嚟食嘅黑松露芝士薯條薯條炸得外脆內軟加上濃濃嘅黑松露同蛋黃醬簡直係畫龍點睛❤️之後叫咗一份煙三文魚雜菜沙律三文魚嘅份量都唔少主食方面見到好多枱都有叫呢個意粉 所以我哋都叫咗滿蜆肉蝴蝶意粉果然冇令我失望蜆肉真係好多而且個source 好惹味我哋兩個人都可以食晒一碟之後我哋叫咗一份美國安格斯西冷牛扒牛扒嘅賣相10分吸引有一隻鵪鶉蛋同埋蒜蓉係面而西冷嘅肉質都唔錯最後我哋仲叫咗一份炸雞炸雞比較濃味配上沙律食就比較夾

小菜好食過主菜蒜蓉包好食牛一般佢係平但係唔係特別好食經OpenRice訂有雪糕送聽社交平台講話好好食 但係最尾唔係特別好食蒜蓉包同薯條好食 嗰個牛真係自己煮都差唔多不過嗰個Häagen-Dazs幾平

琴日同fd係始創中心行街 行行下覺得好肚餓 咁我地就上openrice睇下有咩好食 咁我個fd就搵到呢間慢煮工業好似唔錯去到都要等一等位 等左10分鍾左右就入得 入去果陣waiter都好有禮貌 間野環境都幾靚 好舒服同埋係開放式廚房 比人感覺好衛生放心 咁講返正題 我地叫左個美國安格斯西冷牛扒 8oz非常有肉味 調味都做得好好 西冷之中都算高質另外我地叫左個芝士漢堡配薯條 非常高質漢堡外脆內軟 !! 薯條都好有味 !最後我地叫左個法式奶油焗薯 超滑同埋好重薯仔味 

今天和朋友到太子這家餐飯吃晚飯。法式豬鞍$108加炒雜菇$28豬鞍非常厚身，肉嫩味鮮又juicy,旁邊點點肥膏帶點油脂香，蒜粒和百里香的簡單調味，恰到好處！炒雜菇豐富的牛油白味，菇粒爽口很有口感。還有紅酒浸過的蘋果粒，輕微酸味，讓人很有胃口美式蟹餅 $58蟹肉很多，鮮味十足，口感一流！牛油果三文魚薄餅$98Pizza 份量很大， 三文魚極多， 芝士香濃，pizza餅底香脆, 非常抵食！蟹肉蘋果羽衣甘藍沙律 $88蟹肉新鮮肉嫩，入口啖啖蟹肉， 羽衣甘藍和沙律菜新鮮又健康

點餐用QP code方式，而家水就係好似pizzahut咁有一支自助嘅。待應唔出聲就上菜，禮貌上已經唔太好。冇收menu之餘打算直接放碟扒上餐牌上面個心已經打個突。安格斯牛扒啱嚟到個表面見到煎到微燶黑色，打算切開嘅時候發現根本就切唔開。塊牛塊除咗有牛味之外完全唔知食緊乜，切同咬都極為吃力。配菜得兩條豆角仔一粒迷你蕃茄一舊薯角仔，半啖都冇，食落似以前小學飯盒右上角啲配菜烚完就算咁。油封鴨聲稱為油封，但食落勁老勁鞋，似大家樂下午茶豉油髀走豉油咁，而且勁鞋，以我經驗絕對唔係油封。配菜都係得兩條就不在話下。成餐食完重要收加一，但除咗上菜之餘基本上想搵人加水都冇。感覺上好似俾人打劫同受罪咁。一年前食都唔係咁，唔知發生咗咩事。好食是良知啊！

放工同朋友一齊嚟想chill & relax，雖然叫左沙律,牛油果三文魚pizza,牛扒,豬手粒等等食物都唔錯，但是職員既態度令我哋感到莫名其妙。首先，職員說話非常細聲，我同朋友聽唔到佢講咩…第二，原本OpenRice訂位嘅時候，話有雪糕送但去到時就話冇。而職員也沒有補送其他食物。我地覺得有點失望，不過我地都接受，始終嚟既目的唔係杯雪糕。第三，食既時候冷氣不停噴水，佢地用既冷氣類似係家庭式冷氣，連住個盆係冷氣機下面。一路食就有好多水花彈落我地/食物到。跟住我哋就同職員講，但係職員就睇睇冷氣就走開，之後我哋主動問佢可唔可以轉位。職員話可以之後就掉頭走了。我地覺得好奇怪，點解職員唔協助我地。但我地要一手一腳自己搬一碟碟食物同飲品。第四，水花繼續四濺，但佢地都冇跟進。反而比左下一枱客坐。第五，10:00嘅時候，職員提醒我哋「要走啦。」。 今次終於夠大聲，聽得好清楚…難道冇額外收service charge 就需要咁自助式？…..冷氣機滴水都唔理🤯🤯🤯

🍽慢煮工業▫️呢間餐廳我唔敢話佢味道做得最好，普普通通，不過佢性價比真係好高！份量超大，同朋友一大班一齊食會好開心嘅呢～😆▫️▪️🐐法式羊架𝟴 𝗿𝗶𝗯𝘀($𝟸𝟺𝟾, 𝚂𝚌𝚘𝚛𝚒𝚗𝚐: 𝟽.𝟻/𝟷𝟶)️呢八件未切嘅羊架嚟到嘅時候真係好巨型😮羊架偏肥但係熟成程度幾好，咬落去唔會都幾軟惗，調味做得幾好！同親朋戚友開心𝚜𝚑𝚊𝚛𝚎就岩哂～▪️🐮美國安格斯西冷牛扒($𝟷𝟸𝟾, 𝚂𝚌𝚘𝚛𝚒𝚗𝚐: 𝟼.𝟻/𝟷𝟶)牛扒煎薄身，大概七成熟，味道正常但係又未至於好特別，普普通通啦💁🏻‍♀️▪🍕黑松露煙肉火箭菜蛋薄餅 ($𝟷𝟶𝟾, 𝚂𝚌𝚘𝚛𝚒𝚗𝚐: 𝟽/𝟷𝟶)薄餅餡料好豐富，黑松露味幾香，薄餅有一定厚度食落唔算好脆，不過勝在餡多，𝚜𝚑𝚊𝚛𝚎食唔錯！▪️✨🍝滿蜆肉蝴蝶意粉 (𝗗𝗼𝘂𝗯𝗹𝗲 𝗖𝗹𝗮𝗺 $𝟷𝟽𝟾, 𝚂𝚌𝚘𝚛𝚒𝚗𝚐: 𝟾.𝟻/𝟷𝟶)呢個推薦啊！蝴蝶粉幾有咬口，重點係佢真係超級多蜆！食蜆多過食粉🤣🤣味道都唔錯，未至於好𝚌𝚛𝚎𝚊𝚖𝚢，不過濃稠適中，唔會過濟▪🍄芝士流心蛋大啡菇 ($𝟹𝟶, 𝚂𝚌𝚘𝚛𝚒𝚗𝚐: 𝟽/𝟷𝟶)菇菇好𝚓𝚞𝚒𝚌𝚢🤤不過淨係叫咗一份過下口癮，唔係好夠😛

慢煮工業點解叫慢煮呢？原因原來就係因為呢度嘅食物係用上慢煮嘅技術去煮成，用慢煮時所需的時間最快都要2個鐘，而最長就可能用成兩日去煮，係名符其實嘅慢煮。我地分別叫左安格斯牛扒all day breakfast 同埋龍蝦嘅all day breakfast，兩份all day breakfast都有茄汁豆，芝士焗大啡菇，三角形薯餅，黑松露炒蛋，沙律同埋waffle。Waffle 外面好脆，但內裡就係有d 似牛角包，食落嘅口感幾特別。黑松露炒蛋幾滑，但黑松露味唔算好濃。而茄汁豆，芝士焗大啡菇，三角形薯餅就冇乜特別，都係果d 。至於主菜我果份係龍蝦，用左芝士焗，但係芝士又唔會搶晒龍蝦嘅鮮味，唔錯。安格斯牛扒我試左少少，感覺上慢煮而成嘅牛扒的確肉質係無咁韌，而且肉味都幾濃嘅。荔枝椄骨木花梳打

太子一間好有情調嘅餐廳，仲有柔和嘅音樂，加上平民價格，皇帝囗味，真係會食完再食菲力牛排配芝士菲力牛扒肉汁豐滿 ，同平時食嘅牛扒唔同 ，因為佢係慢煮，所以肉質唔會流失得太多， 再加上 香煎Halloumi芝士餅,  香軟得黎有趙口，芝士味又濃 法式羊架羊架有香味十足，寶雲酥烤出嚟嘅羊架特別好食 馬蘇里拉芝士條芝士條熱辣辣送上，一囗咬住一定可以拉到半米長 ，煙煙韌韌，好食又好玩 滿蜆肉蝴蝶粉大大蝶蝴蝶粉 裏面勁多蜆肉 再加上去嘅秘製醬汁 ，甜甜地 ，辣辣地 ，香香地 ，仲好creamy 黑松露煙肉火箭菜蛋薄餅薄餅邊脆口內裏好香軟，芝士上面有好多黑松露，又有火腿味

友人極力推薦CP值高的西餐廳，主打慢煮菜式。坦白說，慢煮與否都不是重點，我較注重食物品質和味道本身。餐廳距離太子MTR大約5分鐘步程，裝修走簡單工業風，有地面和閣樓2層，平日Dinner時間也很旺場。菜式除了慢煮肉類之外，還有其他前菜和小食，價格很親民，平日禮拜一至四還免收加一！法式豬鞍 + 蒜香蝦仁 $108 + $38豬鞍非常厚身，肉質嫩滑Juicy，一點點的肥肉帶來油香，簡單以百里香和蒜粒調味，就能帶出豬的鮮味。驚喜位有紅酒浸蘋果粒做配菜，酸酸甜甜很能刺激味覺。滿蜆肉蝴蝶意粉 $98這個認真要大推！$100不到，但蜆肉份量多得驚人，與Pasta差不多是1:1，什至比Pasta更多。每隻都是正常Size，不是BB蚊型，佈滿整個平底鑊，而且鮮甜無沙。蝴蝶意粉硬度剛好，Creamy醬汁也很惹味出色，這個絕對是值得回味的Must-Eat Item！美國菲力牛扒 + 牛油果 $128 + $28慢煮下牛扒大約是Medium的熟度，與豬鞍一樣只簡單以百里香和蒜粒調味，同樣是厚切，肉質嫩滑，肉汁豐富。配菜乍看還以為是魚糕之類，但原來是煎香的Halloumi Cheese，第一次吃覺得有點咸咸香

都市人一向步伐匆忙，今晚相約先生來這個慢活煮意的地方chill一下。我們點了很多食物：蒜香芝士排包、芝士流心蛋大啡菇、燒露筍、芝士奶油法式焗薯、有骨肉眼扒配牛油果、鬼佬清啤和慢煮伯爵茶梨子。雖說「慢煮」，但上菜一點都不慢。先上菜的是蒜香芝士排包，那陣香噴噴的蒜蓉牛油味已讓我垂涎了。吃下去熱騰騰，鬆脆脆的面包，確實是很棒的前菜。接著的芝士流心蛋大啡菇亦很有驚喜，雖然隻菇比想像中小，但流心蛋卻很「流」，配上芝士特別好吃。燒露筍沒什麼特別，反而個芝士奶油法式焗薯一試難忘！廚師將薯仔切成一塊塊去焗，吃進口時相當有質感。讚！前菜過後，主角bone-in ribeye出場！慢煮優質的食材換來香濃的肉香和嫩口的質感，配上輕輕煎過的蒜片，味道確實不負所望！至於個甜品（慢煮伯爵茶梨子）亦是全晚靈魂之一，想不到伯爵茶的味道與梨子的味道是那麼融合的。很有創意的組合！又多一個讚。

今日黎到位於太子既慢煮工業，呢到既環境同裝修都充滿工業風味，好有格調燈光暗暗地，氣氛十足。點菜後，首先要飲下野開下胃我地選擇左柚子梳打，以及荔枝接骨木梳打好清新，飲落口好清爽，而且陣陣既接骨木香味，融入左荔枝既甜味，整體更加爽甜。小食盤，包含左雞翼，薯條，芝士條。雞翼外皮鬆脆，肉質細滑，微微辣，好惹味薯條熱辣辣，而芝士條好邪惡一咬開真係拉絲，入面既芝士湧出黎美國安格斯西冷牛扒，因為係慢煮，所以唔需要選擇生熟程度，一切開就見到顏色幾靚鮮嫩既粉紅色，肉味香濃突出，唔需要特別點醬汁，食返牛扒本身個肉味已經好滋味滿蜆肉蝴蝶意粉，呢個係正常份量，仲可以加$80要一份double蜆份量，蝴蝶粉吸晒所有忌廉汁味道，而蜆既份量令人大滿足！而且新鮮爽甜，高質！抹茶芝士蛋糕，食完豐富既西餐，緊係要食一件蛋糕平衡下抹茶同芝士味道配搭好好，甘香