文記車仔麵 (福榮街)

营业中

休息中

今日去開深水埗，就諗住食文記，記得之前食過印象幾好。一去到，見到排晒長龍，但其他分店有好多吉位，原來轉左落單既玩法。客人要先係大熱天時曬住太陽排隊落單，佢會即叫即整，然後再帶你去隔離鋪坐。以前係坐低先圈野食，而家食個車仔麵都要曬住排十幾廿分鐘，咩事呀。一入到隔離鋪坐低，成陣臭垃圾味，周圍都污糟糟咁，衛生好差，調味料架有漬，地下又有汽水罐。我再四周圍望，見到呢間鋪既廚房熄左燈，即刻明晒。原來係因為生意唔好，所以集中一間鋪頭既廚房黎用。為左方便佢管理，就要客人排隊落單。我叫左雞翼、魷魚、螺肉米線。第一下食啲螺肉，脆既，心諗係咪煮得唔夠霖。再食多幾粒，都係脆既，係偶爾有粒霖既。之後先發現個啲脆既係雞軟骨唔係螺肉。喂大佬，我冇叫到呢味餸唔好送俾我喎！一路食既時候都有人見到有空位，想入黎坐低。結果俾啲職員叫翻出去排隊，態度都唔係好。可想而知，正常人都會expect係坐低落單。我今日簡直覺得自己食左餐劣食，真係唔會再有下次。

文記車仔麵其實唔洗多介紹😂車仔麵迷都一定食過！味道好分量又多！每次去到都覺得花多眼亂唔知點揀我既8大選擇如下🤤花膠/瑞士雞翼/豬紅/蘿蔔/牛肚/芝心丸/糖心蛋/生菜你地又會點揀呢？

點了一碗蕃薯粉，選了多餸。我選了通菜、豬皮、魷魚、豬油渣、筍絲及豬耳。其實選餸的時候，是很難抉擇，因為所有餸都看似很美味。豬皮味道最好，豬耳亦很入味。豬油渣大大塊很滋味。筍絲有“渣”，這個比較失色。魷魚味道可以，通菜不算“老”，亦爽口。朋友給我嚐了牛腩和豬大腸，很入味。現在辣菜甫沒有放在桌上，不可自行添加，需要選麵選餸時要求一併加在餸上。10時50分門口已現人龍，很誇張。不過以車仔麵來說，又真的是這間最美味了。

4餸車仔麵 墨魚角 好彈牙 味道無咩特別豬紅 好腥好大陣味 個人唔鐘意魷魚 👍🏻好爽口又唔韌 而且係入左味 小花菇 真係好細粒 啲汁好濃味 3餸車仔麵 蘿蔔 👍🏻清甜無根 同埋煮得岩岩好 唔會太硬或者一督就爛酸齋 味道如果酸多少少更好 每次食車仔麵都覺得酸齋要另上 啲湯都浸走晒啲酸齋汁花膠 好大片同煮得好軟 味道無咩特別秘製辣汁 少少都好辣 譚仔我食十少辣 今次我揀微辣 連一半嘅醬都無落 就已經好辣 唔食得辣嘅要慢慢落個醬薯粉 好食好彈 不過車仔麵都係襯油麵正啲 下次再試因為坐得近門口 冷氣唔係太夠 要一邊食一邊吹風扇

好日唔出深水埗 今日要出去買電腦嘢 當然要來食呢間深水埗名店啦 其實之前都食過幾次 但係好耐冇食啦特登過嚟回味一下———————————三餸車仔面叫咗招牌嘅瑞士雞翼 陳皮魚蛋同小花菇瑞士雞翼: 必要叫味道好龍而且帶有淡淡甜味陳皮魚蛋：好有咬口彈牙但係就唔係好掛住如果要揀可能墨魚丸好啲小花菇：我最鍾意嘅一美結果好甜而且索晒啲湯汁 好似飲緊碗湯咁樣太肚餓搞到唔記得影相 不過感覺冇以前咁驚喜 可能食慣咗 下次有機會再試其他餸

昨日我同女友心血來潮想食車仔麵，之後咁岩經過深水埗的時候，遠處已經見到文記車仔麵門口大排長龍大約有10多人，我就未試過食文記車仔麵，令我好奇心出現，一齊去排隊。大約15分鐘吼，就可以安排入座情況順利。咁我就鍾意食河粉，所以點左河粉韭菜作為底料然之後再加魷魚、豬紅、牛筋，我覺得個河粉幾鬆軟爽口，豬紅都比較爽口，魷魚方面比較遜色，因為魷魚佢會切片上菜，導致魷魚比較細粒。但總結來講文記車仔麵值得一試，我哋再叫多咗一個通菜小菜，兩罐嘢飲，總共買單大約$130

之前成日見好多人排隊，終於有機會試一次，叫了文記的：1.豬大腸 比較多膏，醃製後變得過林2.瑞士雞翅 比較甜身3.魷魚 爽身但不夠味4.螺肉 辣味夠，沒有沙，大粒5.墨魚卷 街市貨6.蟹柳 是長身，就正常，沒特別7.金錢肚 正常，不過不失8.韭菜餃 手工製，但就普通，不會太大驚喜總括而言，文記款式多，比一舨車仔麵店多款式選擇，味道都正常，雖然要排隊，但因為都多分店，幾間同一條街，都多位，不需等很久，叫小辣是bb 辣，喜歡吃辣的可以叫中辣以上，湯底比較甜身的豉油汁，如果喜歡是咸味，文記可能不適合

來過文記無數次，即使整條福榮街快變成文記街，依然要排過隊才可入座。文記的辣菜脯是其中一個令我不停回頭的原因，無論任何湯底，加點辣菜脯，風味馬上提升。就連怕辣的我也忍不住一吃再吃。米粉不會太硬太乾，很柔軟，吸收了湯汁很好吃。水餃也是大推，大大顆很飽滿，菜和肉的比例很好。牛筋也是每次必點之選，吸收了湯汁很軟嫩。不過坐得真的有點逼，而且人人打開過辣菜脯後都沒有蓋好，有點不衛生。文記沒有太花巧的配菜，但每樣都很好吃。值得再訪。

以前食呢間車仔麵嘅時候就覺得驚為天人，每一次都好想心思思再去食，但係上個星期去食咗，就覺得大不如前了，首先講吓湯底先，我覺得比以前淡，我加咗辣菜甫稍為好食啲，個雞翼雖然都keep到一貫嘅水準，但今次個瑞士汁就偏甜，到冬菇啦，佢揀咗好細粒嘅冬菇，所以咬落去口感冇咁好，雖然之前嘅冬菇都係細細粒，但今次我真係覺得稍為太細啦，食得都唔開心。至於我揀咗嗰個咖喱魷魚，以前都係好好食，而家就唔夠辣，又唔入味，食一個車仔面都咁貴，講真我下次都係去食譚仔算🤣🤣🤣🤣又唔使排隊，又唔使特登去深水埗，仲要價錢平多啲

更新: 2020-10-31今日又再吃一次,就因為第一次吃實在驚為天人特登過九龍為咗呢碗車仔麵但今次覺得都係麻麻地🤣兩碗車仔麵餸一碗係韮菜餃、豬大腸、瑞士雞翼、豬耳另一碗係牛肚、牛筋、蘿蔔、豬大腸、魷魚1.湯底好甜(好很甜...)2.D餸只有一隻味...甜味...冇其他味3.玻璃辣魷魚一D辣味都冇,又係得嗰浸甜味...4 今次豬腸好5得,多肥膏又有味...5.吃完碗麵好多個鐘後都要飲好多水...好多味精..總括係蘿蔔最好味, 係本身清甜味因為今次嘅麻麻地,已經將冇將文記放必吃入面冇必要特登過九龍幫襯了...2020-10-20終於吃咗「傳說中嘅車仔麵」每次去深水埗都人山人海排哂隊見佢分店越開越多, 點都要試！好好彩只係等咗10分鐘就有位試咗「十大必食」嘅其中四款魷魚好爽口；酸齋好入味；蘿蔔好甜無渣；豬大腸好乾淨好入味(本身5太吃豬大腸,嫌太多肥膏及驚有味,但見佢寫十大必食,就試吓啦)牛根超級冧,滑lulu滑入口總括黎講係會再吃嘅車仔麵雖然價錢偏貴但係值得嘅,因為材料食得出係靚料！同埋真係好大碗🤣🤣下次會試埋一雞翼、豬手嗰啲😋

一碗叫油麵，另一碗叫粗麵，車仔餸選擇了，瑞士雞中翼，猪紅，猪大腸，蘿蔔，酸齋。👍真係非常出色，有質素，雞翼有色水又入味，猪紅有猪紅味質感不會太鬆散，酸齋好味過齋鋪嗰啲，蘿蔔入味無根，猪大腸夠曬鹵水味。另外煮麵姐姐要記一功，因為啲麵不會太硬，有啲麵檔啲車仔麵硬到咬唔到。食車仔麵的例行步驟，排隊，叫麵，叫餸，要大聲啲，比錢，話比服務員知，送去隔離舖。車仔麵週街都有，唔係間間都整得好食，以中等價位計算，「文記」是可以滿足到你心目中的車仔麵的原本味道。

成日都會心絲絲好想食文記，高質素嘅食物，自然受歡迎。我個人呀就比較念舊鍾情，每一次嚟都係點一模一樣嘅餸。今次試一啲未點過嘅嘅車仔餸。最鍾意呢度嘅循環再用點菜版，用白板筆畫。日本糖心蛋、瑞士汁雞翼、瘦豬大腸（可以揀肥定瘦嘅），加辣汁。日本糖心蛋真係好好食呀，食到日本清酒味，用上盛嘅日本豉油，同埋日本雞蛋，個蛋黃係紅橙色嘅。瑞士汁雞翼係脹卜卜好飽滿嘅，醃得非常之入味，但係唔鹹，掌握得很好。瘦豬大腸洗得好乾淨，滷水汁醃得好夠味。再加上餐廳供應嘅辣蘿蔔，好味保持食物水準的文記，我會繼續再來

我最最最鍾意食就係車仔面，從來覺得文記係非常好，我首選，又開得夠夜，lunch或宵夜都第一時間諗起佢從來車仔面就係好濃味，我都係好喜歡濃味嘅人，多葱多蒜多菜譜，加個大辣，我最愛最愛佢嘅豬手，雞翼，羅白，瘦腸，韭菜餃，酸齋。。。全部都好吃，都岀色其實任何車仔面嘅餸我都好鍾意除咗牛(個人現在不吃牛)不過疫情後，開始覺得佢個湯應味精越來越勁，唔只係咸，唔係太濃味嗰種，係好勁味精。。。食兩淡就好口渴就飲好多飲品可能我對味精敏感，食太多會頭暈同之後瞓唔到狂飲水，覺得好辛苦，唔知係正常味精反應定真係我敏感總之以前食冇呢個問題，最近幾次食都係咁，食完好辛苦還我好食唔勁味精嘅車仔面唔好咁重味精啦！

韮菜餃、酸齋、牛腩銀針粉（腩汁小辣） $48同一條街開到第4間分店星期六等位大概都係等咗半個鐘到牛腩入味夠腍、韮菜餃飽滿大隻但係腩汁湯底偏甜 酸齋偏薄 冇一開始啱啱攞米芝連時候咁好食🥲

我叫左豬皮，豬紅，豬大腸，油麵，仲有另外一碗：蘿蔔，牛腩，春捲，通菜讚：豬大腸：洗得超乾淨，夠味，有口感ok：蘿蔔：過得去，唔甜唔苦，勝左冇渣春捲：不過不失，係交嚟嘅，冇咩特別， 都ok，味道唔差嘅彈：豬皮：唔彈，一咬即散，好似大菜糕咁豬紅：滑，但咬落唔順，都會散牛腩：夠味，但硬通菜：老到阿媽都唔認得，變左實心😅湯底：略嫌濃左少少，同油多得滯油麵：太lum，我叫左湯另上，所以唔關外賣自取事同餐廳啱啱攞米芝蓮嘅時候所有嘅質素太大落差，所以今次食得有d失望😞